| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTביום החדשׁ הראשׁון באחד לחדשׁ תקים את משׁכן אהל מועד |
| SPביום החדשׁ הראישׁון באחד לחדשׁ תקים את המשׁכן אהל מועד | |
| 3 | MTושׂמת שׁם את ארון העדות וסכת על הארן את הפרכת |
| SPושׂמת שׁם את ארון העדות וסכת על הארון את הכפרת | |
| 4 | MTוהבאת את השׁלחן וערכת את ערכו והבאת את המנרה והעלית את נרתיה |
| SPוהבאת את השׁלחן וערכת את ערכו והבאת את המנורה והעלית את נרתיה | |
| 5 | MTונתתה את מזבח הזהב לקטרת לפני ארון העדת ושׂמת את מסך הפתח למשׁכן |
| SPונתתה את מזבח הזהב לקטרת לפני ארון העדות ושׂמת את מסך הפתח למשׁכן | |
| 6 | MTונתתה את מזבח העלה לפני פתח משׁכן אהל מועד |
| SPונתתה את מזבח העלה לפני פתח המשׁכן אהל מועד | |
| 7 | MTונתת את הכיר בין אהל מועד ובין המזבח ונתת שׁם מים |
| SPונתתה את הכיור בין אהל מועד ובין המזבח ונתתה שׁם מים | |
| 8 | MTושׂמת את החצר סביב ונתת את מסך שׁער החצר |
| SPושׂמת את החצר סביב ונתתה את מסך שׁער החצר | |
| 9 | MTולקחת את שׁמן המשׁחה ומשׁחת את המשׁכן ואת כל אשׁר בו וקדשׁת אתו ואת כל כליו והיה קדשׁ |
| SPולקחת את שׁמן המשׁחה ומשׁחת את המשׁכן ואת כל אשׁר בו וקדשׁת אתו ואת כל כליו והיה קדשׁ | |
| 10 | MTומשׁחת את מזבח העלה ואת כל כליו וקדשׁת את המזבח והיה המזבח קדשׁ קדשׁים |
| SPומשׁחת את מזבח העלה ואת כל כליו וקדשׁת את המזבח והיה המזבח קדשׁ קדשׁים | |
| 11 | MTומשׁחת את הכיר ואת כנו וקדשׁת אתו |
| SPומשׁחת את הכיור ואת כנו וקדשׁת אתו | |
| 12 | MTוהקרבת את אהרן ואת בניו אל פתח אהל מועד ורחצת אתם במים |
| SPוהקרבת את אהרן ואת בניו אל פתח אהל מועד ורחצת אתם במים | |
| 13 | MTוהלבשׁת את אהרן את בגדי הקדשׁ ומשׁחת אתו וקדשׁת אתו וכהן לי |
| SPוהלבשׁת את אהרן את בגדי הקדשׁ ומשׁחת אתו וקדשׁת אתו וכהן לי | |
| 14 | MTואת בניו תקריב והלבשׁת אתם כתנת |
| SPואת בניו תקריב והלבשׁתם כיתנות | |
| 15 | MTומשׁחת אתם כאשׁר משׁחת את אביהם וכהנו לי והיתה להית להם משׁחתם לכהנת עולם לדרתם |
| SPומשׁחת אתם כאשׁר משׁחת את אביהם וכהנו לי והיתה להיות להם משׁחתם לכהנת עולם לדרותם | |
| 16 | MTויעשׂ משׁה ככל אשׁר צוה יהוה אתו כן עשׂה |
| SPויעשׂ משׁה ככל אשׁר צוה יהוה אתו כן עשׂה | |
| 17 | MTויהי בחדשׁ הראשׁון בשׁנה השׁנית באחד לחדשׁ הוקם המשׁכן |
| SPויהי בחדשׁ הראישׁון בשׁנה השׁנית לצאתם ממצרים באחד לחדשׁ הוקם המשׁכן | |
| 18 | MTויקם משׁה את המשׁכן ויתן את אדניו וישׂם את קרשׁיו ויתן את בריחיו ויקם את עמודיו |
| SPויקם משׁה את המשׁכן ויתן את אדניו וישׂם את קרשׁיו ויתן את בריחיו ויקם את עמודיו | |
| 19 | MTויפרשׂ את האהל על המשׁכן וישׂם את מכסה האהל עליו מלמעלה כאשׁר צוה יהוה את משׁה |
| SPויפרשׁ את האהל על המשׁכן וישׂם את מכסה האהל עליו מלמעלה כאשׁר צוה יהוה את משׁה | |
| 20 | MTויקח ויתן את העדת אל הארן וישׂם את הבדים על הארן ויתן את הכפרת על הארן מלמעלה |
| SPויקח ויתן את העדות אל הארון וישׂם את הבדים על הארון ויתן את הכפרת על הארון מלמעלה | |
| 21 | MTויבא את הארן אל המשׁכן וישׂם את פרכת המסך ויסך על ארון העדות כאשׁר צוה יהוה את משׁה |
| SPויבא את הארון אל המשׁכן וישׂם את פרכת המסך ויסך על ארון העדות כאשׁר צוה יהוה את משׁה | |
| 22 | MTויתן את השׁלחן באהל מועד על ירך המשׁכן צפנה מחוץ לפרכת |
| SPוישׂם את השׁלחן באהל מועד על ירך המשׁכן צפונה מחוץ לפרכת | |
| 23 | MTויערך עליו ערך לחם לפני יהוה כאשׁר צוה יהוה את משׁה |
| SPויערך עליו ערך לחם לפני יהוה כאשׁר צוה יהוה את משׁה | |
| 24 | MTוישׂם את המנרה באהל מועד נכח השׁלחן על ירך המשׁכן נגבה |
| SPוישׂם את המנורה באהל מועד נכח השׁלחן על ירך המשׁכן נגבה | |
| 25 | MTויעל הנרת לפני יהוה כאשׁר צוה יהוה את משׁה |
| SPויעל את הנרות לפני יהוה כאשׁר צוה יהוה את משׁה | |
| 26 | MTוישׂם את מזבח הזהב באהל מועד לפני הפרכת |
| SPוישׂם את מזבח הזהב באהל מועד לפני הפרכת | |
| 27 | MTויקטר עליו קטרת סמים כאשׁר צוה יהוה את משׁה |
| SPויקטר עליו קטרת סמים לפני יהוה כאשׁר צוה יהוה את משׁה | |
| 28 | MTוישׂם את מסך הפתח למשׁכן |
| SPוישׂם את מסך הפתח למשׁכן | |
| 29 | MTואת מזבח העלה שׂם פתח משׁכן אהל מועד ויעל עליו את העלה ואת המנחה כאשׁר צוה יהוה את משׁה |
| SPואת מזבח העלה שׂם לפני פתח המשׁכן אהל מועד ויעל עליו את העלה ואת המנחה כאשׁר צוה יהוה את משׁה | |
| 30 | MTוישׂם את הכיר בין אהל מועד ובין המזבח ויתן שׁמה מים לרחצה |
| SPוישׂם את הכיור בין אהל מועד ובין המזבח ויתן שׁם מים לרחצה | |
| 31 | MTורחצו ממנו משׁה ואהרן ובניו את ידיהם ואת רגליהם |
| SPוירחץ ממנו משׁה אהרן ובניו את ידיהם ואת רגליהם | |
| 32 | MTבבאם אל אהל מועד ובקרבתם אל המזבח ירחצו כאשׁר צוה יהוה את משׁה |
| SPבבאם אל אהל מועד ובקרבתם אל המזבח ירחצו כאשׁר צוה יהוה את משׁה | |
| 33 | MTויקם את החצר סביב למשׁכן ולמזבח ויתן את מסך שׁער החצר ויכל משׁה את המלאכה |
| SPויקם את החצר סביב למשׁכן ולמזבח ויתן את מסך שׁער החצר ויכל משׁה את כל המלאכה | |
| 34 | MTויכס הענן את אהל מועד וכבוד יהוה מלא את המשׁכן |
| SPויכס הענן את אהל מועד וכבוד יהוה מלא את המשׁכן | |
| 35 | MTולא יכל משׁה לבוא אל אהל מועד כי שׁכן עליו הענן וכבוד יהוה מלא את המשׁכן |
| SPולא יכל משׁה לבוא אל אהל מועד כי שׁכן עליו הענן וכבוד יהוה מלא את המשׁכן | |
| 36 | MTובהעלות הענן מעל המשׁכן יסעו בני ישׂראל בכל מסעיהם |
| SPובהעלות הענן מעל המשׁכן יסעו בני ישׂראל בכל מסעיהם | |
| 37 | MTואם לא יעלה הענן ולא יסעו עד יום העלתו |
| SPואם לא יעלה הענן לא יסעו עד יום העלותו | |
| 38 | MTכי ענן יהוה על המשׁכן יומם ואשׁ תהיה לילה בו לעיני כל בית ישׂראל בכל מסעיהם |
| SPכי ענן יהוה על המשׁכן יומם ואשׁ תהיה בו לילה לעיני כל בית ישׂראל בכל מסעיהם |