| 1 | MTומן התכלת והארגמן ותולעת השׁני עשׂו בגדי שׂרד לשׁרת בקדשׁ ויעשׂו את בגדי הקדשׁ אשׁר לאהרן כאשׁר צוה יהוה את משׁה |
| SPומן התכלת והארגמן ותולעת השׁני עשׂו בגדי שׂרד לשׁרת בקדשׁ ויעשׂו את בגדי הקדשׁ אשׁר לאהרן כאשׁר צוה יהוה את משׁה | |
| 2 | MTויעשׂ את האפד זהב תכלת וארגמן ותולעת שׁני ושׁשׁ משׁזר |
| SPויעשׂו את האפוד זהב תכלת וארגמן ותולעת שׁני ושׁשׁ משׁזר | |
| 3 | MTוירקעו את פחי הזהב וקצץ פתילם לעשׂות בתוך התכלת ובתוך הארגמן ובתוך תולעת השׁני ובתוך השׁשׁ מעשׂה חשׁב |
| SPוירקעו את פחי הזהב וקצצו פתילים לעשׂות בתוך התכלת ובתוך הארגמן ובתוך התולעת השׁני ובתוך השׁשׁ מעשׂה חשׁב | |
| 4 | MTכתפת עשׂו לו חברת על שׁני קצוותו חבר |
| SPכתפות עשׂה לו חברות על שׁני קצתיו חבר | |
| 5 | MTוחשׁב אפדתו אשׁר עליו ממנו הוא כמעשׂהו זהב תכלת וארגמן ותולעת שׁני ושׁשׁ משׁזר כאשׁר צוה יהוה את משׁה |
| SPוחשׁב אפדתו אשׁר עליו ממנו הוא כמעשׂהו זהב תכלת וארגמן ותולעת שׁני ושׁשׁ משׁזר כאשׁר צוה יהוה את משׁה | |
| 6 | MTויעשׂו את אבני השׁהם מסבת משׁבצת זהב מפתחת פתוחי חותם על שׁמות בני ישׂראל |
| SPויעשׂו את אבני השׁהם מוסבות משׁבצות זהב מפתחות פתוחי חותם על שׁמות בני ישׂראל | |
| 7 | MTוישׂם אתם על כתפת האפד אבני זכרון לבני ישׂראל כאשׁר צוה יהוה את משׁה |
| SPוישׁמו אתם על כתפות האפוד אבני זכרון לבני ישׂראל כאשׁר צוה יהוה את משׁה | |
| 8 | MTויעשׂ את החשׁן מעשׂה חשׁב כמעשׂה אפד זהב תכלת וארגמן ותולעת שׁני ושׁשׁ משׁזר |
| SPויעשׂו את החשׁן מעשׂה חשׁב כמעשׂה האפוד זהב תכלת וארגמן ותולעת שׁני ושׁשׁ משׁזר | |
| 9 | MTרבוע היה כפול עשׂו את החשׁן זרת ארכו וזרת רחבו כפול |
| SPרבוע היה כפול עשׂה את החשׁן זרת ארכו וזרת רחבו | |
| 10 | MTוימלאו בו ארבעה טורי אבן טור אדם פטדה וברקת הטור האחד |
| SPוימלאו בו ארבעה טורי אבן טור אדם פטדה וברקת הטור האחד | |
| 11 | MTוהטור השׁני נפך ספיר ויהלם |
| SPוהטור השׁני נפך ספיר ויהלם | |
| 12 | MTוהטור השׁלישׁי לשׁם שׁבו ואחלמה |
| SPוהטור השׁלישׁי לשׁם שׁבו ואחלמה | |
| 13 | MTוהטור הרביעי תרשׁישׁ שׁהם וישׁפה מוסבת משׁבצות זהב במלאתם |
| SPוהטור הרביעי תרשׁישׁ שׁהם וישׁפה מוסבות משׁבצות זהב במלאותם | |
| 14 | MTוהאבנים על שׁמת בני ישׂראל הנה שׁתים עשׂרה על שׁמתם פתוחי חתם אישׁ על שׁמו לשׁנים עשׂר שׁבט |
| SPוהאבנים על שׁמות בני ישׂראל הנה שׁתים עשׂרה על שׁמותם פתוחי חותם אישׁ על שׁמו לשׁנים עשׂר שׁבט | |
| 15 | MTויעשׂו על החשׁן שׁרשׁרת גבלת מעשׂה עבת זהב טהור |
| SPויעשׂו על החשׁן שׁרשׁרות גבלות מעשׂה עבות זהב טהור | |
| 16 | MTויעשׂו שׁתי משׁבצת זהב ושׁתי טבעת זהב ויתנו את שׁתי הטבעת על שׁני קצות החשׁן |
| SPויעשׂו שׁתי משׁבצות זהב ושׁתי טבעות זהב ויתנו את שׁתי הטבעות על שׁני קצות החשׁן | |
| 17 | MTויתנו שׁתי העבתת הזהב על שׁתי הטבעת על קצות החשׁן |
| SPויתנו את שׁתי העבתות הזהב על שׁתי הטבעות על קצות החשׁן | |
| 18 | MTואת שׁתי קצות שׁתי העבתת נתנו על שׁתי המשׁבצת ויתנם על כתפת האפד אל מול פניו |
| SPואת שׁתי הקצות שׁתי העבתות נתנו על שׁתי המשׁבצות ויתנום על כתפות האפוד אל מול פניו | |
| 19 | MTויעשׂו שׁתי טבעת זהב וישׂימו על שׁני קצות החשׁן על שׂפתו אשׁר אל עבר האפד ביתה |
| SPויעשׂו שׁתי טבעות זהב וישׁמו על שׁני קצות החשׁן על שׂפתו אשׁר על חבר האפוד ביתה | |
| 20 | MTויעשׂו שׁתי טבעת זהב ויתנם על שׁתי כתפת האפד מלמטה ממול פניו לעמת מחברתו ממעל לחשׁב האפד |
| SPויעשׂו שׁתי טבעות זהב ויתנום על שׁתי כתפות האפוד מלמטה ממול פניו לעמת מחברתו ממעל לחשׁב האפוד | |
| 21 | MTוירכסו את החשׁן מטבעתיו אל טבעת האפד בפתיל תכלת להית על חשׁב האפד ולא יזח החשׁן מעל האפד כאשׁר צוה יהוה את משׁה |
| SPוירכסו את החשׁן מטבעתו אל טבעת האפוד בפתיל תכלת להיות על חשׁב האפוד ולא יזה החשׁן מעל האפוד כאשׁר צוה יהוה את משׁה ויעשׂו את הארים ואת התמים כאשׁר צוה יהוה את משׁה | |
| 22 | MTויעשׂ את מעיל האפד מעשׂה ארג כליל תכלת |
| SPויעשׂו את המעיל מעשׂה ארג כליל תכלת | |
| 23 | MTופי המעיל בתוכו כפי תחרא שׂפה לפיו סביב לא יקרע |
| SPופי המעיל בתוכו כפי תחרה שׂפה לפיו סביב לא יקרע | |
| 24 | MTויעשׂו על שׁולי המעיל רמוני תכלת וארגמן ותולעת שׁני משׁזר |
| SPויעשׂו על שׁולי המעיל רמוני תכלת וארגמן ותולעת שׁני ושׁשׁ משׁזר | |
| 25 | MTויעשׂו פעמני זהב טהור ויתנו את הפעמנים בתוך הרמנים על שׁולי המעיל סביב בתוך הרמנים |
| SPויעשׂו פעמוני זהב טהור ויתנו את הפעמונים על שׁולי המעיל סביב בתוך הרמונים | |
| 26 | MTפעמן ורמן פעמן ורמן על שׁולי המעיל סביב לשׁרת כאשׁר צוה יהוה את משׁה |
| SPפעמון זהב ורמון פעמון זהב ורמון על שׁולי המעיל סביב לשׁרת כאשׁר צוה יהוה את משׁה | |
| 27 | MTויעשׂו את הכתנת שׁשׁ מעשׂה ארג לאהרן ולבניו |
| SPויעשׂו את הכיתנת שׁשׁ מעשׂה ארג לאהרן ולבניו | |
| 28 | MTואת המצנפת שׁשׁ ואת פארי המגבעת שׁשׁ ואת מכנסי הבד שׁשׁ משׁזר |
| SPואת המצנפת שׁשׁ ואת פארי המגבעות שׁשׁ ואת מכנסי הבד שׁשׁ משׁזר | |
| 29 | MTואת האבנט שׁשׁ משׁזר ותכלת וארגמן ותולעת שׁני מעשׂה רקם כאשׁר צוה יהוה את משׁה |
| SPואת האבניט שׁשׁ משׁזר תכלת וארגמן ותולעת שׁני מעשׂה רקם כאשׁר צוה יהוה את משׁה | |
| 30 | MTויעשׂו את ציץ נזר הקדשׁ זהב טהור ויכתבו עליו מכתב פתוחי חותם קדשׁ ליהוה |
| SPויעשׂו את ציץ נזר הקדשׁ זהב טהור ויכתבו עליו מכתב פתוחי חותם קדשׁ ליהוה | |
| 31 | MTויתנו עליו פתיל תכלת לתת על המצנפת מלמעלה כאשׁר צוה יהוה את משׁה |
| SPויתנו עליו פתיל תכלת לתת על המצנפת מלמעלה כאשׁר צוה יהוה את משׁה | |
| 32 | MTותכל כל עבדת משׁכן אהל מועד ויעשׂו בני ישׂראל ככל אשׁר צוה יהוה את משׁה כן עשׂו |
| SPותכל כל עבדת המשׁכן אהל מועד ויעשׂו בני ישׂראל כאשׁר צוה יהוה את משׁה כן עשׂו | |
| 33 | MTויביאו את המשׁכן אל משׁה את האהל ואת כל כליו קרסיו קרשׁיו בריחו ועמדיו ואדניו |
| SPויביאו את המשׁכן אל משׁה את האהל ואת כל כליו קרסיו קרשׁיו בריחיו עמודיו ואדניהם | |
| 34 | MTואת מכסה עורת האילם המאדמים ואת מכסה ערת התחשׁים ואת פרכת המסך |
| SPואת מכסה עורת האילים המאדמים ואת מכסה עורת התחשׁים ואת פרכת המסך | |
| 35 | MTאת ארן העדת ואת בדיו ואת הכפרת |
| SPאת ארון העדות ואת בדיו ואת הכפרת | |
| 36 | MTאת השׁלחן את כל כליו ואת לחם הפנים |
| SPאת השׁלחן ואת כל כליו ואת לחם הפנים | |
| 37 | MTאת המנרה הטהרה את נרתיה נרת המערכה ואת כל כליה ואת שׁמן המאור |
| SPאת המנורה הטהרה ואת נרתיה נרות המערכה ואת כל כליה ואת שׁמן המאור | |
| 38 | MTואת מזבח הזהב ואת שׁמן המשׁחה ואת קטרת הסמים ואת מסך פתח האהל |
| SPאת מזבח הזהב ואת שׁמן המשׁחה ואת קטרת הסמים ואת מסך פתח האהל | |
| 39 | MTאת מזבח הנחשׁת ואת מכבר הנחשׁת אשׁר לו את בדיו ואת כל כליו את הכיר ואת כנו |
| SPואת מזבח הנחשׁת ואת מכבר הנחשׁת אשׁר לו ואת בדיו ואת כל כליו את הכיור ואת כנו | |
| 40 | MTאת קלעי החצר את עמדיה ואת אדניה ואת המסך לשׁער החצר את מיתריו ויתדתיה ואת כל כלי עבדת המשׁכן לאהל מועד |
| SPאת קלעי החצר ואת עמודיה ואת אדניה ואת המסך לשׁער החצר את מיתריה ואת יתדתיה ואת כל כלי עבדת המשׁכן לאהל מועד | |
| 41 | MTאת בגדי השׂרד לשׁרת בקדשׁ את בגדי הקדשׁ לאהרן הכהן ואת בגדי בניו לכהן |
| SPאת בגדי השׂרד לשׁרת בקדשׁ ואת בגדי הקדשׁ לאהרן הכהן ואת בגדי בניו לכהן | |
| 42 | MTככל אשׁר צוה יהוה את משׁה כן עשׂו בני ישׂראל את כל העבדה |
| SPככל אשׁר צוה יהוה את משׁה כן עשׂו בני ישׂראל את כל העבדה | |
| 43 | MTוירא משׁה את כל המלאכה והנה עשׂו אתה כאשׁר צוה יהוה כן עשׂו ויברך אתם משׁה |
| SPוירא משׁה את כל המלאכה והנה עשׂו אתה כאשׁר צוה יהוה כן עשׂו ויברך אתם משׁה |