| 1 | MTויקרא אל משׁה וידבר יהוה אליו מאהל מועד לאמר |
| SPויקרא אל משׁה וידבר יהוה אליו מאהל מועד לאמר | |
| 2 | MTדבר אל בני ישׂראל ואמרת אלהם אדם כי יקריב מכם קרבן ליהוה מן הבהמה מן הבקר ומן הצאן תקריבו את קרבנכם |
| SPדבר אל בני ישׂראל ואמרת אליהם אדם כי יקריב מכם קרבן ליהוה מן הבהמה מן הבקר או מן הצאן תקריבו את קרבניכם | |
| 3 | MTאם עלה קרבנו מן הבקר זכר תמים יקריבנו אל פתח אהל מועד יקריב אתו לרצנו לפני יהוה |
| SPאם עלה קרבנו מן הבקר זכר תמים יקריבנו אל פתח אהל מועד יקריב אתו לרצונו לפני יהוה | |
| 4 | MTוסמך ידו על ראשׁ העלה ונרצה לו לכפר עליו |
| SPוסמך את ידו על ראשׁ העלה ונרצה לו לכפר עליו | |
| 5 | MTושׁחט את בן הבקר לפני יהוה והקריבו בני אהרן הכהנים את הדם וזרקו את הדם על המזבח סביב אשׁר פתח אהל מועד |
| SPושׁחט את בן הבקר לפני יהוה והקריבו בני אהרן הכהנים את הדם וזרקו את הדם על המזבח סביב אשׁר פתח אהל מועד | |
| 6 | MTוהפשׁיט את העלה ונתח אתה לנתחיה |
| SPוהפשׁיטו את העלה ונתחו אתה לנתחיה | |
| 7 | MTונתנו בני אהרן הכהן אשׁ על המזבח וערכו עצים על האשׁ |
| SPונתנו בני אהרן הכהנים אשׁ על המזבח וערכו עצים על האשׁ | |
| 8 | MTוערכו בני אהרן הכהנים את הנתחים את הראשׁ ואת הפדר על העצים אשׁר על האשׁ אשׁר על המזבח |
| SPוערכו בני אהרן הכהנים את הנתחים ואת הראשׁ ואת הפדר על העצים אשׁר על האשׁ אשׁר על המזבח | |
| 9 | MTוקרבו וכרעיו ירחץ במים והקטיר הכהן את הכל המזבחה עלה אשׁה ריח ניחוח ליהוה |
| SPוקרבו וכרעיו ירחצו במים והקטיר הכהן הכל המזבחה עלה הוא אשׁה ריח ניחח ליהוה | |
| 10 | MTואם מן הצאן קרבנו מן הכשׂבים או מן העזים לעלה זכר תמים יקריבנו |
| SPואם מן הצאן עלה קרבנו ליהוה מן הכשׂבים או מן העזים זכר תמים יקריבנו אל פתח אהל מועד יקריב אתו | |
| 11 | MTושׁחט אתו על ירך המזבח צפנה לפני יהוה וזרקו בני אהרן הכהנים את דמו על המזבח סביב |
| SPושׁחט אתו על ירך המזבח צפונה לפני יהוה וזרקו בני אהרן הכהנים את דמו על המזבח סביב | |
| 12 | MTונתח אתו לנתחיו ואת ראשׁו ואת פדרו וערך הכהן אתם על העצים אשׁר על האשׁ אשׁר על המזבח |
| SPונתחו אתו לנתחיו ואת ראשׁו ואת פדרו יעריך הכהן אתם על העצים אשׁר על האשׁ אשׁר על המזבח | |
| 13 | MTוהקרב והכרעים ירחץ במים והקריב הכהן את הכל והקטיר המזבחה עלה הוא אשׁה ריח ניחח ליהוה |
| SPוהקרב והכרעים ירחץ במים והקריב הכהן את הכל והקטיר המזבחה עלה הוא אשׁה ריח ניחח ליהוה | |
| 14 | MTואם מן העוף עלה קרבנו ליהוה והקריב מן התרים או מן בני היונה את קרבנו |
| SPואם מן העוף עלה קרבנו ליהוה והקריב מן התרים או מבני היונה את קרבנו | |
| 15 | MTוהקריבו הכהן אל המזבח ומלק את ראשׁו והקטיר המזבחה ונמצה דמו על קיר המזבח |
| SPוהקריבו הכהן אל המזבח ומלק את ראשׁו והקטיר המזבחה ונמצא דמו אל קיר המזבח | |
| 16 | MTוהסיר את מראתו בנצתה והשׁליך אתה אצל המזבח קדמה אל מקום הדשׁן |
| SPוהסיר את מרתו בנצתו והשׁליך אתו אצל המזבח קדמה אל מקום הדשׁן | |
| 17 | MTושׁסע אתו בכנפיו לא יבדיל והקטיר אתו הכהן המזבחה על העצים אשׁר על האשׁ עלה הוא אשׁה ריח ניחח ליהוה |
| SPושׁסע אתו בכנפיו ולא יבדל והקטיר אתו הכהן המזבחה על העצים אשׁר על האשׁ עלה הוא אשׁה ריח ניחח ליהוה |