| 1 | MTויעשׂ את מזבח העלה עצי שׁטים חמשׁ אמות ארכו וחמשׁ אמות רחבו רבוע ושׁלשׁ אמות קמתו |
| SPויעשׂ את מזבח העלה עצי שׁטים חמשׁ אמות ארך וחמשׁ אמות רחב ושׁלשׁ אמות קומתו | |
| 2 | MTויעשׂ קרנתיו על ארבע פנתיו ממנו היו קרנתיו ויצף אתו נחשׁת |
| SPויעשׂ קרנתיו על ארבע פנתיו ממנו היו קרנתיו ויצף אתו נחשׁת | |
| 3 | MTויעשׂ את כל כלי המזבח את הסירת ואת היעים ואת המזרקת את המזלגת ואת המחתת כל כליו עשׂה נחשׁת |
| SPויעשׂ את כל כלי המזבח את הסירות ואת היעים ואת המזרקות ואת המזלגות ואת המחתות כל כליו עשׂה נחשׁת | |
| 4 | MTויעשׂ למזבח מכבר מעשׂה רשׁת נחשׁת תחת כרכבו מלמטה עד חציו |
| SPויעשׂ למזבח מכבר מעשׂה רשׁת נחשׁת תחת כרכבו מלמטה עד חציו | |
| 5 | MTויצק ארבע טבעת בארבע הקצות למכבר הנחשׁת בתים לבדים |
| SPויצק ארבע טבעות בארבע הקצות למכבר הנחשׁת בתים לבדים | |
| 6 | MTויעשׂ את הבדים עצי שׁטים ויצף אתם נחשׁת |
| SPויעשׂ את הבדים עצי שׁטים ויצף אתם נחשׁת | |
| 7 | MTויבא את הבדים בטבעת על צלעת המזבח לשׂאת אתו בהם נבוב לחת עשׂה אתו |
| SPויבא את הבדים בטבעות על צלעות המזבח לשׂאת אתו בהם נבוב לוחת עשׂה אתו | |
| 8 | MTויעשׂ את הכיור נחשׁת ואת כנו נחשׁת במראת הצבאת אשׁר צבאו פתח אהל מועד |
| SPויעשׂ את הכיור נחשׁת ואת כנו נחשׁת במראות הצבאות אשׁר צבאו פתח אהל מועד | |
| 9 | MTויעשׂ את החצר לפאת נגב תימנה קלעי החצר שׁשׁ משׁזר מאה באמה |
| SPויעשׂ את החצר לפאת נגבה תימנה קלעי החצר שׁשׁ משׁזר מאה באמה | |
| 10 | MTעמודיהם עשׂרים ואדניהם עשׂרים נחשׁת ווי העמדים וחשׁקיהם כסף |
| SPועמודיו עשׂרים ואדניהם עשׂרים ווי העמודים וחשׁקיהם כסף | |
| 11 | MTולפאת צפון מאה באמה עמודיהם עשׂרים ואדניהם עשׂרים נחשׁת ווי העמודים וחשׁקיהם כסף |
| SPולפאת צפונה מאה באמה עמודיהם עשׂרים ואדניהם עשׂרים נחשׁת ווי העמודים וחשׁקיהם כסף | |
| 12 | MTולפאת ים קלעים חמשׁים באמה עמודיהם עשׂרה ואדניהם עשׂרה ווי העמדים וחשׁוקיהם כסף |
| SPולפאת ימה קלעים חמשׁים אמה עמודיהם עשׂרה ואדניהם עשׂרה ווי העמודים וחשׁקיהם כסף | |
| 13 | MTולפאת קדמה מזרחה חמשׁים אמה |
| SPולפאת קדמה מזרחה חמשׁים אמה | |
| 14 | MTקלעים חמשׁ עשׂרה אמה אל הכתף עמודיהם שׁלשׁה ואדניהם שׁלשׁה |
| SPקלעים חמשׁ עשׂרה אמה אל הכתף עמודיהם שׁלשׁה ואדניהם שׁלשׁה | |
| 15 | MTולכתף השׁנית מזה ומזה לשׁער החצר קלעים חמשׁ עשׂרה אמה עמדיהם שׁלשׁה ואדניהם שׁלשׁה |
| SPולכתף השׁנית מזה ומזה לשׁער החצר קלעים חמשׁ עשׂרה אמה עמודיהם שׁלשׁה ואדניהם שׁלשׁה | |
| 16 | MTכל קלעי החצר סביב שׁשׁ משׁזר |
| SPכל קלעי החצר סביב שׁשׁ משׁזר | |
| 17 | MTוהאדנים לעמדים נחשׁת ווי העמודים וחשׁוקיהם כסף וצפוי ראשׁיהם כסף והם מחשׁקים כסף כל עמדי החצר |
| SPוהאדנים לעמודים נחשׁת וויהם כסף וצפוי ראשׁיהם כסף והם מחשׁקים כסף לכל עמודי החצר | |
| 18 | MTומסך שׁער החצר מעשׂה רקם תכלת וארגמן ותולעת שׁני ושׁשׁ משׁזר ועשׂרים אמה ארך וקומה ברחב חמשׁ אמות לעמת קלעי החצר |
| SPומסך שׁער החצר מעשׂה רקם תכלת וארגמן ותולעת שׁני ושׁשׁ משׁזר ועשׂרים אמה ארך וקומה ברחב חמשׁ אמות לעמת קלעי החצר | |
| 19 | MTועמדיהם ארבעה ואדניהם ארבעה נחשׁת וויהם כסף וצפוי ראשׁיהם וחשׁקיהם כסף |
| SPעמודיהם ארבעה ואדניהם ארבעה נחשׁת וויהם כסף וצפוי ראשׁיהם וחשׁקיהם כסף | |
| 20 | MTוכל היתדת למשׁכן ולחצר סביב נחשׁת |
| SPוכל יתדות למשׁכן ולחצר סביב נחשׁת | |
| 21 | MTאלה פקודי המשׁכן משׁכן העדת אשׁר פקד על פי משׁה עבדת הלוים ביד איתמר בן אהרן הכהן |
| SPאלה פקדי המשׁכן משׁכן העדות אשׁר פקד על פי משׁה עבדת הלוים ביד איתמר בן אהרן הכהן | |
| 22 | MTובצלאל בן אורי בן חור למטה יהודה עשׂה את כל אשׁר צוה יהוה את משׁה |
| SPובצלאל בן אורי בן חור למטה יהודה עשׂה את כל אשׁר צוה יהוה את משׁה | |
| 23 | MTואתו אהליאב בן אחיסמך למטה דן חרשׁ וחשׁב ורקם בתכלת ובארגמן ובתולעת השׁני ובשׁשׁ |
| SPואתו אהליאב בן אחיסמך למטה דן חרשׁ וחשׁב ורקם בתכלת ובארגמן ובתולעת השׁני ובשׁשׁ | |
| 24 | MTכל הזהב העשׂוי למלאכה בכל מלאכת הקדשׁ ויהי זהב התנופה תשׁע ועשׂרים ככר ושׁבע מאות ושׁלשׁים שׁקל בשׁקל הקדשׁ |
| SPכל זהב העשׂוי למלאכה בכל מלאכת הקדשׁ ויהי זהב התנופה תשׁע ועשׂרים ככר ושׁבע מאות ושׁלשׁים שׁקל בשׁקל הקדשׁ | |
| 25 | MTוכסף פקודי העדה מאת ככר ואלף ושׁבע מאות וחמשׁה ושׁבעים שׁקל בשׁקל הקדשׁ |
| SPוכסף פקדי העדה מאת ככר ואלף ושׁבע מאות חמשׁה ושׁבעים שׁקל | |
| 26 | MTבקע לגלגלת מחצית השׁקל בשׁקל הקדשׁ לכל העבר על הפקדים מבן עשׂרים שׁנה ומעלה לשׁשׁ מאות אלף ושׁלשׁת אלפים וחמשׁ מאות וחמשׁים |
| SPבקע לגלגלת מחצית השׁקל בשׁקל הקדשׁ לכל העבר על הפקדים מבן עשׂרים שׁנה ומעלה לשׁשׁ מאות אלף ושׁלשׁת אלפים וחמשׁ מאות וחמשׁים | |
| 27 | MTויהי מאת ככר הכסף לצקת את אדני הקדשׁ ואת אדני הפרכת מאת אדנים למאת הככר ככר לאדן |
| SPויהי מאת ככר הכסף לקצת את אדני הקדשׁ ואת אדני הפרכת מאת האדנים למאת הככר ככר לאדן | |
| 28 | MTואת האלף ושׁבע המאות וחמשׁה ושׁבעים עשׂה ווים לעמודים וצפה ראשׁיהם וחשׁק אתם |
| SPואת האלף ושׁבע המאות חמשׁה ושׁבעים עשׂה ווים לעמודים וצפה ראשׁיהם וחשׁק אתם | |
| 29 | MTונחשׁת התנופה שׁבעים ככר ואלפים וארבע מאות שׁקל |
| SPונחשׁת התנופה שׁבעים ככר ואלפים וארבע מאות שׁקל | |
| 30 | MTויעשׂ בה את אדני פתח אהל מועד ואת מזבח הנחשׁת ואת מכבר הנחשׁת אשׁר לו ואת כל כלי המזבח |
| SPויעשׂ בה את אדני פתח אהל מועד ואת מזבח הנחשׁת ואת מכבר הנחשׁת אשׁר למזבח ואת כל כלי המזבח | |
| 31 | MTואת אדני החצר סביב ואת אדני שׁער החצר ואת כל יתדת המשׁכן ואת כל יתדת החצר סביב |
| SPואת אדני החצר סביב ואת אדני שׁער החצר ואת כל יתדות המשׁכן ואת כל יתדות החצר סביב |