| 1 | MTויקהל משׁה את כל עדת בני ישׂראל ויאמר אלהם אלה הדברים אשׁר צוה יהוה לעשׂת אתם |
| SPויקהל משׁה את כל עדת בני ישׂראל ויאמר אליהם אלה הדברים אשׁר צוה יהוה לעשׂות אתם | |
| 2 | MTשׁשׁת ימים תעשׂה מלאכה וביום השׁביעי יהיה לכם קדשׁ שׁבת שׁבתון ליהוה כל העשׂה בו מלאכה יומת |
| SPשׁשׁת ימים יעשׂה מלאכה וביום השׁביעי יהיה לכם קדשׁ שׁבת שׁבתון ליהוה כל העשׂה בו מלאכה יומת | |
| 3 | MTלא תבערו אשׁ בכל משׁבתיכם ביום השׁבת |
| SPלא תבעירו אשׁ בכל מושׁבתיכם ביום השׁבת | |
| 4 | MTויאמר משׁה אל כל עדת בני ישׂראל לאמר זה הדבר אשׁר צוה יהוה לאמר |
| SPויאמר משׁה אל כל עדת בני ישׂראל לאמר זה הדבר אשׁר צוה יהוה לאמר | |
| 5 | MTקחו מאתכם תרומה ליהוה כל נדיב לבו יביאה את תרומת יהוה זהב וכסף ונחשׁת |
| SPקחו מאתכם תרומה ליהוה כל נדיב לבו יביא את תרומת יהוה זהב כסף ונחשׁת | |
| 6 | MTותכלת וארגמן ותולעת שׁני ושׁשׁ ועזים |
| SPתכלת וארגמן ותולעת שׁני ושׁשׁ ועזים | |
| 7 | MTוערת אילם מאדמים וערת תחשׁים ועצי שׂטים |
| SPועורת אילים מאדמים ועורת תחשׁים ועצי שׁטים | |
| 8 | MTושׁמן למאור ובשׂמים לשׁמן המשׁחה ולקטרת הסמים |
| SPושׁמן למאור ובשׁמים לשׁמן המשׁחה ולקטרת הסמים | |
| 9 | MTואבני שׁהם ואבני מלאים לאפוד ולחשׁן |
| SPואבני שׁהם ואבני מלאים לאפוד ולחשׁן | |
| 10 | MTוכל חכם לב בכם יבאו ויעשׂו את כל אשׁר צוה יהוה |
| SPוכל חכם לב בכם יבוא ועשׂה את כל אשׁר צוה יהוה | |
| 11 | MTאת המשׁכן את אהלו ואת מכסהו את קרסיו ואת קרשׁיו את בריחו את עמדיו ואת אדניו |
| SPאת המשׁכן ואת אהלו ואת מכסהו ואת קרסיו ואת קרשׁיו ואת בריחיו ואת עמודיו ואת אדניו | |
| 12 | MTאת הארן ואת בדיו את הכפרת ואת פרכת המסך |
| SPאת הארון ואת בדיו ואת הכפרת ואת פרכת המסך | |
| 13 | MTאת השׁלחן ואת בדיו ואת כל כליו ואת לחם הפנים |
| SPאת השׁלחן ואת בדיו ואת כל כליו ואת לחם הפנים | |
| 14 | MTואת מנרת המאור ואת כליה ואת נרתיה ואת שׁמן המאור |
| SPאת מנורת המאור ואת כל כליה ואת שׁמן המאור | |
| 15 | MTואת מזבח הקטרת ואת בדיו ואת שׁמן המשׁחה ואת קטרת הסמים ואת מסך הפתח לפתח המשׁכן |
| SPאת מזבח הקטרת ואת בדיו ואת שׁמן המשׁחה ואת קטרת הסמים ואת מסך הפתח לפתח המשׁכן | |
| 16 | MTאת מזבח העלה ואת מכבר הנחשׁת אשׁר לו את בדיו ואת כל כליו את הכיר ואת כנו |
| SPואת מזבח העלה ואת מכבר הנחשׁת אשׁר לו ואת בדיו ואת כל כליו את הכיור ואת כנו | |
| 17 | MTאת קלעי החצר את עמדיו ואת אדניה ואת מסך שׁער החצר |
| SPאת קלעי החצר ואת עמודיה ואת אדניה ואת מסך שׁער החצר | |
| 18 | MTאת יתדת המשׁכן ואת יתדת החצר ואת מיתריהם |
| SPאת יתדות המשׁכן ואת יתדות החצר ואת מיתריהם | |
| 19 | MTאת בגדי השׂרד לשׁרת בקדשׁ את בגדי הקדשׁ לאהרן הכהן ואת בגדי בניו לכהן |
| SPאת בגדי השׂרד לשׁרת בקדשׁ ואת בגדי הקדשׁ לאהרן הכהן ואת בגדי בניו לכהן | |
| 20 | MTויצאו כל עדת בני ישׂראל מלפני משׁה |
| SPויצאו כל עדת בני ישׂראל מלפני משׁה | |
| 21 | MTויבאו כל אישׁ אשׁר נשׂאו לבו וכל אשׁר נדבה רוחו אתו הביאו את תרומת יהוה למלאכת אהל מועד ולכל עבדתו ולבגדי הקדשׁ |
| SPויביאו כל אישׁ אשׁר נשׂאו לבו וכל אישׁ אשׁר נדבה רוחו אתו הביאו את תרומת יהוה למלאכת אהל מועד ולכל עבדתו ולבגדי הקדשׁ | |
| 22 | MTויבאו האנשׁים על הנשׁים כל נדיב לב הביאו חח ונזם וטבעת וכומז כל כלי זהב וכל אישׁ אשׁר הניף תנופת זהב ליהוה |
| SPויביאו האנשׁים על הנשׁים כל נדיב לב הביא חח ונזם טבעת עגיל וכומז כל כלי זהב וכל אשׁר הניף תנופת זהב ליהוה | |
| 23 | MTוכל אישׁ אשׁר נמצא אתו תכלת וארגמן ותולעת שׁני ושׁשׁ ועזים וערת אילם מאדמים וערת תחשׁים הביאו |
| SPוכל אישׁ אשׁר נמצא אתו תכלת וארגמן ותולעת שׁני ושׁשׁ ועזים ועורת אילים מאדמים ועורת תחשׁים הביאו | |
| 24 | MTכל מרים תרומת כסף ונחשׁת הביאו את תרומת יהוה וכל אשׁר נמצא אתו עצי שׁטים לכל מלאכת העבדה הביאו |
| SPוכל מרים תרומת כסף ונחשׁת הביאו את תרומת יהוה וכל אשׁר נמצא אתו עצי שׁטים למלאכת העבדה הביאו | |
| 25 | MTוכל אשׁה חכמת לב בידיה טוו ויביאו מטוה את התכלת ואת הארגמן את תולעת השׁני ואת השׁשׁ |
| SPוכל אשׁה חכמת לב בידה טוה ויביאו מטוה את התכלת ואת הארגמן ואת התולעת השׁני ואת השׁשׁ | |
| 26 | MTוכל הנשׁים אשׁר נשׂא לבן אתנה בחכמה טוו את העזים |
| SPוכל הנשׁים אשׁר נשׂא לבהן אתהן בחכמה טוו את העזים | |
| 27 | MTוהנשׂאם הביאו את אבני השׁהם ואת אבני המלאים לאפוד ולחשׁן |
| SPוהנשׂיאים הביאו את אבני השׁהם ואת אבני המלאים לאפוד ולחשׁן | |
| 28 | MTואת הבשׂם ואת השׁמן למאור ולשׁמן המשׁחה ולקטרת הסמים |
| SPואת הבשׂמים ואת שׁמן המאור לשׁמן המשׁחה ולקטרת הסמים | |
| 29 | MTכל אישׁ ואשׁה אשׁר נדב לבם אתם להביא לכל המלאכה אשׁר צוה יהוה לעשׂות ביד משׁה הביאו בני ישׂראל נדבה ליהוה |
| SPוכל אישׁ ואשׁה אשׁר נדב אתם לבם להביא לכל המלאכה אשׁר צוה יהוה לעשׂות ביד משׁה הביאו בני ישׂראל נדבה ליהוה | |
| 30 | MTויאמר משׁה אל בני ישׂראל ראו קרא יהוה בשׁם בצלאל בן אורי בן חור למטה יהודה |
| SPויאמר משׁה לבני ישׂראל ראו קרא יהוה בשׁם בצלאל בן אורי בן חור למטה יהודה | |
| 31 | MTוימלא אתו רוח אלהים בחכמה בתבונה ובדעת ובכל מלאכה |
| SPוימלא אתו רוח אלהים בחכמה ובתבונה ובדעת ובכל מלאכה | |
| 32 | MTולחשׁב מחשׁבת לעשׂת בזהב ובכסף ובנחשׁת |
| SPולחשׁב מחשׁבות לעשׂות בזהב ובכסף ובנחשׁת | |
| 33 | MTובחרשׁת אבן למלאת ובחרשׁת עץ לעשׂות בכל מלאכת מחשׁבת |
| SPובחרשׁת אבן למלאת ובחרשׁת עץ לעשׂות בכל מלאכת מחשׁבות | |
| 34 | MTולהורת נתן בלבו הוא ואהליאב בן אחיסמך למטה דן |
| SPולהורות נתן בלבו הוא ואהליאב בן אחיסמך למטה דן | |
| 35 | MTמלא אתם חכמת לב לעשׂות כל מלאכת חרשׁ וחשׁב ורקם בתכלת ובארגמן בתולעת השׁני ובשׁשׁ וארג עשׂי כל מלאכה וחשׁבי מחשׁבת |
| SPמלא אתם חכמת לב לעשׂות בכל מלאכת חרשׁ וחשׁב ורקם בתכלת ובארגמן ובתולעת השׁני ובשׁשׁ וארג עשׂו כל המלאכה וחשׁבי מחשׁבות |