| 1 | MTויאמר יהוה אל משׁה פסל לך שׁני לחת אבנים כראשׁנים וכתבתי על הלחת את הדברים אשׁר היו על הלחת הראשׁנים אשׁר שׁברת |
| SPויאמר יהוה אל משׁה פסל לך שׁני לוחת אבנים כראישׁונים וכתבתי על הלוחות את הדברים אשׁר היו על הלוחות הראישׁונים אשׁר שׁברת | |
| 2 | MTוהיה נכון לבקר ועלית בבקר אל הר סיני ונצבת לי שׁם על ראשׁ ההר |
| SPוהוי נכון לבקר ועלית בבקר אל הר סיני ונצבת לי שׁם על ראשׁ ההר | |
| 3 | MTואישׁ לא יעלה עמך וגם אישׁ אל ירא בכל ההר גם הצאן והבקר אל ירעו אל מול ההר ההוא |
| SPואישׁ לא יעלה עמך וגם אישׁ אל יראה בכל ההר וגם צאן ובקר אל ירעו אל מול ההר ההוא | |
| 4 | MTויפסל שׁני לחת אבנים כראשׁנים וישׁכם משׁה בבקר ויעל אל הר סיני כאשׁר צוה יהוה אתו ויקח בידו שׁני לחת אבנים |
| SPויפסל משׁה שׁני לוחת אבנים כראישׁונים וישׁכם בבקר ויעל אל הר סיני כאשׁר צוה יהוה אתו ויקח בידו שׁני לוחת אבנים | |
| 5 | MTוירד יהוה בענן ויתיצב עמו שׁם ויקרא בשׁם יהוה |
| SPוירד יהוה בענן ויתיצב עמו שׁם ויקרא בשׁם יהוה | |
| 6 | MTויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת |
| SPויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת | |
| 7 | MTנצר חסד לאלפים נשׂא עון ופשׁע וחטאה ונקה לא ינקה פקד עון אבות על בנים ועל בני בנים על שׁלשׁים ועל רבעים |
| SPנצר חסד לאלפים נשׂא עון ופשׁע וחטאה ונקה לו ינקה פקד עון אבות על בנים ועל בני בנים על שׁלישׁים ועל רביעים | |
| 8 | MTוימהר משׁה ויקד ארצה וישׁתחו |
| SPוימהר משׁה ויקד ארצה וישׁתחוי | |
| 9 | MTויאמר אם נא מצאתי חן בעיניך אדני ילך נא אדני בקרבנו כי עם קשׁה ערף הוא וסלחת לעוננו ולחטאתנו ונחלתנו |
| SPויאמר אם נא מצאתי חן בעיניך אדני ילך נא אדני בקרבנו כי עם קשׁה ערף הוא וסלחת לעוננו ולחטאתינו ונחלתנו | |
| 10 | MTויאמר הנה אנכי כרת ברית נגד כל עמך אעשׂה נפלאת אשׁר לא נבראו בכל הארץ ובכל הגוים וראה כל העם אשׁר אתה בקרבו את מעשׂה יהוה כי נורא הוא אשׁר אני עשׂה עמך |
| SPויאמר הנה אנכי כרת ברית נגד כל עמך אעשׂה נפלאות אשׁר לא נבראו בכל הארץ ובכל הגוים וראה כל העם אשׁר אתה בקרבו את מעשׂה יהוה כי נורא הוא אשׁר אני עשׂה עמך | |
| 11 | MTשׁמר לך את אשׁר אנכי מצוך היום הנני גרשׁ מפניך את האמרי והכנעני והחתי והפרזי והחוי והיבוסי |
| SPשׁמור לך את אשׁר אנכי מצוך היום הנני גרשׁ מפניך את הכנעני והאמרי והחתי והגרגשׁי והפרזי והחוי והיבוסי | |
| 12 | MTהשׁמר לך פן תכרת ברית ליושׁב הארץ אשׁר אתה בא עליה פן יהיה למוקשׁ בקרבך |
| SPהשׁמר לך פן תכרת ברית ליושׁב הארץ אשׁר אתה בא עליו פן יהיה למוקשׁ בקרבך | |
| 13 | MTכי את מזבחתם תתצון ואת מצבתם תשׁברון ואת אשׁריו תכרתון |
| SPכי את מזבחתיהם תתצון ומצבתיהם תשׁברון ואשׁריהם תכרתון | |
| 14 | MTכי לא תשׁתחוה לאל אחר כי יהוה קנא שׁמו אל קנא הוא |
| SPכי לא תשׁתחוי לאל אחר כי יהוה קנא שׁמו אל קנא הוא | |
| 15 | MTפן תכרת ברית ליושׁב הארץ וזנו אחרי אלהיהם וזבחו לאלהיהם וקרא לך ואכלת מזבחו |
| SPפן תכרת ברית ליושׁב הארץ וזנו אחרי אלהיהם וזבחו לאלהיהם וקרא לך ואכלת מזבחו | |
| 16 | MTולקחת מבנתיו לבניך וזנו בנתיו אחרי אלהיהן והזנו את בניך אחרי אלהיהן |
| SPולקחת מבנתיו לבניך וזנו בנתיו אחרי אלהיהן והזנו את בניך אחרי אלהיהן | |
| 17 | MTאלהי מסכה לא תעשׂה לך |
| SPאלהי מסכה לא תעשׂה לך | |
| 18 | MTאת חג המצות תשׁמר שׁבעת ימים תאכל מצות אשׁר צויתך למועד חדשׁ האביב כי בחדשׁ האביב יצאת ממצרים |
| SPאת חג המצות תשׁמר שׁבעת ימים תאכל מצות כאשׁר צויתיך למועד חדשׁ האביב כי בו יצאת ממצרים | |
| 19 | MTכל פטר רחם לי וכל מקנך תזכר פטר שׁור ושׂה |
| SPכל פטר רחם לי וכל מקניך תזכיר פטר שׁור ושׂה | |
| 20 | MTופטר חמור תפדה בשׂה ואם לא תפדה וערפתו כל בכור בניך תפדה ולא יראו פני ריקם |
| SPופטר חמור תפדה בשׂה ואם לא תפדנו וערפתו וכל בכור אדם בבניך תפדה ולא יראו פני רקים | |
| 21 | MTשׁשׁת ימים תעבד וביום השׁביעי תשׁבת בחרישׁ ובקציר תשׁבת |
| SPשׁשׁת ימים תעבד וביום השׁביעי תשׁבת בחרישׁ ובקציר תשׁבת | |
| 22 | MTוחג שׁבעת תעשׂה לך בכורי קציר חטים וחג האסיף תקופת השׁנה |
| SPוחג שׁבעות תעשׂה לך בכורי קציר חטים וחג האסף תקופת השׁנה | |
| 23 | MTשׁלשׁ פעמים בשׁנה יראה כל זכורך את פני האדן יהוה אלהי ישׂראל |
| SPשׁלשׁ פעמים בשׁנה יראה כל זכורך את פני הארון יהוה אלהי ישׂראל | |
| 24 | MTכי אורישׁ גוים מפניך והרחבתי את גבולך ולא יחמד אישׁ את ארצך בעלתך לראות את פני יהוה אלהיך שׁלשׁ פעמים בשׁנה |
| SPכי אורישׁ גוים רבים מפניך והרחבתי את גבולך ולא יחמד אישׁ את ארצך בהעלותך להראות את פני יהוה אלהיך שׁלשׁ פעמים בשׁנה | |
| 25 | MTלא תשׁחט על חמץ דם זבחי ולא ילין לבקר זבח חג הפסח |
| SPלא תשׁחט על חמץ דם זבחי ולא ילין לבקר זבח חג הפסח | |
| 26 | MTראשׁית בכורי אדמתך תביא בית יהוה אלהיך לא תבשׁל גדי בחלב אמו |
| SPראשׁית בכורי אדמתך תביא בית יהוה אלהיך לא תבשׁל גדי בחלב אמו | |
| 27 | MTויאמר יהוה אל משׁה כתב לך את הדברים האלה כי על פי הדברים האלה כרתי אתך ברית ואת ישׂראל |
| SPויאמר יהוה אל משׁה כתב לך את הדברים האלה כי על פי הדברים האלה כרתי אתך ברית ואת ישׂראל | |
| 28 | MTויהי שׁם עם יהוה ארבעים יום וארבעים לילה לחם לא אכל ומים לא שׁתה ויכתב על הלחת את דברי הברית עשׂרת הדברים |
| SPויהי שׁם לפני יהוה ארבעים יום וארבעים לילה לחם לא אכל ומים לא שׁתה ויכתב על הלוחות את דברי הברית עשׂרת הדברים | |
| 29 | MTויהי ברדת משׁה מהר סיני ושׁני לחת העדת ביד משׁה ברדתו מן ההר ומשׁה לא ידע כי קרן עור פניו בדברו אתו |
| SPויהי ברדת משׁה מהר סיני ושׁני לוחת העדות בידו ברדתו מן ההר ומשׁה לא ידע כי קרן עור פניו בדברו אתו | |
| 30 | MTוירא אהרן וכל בני ישׂראל את משׁה והנה קרן עור פניו וייראו מגשׁת אליו |
| SPוירא אהרן וכל בני ישׂראל את משׁה והנה קרן עור פניו וייראו מגשׁת אליו | |
| 31 | MTויקרא אלהם משׁה וישׁבו אליו אהרן וכל הנשׂאים בעדה וידבר משׁה אלהם |
| SPויקרא אליהם משׁה וישׁבו אליו אהרן וכל הנשׂיאים בעדה וידבר משׁה אליהם | |
| 32 | MTואחרי כן נגשׁו כל בני ישׂראל ויצום את כל אשׁר דבר יהוה אתו בהר סיני |
| SPואחרי כן נגשׁו אליו כל בני ישׂראל ויצום את כל אשׁר דבר יהוה אתו בהר סיני | |
| 33 | MTויכל משׁה מדבר אתם ויתן על פניו מסוה |
| SPויכל משׁה מדבר אתם ויתן על פניו מסוה | |
| 34 | MTובבא משׁה לפני יהוה לדבר אתו יסיר את המסוה עד צאתו ויצא ודבר אל בני ישׂראל את אשׁר יצוה |
| SPובבא משׁה לפני יהוה לדבר אתו יסיר את המסוה עד צאתו ויצא ודבר אל בני ישׂראל את כל אשׁר יצוהו | |
| 35 | MTוראו בני ישׂראל את פני משׁה כי קרן עור פני משׁה והשׁיב משׁה את המסוה על פניו עד באו לדבר אתו |
| SPוראו בני ישׂראל את פני משׁה כי קרן עור פני משׁה והשׁיב את המסוה על פניו עד באו לדבר אתו |