| 1 | MTוידבר יהוה אל משׁה לך עלה מזה אתה והעם אשׁר העלית מארץ מצרים אל הארץ אשׁר נשׁבעתי לאברהם ליצחק וליעקב לאמר לזרעך אתננה |
| SPוידבר יהוה אל משׁה לאמר לך עלה מזה אתה והעם אשׁר העלית מארץ מצרים אל הארץ אשׁר נשׁבעתי לאברהם ליצחק וליעקב לאמר לזרעך אתננה | |
| 2 | MTושׁלחתי לפניך מלאך וגרשׁתי את הכנעני האמרי והחתי והפרזי החוי והיבוסי |
| SPושׁלחתי לפניך מלאך וגרשׁתי את הכנעני והאמרי והחתי והגרגשׁי והפרזי והחוי והיבוסי | |
| 3 | MTאל ארץ זבת חלב ודבשׁ כי לא אעלה בקרבך כי עם קשׁה ערף אתה פן אכלך בדרך |
| SPאל ארץ זבת חלב ודבשׁ כי לא אעלה בקרבך כי עם קשׁה ערף אתה פן אכלך בדרך | |
| 4 | MTוישׁמע העם את הדבר הרע הזה ויתאבלו ולא שׁתו אישׁ עדיו עליו |
| SPוישׁמע העם את הדבר הרע הזה ויתאבלו ולא שׁתו אישׁ עדיו עליו | |
| 5 | MTויאמר יהוה אל משׁה אמר אל בני ישׂראל אתם עם קשׁה ערף רגע אחד אעלה בקרבך וכליתיך ועתה הורד עדיך מעליך ואדעה מה אעשׂה לך |
| SPויאמר יהוה אל משׁה אמר אל בני ישׂראל אתם עם קשׁה ערף רגע אחד אעלה בקרבך וכליתיך ועתה הוריד עדיך מעליך ואדעה מה אעשׂה לך | |
| 6 | MTויתנצלו בני ישׂראל את עדים מהר חורב |
| SPויתנצלו בני ישׂראל את עדים מהר חורב | |
| 7 | MTומשׁה יקח את האהל ונטה לו מחוץ למחנה הרחק מן המחנה וקרא לו אהל מועד והיה כל מבקשׁ יהוה יצא אל אהל מועד אשׁר מחוץ למחנה |
| SPומשׁה יקח את האהל ונטה לו מחוץ למחנה הרחיק מן המחנה וקרא לו אהל מועד והיו כל מבקשׁי יהוה יצאו אל אהל מועד אשׁר מחוץ למחנה | |
| 8 | MTוהיה כצאת משׁה אל האהל יקומו כל העם ונצבו אישׁ פתח אהלו והביטו אחרי משׁה עד באו האהלה |
| SPוהיה כצאת משׁה אל האהל יקומו כל העם ונצבו אישׁ פתח אהלו והביטו אחרי משׁה עד באו האהלה | |
| 9 | MTוהיה כבא משׁה האהלה ירד עמוד הענן ועמד פתח האהל ודבר עם משׁה |
| SPוהיה כבוא משׁה האהל ירד עמוד הענן ועמד פתח האהל ודבר עם משׁה | |
| 10 | MTוראה כל העם את עמוד הענן עמד פתח האהל וקם כל העם והשׁתחוו אישׁ פתח אהלו |
| SPוראו כל העם את עמוד הענן עמד פתח האהל וקמו כל העם והשׁתחוו אישׁ פתח אהלו | |
| 11 | MTודבר יהוה אל משׁה פנים אל פנים כאשׁר ידבר אישׁ אל רעהו ושׁב אל המחנה ומשׁרתו יהושׁע בן נון נער לא ימישׁ מתוך האהל |
| SPודבר יהוה אל משׁה פנים אל פנים כאשׁר ידבר אישׁ אל רעהו ושׁב אל המחנה ומשׁרתו יהושׁע בן נון נער לא ימושׁ מתוך האהל | |
| 12 | MTויאמר משׁה אל יהוה ראה אתה אמר אלי העל את העם הזה ואתה לא הודעתני את אשׁר תשׁלח עמי ואתה אמרת ידעתיך בשׁם וגם מצאת חן בעיני |
| SPויאמר משׁה אל יהוה ראה אתה אמר אלי העל את העם הזה ואתה לא הודעתני את אשׁר תשׁלח עמי ואתה אמרת ידעתיך בשׁם וגם מצאת חן בעיני | |
| 13 | MTועתה אם נא מצאתי חן בעיניך הודעני נא את דרכך ואדעך למען אמצא חן בעיניך וראה כי עמך הגוי הזה |
| SPועתה אם נא מצאתי חן בעיניך הודעני נא את דרכיך ואדעך למען אמצא חן בעיניך וראה כי עמך הגוי הזה | |
| 14 | MTויאמר פני ילכו והנחתי לך |
| SPויאמר פני ילכו והנחתי לך | |
| 15 | MTויאמר אליו אם אין פניך הלכים אל תעלנו מזה |
| SPויאמר אליו אם אין פניך הלכים אל תעלני מזה | |
| 16 | MTובמה יודע אפוא כי מצאתי חן בעיניך אני ועמך הלוא בלכתך עמנו ונפלינו אני ועמך מכל העם אשׁר על פני האדמה |
| SPובמה יודע אפוא כי מצאתי חן בעיניך אני ועמך הלוא בלכתך עמנו ונפלאנו אני ועמך מכל העם אשׁר על פני האדמה | |
| 17 | MTויאמר יהוה אל משׁה גם את הדבר הזה אשׁר דברת אעשׂה כי מצאת חן בעיני ואדעך בשׁם |
| SPויאמר יהוה אל משׁה גם את הדבר הזה אשׁר דברת אעשׂה כי מצאת חן בעיני ואדעך בשׁם | |
| 18 | MTויאמר הראני נא את כבדך |
| SPויאמר הראני נא את כבודך | |
| 19 | MTויאמר אני אעביר כל טובי על פניך וקראתי בשׁם יהוה לפניך וחנתי את אשׁר אחן ורחמתי את אשׁר ארחם |
| SPויאמר אני אעביר כל טובי על פניך וקראתי בשׁם יהוה לפניך וחנתי את אשׁר אחן ורחמתי את אשׁר ארחם | |
| 20 | MTויאמר לא תוכל לראת את פני כי לא יראני האדם וחי |
| SPויאמר לא תוכל לראות פני כי לא יראני האדם וחי | |
| 21 | MTויאמר יהוה הנה מקום אתי ונצבת על הצור |
| SPויאמר יהוה הנה מקום אתי ונצבת על הצור | |
| 22 | MTוהיה בעבר כבדי ושׂמתיך בנקרת הצור ושׂכתי כפי עליך עד עברי |
| SPוהיה בעבר כבודי ושׂמתיך בנקירות הצור ושׂכתי כפי עליך עד עברי | |
| 23 | MTוהסרתי את כפי וראית את אחרי ופני לא יראו |
| SPוהסרתי כפי וראית את אחרי ופני לא יראו |