| 1 | MTוירא העם כי בשׁשׁ משׁה לרדת מן ההר ויקהל העם על אהרן ויאמרו אליו קום עשׂה לנו אלהים אשׁר ילכו לפנינו כי זה משׁה האישׁ אשׁר העלנו מארץ מצרים לא ידענו מה היה לו |
| SPוירא העם כי בשׁשׁ משׁה לרדת מן ההר ויקהל העם על אהרן ויאמרו אליו קום עשׂה לנו אלהים אשׁר ילכו לפנינו כי זה משׁה האישׁ אשׁר העלנו מארץ מצרים לא ידענו מה היה לו | |
| 2 | MTויאמר אלהם אהרן פרקו נזמי הזהב אשׁר באזני נשׁיכם בניכם ובנתיכם והביאו אלי |
| SPויאמר אליהם אהרן פרקו את נזמי הזהב אשׁר באזני נשׁיכם בניכם ובנתיכם והביאו אלי | |
| 3 | MTויתפרקו כל העם את נזמי הזהב אשׁר באזניהם ויביאו אל אהרן |
| SPויתפרקו כל העם את נזמי הזהב אשׁר באזניהם ויביאו אל אהרן | |
| 4 | MTויקח מידם ויצר אתו בחרט ויעשׂהו עגל מסכה ויאמרו אלה אלהיך ישׂראל אשׁר העלוך מארץ מצרים |
| SPויקח מידם ויצר אתו בחרט ויעשׂהו עגל מסכה ויאמרו אלה אלהיך ישׂראל אשׁר העלוך מארץ מצרים | |
| 5 | MTוירא אהרן ויבן מזבח לפניו ויקרא אהרן ויאמר חג ליהוה מחר |
| SPוירא אהרן ויבן מזבח לפניו ויקרא אהרן ויאמר חג ליהוה מחר | |
| 6 | MTוישׁכימו ממחרת ויעלו עלת ויגשׁו שׁלמים וישׁב העם לאכל ושׁתו ויקמו לצחק |
| SPוישׁכמו ממחרת ויעלו עלות ויגישׁו שׁלמים וישׁב העם לאכל ושׁתו ויקמו לצחק | |
| 7 | MTוידבר יהוה אל משׁה לך רד כי שׁחת עמך אשׁר העלית מארץ מצרים |
| SPוידבר יהוה אל משׁה לאמר לך רד כי שׁחת עמך אשׁר העלית מארץ מצרים | |
| 8 | MTסרו מהר מן הדרך אשׁר צויתם עשׂו להם עגל מסכה וישׁתחוו לו ויזבחו לו ויאמרו אלה אלהיך ישׂראל אשׁר העלוך מארץ מצרים |
| SPסרו מהר מן הדרך אשׁר צויתם עשׂו להם עגל מסכה וישׁתחוו לו ויזבחו לו ויאמרו אלה אלהיך ישׂראל אשׁר העלוך מארץ מצרים | |
| 9 | MTויאמר יהוה אל משׁה ראיתי את העם הזה והנה עם קשׁה ערף הוא |
| SPויאמר יהוה אל משׁה ראיתי את העם הזה והנה עם קשׁה ערף הוא | |
| 10 | MTועתה הניחה לי ויחר אפי בהם ואכלם ואעשׂה אותך לגוי גדול |
| SPועתה הניחה לי ויחר אפי בם ואכלם ואעשׂה אתך לגוי גדול ובאהרן התאנף יהוה מאד להשׁמידו ויתפלל משׁה בעד אהרן | |
| 11 | MTויחל משׁה את פני יהוה אלהיו ויאמר למה יהוה יחרה אפך בעמך אשׁר הוצאת מארץ מצרים בכח גדול וביד חזקה |
| SPויחל משׁה את פני יהוה אלהיו ויאמר למה יהוה יחר אפך בעמך אשׁר הוצאת ממצרים בכח גדול ובזרוע נטויה | |
| 12 | MTלמה יאמרו מצרים לאמר ברעה הוציאם להרג אתם בהרים ולכלתם מעל פני האדמה שׁוב מחרון אפך והנחם על הרעה לעמך |
| SPלמה יאמרו מצרים לאמר ברעה הוציאם להרג אתם בהרים ולכלותם מעל פני האדמה שׁוב מחרון אפך והנחם על הרעה לעמך | |
| 13 | MTזכר לאברהם ליצחק ולישׂראל עבדיך אשׁר נשׁבעת להם בך ותדבר אלהם ארבה את זרעכם ככוכבי השׁמים וכל הארץ הזאת אשׁר אמרתי אתן לזרעכם ונחלו לעלם |
| SPזכור לאברהם ליצחק וליעקב עבדיך אשׁר נשׁבעת להם בך ותדבר אליהם הרבה ארבה את זרעכם ככוכבי השׁמים וכל הארץ הזאת אשׁר אמרתי אתן לזרעכם ונחלוה לעולם | |
| 14 | MTוינחם יהוה על הרעה אשׁר דבר לעשׂות לעמו |
| SPוינחם יהוה על הרעה אשׁר דבר לעשׂות לעמו | |
| 15 | MTויפן וירד משׁה מן ההר ושׁני לחת העדת בידו לחת כתבים משׁני עבריהם מזה ומזה הם כתבים |
| SPויפן וירד משׁה מן ההר ושׁני לוחת העדות בידו לוחת כתובים משׁני עבריהם מזה ומזה הם כתובים | |
| 16 | MTוהלחת מעשׂה אלהים המה והמכתב מכתב אלהים הוא חרות על הלחת |
| SPוהלוחות מעשׂה אלהים הם והמכתב מכתב אלהים הוא חרות על הלוחות | |
| 17 | MTוישׁמע יהושׁע את קול העם ברעה ויאמר אל משׁה קול מלחמה במחנה |
| SPוישׁמע יהושׁע את קול העם ברעה ויאמר אל משׁה קול מלחמה במחנה | |
| 18 | MTויאמר אין קול ענות גבורה ואין קול ענות חלושׁה קול ענות אנכי שׁמע |
| SPויאמר אין קול ענות גברה ואין קול ענות חלושׁה קול עונות אנכי שׁמע | |
| 19 | MTויהי כאשׁר קרב אל המחנה וירא את העגל ומחלת ויחר אף משׁה וישׁלך מידו את הלחת וישׁבר אתם תחת ההר |
| SPויהי כאשׁר קרב אל המחנה וירא את העגל ואת המחלות ויחר אף משׁה וישׁליך מידיו את הלוחות וישׁבר אתם בתחתית ההר | |
| 20 | MTויקח את העגל אשׁר עשׂו וישׂרף באשׁ ויטחן עד אשׁר דק ויזר על פני המים וישׁק את בני ישׂראל |
| SPויקח את העגל אשׁר עשׂו וישׂרפהו באשׁ ויטנחהו עד אשׁר דק ויזר על פני המים וישׁק את בני ישׂראל | |
| 21 | MTויאמר משׁה אל אהרן מה עשׂה לך העם הזה כי הבאת עליו חטאה גדלה |
| SPויאמר משׁה אל אהרן מה עשׂה לך העם הזה כי הבאת עליו חטאה גדלה | |
| 22 | MTויאמר אהרן אל יחר אף אדני אתה ידעת את העם כי ברע הוא |
| SPויאמר אהרן אל יחר אף אדני אתה ידעת את העם כי פרוע הוא | |
| 23 | MTויאמרו לי עשׂה לנו אלהים אשׁר ילכו לפנינו כי זה משׁה האישׁ אשׁר העלנו מארץ מצרים לא ידענו מה היה לו |
| SPויאמרו לי עשׂה לנו אלהים אשׁר ילכו לפנינו כי זה משׁה האישׁ אשׁר העלנו מארץ מצרים לא ידענו מה היה לו | |
| 24 | MTואמר להם למי זהב התפרקו ויתנו לי ואשׁלכהו באשׁ ויצא העגל הזה |
| SPואמר להם למי זהב התפרקו ויתנו לי ואשׁליכהו באשׁ ויצא העגל הזה | |
| 25 | MTוירא משׁה את העם כי פרע הוא כי פרעה אהרן לשׁמצה בקמיהם |
| SPוירא משׁה את העם כי פרוע הוא כי פרעו אהרן לשׁמצו בקומיהם | |
| 26 | MTויעמד משׁה בשׁער המחנה ויאמר מי ליהוה אלי ויאספו אליו כל בני לוי |
| SPויעמד משׁה בשׁער המחנה ויאמר מי ליהוה אלי ויאספו אליו כל בני לוי | |
| 27 | MTויאמר להם כה אמר יהוה אלהי ישׂראל שׂימו אישׁ חרבו על ירכו עברו ושׁובו משׁער לשׁער במחנה והרגו אישׁ את אחיו ואישׁ את רעהו ואישׁ את קרבו |
| SPויאמר להם כה אמר יהוה אלהי ישׂראל שׂימו אישׁ חרבו על ירכו ועברו ושׁובו משׁער לשׁער במחנה והרגו אישׁ את אחיו ואישׁ את רעהו ואישׁ את קריבו | |
| 28 | MTויעשׂו בני לוי כדבר משׁה ויפל מן העם ביום ההוא כשׁלשׁת אלפי אישׁ |
| SPויעשׂו בני לוי כדבר משׁה ויפל מן העם ביום ההוא כשׁלשׁת אלפים אישׁ | |
| 29 | MTויאמר משׁה מלאו ידכם היום ליהוה כי אישׁ בבנו ובאחיו ולתת עליכם היום ברכה |
| SPויאמר משׁה מלאו ידיכם היום ליהוה כי אישׁ בבנו ובאחיו ולתת עליכם היום ברכה | |
| 30 | MTויהי ממחרת ויאמר משׁה אל העם אתם חטאתם חטאה גדלה ועתה אעלה אל יהוה אולי אכפרה בעד חטאתכם |
| SPויהי ממחרת ויאמר משׁה אל העם אתם חטאתם חטאה גדלה ועתה אעלה אל יהוה אולי אכפר בעד חטאתיכם | |
| 31 | MTוישׁב משׁה אל יהוה ויאמר אנא חטא העם הזה חטאה גדלה ויעשׂו להם אלהי זהב |
| SPוישׁב משׁה אל יהוה ויאמר הנה חטא העם הזה חטאה גדלה ויעשׂו להם אלהי זהב | |
| 32 | MTועתה אם תשׂא חטאתם ואם אין מחני נא מספרך אשׁר כתבת |
| SPועתה אם תשׂא חטאתם שׂא ואם אין מחני מספרך אשׁר כתבת | |
| 33 | MTויאמר יהוה אל משׁה מי אשׁר חטא לי אמחנו מספרי |
| SPויאמר יהוה אל משׁה מי אשׁר חטא לי אמחנו מספרי | |
| 34 | MTועתה לך נחה את העם אל אשׁר דברתי לך הנה מלאכי ילך לפניך וביום פקדי ופקדתי עליהם חטאתם |
| SPועתה לך נחה את העם על אשׁר דברתי לך והנה מלאכי ילך לפניך וביום פקודי ופקדתי עליהם חטאתם | |
| 35 | MTויגף יהוה את העם על אשׁר עשׂו את העגל אשׁר עשׂה אהרן |
| SPויגף יהוה את העם על אשׁר עשׂו את העגל אשׁר עשׂה אהרן |