| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTראה קראתי בשׁם בצלאל בן אורי בן חור למטה יהודה |
| SPראה קראתי בשׁם בצלאל בן חורי בן חור למטה יהודה | |
| 3 | MTואמלא אתו רוח אלהים בחכמה ובתבונה ובדעת ובכל מלאכה |
| SPואמלא אתו רוח אלהים בחכמה ובתבונה ובדעת ובכל מלאכה | |
| 4 | MTלחשׁב מחשׁבת לעשׂות בזהב ובכסף ובנחשׁת |
| SPולחשׁב מחשׁבות לעשׂות בזהב ובכסף ובנחשׁת | |
| 5 | MTובחרשׁת אבן למלאת ובחרשׁת עץ לעשׂות בכל מלאכה |
| SPובחרשׁת אבן למלאת ובחרשׁת עץ לעשׂות בכל מלאכה | |
| 6 | MTואני הנה נתתי אתו את אהליאב בן אחיסמך למטה דן ובלב כל חכם לב נתתי חכמה ועשׂו את כל אשׁר צויתך |
| SPואני הנה נתתי אתו את אהליאב בן אחיסמך למטה דן ובלב כל חכם לב נתתי חכמה ועשׂו את כל אשׁר צויתיך | |
| 7 | MTאת אהל מועד ואת הארן לעדת ואת הכפרת אשׁר עליו ואת כל כלי האהל |
| SPאת אהל מועד ואת הארון לעדות ואת הכפרת אשׁר עליו ואת כל כלי האהל | |
| 8 | MTואת השׁלחן ואת כליו ואת המנרה הטהרה ואת כל כליה ואת מזבח הקטרת |
| SPאת השׁלחן ואת כל כליו את המנורה הטהרה ואת כל כליה את מזבח הקטרת | |
| 9 | MTואת מזבח העלה ואת כל כליו ואת הכיור ואת כנו |
| SPואת מזבח העלה ואת כל כליו את הכיור ואת כנו | |
| 10 | MTואת בגדי השׂרד ואת בגדי הקדשׁ לאהרן הכהן ואת בגדי בניו לכהן |
| SPאת בגדי השׂרד ואת בגדי הקדשׁ לאהרן הכהן ואת בגדי בניו לכהן | |
| 11 | MTואת שׁמן המשׁחה ואת קטרת הסמים לקדשׁ ככל אשׁר צויתך יעשׂו |
| SPאת שׁמן המשׁחה ואת קטרת הסמים לקדשׁ ככל אשׁר צויתיך יעשׂו | |
| 12 | MTויאמר יהוה אל משׁה לאמר |
| SPוידבר יהוה אל משׁה לאמר | |
| 13 | MTואתה דבר אל בני ישׂראל לאמר אך את שׁבתתי תשׁמרו כי אות הוא ביני וביניכם לדרתיכם לדעת כי אני יהוה מקדשׁכם |
| SPואתה דבר אל בני ישׂראל לאמר אך את שׁבתתי תשׁמרו כי אות היא ביני ובינכם לדרתיכם לדעת כי אני יהוה מקדשׁכם | |
| 14 | MTושׁמרתם את השׁבת כי קדשׁ הוא לכם מחלליה מות יומת כי כל העשׂה בה מלאכה ונכרתה הנפשׁ ההוא מקרב עמיה |
| SPושׁמרתם את השׁבת כי קדשׁ היא לכם מחלליה מות יומת כי כל העשׂה בה מלאכה ונכרתה הנפשׁ ההיא מקרב עמיה | |
| 15 | MTשׁשׁת ימים יעשׂה מלאכה וביום השׁביעי שׁבת שׁבתון קדשׁ ליהוה כל העשׂה מלאכה ביום השׁבת מות יומת |
| SPשׁשׁת ימים יעשׂה מלאכה וביום השׁביעי שׁבת שׁבתון קדשׁ ליהוה כל העשׂה מלאכה ביום השׁבת מות יומת | |
| 16 | MTושׁמרו בני ישׂראל את השׁבת לעשׂות את השׁבת לדרתם ברית עולם |
| SPושׁמרו בני ישׂראל את השׁבת לעשׂות את השׁבת לדרתם ברית עולם | |
| 17 | MTביני ובין בני ישׂראל אות הוא לעלם כי שׁשׁת ימים עשׂה יהוה את השׁמים ואת הארץ וביום השׁביעי שׁבת וינפשׁ |
| SPביני ובין בני ישׂראל אות היא לעולם כי שׁשׁת ימים עשׂה יהוה את השׁמים ואת הארץ וביום השׁביעי שׁבת וינפשׁ | |
| 18 | MTויתן אל משׁה ככלתו לדבר אתו בהר סיני שׁני לחת העדת לחת אבן כתבים באצבע אלהים |
| SPויתן אל משׁה ככלותו לדבר אתו בהר סיני את שׁני לוחת העדות לוחת אבנים כתובים באצבע אלהים |