| 1 | MTועשׂית מזבח מקטר קטרת עצי שׁטים תעשׂה אתו |
| SP— | |
| 2 | MTאמה ארכו ואמה רחבו רבוע יהיה ואמתים קמתו ממנו קרנתיו |
| SP— | |
| 3 | MTוצפית אתו זהב טהור את גגו ואת קירתיו סביב ואת קרנתיו ועשׂית לו זר זהב סביב |
| SP— | |
| 4 | MTושׁתי טבעת זהב תעשׂה לו מתחת לזרו על שׁתי צלעתיו תעשׂה על שׁני צדיו והיה לבתים לבדים לשׂאת אתו בהמה |
| SP— | |
| 5 | MTועשׂית את הבדים עצי שׁטים וצפית אתם זהב |
| SP— | |
| 6 | MTונתתה אתו לפני הפרכת אשׁר על ארן העדת לפני הכפרת אשׁר על העדת אשׁר אועד לך שׁמה |
| SP— | |
| 7 | MTוהקטיר עליו אהרן קטרת סמים בבקר בבקר בהיטיבו את הנרת יקטירנה |
| SP— | |
| 8 | MTובהעלת אהרן את הנרת בין הערבים יקטירנה קטרת תמיד לפני יהוה לדרתיכם |
| SP— | |
| 9 | MTלא תעלו עליו קטרת זרה ועלה ומנחה ונסך לא תסכו עליו |
| SP— | |
| 10 | MTוכפר אהרן על קרנתיו אחת בשׁנה מדם חטאת הכפרים אחת בשׁנה יכפר עליו לדרתיכם קדשׁ קדשׁים הוא ליהוה |
| SP— | |
| 11 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 12 | MTכי תשׂא את ראשׁ בני ישׂראל לפקדיהם ונתנו אישׁ כפר נפשׁו ליהוה בפקד אתם ולא יהיה בהם נגף בפקד אתם |
| SPכי תשׂא את ראשׁ בני ישׂראל לפקדיהם ונתנו אישׁ כפר נפשׁו ליהוה בפקד אתם ולא יהיה בהם נגף בפקד אתם | |
| 13 | MTזה יתנו כל העבר על הפקדים מחצית השׁקל בשׁקל הקדשׁ עשׂרים גרה השׁקל מחצית השׁקל תרומה ליהוה |
| SPזה יתנו כל העבר על הפקדים מחצית השׁקל בשׁקל הקדשׁ ושׁקל הקדשׁ עשׂרים גרה הוא השׁקל תרומה ליהוה | |
| 14 | MTכל העבר על הפקדים מבן עשׂרים שׁנה ומעלה יתן תרומת יהוה |
| SPכל העבר על הפקדים מבן עשׂרים שׁנה ומעלה יתנו את תרומת יהוה | |
| 15 | MTהעשׁיר לא ירבה והדל לא ימעיט ממחצית השׁקל לתת את תרומת יהוה לכפר על נפשׁתיכם |
| SPהעשׁיר לא ירבה והדל לא ימעיט ממחצית השׁקל לתת את תרומת יהוה לכפר על נפשׁתיכם | |
| 16 | MTולקחת את כסף הכפרים מאת בני ישׂראל ונתת אתו על עבדת אהל מועד והיה לבני ישׂראל לזכרון לפני יהוה לכפר על נפשׁתיכם |
| SPולקחת את כסף הכפורים מאת בני ישׂראל ונתתה אתו אל עבדת אהל מועד והיה לבני ישׂראל לזכרון לפני יהוה לכפר על נפשׁתיכם | |
| 17 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 18 | MTועשׂית כיור נחשׁת וכנו נחשׁת לרחצה ונתת אתו בין אהל מועד ובין המזבח ונתת שׁמה מים |
| SPועשׂית כיור נחשׁת וכנו נחשׁת לרחצה ונתתה אתו בין אהל מועד ובין המזבח ונתתה שׁם מים | |
| 19 | MTורחצו אהרן ובניו ממנו את ידיהם ואת רגליהם |
| SPורחץ ממנו אהרן ובניו את ידיהם ואת רגליהם | |
| 20 | MTבבאם אל אהל מועד ירחצו מים ולא ימתו או בגשׁתם אל המזבח לשׁרת להקטיר אשׁה ליהוה |
| SPבבאם אל אהל מועד ירחצו מים ולא ימותו או בגשׁתם אל המזבח לשׁרת להקטיר אשׁה ליהוה | |
| 21 | MTורחצו ידיהם ורגליהם ולא ימתו והיתה להם חק עולם לו ולזרעו לדרתם |
| SPירחצו ידיהם ורגליהם ולא ימותו והיתה להם חקות עולם לו ולזרעו לדרותם | |
| 22 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 23 | MTואתה קח לך בשׂמים ראשׁ מר דרור חמשׁ מאות וקנמן בשׂם מחציתו חמשׁים ומאתים וקנה בשׂם חמשׁים ומאתים |
| SPואתה קח לך בשׂמים ראשׁ מרדרור חמשׁ מאות וקנמון בשׂם מחציתו חמשׁים ומאתים וקנה בשׂם חמשׁים ומאתים | |
| 24 | MTוקדה חמשׁ מאות בשׁקל הקדשׁ ושׁמן זית הין |
| SPוקדה חמשׁ מאות בשׁקל הקדשׁ ושׁמן זית הין | |
| 25 | MTועשׂית אתו שׁמן משׁחת קדשׁ רקח מרקחת מעשׂה רקח שׁמן משׁחת קדשׁ יהיה |
| SPועשׂית אתו שׁמן משׁחת קדשׁ רקח מרקחת מעשׂה רקח שׁמן משׁחת קדשׁ יהיה | |
| 26 | MTומשׁחת בו את אהל מועד ואת ארון העדת |
| SPומשׁחת בו את אהל מועד ואת ארון העדות | |
| 27 | MTואת השׁלחן ואת כל כליו ואת המנרה ואת כליה ואת מזבח הקטרת |
| SPאת השׁלחן ואת כל כליו את המנורה ואת כל כליה | |
| 28 | MTואת מזבח העלה ואת כל כליו ואת הכיר ואת כנו |
| SPאת מזבח הקטרת ואת מזבח העלה ואת כל כליו את הכיור ואת כנו | |
| 29 | MTוקדשׁת אתם והיו קדשׁ קדשׁים כל הנגע בהם יקדשׁ |
| SPוקדשׁת אתם והיו קדשׁ קדשׁים כל הנגע בהם יקדשׁ | |
| 30 | MTואת אהרן ואת בניו תמשׁח וקדשׁת אתם לכהן לי |
| SPואת אהרן ואת בניו תמשׁח וקדשׁת אתם לכהן לי | |
| 31 | MTואל בני ישׂראל תדבר לאמר שׁמן משׁחת קדשׁ יהיה זה לי לדרתיכם |
| SPואל בני ישׂראל תדבר לאמר שׁמן משׁחת קדשׁ יהיה זה לי לדרתיכם | |
| 32 | MTעל בשׂר אדם לא ייסך ובמתכנתו לא תעשׂו כמהו קדשׁ הוא קדשׁ יהיה לכם |
| SPעל בשׂר אדם לא יוסך ובתכנתו לא תעשׂו כמהו קדשׁ הוא וקדשׁ יהיה לכם | |
| 33 | MTאישׁ אשׁר ירקח כמהו ואשׁר יתן ממנו על זר ונכרת מעמיו |
| SPאישׁ אשׁר ירקח כמהו ואשׁר יתן ממנו על זר ונכרת מעמיו | |
| 34 | MTויאמר יהוה אל משׁה קח לך סמים נטף ושׁחלת וחלבנה סמים ולבנה זכה בד בבד יהיה |
| SPוידבר יהוה אל משׁה לאמר קח לך סמים נטף ושׁחלת וחלבניה סמים ולבונה זכה בד בבד יהיה | |
| 35 | MTועשׂית אתה קטרת רקח מעשׂה רוקח ממלח טהור קדשׁ |
| SPועשׂית אתו קטרת רקח מעשׂה רקח ממלחת טהור קדשׁ | |
| 36 | MTושׁחקת ממנה הדק ונתתה ממנה לפני העדת באהל מועד אשׁר אועד לך שׁמה קדשׁ קדשׁים תהיה לכם |
| SPושׁחקת ממנו הדק ונתתה ממנו לפני העדות באהל מועד אשׁר אועד לך שׁמה קדשׁ קדשׁים תהיה לכם | |
| 37 | MTוהקטרת אשׁר תעשׂה במתכנתה לא תעשׂו לכם קדשׁ תהיה לך ליהוה |
| SPוהקטרת אשׁר תעשׂה במתכנתה לא תעשׂו לכם קדשׁ תהיה לכם ליהוה | |
| 38 | MTאישׁ אשׁר יעשׂה כמוה להריח בה ונכרת מעמיו |
| SPאישׁ אשׁר יעשׂה כמוה להריח בה ונכרת מעמיו |