| 1 | MTוזה הדבר אשׁר תעשׂה להם לקדשׁ אתם לכהן לי לקח פר אחד בן בקר ואילם שׁנים תמימם |
| SPוזה הדבר אשׁר תעשׂה להם לקדשׁ אתם לכהן לי לקח פר אחד בן בקר ואילים שׁנים תמימם | |
| 2 | MTולחם מצות וחלת מצת בלולת בשׁמן ורקיקי מצות משׁחים בשׁמן סלת חטים תעשׂה אתם |
| SPולחם מצות וחלות מצות בללות בשׁמן ורקיקי מצות סלת חטים תעשׂה אתם | |
| 3 | MTונתת אותם על סל אחד והקרבת אתם בסל ואת הפר ואת שׁני האילם |
| SPונתתה אתם על סל אחד והקרבת אתם בסל ואת הפר ואת שׁני האילים | |
| 4 | MTואת אהרן ואת בניו תקריב אל פתח אהל מועד ורחצת אתם במים |
| SPואת אהרן ואת בניו תקריב אל פתח אהל מועד ורחצת אתם במים | |
| 5 | MTולקחת את הבגדים והלבשׁת את אהרן את הכתנת ואת מעיל האפד ואת האפד ואת החשׁן ואפדת לו בחשׁב האפד |
| SPולקחת את הבגדים והלבשׁת את אהרן את הכיתנת וחגרת אתו אבניט והלבשׁת אתו את המעיל ונתתה עליו את האפוד ואת החשׁן ואפדת לו בחשׁב האפוד | |
| 6 | MTושׂמת המצנפת על ראשׁו ונתת את נזר הקדשׁ על המצנפת |
| SPושׂמת המצנפת על ראשׁו ונתתה את נזר הקדשׁ על המצנפת | |
| 7 | MTולקחת את שׁמן המשׁחה ויצקת על ראשׁו ומשׁחת אתו |
| SPולקחת את שׁמן המשׁחה ויצקת על ראשׁו ומשׁחת אתו | |
| 8 | MTואת בניו תקריב והלבשׁתם כתנת |
| SPואת בניו תקריב והלבשׁתם כיתנות | |
| 9 | MTוחגרת אתם אבנט אהרן ובניו וחבשׁת להם מגבעת והיתה להם כהנה לחקת עולם ומלאת יד אהרן ויד בניו |
| SPוחגרת אתם אבניטים אהרן ובניו וחבשׁת להם מגבעות והיתה להם כהנה לחקת עולם ומלאת יד אהרן ויד בניו | |
| 10 | MTוהקרבת את הפר לפני אהל מועד וסמך אהרן ובניו את ידיהם על ראשׁ הפר |
| SPוהקרבת את הפר לפני יהוה פתח אהל מועד וסמך אהרן ובניו את ידיהם על ראשׁ הפר | |
| 11 | MTושׁחטת את הפר לפני יהוה פתח אהל מועד |
| SPושׁחטת את הפר לפני יהוה פתח אהל מועד | |
| 12 | MTולקחת מדם הפר ונתתה על קרנת המזבח באצבעך ואת כל הדם תשׁפך אל יסוד המזבח |
| SPולקחת מדם הפר ונתתה על קרנות המזבח באצבעך ואת כל הדם תשׁפך אל יסוד המזבח | |
| 13 | MTולקחת את כל החלב המכסה את הקרב ואת היתרת על הכבד ואת שׁתי הכלית ואת החלב אשׁר עליהן והקטרת המזבחה |
| SPולקחת את כל החלב המכסה את הקרב ואת יותרת הכבד ואת שׁתי הכליות ואת החלב אשׁר עליהן והקטרת המזבחה | |
| 14 | MTואת בשׂר הפר ואת ערו ואת פרשׁו תשׂרף באשׁ מחוץ למחנה חטאת הוא |
| SPואת בשׂר הפר ואת עורו ואת פרשׁו תשׂרף באשׁ מחוץ למחנה חטאת היא | |
| 15 | MTואת האיל האחד תקח וסמכו אהרן ובניו את ידיהם על ראשׁ האיל |
| SPואת האיל האחד תקח וסמך אהרן ובניו את ידיהם על ראשׁ האיל | |
| 16 | MTושׁחטת את האיל ולקחת את דמו וזרקת על המזבח סביב |
| SPושׁחטת את האיל ולקחת את דמו וזרקת על המזבח סביב | |
| 17 | MTואת האיל תנתח לנתחיו ורחצת קרבו וכרעיו ונתת על נתחיו ועל ראשׁו |
| SPואת האיל תנתח לנתחיו ורחצת קרבו וכרעיו ונתתה על נתחיו ועל ראשׁו | |
| 18 | MTוהקטרת את כל האיל המזבחה עלה הוא ליהוה ריח ניחוח אשׁה ליהוה הוא |
| SPוהקטרת את כל האיל המזבחה עלה הוא ליהוה ריח ניחח אשׁה הוא ליהוה | |
| 19 | MTולקחת את האיל השׁני וסמך אהרן ובניו את ידיהם על ראשׁ האיל |
| SPולקחת את האיל השׁני וסמך אהרן ובניו את ידיהם על ראשׁ האיל | |
| 20 | MTושׁחטת את האיל ולקחת מדמו ונתתה על תנוך אזן אהרן ועל תנוך אזן בניו הימנית ועל בהן ידם הימנית ועל בהן רגלם הימנית וזרקת את הדם על המזבח סביב |
| SPושׁחטת את האיל ולקחת מדמו ונתתה על תנך אזן אהרן ועל תנך אזן בניו הימנית ועל בהון ידם הימנית ועל בהון רגלם הימנית וזרקת את הדם על המזבח סביב | |
| 21 | MTולקחת מן הדם אשׁר על המזבח ומשׁמן המשׁחה והזית על אהרן ועל בגדיו ועל בניו ועל בגדי בניו אתו וקדשׁ הוא ובגדיו ובניו ובגדי בניו אתו |
| SPולקחת משׁמן המשׁחה ומן הדם אשׁר על המזבח והזית על אהרן ועל בגדיו ועל בניו ועל בגדי בניו אתו וקדשׁתו ואת בגדיו ואת בניו ואת בגדי בניו אתו | |
| 22 | MTולקחת מן האיל החלב והאליה ואת החלב המכסה את הקרב ואת יתרת הכבד ואת שׁתי הכלית ואת החלב אשׁר עלהן ואת שׁוק הימין כי איל מלאים הוא |
| SPולקחת מן האיל החלב את האליה ואת החלב המכסה את הקרב ואת יותרת הכבד ואת שׁתי הכליות ואת החלב אשׁר עליהן ואת שׁוק הימין כי איל מלאים הוא | |
| 23 | MTוככר לחם אחת וחלת לחם שׁמן אחת ורקיק אחד מסל המצות אשׁר לפני יהוה |
| SPוככר לחם אחת וחלת לחם שׁמן אחת ורקיק אחד מסל המצות אשׁר לפני יהוה | |
| 24 | MTושׂמת הכל על כפי אהרן ועל כפי בניו והנפת אתם תנופה לפני יהוה |
| SPושׂמת הכל על כפי אהרן ועל כפי בניו והנפת אתם תנופה לפני יהוה | |
| 25 | MTולקחת אתם מידם והקטרת המזבחה על העלה לריח ניחוח לפני יהוה אשׁה הוא ליהוה |
| SPולקחת אתם מידם והקטרת אתם המזבחה על העלה לריח ניחח אשׁה הוא ליהוה | |
| 26 | MTולקחת את החזה מאיל המלאים אשׁר לאהרן והנפת אתו תנופה לפני יהוה והיה לך למנה |
| SPולקחת את החזה מאיל המלאים מאשׁר לאהרן והנפת אתו תנופה לפני יהוה והיה לך למנה | |
| 27 | MTוקדשׁת את חזה התנופה ואת שׁוק התרומה אשׁר הונף ואשׁר הורם מאיל המלאים מאשׁר לאהרן ומאשׁר לבניו |
| SPוקדשׁת את חזה התנופה ואת שׁוק התרומה אשׁר הונף ואשׁר הורם מאיל המלאים מאשׁר לאהרן ומאשׁר לבניו | |
| 28 | MTוהיה לאהרן ולבניו לחק עולם מאת בני ישׂראל כי תרומה הוא ותרומה יהיה מאת בני ישׂראל מזבחי שׁלמיהם תרומתם ליהוה |
| SPוהיה לאהרן ולבניו לחק עולם מאת בני ישׂראל כי תרומה הוא ותרומה יהיה מאת בני ישׂראל מזבחי שׁלמיהם תרומתם ליהוה | |
| 29 | MTובגדי הקדשׁ אשׁר לאהרן יהיו לבניו אחריו למשׁחה בהם ולמלא בם את ידם |
| SPובגדי הקדשׁ אשׁר לאהרן יהיו לבניו אחריו למשׁחה בם ולמלא בם את ידם | |
| 30 | MTשׁבעת ימים ילבשׁם הכהן תחתיו מבניו אשׁר יבא אל אהל מועד לשׁרת בקדשׁ |
| SPשׁבעת ימים ילבשׁם הכהן תחתיו מבניו אשׁר יבוא אל אהל מועד לשׁרת בקדשׁ | |
| 31 | MTואת איל המלאים תקח ובשׁלת את בשׂרו במקם קדשׁ |
| SPואת איל המלאים תקח ובשׁלת את בשׂרו במקום קדושׁ | |
| 32 | MTואכל אהרן ובניו את בשׂר האיל ואת הלחם אשׁר בסל פתח אהל מועד |
| SPואכל אהרן ובניו את בשׂר האיל ואת הלחם אשׁר בסל פתח אהל מועד | |
| 33 | MTואכלו אתם אשׁר כפר בהם למלא את ידם לקדשׁ אתם וזר לא יאכל כי קדשׁ הם |
| SPיאכלו אתם אשׁר כפר בם למלא בם את ידם לקדשׁ אתם וזר לא יאכל כי קדשׁ הם | |
| 34 | MTואם יותר מבשׂר המלאים ומן הלחם עד הבקר ושׂרפת את הנותר באשׁ לא יאכל כי קדשׁ הוא |
| SPואם יותר מבשׂר המלאים ומן הלחם עד בקר ושׂרפת את הנותר באשׁ לא יאכל כי קדשׁ הוא | |
| 35 | MTועשׂית לאהרן ולבניו ככה ככל אשׁר צויתי אתכה שׁבעת ימים תמלא ידם |
| SPועשׂית לאהרן ולבניו ככה ככל אשׁר צויתי אתך שׁבעת ימים תמלא את ידם | |
| 36 | MTופר חטאת תעשׂה ליום על הכפרים וחטאת על המזבח בכפרך עליו ומשׁחת אתו לקדשׁו |
| SPופר חטאת תעשׂה ליום על הכפורים וחטאת על המזבח בכפרך עליו ומשׁחת אתו לקדשׁו | |
| 37 | MTשׁבעת ימים תכפר על המזבח וקדשׁת אתו והיה המזבח קדשׁ קדשׁים כל הנגע במזבח יקדשׁ |
| SPשׁבעת ימים תכפר על המזבח וקדשׁת אתו והיה המזבח קדשׁ קדשׁים כל הנגע במזבח יקדשׁ | |
| 38 | MTוזה אשׁר תעשׂה על המזבח כבשׂים בני שׁנה שׁנים ליום תמיד |
| SPוזה אשׁר תעשׂה על המזבח כבשׂים בני שׁנה שׁנים ליום תמיד עלת תמיד | |
| 39 | MTאת הכבשׂ האחד תעשׂה בבקר ואת הכבשׂ השׁני תעשׂה בין הערבים |
| SPאת הכבשׂ האחד תעשׂה בבקר ואת הכבשׂ השׁני תעשׂה בין הערבים | |
| 40 | MTועשׂרן סלת בלול בשׁמן כתית רבע ההין ונסך רבעית ההין יין לכבשׂ האחד |
| SPועשׂרון סלת בלול בשׁמן כתית רבעית ההין ונסך רבעית ההין יין לכבשׂ האחד | |
| 41 | MTואת הכבשׂ השׁני תעשׂה בין הערבים כמנחת הבקר וכנסכה תעשׂה לה לריח ניחח אשׁה ליהוה |
| SPואת הכבשׂ השׁני תעשׂה בין הערבים כמנחת הבקר וכנסכו תעשׂה לו ריח ניחח אשׁה ליהוה | |
| 42 | MTעלת תמיד לדרתיכם פתח אהל מועד לפני יהוה אשׁר אועד לכם שׁמה לדבר אליך שׁם |
| SPעלת תמיד לדרתיכם פתח אהל מועד לפני יהוה אשׁר אועד לך שׁמה לדבר אליך שׁם | |
| 43 | MTונעדתי שׁמה לבני ישׂראל ונקדשׁ בכבדי |
| SPונדרשׁתי שׁם לבני ישׂראל ונקדשׁו בכבודי | |
| 44 | MTוקדשׁתי את אהל מועד ואת המזבח ואת אהרן ואת בניו אקדשׁ לכהן לי |
| SPוקדשׁתי את אהל מועד ואת המזבח ואת אהרן ואת בניו אקדשׁ לכהן לי | |
| 45 | MTושׁכנתי בתוך בני ישׂראל והייתי להם לאלהים |
| SPושׁכנתי בתוך בני ישׂראל והייתי להם לאלהים | |
| 46 | MTוידעו כי אני יהוה אלהיהם אשׁר הוצאתי אתם מארץ מצרים לשׁכני בתוכם אני יהוה אלהיהם |
| SPוידעו כי אני יהוה אלהיהם אשׁר הוצאתי אתם מארץ מצרים לשׁכני בתוכם אני יהוה אלהיהם |