| 1 | MTואתה הקרב אליך את אהרן אחיך ואת בניו אתו מתוך בני ישׂראל לכהנו לי אהרן נדב ואביהוא אלעזר ואיתמר בני אהרן |
| SPואתה הקריב אליך את אהרן אחיך ואת בניו אתו מתוך בני ישׂראל לכהן לי אהרן נדב ואביהוא אלעזר ואיתמר בני אהרן | |
| 2 | MTועשׂית בגדי קדשׁ לאהרן אחיך לכבוד ולתפארת |
| SPועשׂית בגדי קדשׁ לאהרן אחיך לכבוד ולתפארת | |
| 3 | MTואתה תדבר אל כל חכמי לב אשׁר מלאתיו רוח חכמה ועשׂו את בגדי אהרן לקדשׁו לכהנו לי |
| SPואתה תדבר אל כל חכם לב אשׁר מלאתיו רוח חכמה ועשׂו את בגדי אהרן לקדשׁו לכהן לי | |
| 4 | MTואלה הבגדים אשׁר יעשׂו חשׁן ואפוד ומעיל וכתנת תשׁבץ מצנפת ואבנט ועשׂו בגדי קדשׁ לאהרן אחיך ולבניו לכהנו לי |
| SPואלה הבגדים אשׁר יעשׂון חשׁן ואפוד ומעיל כיתנת תשׁבץ מצנפת ואבניט ועשׂו בגדי קדשׁ לאהרן אחיך ולבניו לכהן לי | |
| 5 | MTוהם יקחו את הזהב ואת התכלת ואת הארגמן ואת תולעת השׁני ואת השׁשׁ |
| SPוהם יקחו את הזהב ואת התכלת ואת הארגמן ואת התולעת השׁני ואת השׁשׁ | |
| 6 | MTועשׂו את האפד זהב תכלת וארגמן תולעת שׁני ושׁשׁ משׁזר מעשׂה חשׁב |
| SPועשׂו את האפוד זהב תכלת וארגמן ותולעת שׁני ושׁשׁ משׁזר מעשׂה חשׁב | |
| 7 | MTשׁתי כתפת חברת יהיה לו אל שׁני קצותיו וחבר |
| SPשׁתי כתפות חברות יהיה לו על שׁני קצתיו יחבר | |
| 8 | MTוחשׁב אפדתו אשׁר עליו כמעשׂהו ממנו יהיה זהב תכלת וארגמן ותולעת שׁני ושׁשׁ משׁזר |
| SPוחשׁב אפדתו אשׁר עליו כמעשׂהו ממנו יהיה זהב תכלת וארגמן ותולעת שׁני ושׁשׁ משׁזר | |
| 9 | MTולקחת את שׁתי אבני שׁהם ופתחת עליהם שׁמות בני ישׂראל |
| SPולקחת את שׁתי אבני השׁהם ופתחת עליהן את שׁמות בני ישׂראל | |
| 10 | MTשׁשׁה משׁמתם על האבן האחת ואת שׁמות השׁשׁה הנותרים על האבן השׁנית כתולדתם |
| SPשׁשׁה משׁמותם על האבן האחת ואת שׁמות השׁשׁה הנותרים על האבן השׁנית כתולדתם | |
| 11 | MTמעשׂה חרשׁ אבן פתוחי חתם תפתח את שׁתי האבנים על שׁמת בני ישׂראל מסבת משׁבצות זהב תעשׂה אתם |
| SPמעשׂה חרשׁ אבן פתוחי חותם תפתח את שׁתי האבנים על שׁמות בני ישׂראל מוסבות משׁבצות זהב תעשׂה אתם | |
| 12 | MTושׂמת את שׁתי האבנים על כתפת האפד אבני זכרן לבני ישׂראל ונשׂא אהרן את שׁמותם לפני יהוה על שׁתי כתפיו לזכרן |
| SPושׂמת את שׁתי האבנים על כתפות האפוד אבני זכרון הנה לבני ישׂראל ונשׂא אהרן את שׁמותם לפני יהוה על שׁתי כתפתיו לזכרון | |
| 13 | MTועשׂית משׁבצת זהב |
| SPועשׂית משׁבצות זהב | |
| 14 | MTושׁתי שׁרשׁרת זהב טהור מגבלת תעשׂה אתם מעשׂה עבת ונתתה את שׁרשׁרת העבתת על המשׁבצת |
| SPושׁתי שׁרשׁרות זהב טהור מגבלות תעשׂה אתם מעשׂה עבות ונתתה את שׁרשׁרות העבתות על המשׁבצות | |
| 15 | MTועשׂית חשׁן משׁפט מעשׂה חשׁב כמעשׂה אפד תעשׂנו זהב תכלת וארגמן ותולעת שׁני ושׁשׁ משׁזר תעשׂה אתו |
| SPועשׂית חשׁן משׁפט מעשׂה חשׁב כמעשׂה האפוד תעשׂנו זהב תכלת וארגמן ותולעת שׁני ושׁשׁ משׁזר תעשׂה אתו | |
| 16 | MTרבוע יהיה כפול זרת ארכו וזרת רחבו |
| SPרבוע יהיה כפול זרת ארכו וזרת רחבו | |
| 17 | MTומלאת בו מלאת אבן ארבעה טורים אבן טור אדם פטדה וברקת הטור האחד |
| SPומלאת בו מלאת אבן ארבעה טורים טור אדם פטדה וברקת הטור האחד | |
| 18 | MTוהטור השׁני נפך ספיר ויהלם |
| SPוהטור השׁני נפך ספיר ויחלם | |
| 19 | MTוהטור השׁלישׁי לשׁם שׁבו ואחלמה |
| SPוהטור השׁלישׁי לשׁם שׁבו ואחלמה | |
| 20 | MTוהטור הרביעי תרשׁישׁ ושׁהם וישׁפה משׁבצים זהב יהיו במלואתם |
| SPוהטור הרביעי תרשׁישׁ שׁהם וישׁפה מוסבות משׁבצות זהב יהיו במלאותם | |
| 21 | MTוהאבנים תהיין על שׁמת בני ישׂראל שׁתים עשׂרה על שׁמתם פתוחי חותם אישׁ על שׁמו תהיין לשׁני עשׂר שׁבט |
| SPוהאבנים תהיינה על שׁמות בני ישׂראל שׁתים עשׂרה על שׁמותם פתוחי חותם אישׁ על שׁמו תהינה לשׁנים עשׂר שׁבט | |
| 22 | MTועשׂית על החשׁן שׁרשׁת גבלת מעשׂה עבת זהב טהור |
| SPועשׂית על החשׁן שׁרשׁרות גבלות מעשׂה עבות זהב טהור | |
| 23 | MTועשׂית על החשׁן שׁתי טבעות זהב ונתת את שׁתי הטבעות על שׁני קצות החשׁן |
| SPועשׂית על החשׁן שׁתי משׁבצות זהב ושׁתי טבעות זהב ונתתה את הטבעות על קצות החשׁן | |
| 24 | MTונתתה את שׁתי עבתת הזהב על שׁתי הטבעת אל קצות החשׁן |
| SPונתתה את שׁתי העבתות הזהב על שׁתי הטבעות על קצות החשׁן | |
| 25 | MTואת שׁתי קצות שׁתי העבתת תתן על שׁתי המשׁבצות ונתתה על כתפות האפד אל מול פניו |
| SPואת שׁתי הקצות שׁתי העבתות תתן על שׁתי המשׁבצות ונתתה על כתפות האפוד אל מול פניו | |
| 26 | MTועשׂית שׁתי טבעות זהב ושׂמת אתם על שׁני קצות החשׁן על שׂפתו אשׁר אל עבר האפד ביתה |
| SPועשׂית שׁתי טבעות זהב ושׂמת אתם על שׁני קצות החשׁן על שׂפתו אשׁר על חבר האפוד ביתה | |
| 27 | MTועשׂית שׁתי טבעות זהב ונתתה אתם על שׁתי כתפות האפוד מלמטה ממול פניו לעמת מחברתו ממעל לחשׁב האפוד |
| SPועשׂית שׁתי טבעות זהב ונתתה אתם על שׁתי כתפות האפוד מלמטה ממול פניו לעמת מחברתו ממעל לחשׁב האפוד | |
| 28 | MTוירכסו את החשׁן מטבעתו אל טבעת האפד בפתיל תכלת להיות על חשׁב האפוד ולא יזח החשׁן מעל האפוד |
| SPוירכסו את החשׁן מטבעתו אל טבעת האפוד בפתיל תכלת להיות על חשׁב האפוד ולא יזה החשׁן מעל האפוד | |
| 29 | MTונשׂא אהרן את שׁמות בני ישׂראל בחשׁן המשׁפט על לבו בבאו אל הקדשׁ לזכרן לפני יהוה תמיד |
| SPונשׂא אהרן את שׁמות בני ישׂראל בחשׁן המשׁפט על לבו בבאו אל הקדשׁ לזכרון לפני יהוה תמידה | |
| 30 | MTונתת אל חשׁן המשׁפט את האורים ואת התמים והיו על לב אהרן בבאו לפני יהוה ונשׂא אהרן את משׁפט בני ישׂראל על לבו לפני יהוה תמיד |
| SPועשׂית את הארים ואת התמים ונתתה על חשׁן המשׁפט את הארים ואת התמים והיו על לב אהרן בבאו לפני יהוה ונשׂא אהרן את משׁפט בני ישׂראל על לבו לפני יהוה תמידה | |
| 31 | MTועשׂית את מעיל האפוד כליל תכלת |
| SPועשׂית את מעיל האפוד כליל תכלת | |
| 32 | MTוהיה פי ראשׁו בתוכו שׂפה יהיה לפיו סביב מעשׂה ארג כפי תחרא יהיה לו לא יקרע |
| SPוהיה פי ראשׁו בתוכו שׂפה יהיה לפיו סביב מעשׂה ארג כפי תחרא יהיה לו לא יקרע | |
| 33 | MTועשׂית על שׁוליו רמני תכלת וארגמן ותולעת שׁני על שׁוליו סביב ופעמני זהב בתוכם סביב |
| SPועשׂית על שׁוליו רמוני תכלת וארגמן ותולעת שׁני ושׁשׁ משׁזר על שׁוליו סביב ופעמוני זהב בתוכם סביב | |
| 34 | MTפעמן זהב ורמון פעמן זהב ורמון על שׁולי המעיל סביב |
| SPפעמון זהב ורמון פעמון זהב ורמון על שׁולי המעיל סביב | |
| 35 | MTוהיה על אהרן לשׁרת ונשׁמע קולו בבאו אל הקדשׁ לפני יהוה ובצאתו ולא ימות |
| SPוהיה על אהרן לשׁרת ונשׁמע קולו בבאו אל הקדשׁ לפני יהוה ובצאתו ולא ימות | |
| 36 | MTועשׂית ציץ זהב טהור ופתחת עליו פתוחי חתם קדשׁ ליהוה |
| SPועשׂית ציץ זהב טהור ופתחת עליו פתוחי חותם קדשׁ ליהוה | |
| 37 | MTושׂמת אתו על פתיל תכלת והיה על המצנפת אל מול פני המצנפת יהיה |
| SPושׂמת אתו על פתיל תכלת והיה על המצנפת אל מול פני המצנפת יהיה | |
| 38 | MTוהיה על מצח אהרן ונשׂא אהרן את עון הקדשׁים אשׁר יקדישׁו בני ישׂראל לכל מתנת קדשׁיהם והיה על מצחו תמיד לרצון להם לפני יהוה |
| SPוהיה על מצח אהרן ונשׂא אהרן את עון הקדשׁים אשׁר יקדישׁו בני ישׂראל לכל מתנות קדשׁיהם והיה על מצחו תמיד לרצון להם לפני יהוה | |
| 39 | MTושׁבצת הכתנת שׁשׁ ועשׂית מצנפת שׁשׁ ואבנט תעשׂה מעשׂה רקם |
| SPושׁבצת את הכיתנת שׁשׁ ועשׂית מצנפת שׁשׁ ואבניט תעשׂה מעשׂה רקם | |
| 40 | MTולבני אהרן תעשׂה כתנת ועשׂית להם אבנטים ומגבעות תעשׂה להם לכבוד ולתפארת |
| SPולבני אהרן תעשׂה כיתנות ועשׂית להם אבניטים ומגבעות תעשׂה להם לכבוד ולתפארת | |
| 41 | MTוהלבשׁת אתם את אהרן אחיך ואת בניו אתו ומשׁחת אתם ומלאת את ידם וקדשׁת אתם וכהנו לי |
| SPוהלבשׁת אתם את אהרן אחיך ואת בניו אתו ומשׁחת אתם ומלאת את ידם וקדשׁת אתם וכהנו לי | |
| 42 | MTועשׂה להם מכנסי בד לכסות בשׂר ערוה ממתנים ועד ירכים יהיו |
| SPועשׂה להם מכנסי בד לכסות בשׂר ערוה ממתנים ועד ירכים יהיו | |
| 43 | MTוהיו על אהרן ועל בניו בבאם אל אהל מועד או בגשׁתם אל המזבח לשׁרת בקדשׁ ולא ישׂאו עון ומתו חקת עולם לו ולזרעו אחריו |
| SPוהיו על אהרן ועל בניו בבאם אל אהל מועד או בגשׁתם אל המזבח לשׁרת בקדשׁ ולא ישׂאו עון ומתו חקות עולם לו ולזרעו אחריו |