| 1 | MTועשׂית את המזבח עצי שׁטים חמשׁ אמות ארך וחמשׁ אמות רחב רבוע יהיה המזבח ושׁלשׁ אמות קמתו |
| SPועשׂית מזבח עצי שׁטים חמשׁ אמות ארך וחמשׁ אמות רחב רבוע יהיה המזבח ושׁלשׁ אמות קומתו | |
| 2 | MTועשׂית קרנתיו על ארבע פנתיו ממנו תהיין קרנתיו וצפית אתו נחשׁת |
| SPועשׂית קרנתיו על ארבע פנתיו ממנו תהינה קרנתיו וצפית אתו נחשׁת | |
| 3 | MTועשׂית סירתיו לדשׁנו ויעיו ומזרקתיו ומזלגתיו ומחתתיו לכל כליו תעשׂה נחשׁת |
| SPועשׂית סירתיו לדשׁנו ויעיו ומזרקתיו ומזלגתיו ומחתיתיו לכל כליו תעשׂה נחשׁת | |
| 4 | MTועשׂית לו מכבר מעשׂה רשׁת נחשׁת ועשׂית על הרשׁת ארבע טבעת נחשׁת על ארבע קצותיו |
| SPועשׂית לו מכבר מעשׂה רשׁת נחשׁת ועשׂית על הרשׁת ארבע טבעות נחשׁת על ארבע קצתיו | |
| 5 | MTונתתה אתה תחת כרכב המזבח מלמטה והיתה הרשׁת עד חצי המזבח |
| SPונתתה אתו תחת כרכב המזבח מלמטה והיתה הרשׁת עד חצי המזבח | |
| 6 | MTועשׂית בדים למזבח בדי עצי שׁטים וצפית אתם נחשׁת |
| SPועשׂית בדים למזבח בדי עצי שׁטים וצפית אתם נחשׁת | |
| 7 | MTוהובא את בדיו בטבעת והיו הבדים על שׁתי צלעת המזבח בשׂאת אתו |
| SPוהבאת את הבדים בטבעות והיו הבדים על שׁתי צלעות המזבח בשׂאת אתו | |
| 8 | MTנבוב לחת תעשׂה אתו כאשׁר הראה אתך בהר כן יעשׂו |
| SPנבוב לוחות תעשׂה אתו כאשׁר הראה אתך בהר וכן יעשׂו | |
| 9 | MTועשׂית את חצר המשׁכן לפאת נגב תימנה קלעים לחצר שׁשׁ משׁזר מאה באמה ארך לפאה האחת |
| SPועשׂית את חצר המשׁכן לפאת נגבה תימנה קלעים לחצר שׁשׁ משׁזר מאה באמה ארך לפאה האחת | |
| 10 | MTועמדיו עשׂרים ואדניהם עשׂרים נחשׁת ווי העמדים וחשׁקיהם כסף |
| SPועמודיו עשׂרים ואדניהם עשׂרים נחשׁת וויהם וחשׁקיהם כסף | |
| 11 | MTוכן לפאת צפון בארך קלעים מאה ארך ועמדו עשׂרים ואדניהם עשׂרים נחשׁת ווי העמדים וחשׁקיהם כסף |
| SPוכן לפאת צפונה בארך קלעים מאה באמה עמודיהם עשׂרים ואדניהם עשׂרים נחשׁת וויהם וחשׁקיהם כסף | |
| 12 | MTורחב החצר לפאת ים קלעים חמשׁים אמה עמדיהם עשׂרה ואדניהם עשׂרה |
| SPורחב החצר לפאת ימה קלעים חמשׁים אמה עמודיהם עשׂרה ואדניהם עשׂרה נחשׁת | |
| 13 | MTורחב החצר לפאת קדמה מזרחה חמשׁים אמה |
| SPורחב החצר לפאת קדמה מזרחה חמשׁים אמה | |
| 14 | MTוחמשׁ עשׂרה אמה קלעים לכתף עמדיהם שׁלשׁה ואדניהם שׁלשׁה |
| SPחמשׁ עשׂרה אמה קלעים לכתף עמודיהם שׁלשׁה ואדניהם שׁלשׁה נחשׁת | |
| 15 | MTולכתף השׁנית חמשׁ עשׂרה קלעים עמדיהם שׁלשׁה ואדניהם שׁלשׁה |
| SPולפאת השׁנית חמשׁ עשׂרה אמה קלעים עמודיהם שׁלשׁה ואדניהם שׁלשׁה נחשׁת | |
| 16 | MTולשׁער החצר מסך עשׂרים אמה תכלת וארגמן ותולעת שׁני ושׁשׁ משׁזר מעשׂה רקם עמדיהם ארבעה ואדניהם ארבעה |
| SPולשׁער החצר מסך עשׂרים אמה תכלת וארגמן ותולעת שׁני ושׁשׁ משׁזר מעשׂה רקם ועמודיהם ארבעה ואדניהם ארבעה נחשׁת | |
| 17 | MTכל עמודי החצר סביב מחשׁקים כסף וויהם כסף ואדניהם נחשׁת |
| SPכל עמודי החצר סביב מחשׁקים כסף וויהם כסף ואדניהם נחשׁת | |
| 18 | MTארך החצר מאה באמה ורחב חמשׁים בחמשׁים וקמה חמשׁ אמות שׁשׁ משׁזר ואדניהם נחשׁת |
| SPארך החצר מאה באמה ורחב חמשׁים באמה וקומה חמשׁ אמות שׁשׁ משׁזר ואדניהם נחשׁת | |
| 19 | MTלכל כלי המשׁכן בכל עבדתו וכל יתדתיו וכל יתדת החצר נחשׁת |
| SPועשׂית את כל כלי המשׁכן בכל עבדתו ובכל יתדתיו וכל יתדות החצר נחשׁת ועשׂית בגדי תכלת וארגמן ותולעת שׁני לשׁרת בהם בקדשׁ | |
| 20 | MTואתה תצוה את בני ישׂראל ויקחו אליך שׁמן זית זך כתית למאור להעלת נר תמיד |
| SPואתה תצוה את בני ישׂראל ויקחו אליך שׁמן זית זך כתית למאור לעלות נר תמיד | |
| 21 | MTבאהל מועד מחוץ לפרכת אשׁר על העדת יערך אתו אהרן ובניו מערב עד בקר לפני יהוה חקת עולם לדרתם מאת בני ישׂראל |
| SPבאהל מועד מחוץ לפרכת אשׁר על העדות יעריך אתו אהרן ובניו מערב עד בקר לפני יהוה חקות עולם לדרתיכם מאת בני ישׂראל |