| 1 | MTואת המשׁכן תעשׂה עשׂר יריעת שׁשׁ משׁזר ותכלת וארגמן ותלעת שׁני כרבים מעשׂה חשׁב תעשׂה אתם |
| SPואת המשׁכן תעשׂה עשׂר יריעות שׁשׁ משׁזר תכלת וארגמן ותולעת שׁני כרובים מעשׂה חשׁב תעשׂה אתם | |
| 2 | MTארך היריעה האחת שׁמנה ועשׂרים באמה ורחב ארבע באמה היריעה האחת מדה אחת לכל היריעת |
| SPארך היריעה האחת שׁמנה ועשׂרים באמה ורחב ארבע באמה היריעה האחת מדה אחת לכל היריעות | |
| 3 | MTחמשׁ היריעת תהיין חברת אשׁה אל אחתה וחמשׁ יריעת חברת אשׁה אל אחתה |
| SPוחמשׁ היריעות תהינה חברות אחת אל אחת וחמשׁ היריעות תהינה חברות אחת אל אחת | |
| 4 | MTועשׂית ללאת תכלת על שׂפת היריעה האחת מקצה בחברת וכן תעשׂה בשׂפת היריעה הקיצונה במחברת השׁנית |
| SPועשׂית ללאות תכלת על שׂפת היריעה האחת בקצה במחברת וכן תעשׂה בשׂפת היריעה הקצונה במחברת השׁנית | |
| 5 | MTחמשׁים ללאת תעשׂה ביריעה האחת וחמשׁים ללאת תעשׂה בקצה היריעה אשׁר במחברת השׁנית מקבילת הללאת אשׁה אל אחתה |
| SPחמשׁים ללאות תעשׂה ביריעה האחת וחמשׁים ללאות תעשׂה בקצה היריעה אשׁר במחברת השׁנית מקבלות הללאות אחת אל אחת | |
| 6 | MTועשׂית חמשׁים קרסי זהב וחברת את היריעת אשׁה אל אחתה בקרסים והיה המשׁכן אחד |
| SPועשׂית חמשׁים קרסי זהב וחברת את היריעות אחת אל אחת בקרסים והיה המשׁכן אחד | |
| 7 | MTועשׂית יריעת עזים לאהל על המשׁכן עשׁתי עשׂרה יריעת תעשׂה אתם |
| SPועשׂית יריעות עזים לאהל על המשׁכן עשׁתה עשׂרה יריעות תעשׂה אתם | |
| 8 | MTארך היריעה האחת שׁלשׁים באמה ורחב ארבע באמה היריעה האחת מדה אחת לעשׁתי עשׂרה יריעת |
| SPארך היריעה האחת שׁלשׁים באמה וארבע אמות רחב היריעה האחת מדה אחת לעשׁתה עשׂרה היריעות | |
| 9 | MTוחברת את חמשׁ היריעת לבד ואת שׁשׁ היריעת לבד וכפלת את היריעה השׁשׁית אל מול פני האהל |
| SPוחברת את חמשׁ היריעות לבד ואת שׁשׁ היריעות לבד וכפלת את היריעה השׁשׁית אל מול פני האהל | |
| 10 | MTועשׂית חמשׁים ללאת על שׂפת היריעה האחת הקיצנה בחברת וחמשׁים ללאת על שׂפת היריעה החברת השׁנית |
| SPועשׂית ללאות חמשׁים על שׂפת היריעה האחת הקצונה במחברת וחמשׁים ללאות תעשׂה על שׂפת היריעה החברת השׁנית | |
| 11 | MTועשׂית קרסי נחשׁת חמשׁים והבאת את הקרסים בללאת וחברת את האהל והיה אחד |
| SPועשׂית קרסי נחשׁת חמשׁים והבאת את הקרסים בללאות וחברת את האהל והיה אחד | |
| 12 | MTוסרח העדף ביריעת האהל חצי היריעה העדפת תסרח על אחרי המשׁכן |
| SPוסרח העדף ביריעות האהל חצי היריעה העדפת תסרח אל אחרי המשׁכן | |
| 13 | MTוהאמה מזה והאמה מזה בעדף בארך יריעת האהל יהיה סרוח על צדי המשׁכן מזה ומזה לכסתו |
| SPוהאמה מזה והאמה מזה בעדף בארך יריעות האהל יהיה סרוח אל צדי המשׁכן מזה ומזה לכסותו | |
| 14 | MTועשׂית מכסה לאהל ערת אילם מאדמים ומכסה ערת תחשׁים מלמעלה |
| SPועשׂית מכסה לאהל עורות אילים מאדמים ומכסה עורות תחשׁים מלמעלה | |
| 15 | MTועשׂית את הקרשׁים למשׁכן עצי שׁטים עמדים |
| SPועשׂית את הקרשׁים למשׁכן עצי שׁטים עמדים | |
| 16 | MTעשׂר אמות ארך הקרשׁ ואמה וחצי האמה רחב הקרשׁ האחד |
| SPעשׂר אמות ארך הקרשׁ האחד אמה וחצי האמה רחב הקרשׁ האחד | |
| 17 | MTשׁתי ידות לקרשׁ האחד משׁלבת אשׁה אל אחתה כן תעשׂה לכל קרשׁי המשׁכן |
| SPשׁתי ידות לקרשׁ האחד משׁלבות אחת אל אחת כן תעשׂה לכל קרשׁי המשׁכן | |
| 18 | MTועשׂית את הקרשׁים למשׁכן עשׂרים קרשׁ לפאת נגבה תימנה |
| SPועשׂית את הקרשׁים למשׁכן עשׂרים קרשׁים לפאת נגבה תימנה | |
| 19 | MTוארבעים אדני כסף תעשׂה תחת עשׂרים הקרשׁ שׁני אדנים תחת הקרשׁ האחד לשׁתי ידתיו ושׁני אדנים תחת הקרשׁ האחד לשׁתי ידתיו |
| SPוארבעים אדני כסף תעשׂה תחת עשׂרים הקרשׁים שׁני אדנים תחת הקרשׁ האחד לשׁתי יתדתיו ושׁני אדנים תחת הקרשׁ האחד לשׁתי יתדתיו | |
| 20 | MTולצלע המשׁכן השׁנית לפאת צפון עשׂרים קרשׁ |
| SPולצלע המשׁכן השׁנית לפאת צפונה תעשׂה עשׂרים קרשׁים | |
| 21 | MTוארבעים אדניהם כסף שׁני אדנים תחת הקרשׁ האחד ושׁני אדנים תחת הקרשׁ האחד |
| SPוארבעים אדניהם כסף שׁני אדנים תחת הקרשׁ האחד ושׁני אדנים תחת הקרשׁ האחד | |
| 22 | MTולירכתי המשׁכן ימה תעשׂה שׁשׁה קרשׁים |
| SPולירכתי המשׁכן ימה תעשׂה שׁשׁה קרשׁים | |
| 23 | MTושׁני קרשׁים תעשׂה למקצעת המשׁכן בירכתים |
| SPושׁני קרשׁים תעשׂה למקצעות המשׁכן בירכתים | |
| 24 | MTויהיו תאמים מלמטה ויחדו יהיו תמים על ראשׁו אל הטבעת האחת כן יהיה לשׁניהם לשׁני המקצעת יהיו |
| SPוהיו תאמים מלמטה יחדו יהיו תאמים אל ראשׁו אל הטבעת האחת כן יהיה לשׁניהם לשׁני המקצעות יהיו | |
| 25 | MTוהיו שׁמנה קרשׁים ואדניהם כסף שׁשׁה עשׂר אדנים שׁני אדנים תחת הקרשׁ האחד ושׁני אדנים תחת הקרשׁ האחד |
| SPוהיו שׁמנה קרשׁים ואדניהם כסף שׁשׁה עשׂר אדנים שׁני אדנים שׁני אדנים לקרשׁ האחד | |
| 26 | MTועשׂית בריחם עצי שׁטים חמשׁה לקרשׁי צלע המשׁכן האחד |
| SPועשׂית בריחי עצי שׁטים חמשׁה לקרשׁי צלע המשׁכן האחד | |
| 27 | MTוחמשׁה בריחם לקרשׁי צלע המשׁכן השׁנית וחמשׁה בריחם לקרשׁי צלע המשׁכן לירכתים ימה |
| SPוחמשׁה בריחים לקרשׁי צלע המשׁכן השׁנית וחמשׁה בריחים לקרשׁי צלע המשׁכן לירכתים ימה | |
| 28 | MTוהבריח התיכן בתוך הקרשׁים מברח מן הקצה אל הקצה |
| SPוהבריח התיכון בתוך הקרשׁים מבריח מן הקצה אל הקצה | |
| 29 | MTואת הקרשׁים תצפה זהב ואת טבעתיהם תעשׂה זהב בתים לבריחם וצפית את הבריחם זהב |
| SPואת הקרשׁים תצפה זהב ואת טבעתיהם תעשׂה זהב בתים לבריחים וצפית את הבריחים זהב | |
| 30 | MTוהקמת את המשׁכן כמשׁפטו אשׁר הראית בהר |
| SPוהקמת את המשׁכן כמשׁפטו אשׁר הראת בהר | |
| 31 | MTועשׂית פרכת תכלת וארגמן ותולעת שׁני ושׁשׁ משׁזר מעשׂה חשׁב יעשׂה אתה כרבים |
| SPועשׂית פרכת תכלת וארגמן ותולעת שׁני ושׁשׁ משׁזר מעשׂה חשׁב יעשׂו אתה כרובים | |
| 32 | MTונתתה אתה על ארבעה עמודי שׁטים מצפים זהב וויהם זהב על ארבעה אדני כסף |
| SPונתתה אתה על ארבעה עמודי שׁטים מצפים זהב וויהם זהב על ארבע אדני כסף | |
| 33 | MTונתתה את הפרכת תחת הקרסים והבאת שׁמה מבית לפרכת את ארון העדות והבדילה הפרכת לכם בין הקדשׁ ובין קדשׁ הקדשׁים |
| SPונתתה את הפרכת תחת הקרסים והבאת שׁם מבית לפרכת את ארון העדות והבדילה הפרכת לכם בין הקדשׁ ובין קדשׁ הקדשׁים | |
| 34 | MTונתת את הכפרת על ארון העדת בקדשׁ הקדשׁים |
| SPונתתה את הכפרת על ארון העדות בקדשׁ הקדשׁים | |
| 35 | MTושׂמת את השׁלחן מחוץ לפרכת ואת המנרה נכח השׁלחן על צלע המשׁכן תימנה והשׁלחן תתן על צלע צפון |
| SPושׂמת את השׁלחן מחוץ לפרכת ואת המנורה נכח השׁלחן על ירך המשׁכן תימנה ואת השׁלחן תתן על צלע צפונה ועשׂית מזבח מקטיר קטרת עצי שׁטים תעשׂה אתו אמה ארכו ואמה רחבו רבוע יהיה ואמתים קומתו ממנו קרנתיו וצפית אתו זהב טהור את גגו ואת קירתיו סביב ואת קרנתיו ועשׂית לו זר זהב סביב ושׁתי טבעות זהב תעשׂה לו מתחת לזרו על שׁתי צלעתיו תעשׂה על שׁני צדיו והיו לבתים לבדים לשׂאת אתו בהם ועשׂית את הבדים עצי שׁטים וצפית אתם זהב ונתתה אתו לפני הפרכת אשׁר על ארון העדות אשׁר אועד לך שׁמה והקטיר עליו אהרן קטרת סמים בבקר בבקר בהטיבו את הנרות יקטירנו ובהעלות אהרן את הנרות בין הערבים יקטירנה קטרת תמיד לפני יהוה לדרתיכם לא תעלו עליו קטרת זרה ועלה ומנחה ונסך לא תסכו עליו וכפר אהרן על קרנתיו אחת בשׁנה מדם חטאת הכפורים אחת בשׁנה יכפר עליו לדרתיכם קדשׁ קדשׁים הוא ליהוה | |
| 36 | MTועשׂית מסך לפתח האהל תכלת וארגמן ותולעת שׁני ושׁשׁ משׁזר מעשׂה רקם |
| SPועשׂית מסך לפתח האהל תכלת וארגמן ותולעת שׁני ושׁשׁ משׁזר מעשׂה רקם | |
| 37 | MTועשׂית למסך חמשׁה עמודי שׁטים וצפית אתם זהב וויהם זהב ויצקת להם חמשׁה אדני נחשׁת |
| SPועשׂית למסך חמשׁה עמודי שׁטים וצפית אתם זהב טהור וויהם זהב ויצקת להם חמשׁה אדני נחשׁת |