| 1 | MTלא תשׂא שׁמע שׁוא אל תשׁת ידך עם רשׁע להית עד חמס |
| SPלא תשׂא שׁמע שׁוא אל תשׁית ידך עם רשׁע להיות עד חמס | |
| 2 | MTלא תהיה אחרי רבים לרעת ולא תענה על רב לנטת אחרי רבים להטת |
| SPלא תהיה אחרי רבים לרעות ולא תענה על ריב לנטות אחרי רבים להטות | |
| 3 | MTודל לא תהדר בריבו |
| SPודל לא תהדר בריבו | |
| 4 | MTכי תפגע שׁור איבך או חמרו תעה השׁב תשׁיבנו לו |
| SPכי תפגע שׁור איבך או חמורו או כל בהמתו תעה השׁב תשׁיבנו לו | |
| 5 | MTכי תראה חמור שׂנאך רבץ תחת משׂאו וחדלת מעזב לו עזב תעזב עמו |
| SPכי תראה חמור שׂנאך רבץ תחת משׂאו וחדלת מעזב לו עזב תעזב עמו | |
| 6 | MTלא תטה משׁפט אבינך בריבו |
| SPלא תטה משׁפט אביונך בריבו | |
| 7 | MTמדבר שׁקר תרחק ונקי וצדיק אל תהרג כי לא אצדיק רשׁע |
| SPמדבר שׁקר תרחק ונקיא וצדיק אל תהרג כי לא הצדיק רשׁע | |
| 8 | MTושׁחד לא תקח כי השׁחד יעור פקחים ויסלף דברי צדיקים |
| SPושׁחד אל תקח כי השׁחד יעור עיני פקחים ויסלף דברי צדקים | |
| 9 | MTוגר לא תלחץ ואתם ידעתם את נפשׁ הגר כי גרים הייתם בארץ מצרים |
| SPוגר לא תלחצו ואתם ידעתם את נפשׁ הגר כי גרים הייתם בארץ מצרים | |
| 10 | MTושׁשׁ שׁנים תזרע את ארצך ואספת את תבואתה |
| SPושׁשׁ שׁנים תזרע את ארצך ואספת את תבואתה | |
| 11 | MTוהשׁביעת תשׁמטנה ונטשׁתה ואכלו אביני עמך ויתרם תאכל חית השׂדה כן תעשׂה לכרמך לזיתך |
| SPוהשׁביעית תשׁמטנה ונטשׁתה ואכלו אביוני עמך ויתרם תאכל חית השׂדה כן תעשׂה לכרמך ולזיתיך | |
| 12 | MTשׁשׁת ימים תעשׂה מעשׂיך וביום השׁביעי תשׁבת למען ינוח שׁורך וחמרך וינפשׁ בן אמתך והגר |
| SPשׁשׁת ימים תעשׂה מעשׂיך וביום השׁביעי תשׁבת למען ינוח עבדך ואמתך כמוך וכל בהמתך והגר | |
| 13 | MTובכל אשׁר אמרתי אליכם תשׁמרו ושׁם אלהים אחרים לא תזכירו לא ישׁמע על פיך |
| SPוכל אשׁר אמרתי אליכם תשׁמרו ושׁם אלהים אחרים לא תזכר ולא ישׁמעו על פיך | |
| 14 | MTשׁלשׁ רגלים תחג לי בשׁנה |
| SPשׁלשׁ רגלים תחג לי בשׁנה | |
| 15 | MTאת חג המצות תשׁמר שׁבעת ימים תאכל מצות כאשׁר צויתך למועד חדשׁ האביב כי בו יצאת ממצרים ולא יראו פני ריקם |
| SPאת חג המצות תשׁמר שׁבעת ימים תאכל מצות כאשׁר צויתיך למועד חדשׁ האביב כי בו יצאת ממצרים ולא יראו פני רקים | |
| 16 | MTוחג הקציר בכורי מעשׂיך אשׁר תזרע בשׂדה וחג האסף בצאת השׁנה באספך את מעשׂיך מן השׂדה |
| SPוחג הקציר בכורי מעשׂיך אשׁר תזרע בשׂדה וחג האסף בצאת השׁנה באספך את מעשׂיך מן השׂדה | |
| 17 | MTשׁלשׁ פעמים בשׁנה יראה כל זכורך אל פני האדן יהוה |
| SPשׁלשׁ פעמים בשׁנה יראה כל זכורך את פני הארון יהוה | |
| 18 | MTלא תזבח על חמץ דם זבחי ולא ילין חלב חגי עד בקר |
| SPלא תזבח על חמץ דם זבחי ולא ילין חלב חגי עד בקר | |
| 19 | MTראשׁית בכורי אדמתך תביא בית יהוה אלהיך לא תבשׁל גדי בחלב אמו |
| SPראשׁית בכורי אדמתך תביא ביתה יהוה אלהיך לא תבשׁל גדי בחלב אמו כי עשׂה זאת כזבח שׁכח ועברה היא לאלהי יעקב | |
| 20 | MTהנה אנכי שׁלח מלאך לפניך לשׁמרך בדרך ולהביאך אל המקום אשׁר הכנתי |
| SPהנה אנכי שׁלח מלאכי לפניך לשׁמרך בדרך ולהביאך אל המקום אשׁר הכנתי | |
| 21 | MTהשׁמר מפניו ושׁמע בקלו אל תמר בו כי לא ישׂא לפשׁעכם כי שׁמי בקרבו |
| SPהשׁמר מפניו ושׁמע בקולו אל תמרי בו כי לא ישׂא לפשׁעכם כי שׁמי בקרבו | |
| 22 | MTכי אם שׁמע תשׁמע בקלו ועשׂית כל אשׁר אדבר ואיבתי את איביך וצרתי את צרריך |
| SPכי אם שׁמע תשׁמעו בקולי ועשׂיתם את כל אשׁר אדבר ואיבתי את איביך וצרתי את צרריך | |
| 23 | MTכי ילך מלאכי לפניך והביאך אל האמרי והחתי והפרזי והכנעני החוי והיבוסי והכחדתיו |
| SPכי ילך מלאכי לפניך והביאך אל הכנעני והאמרי והחתי והגרגשׁי והפרזי והחוי והיבוסי והכחדתיו | |
| 24 | MTלא תשׁתחוה לאלהיהם ולא תעבדם ולא תעשׂה כמעשׂיהם כי הרס תהרסם ושׁבר תשׁבר מצבתיהם |
| SPלא תשׁתחוי לאלהיהם ולא תעבדם ולא תעשׂה כמעשׂיהם כי הרס תהרסם ושׁבר תשׁבר מצבתיהם | |
| 25 | MTועבדתם את יהוה אלהיכם וברך את לחמך ואת מימיך והסרתי מחלה מקרבך |
| SPועבדתם את יהוה אלהיכם וברך את לחמך ואת מימיך והסרתי מחלה מקרבך | |
| 26 | MTלא תהיה משׁכלה ועקרה בארצך את מספר ימיך אמלא |
| SPולא תהיה משׁכלה ועקרה בארצך את מספר ימיך אמלא | |
| 27 | MTאת אימתי אשׁלח לפניך והמתי את כל העם אשׁר תבא בהם ונתתי את כל איביך אליך ערף |
| SPאת אימתי אשׁלח לפניך והמתי את כל העם אשׁר תבוא בהן ונתתי את כל איביך אליך ערף | |
| 28 | MTושׁלחתי את הצרעה לפניך וגרשׁה את החוי את הכנעני ואת החתי מלפניך |
| SPושׁלחתי את הצרעה לפניך וגרשׁה את הכנעני ואת האמרי ואת החתי ואת הגרגשׁי ואת הפרזי ואת החוי ואת היבוסי מלפניך | |
| 29 | MTלא אגרשׁנו מפניך בשׁנה אחת פן תהיה הארץ שׁממה ורבה עליך חית השׂדה |
| SPלא אגרשׁנו מפניך בשׁנה אחת פן תהיה הארץ שׁממה ורבה עליך חית השׂדה | |
| 30 | MTמעט מעט אגרשׁנו מפניך עד אשׁר תפרה ונחלת את הארץ |
| SPמעט מעט אגרשׁנו מפניך עד אשׁר תפרה ונחלת את הארץ | |
| 31 | MTושׁתי את גבלך מים סוף ועד ים פלשׁתים וממדבר עד הנהר כי אתן בידכם את ישׁבי הארץ וגרשׁתמו מפניך |
| SPושׁתי את גבולך מים סוף ועד ים פלשׁתים וממדבר עד הנהר כי אתן בידכם את ישׁבי הארץ וגרשׁתים מפניך | |
| 32 | MTלא תכרת להם ולאלהיהם ברית |
| SPלא תכרת להם ולאלהיהם ברית | |
| 33 | MTלא ישׁבו בארצך פן יחטיאו אתך לי כי תעבד את אלהיהם כי יהיה לך למוקשׁ |
| SPלא ישׁבו בארצך פן יחטיאו אתך לי כי תעבד את אלהיהם כי יהיו לך למוקשׁ |