| 1 | MTאם במחתרת ימצא הגנב והכה ומת אין לו דמים |
| SPאם במחתרת ימצא הגנב והכהו ומת אין לו דם | |
| 2 | MTאם זרחה השׁמשׁ עליו דמים לו שׁלם ישׁלם אם אין לו ונמכר בגנבתו |
| SPאם זרחה השׁמשׁ עליו דם לו שׁלם ישׁלם אם אין לו ונמכר בגנבתו | |
| 3 | MTאם המצא תמצא בידו הגנבה משׁור עד חמור עד שׂה חיים שׁנים ישׁלם |
| SPאם המצא תמצא בידו הגנבה משׁור עד חמור עד שׂה עד כל בהמה חיים אחד שׁנים ישׁלם | |
| 4 | MTכי יבער אישׁ שׂדה או כרם ושׁלח את בעירה ובער בשׂדה אחר מיטב שׂדהו ומיטב כרמו ישׁלם |
| SPוכי יבעיר אישׁ שׂדה או כרם ושׁלח את בעירו ובער בשׂדה אחר שׁלם ישׁלם משׂדהו כתבואתה ואם כל השׂדה יבעה מיטב שׂדהו ומיטב כרמו ישׁלם | |
| 5 | MTכי תצא אשׁ ומצאה קצים ונאכל גדישׁ או הקמה או השׂדה שׁלם ישׁלם המבער את הבערה |
| SPכי תצא אשׁ ומצאה קוצים ונאכל גדישׁ או הקמה או שׂדה שׁלם ישׁלם המבעיר את הבעירה | |
| 6 | MTכי יתן אישׁ אל רעהו כסף או כלים לשׁמר וגנב מבית האישׁ אם ימצא הגנב ישׁלם שׁנים |
| SPוכי יתן אישׁ אל רעהו כסף או כלים לשׁמר ונגנב מבית האישׁ אם ימצא הגנב ושׁלם אחד שׁנים | |
| 7 | MTאם לא ימצא הגנב ונקרב בעל הבית אל האלהים אם לא שׁלח ידו במלאכת רעהו |
| SPואם לא ימצא הגנב ונקרב בעל הבית אל האלהים אם לא שׁלח ידו במלאכת רעהו | |
| 8 | MTעל כל דבר פשׁע על שׁור על חמור על שׂה על שׂלמה על כל אבדה אשׁר יאמר כי הוא זה עד האלהים יבא דבר שׁניהם אשׁר ירשׁיען אלהים ישׁלם שׁנים לרעהו |
| SPעל כל דבר פשׁע על שׁור על חמור על שׂה על שׂמלה על כל האבדה אשׁר יאמר כי הוא זה עד יהוה יבוא דבר שׁניהם אשׁר ירשׁיענו האלהים ישׁלם אחד שׁנים לרעהו | |
| 9 | MTכי יתן אישׁ אל רעהו חמור או שׁור או שׂה וכל בהמה לשׁמר ומת או נשׁבר או נשׁבה אין ראה |
| SPוכי יתן אישׁ אל רעהו חמור או שׁור או שׂה או כל בהמה לשׁמר ומת או נשׁבר או נשׁבה אין ראה | |
| 10 | MTשׁבעת יהוה תהיה בין שׁניהם אם לא שׁלח ידו במלאכת רעהו ולקח בעליו ולא ישׁלם |
| SPשׁבועת יהוה תהיה בין שׁניהם אם לא שׁלח ידו במלאכת רעהו ולקח בעליו ולא ישׁלם | |
| 11 | MTואם גנב יגנב מעמו ישׁלם לבעליו |
| SPאם גנב יגנב מעמו ושׁלם לבעליו | |
| 12 | MTאם טרף יטרף יבאהו עד הטרפה לא ישׁלם |
| SPאם טרף יטרף יביא עד הטרפה ולא ישׁלם | |
| 13 | MTוכי ישׁאל אישׁ מעם רעהו ונשׁבר או מת בעליו אין עמו שׁלם ישׁלם |
| SPוכי ישׁאל אישׁ מעם רעהו ונשׁבר או מת בעליו אין עמו שׁלם ישׁלם | |
| 14 | MTאם בעליו עמו לא ישׁלם אם שׂכיר הוא בא בשׂכרו |
| SPאם בעליו עמו לא ישׁלם אם שׂכיר הוא ובא בשׂכרו | |
| 15 | MTוכי יפתה אישׁ בתולה אשׁר לא ארשׂה ושׁכב עמה מהר ימהרנה לו לאשׁה |
| SPוכי יפתה אישׁ בתולה אשׁר לא ארשׂה ושׁכב עמה מהר ימהרנה לו לאשׁה | |
| 16 | MTאם מאן ימאן אביה לתתה לו כסף ישׁקל כמהר הבתולת |
| SPואם מאן ימאן אביה לתתה לו כסף ישׁקל כמהר הבתולות | |
| 17 | MTמכשׁפה לא תחיה |
| SPמכשׁפה לא תחיה | |
| 18 | MTכל שׁכב עם בהמה מות יומת |
| SPכל שׁכב עם בהמה מות יומת | |
| 19 | MTזבח לאלהים יחרם בלתי ליהוה לבדו |
| SPזבח לאלהים אחרים יחרם | |
| 20 | MTוגר לא תונה ולא תלחצנו כי גרים הייתם בארץ מצרים |
| SPוגר לא תונו ולא תלחצו כי גרים הייתם בארץ מצרים | |
| 21 | MTכל אלמנה ויתום לא תענון |
| SPכל אלמנה ויתום לא תענו | |
| 22 | MTאם ענה תענה אתו כי אם צעק יצעק אלי שׁמע אשׁמע צעקתו |
| SPכי אם ענה תענו אתו כי אם צעק יצעק אלי שׁמע אשׁמע צעקתו | |
| 23 | MTוחרה אפי והרגתי אתכם בחרב והיו נשׁיכם אלמנות ובניכם יתמים |
| SPוחרה אפי והרגתי אתכם בחרב והיו נשׁיכם אלמנות ובניכם יתומים | |
| 24 | MTאם כסף תלוה את עמי את העני עמך לא תהיה לו כנשׁה לא תשׂימון עליו נשׁך |
| SPאם כסף תלוה את עמי את עני עמך לא תהיה לו כנשׁא לא תשׂימנו עליו נשׁך | |
| 25 | MTאם חבל תחבל שׂלמת רעך עד בא השׁמשׁ תשׁיבנו לו |
| SPאם חבל תחבל את שׂמלת רעך עד בא השׁמשׁ תשׁיבנה לו | |
| 26 | MTכי הוא כסותה לבדה הוא שׂמלתו לערו במה ישׁכב והיה כי יצעק אלי ושׁמעתי כי חנון אני |
| SPכי היא כסותו לבדה היא שׂמלתו לעורו במה ישׁכב והיה כי יצעק אלי ושׁמעתי כי חנון אנכי | |
| 27 | MTאלהים לא תקלל ונשׂיא בעמך לא תאר |
| SPאלהים לא תקלל ונשׂיא בעמך לא תאר | |
| 28 | MTמלאתך ודמעך לא תאחר בכור בניך תתן לי |
| SPמליתך ודמעך לא תאחר בכור בניך תתן לי | |
| 29 | MTכן תעשׂה לשׁרך לצאנך שׁבעת ימים יהיה עם אמו ביום השׁמיני תתנו לי |
| SPכן תעשׂה לשׁורך ולצאנך שׁבעת ימים יהיה עם אמו וביום השׁמיני תתננו לי | |
| 30 | MTואנשׁי קדשׁ תהיון לי ובשׂר בשׂדה טרפה לא תאכלו לכלב תשׁלכון אתו |
| SPואנשׁי קדשׁ תהיו לי ובשׂר בשׂדה טרפה לא תאכלו השׁליך תשׁליכו אתו |