| 1 | MTואל משׁה אמר עלה אל יהוה אתה ואהרן נדב ואביהוא ושׁבעים מזקני ישׂראל והשׁתחויתם מרחק |
| SPואל משׁה אמר עלה אל יהוה אתה ואהרן נדב ואביהוא אלעזר ואיתמר ושׁבעים מזקני ישׂראל והשׁתחויתם מרחק | |
| 2 | MTונגשׁ משׁה לבדו אל יהוה והם לא יגשׁו והעם לא יעלו עמו |
| SPונגשׁ משׁה לבדו אל יהוה והם לא יגשׁו והעם לא יעלה עמו | |
| 3 | MTויבא משׁה ויספר לעם את כל דברי יהוה ואת כל המשׁפטים ויען כל העם קול אחד ויאמרו כל הדברים אשׁר דבר יהוה נעשׂה |
| SPויבא משׁה ויספר לעם את כל דברי יהוה ואת כל המשׁפטים ויענו כל העם קול אחד ויאמרו כל הדברים אשׁר דבר יהוה נעשׂה | |
| 4 | MTויכתב משׁה את כל דברי יהוה וישׁכם בבקר ויבן מזבח תחת ההר ושׁתים עשׂרה מצבה לשׁנים עשׂר שׁבטי ישׂראל |
| SPויכתב משׁה את כל דברי יהוה וישׁכם בבקר ויבן מזבח תחת ההר ושׁתים עשׂרה אבנים לשׁנים עשׂר שׁבטי ישׂראל | |
| 5 | MTוישׁלח את נערי בני ישׂראל ויעלו עלת ויזבחו זבחים שׁלמים ליהוה פרים |
| SPוישׁלח את נערי בני ישׂראל ויעלו עלות ויזבחו זבחים שׁלמים ליהוה פרים בני בקר | |
| 6 | MTויקח משׁה חצי הדם וישׂם באגנת וחצי הדם זרק על המזבח |
| SPויקח משׁה חצי הדם וישׂם באגנות וחצי הדם זרק על המזבח | |
| 7 | MTויקח ספר הברית ויקרא באזני העם ויאמרו כל אשׁר דבר יהוה נעשׂה ונשׁמע |
| SPויקח ספר הברית ויקרא באזני העם ויאמרו כל אשׁר דבר יהוה נשׁמע ונעשׂה | |
| 8 | MTויקח משׁה את הדם ויזרק על העם ויאמר הנה דם הברית אשׁר כרת יהוה עמכם על כל הדברים האלה |
| SPויקח משׁה את הדם ויזרקהו על העם ויאמר הנה דם הברית אשׁר כרת יהוה עמכם על כל הדברים האלה | |
| 9 | MTויעל משׁה ואהרן נדב ואביהוא ושׁבעים מזקני ישׂראל |
| SPויעל משׁה ואהרן נדב ואביהוא אלעזר ואיתמר ושׁבעים מזקני ישׂראל | |
| 10 | MTויראו את אלהי ישׂראל ותחת רגליו כמעשׂה לבנת הספיר וכעצם השׁמים לטהר |
| SPויראו את אלהי ישׂראל ותחת רגליו כמעשׂה לבנת הספיר וכעצם השׁמים לטהור | |
| 11 | MTואל אצילי בני ישׂראל לא שׁלח ידו ויחזו את האלהים ויאכלו וישׁתו |
| SPואל אצלי בני ישׂראל לא שׁלח ידו ויאחזו את האלהים ויאכלו וישׁתו | |
| 12 | MTויאמר יהוה אל משׁה עלה אלי ההרה והיה שׁם ואתנה לך את לחת האבן והתורה והמצוה אשׁר כתבתי להורתם |
| SPויאמר יהוה אל משׁה עלה אלי ההרה והוי שׁם ואתן לך את לוחת האבנים התורה והמצוה אשׁר כתבתי להורתם | |
| 13 | MTויקם משׁה ויהושׁע משׁרתו ויעל משׁה אל הר האלהים |
| SPויקם משׁה ויהושׁע משׁרתו ויעל משׁה אל הר האלהים | |
| 14 | MTואל הזקנים אמר שׁבו לנו בזה עד אשׁר נשׁוב אליכם והנה אהרן וחור עמכם מי בעל דברים יגשׁ אלהם |
| SPואל הזקנים אמר שׁבו לנו בזה עד אשׁר נשׁוב אליכם הנה אהרן וחור עמכם מי בעל דברים יגשׁ אליהם | |
| 15 | MTויעל משׁה אל ההר ויכס הענן את ההר |
| SPויעל משׁה אל ההר ויכס הענן את ההר | |
| 16 | MTוישׁכן כבוד יהוה על הר סיני ויכסהו הענן שׁשׁת ימים ויקרא אל משׁה ביום השׁביעי מתוך הענן |
| SPוישׁכן כבוד יהוה על הר סיני ויכסהו הענן שׁשׁת ימים ויקרא אל משׁה ביום השׁביעי מתוך הענן | |
| 17 | MTומראה כבוד יהוה כאשׁ אכלת בראשׁ ההר לעיני בני ישׂראל |
| SPומראה כבוד יהוה כאשׁ אכלת בראשׁ ההר לעיני בני ישׂראל | |
| 18 | MTויבא משׁה בתוך הענן ויעל אל ההר ויהי משׁה בהר ארבעים יום וארבעים לילה |
| SPויבא משׁה בתוך הענן ויעל אל ההר ויהי משׁה בהר ארבעים יום וארבעים לילה |