| 1 | MTואלה המשׁפטים אשׁר תשׂים לפניהם |
| SPאלה המשׁפטים אשׁר תשׂים לפניהם | |
| 2 | MTכי תקנה עבד עברי שׁשׁ שׁנים יעבד ובשׁבעת יצא לחפשׁי חנם |
| SPכי תקנה עבד עברי שׁשׁ שׁנים יעבדך ובשׁבעית יצא לחפשׁי חנם | |
| 3 | MTאם בגפו יבא בגפו יצא אם בעל אשׁה הוא ויצאה אשׁתו עמו |
| SPאם בגפיו יבוא בגפיו יצא אם בעל אשׁה הוא ויצאה אשׁתו עמו | |
| 4 | MTאם אדניו יתן לו אשׁה וילדה לו בנים או בנות האשׁה וילדיה תהיה לאדניה והוא יצא בגפו |
| SPאם אדניו יתן לו אשׁה וילדה לו בנים או בנות האשׁה וילידיה תהיה לאדניו והוא יצא בגפיו | |
| 5 | MTואם אמר יאמר העבד אהבתי את אדני את אשׁתי ואת בני לא אצא חפשׁי |
| SPאם אמר יאמר העבד אהבתי את אדני את אשׁתי ואת בני לא אצא חפשׁי | |
| 6 | MTוהגישׁו אדניו אל האלהים והגישׁו אל הדלת או אל המזוזה ורצע אדניו את אזנו במרצע ועבדו לעלם |
| SPוהגישׁו אדניו אל האלהים והגישׁו אל הדלת או אל המזוזה ורצע אדניו את אזנו במרצע ועבדו לעולם | |
| 7 | MTוכי ימכר אישׁ את בתו לאמה לא תצא כצאת העבדים |
| SPוכי ימכר אישׁ את בתו לאמה לא תצא כצאת העבדים | |
| 8 | MTאם רעה בעיני אדניה אשׁר לא יעדה והפדה לעם נכרי לא ימשׁל למכרה בבגדו בה |
| SPאם רעה היא בעיני אדניה אשׁר לא העידה והפדה לעם נכרי לא ימשׁל למכרה בבגדו בה | |
| 9 | MTואם לבנו ייעדנה כמשׁפט הבנות יעשׂה לה |
| SPואם לבנו יעידנה כמשׁפט הבנות יעשׂה לה | |
| 10 | MTאם אחרת יקח לו שׁארה כסותה וענתה לא יגרע |
| SPואם אחרת יקח לו שׁארה כסותה וענתה לא יגרע | |
| 11 | MTואם שׁלשׁ אלה לא יעשׂה לה ויצאה חנם אין כסף |
| SPואם שׁלשׁ אלה לא יעשׂה לה ויצאה חנם אין כסף | |
| 12 | MTמכה אישׁ ומת מות יומת |
| SPמכה אישׁ ומת מות יומת | |
| 13 | MTואשׁר לא צדה והאלהים אנה לידו ושׂמתי לך מקום אשׁר ינוס שׁמה |
| SPואשׁר לא צדה והאלהים אנה לידו ושׂמתי לך מקום אשׁר ינוס שׁמה | |
| 14 | MTוכי יזד אישׁ על רעהו להרגו בערמה מעם מזבחי תקחנו למות |
| SPוכי יזיד אישׁ על רעהו להרגו בערמה מעם מזבחי תקחנו למות | |
| 15 | MTומכה אביו ואמו מות יומת |
| SPומכה אביו ואמו מות יומת | |
| 16 | MTוגנב אישׁ ומכרו ונמצא בידו מות יומת |
| SPוגנב אישׁ ומכרו ונמצא בידו מות יומת | |
| 17 | MTומקלל אביו ואמו מות יומת |
| SPומקלל אביו ואמו מות יומת | |
| 18 | MTוכי יריבן אנשׁים והכה אישׁ את רעהו באבן או באגרף ולא ימות ונפל למשׁכב |
| SPוכי יריבון אנשׁים והכו אישׁ את רעהו ולא ימות ונפל למשׁכב | |
| 19 | MTאם יקום והתהלך בחוץ על משׁענתו ונקה המכה רק שׁבתו יתן ורפא ירפא |
| SPאם יקום והתהלך בחוץ על משׁענתו ונקה המכה רק שׁבתו יתן ורפא ירפא | |
| 20 | MTוכי יכה אישׁ את עבדו או את אמתו בשׁבט ומת תחת ידו נקם ינקם |
| SPוכי יכה אישׁ את עבדו או את אמתו ומת תחת ידו מות יומת | |
| 21 | MTאך אם יום או יומים יעמד לא יקם כי כספו הוא |
| SPאך אם יום או יומים יעמד לא יומת כי כספו הוא | |
| 22 | MTוכי ינצו אנשׁים ונגפו אשׁה הרה ויצאו ילדיה ולא יהיה אסון ענושׁ יענשׁ כאשׁר ישׁית עליו בעל האשׁה ונתן בפללים |
| SPוכי ינצו אנשׁים ונגפו אשׁה הרה ויצא ולדה ולא יהיה אסון ענשׁ יענשׁ כאשׁר ישׁית עליו בעל האשׁה ונתן בפללים | |
| 23 | MTואם אסון יהיה ונתתה נפשׁ תחת נפשׁ |
| SPואם אסון יהיה ונתתה נפשׁ תחת נפשׁ | |
| 24 | MTעין תחת עין שׁן תחת שׁן יד תחת יד רגל תחת רגל |
| SPעין תחת עין שׁן תחת שׁן יד תחת יד רגל תחת רגל | |
| 25 | MTכויה תחת כויה פצע תחת פצע חבורה תחת חבורה |
| SPמכוה תחת מכוה פצע תחת פצע חבורה תחת חבורה | |
| 26 | MTוכי יכה אישׁ את עין עבדו או את עין אמתו ושׁחתה לחפשׁי ישׁלחנו תחת עינו |
| SPוכי יכה אישׁ את עין עבדו או את עין אמתו ושׁחתה לחפשׁי ישׁלחנו תחת עינו | |
| 27 | MTואם שׁן עבדו או שׁן אמתו יפיל לחפשׁי ישׁלחנו תחת שׁנו |
| SPואם שׁן עבדו או שׁן אמתו יפל לחפשׁי ישׁלחנו תחת שׁנו | |
| 28 | MTוכי יגח שׁור את אישׁ או את אשׁה ומת סקול יסקל השׁור ולא יאכל את בשׂרו ובעל השׁור נקי |
| SPוכי יכה שׁור וכל בהמה את אישׁ או את אשׁה ומת סקל יסקל הבהמה ולא יאכל את בשׂרו ובעל הבהמה נקיא | |
| 29 | MTואם שׁור נגח הוא מתמל שׁלשׁם והועד בבעליו ולא ישׁמרנו והמית אישׁ או אשׁה השׁור יסקל וגם בעליו יומת |
| SPואם בהמה מכה היא מתמול שׁלשׁום והועד בבעליו ולא ישׁמרנו והמית אישׁ או אשׁה הבהמה תסקל וגם בעליו יומת | |
| 30 | MTאם כפר יושׁת עליו ונתן פדין נפשׁו ככל אשׁר יושׁת עליו |
| SPאם כופר יושׁת עליו ונתן פדיון נפשׁו ככל אשׁר יושׁת עליו | |
| 31 | MTאו בן יגח או בת יגח כמשׁפט הזה יעשׂה לו |
| SPאו בן יכה או בת כמשׁפט הזה יעשׂה לו | |
| 32 | MTאם עבד יגח השׁור או אמה כסף שׁלשׁים שׁקלים יתן לאדניו והשׁור יסקל |
| SPאם עבד תכה הבהמה או אמה כסף שׁלשׁים שׁקלים יתן לאדניו והבהמה תסקל | |
| 33 | MTוכי יפתח אישׁ בור או כי יכרה אישׁ בר ולא יכסנו ונפל שׁמה שׁור או חמור |
| SPוכי יפתח אישׁ בור או כי יכרה אישׁ בור ולא יכסנו ונפל שׁם שׁור או חמור או כל בהמה | |
| 34 | MTבעל הבור ישׁלם כסף ישׁיב לבעליו והמת יהיה לו |
| SPבעל הבור ישׁלם כסף ישׁיב לבעליו והמת יהיה לו | |
| 35 | MTוכי יגף שׁור אישׁ את שׁור רעהו ומת ומכרו את השׁור החי וחצו את כספו וגם את המת יחצון |
| SPוכי יגף שׁור אישׁ או כל בהמתו את שׁור רעהו או את כל בהמתו ומת ומכרו את החי וחצו את כספו וגם את המת יחצון | |
| 36 | MTאו נודע כי שׁור נגח הוא מתמול שׁלשׁם ולא ישׁמרנו בעליו שׁלם ישׁלם שׁור תחת השׁור והמת יהיה לו |
| SPאו נודע כי בהמה מכה היא מתמול שׁלשׁום ולא ישׁמרנו בעליו שׁלם ישׁלם בהמה תחת בהמה והמת יהיה לו | |
| 37 | MTכי יגנב אישׁ שׁור או שׂה וטבחו או מכרו חמשׁה בקר ישׁלם תחת השׁור וארבע צאן תחת השׂה |
| SPוכי יגנב אישׁ שׁור או שׂה וטבחו או מכרו חמשׁה בקר ישׁלם תחת השׁור וארבע צאן תחת השׂה |