| 1 | MTבחדשׁ השׁלישׁי לצאת בני ישׂראל מארץ מצרים ביום הזה באו מדבר סיני |
| SPבחדשׁ השׁלישׁי לצאת בני ישׂראל מארץ מצרים ביום הזה באו מדבר סיני | |
| 2 | MTויסעו מרפידים ויבאו מדבר סיני ויחנו במדבר ויחן שׁם ישׂראל נגד ההר |
| SPויסעו מרפידים ויבאו מדבר סיני ויחנו במדבר ויחן שׁם ישׂראל נגד ההר | |
| 3 | MTומשׁה עלה אל האלהים ויקרא אליו יהוה מן ההר לאמר כה תאמר לבית יעקב ותגיד לבני ישׂראל |
| SPומשׁה עלה אל האלהים ויקרא אליו יהוה מן ההר לאמר כה תאמר לבית יעקב ותגיד לבני ישׂראל | |
| 4 | MTאתם ראיתם אשׁר עשׂיתי למצרים ואשׂא אתכם על כנפי נשׁרים ואבא אתכם אלי |
| SPאתם ראיתם את אשׁר עשׂיתי למצרים ואשׂא אתכם על כנפי נשׁרים ואביא אתכם אלי | |
| 5 | MTועתה אם שׁמוע תשׁמעו בקלי ושׁמרתם את בריתי והייתם לי סגלה מכל העמים כי לי כל הארץ |
| SPועתה אם שׁמע תשׁמעו בקולי ושׁמרתם את בריתי והייתם לי סגלה מכל העמים כי לי כל הארץ | |
| 6 | MTואתם תהיו לי ממלכת כהנים וגוי קדושׁ אלה הדברים אשׁר תדבר אל בני ישׂראל |
| SPואתם תהיו לי ממלכת כהנים וגוי קדשׁ אלה הדברים אשׁר תדבר אל בני ישׂראל | |
| 7 | MTויבא משׁה ויקרא לזקני העם וישׂם לפניהם את כל הדברים האלה אשׁר צוהו יהוה |
| SPויבא משׁה ויקרא לזקני העם וישׂם לפניהם את כל הדברים האלה אשׁר צוהו יהוה | |
| 8 | MTויענו כל העם יחדו ויאמרו כל אשׁר דבר יהוה נעשׂה וישׁב משׁה את דברי העם אל יהוה |
| SPויענו כל העם יחדו ויאמרו כל אשׁר דבר יהוה נעשׂה וישׁב משׁה את דברי העם אל יהוה | |
| 9 | MTויאמר יהוה אל משׁה הנה אנכי בא אליך בעב הענן בעבור ישׁמע העם בדברי עמך וגם בך יאמינו לעולם ויגד משׁה את דברי העם אל יהוה |
| SPויאמר יהוה אל משׁה הנה אנכי בא אליך בעבי הענן בעבור ישׁמע העם בדברי עמך וגם בך יאמנו לעולם ויגד משׁה את דברי העם אל יהוה | |
| 10 | MTויאמר יהוה אל משׁה לך אל העם וקדשׁתם היום ומחר וכבסו שׂמלתם |
| SPויאמר יהוה אל משׁה לך אל העם וקדשׁתם היום ומחר וכבסו שׂמלותם | |
| 11 | MTוהיו נכנים ליום השׁלישׁי כי ביום השׁלישׁי ירד יהוה לעיני כל העם על הר סיני |
| SPוהיו נכונים ליום השׁלישׁי כי ביום השׁלישׁי ירד יהוה לעיני כל העם אל הר סיני | |
| 12 | MTוהגבלת את העם סביב לאמר השׁמרו לכם עלות בהר ונגע בקצהו כל הנגע בהר מות יומת |
| SPוהגבלת את ההר סביב ואל העם תאמר השׁמרו לכם עלות בהר ונגע בקצהו כל הנגע בהר מות יומת | |
| 13 | MTלא תגע בו יד כי סקול יסקל או ירה יירה אם בהמה אם אישׁ לא יחיה במשׁך היבל המה יעלו בהר |
| SPלא תגע בו יד כי סקל יסקל או ירא יראה אם בהמה אם אישׁ לא יחיה במושׁך היובל הם יעלו בהר | |
| 14 | MTוירד משׁה מן ההר אל העם ויקדשׁ את העם ויכבסו שׂמלתם |
| SPוירד משׁה מן ההר אל העם ויקדשׁ את העם ויכבסו שׂמלותם | |
| 15 | MTויאמר אל העם היו נכנים לשׁלשׁת ימים אל תגשׁו אל אשׁה |
| SPויאמר אל העם היו נכונים לשׁלשׁת הימים אל תגשׁו אל אשׁה | |
| 16 | MTויהי ביום השׁלישׁי בהית הבקר ויהי קלת וברקים וענן כבד על ההר וקל שׁפר חזק מאד ויחרד כל העם אשׁר במחנה |
| SPויהי ביום השׁלישׁי בהיות הבקר ויהי קולות וברקים וענן כבד על ההר וקול השׁופר חזק מאד ויחרד כל העם אשׁר במחנה | |
| 17 | MTויוצא משׁה את העם לקראת האלהים מן המחנה ויתיצבו בתחתית ההר |
| SPויוצא משׁה את העם לקראת האלהים מן המחנה ויתיצבו בתחתית ההר | |
| 18 | MTוהר סיני עשׁן כלו מפני אשׁר ירד עליו יהוה באשׁ ויעל עשׁנו כעשׁן הכבשׁן ויחרד כל ההר מאד |
| SPוהר סיני עשׁן כלו מפני אשׁר ירד יהוה עליו באשׁ ויעל עשׁנו כעשׁן הכבשׁן ויחרד כל ההר מאד | |
| 19 | MTויהי קול השׁופר הולך וחזק מאד משׁה ידבר והאלהים יעננו בקול |
| SPויהי קול השׁופר הלך וחזק מאד משׁה ידבר והאלהים יעננו בקול | |
| 20 | MTוירד יהוה על הר סיני אל ראשׁ ההר ויקרא יהוה למשׁה אל ראשׁ ההר ויעל משׁה |
| SPוירד יהוה על הר סיני אל ראשׁ ההר ויקרא יהוה אל משׁה אל ראשׁ ההר ויעל משׁה | |
| 21 | MTויאמר יהוה אל משׁה רד העד בעם פן יהרסו אל יהוה לראות ונפל ממנו רב |
| SPויאמר יהוה אל משׁה רד העד בעם פן יחרסו אל יהוה לראות ונפל ממנו רב | |
| 22 | MTוגם הכהנים הנגשׁים אל יהוה יתקדשׁו פן יפרץ בהם יהוה |
| SPוגם הכהנים הנגשׁים אל יהוה יתקדשׁו פן יפרץ בם יהוה | |
| 23 | MTויאמר משׁה אל יהוה לא יוכל העם לעלת אל הר סיני כי אתה העדתה בנו לאמר הגבל את ההר וקדשׁתו |
| SPויאמר משׁה אל יהוה לא יוכל העם לעלות אל הר סיני כי אתה העדת בנו לאמר הגבל את ההר וקדשׁתו | |
| 24 | MTויאמר אליו יהוה לך רד ועלית אתה ואהרן עמך והכהנים והעם אל יהרסו לעלת אל יהוה פן יפרץ בם |
| SPויאמר אליו יהוה ך רד ועלית אתה ואהרן עמך והכהנים והעם אל יחרסו לעלות אל יהוה פן יפרץ בם | |
| 25 | MTוירד משׁה אל העם ויאמר אלהם |
| SPוירד משׁה מן ההר אל העם ויאמר אליהם |