| 1 | MTויסעו כל עדת בני ישׂראל ממדבר סין למסעיהם על פי יהוה ויחנו ברפידים ואין מים לשׁתת העם |
| SPויסעו כל עדת בני ישׂראל ממדבר סין למסעיהם על פי יהוה ויחנו ברפידים ואין מים לשׁתות העם | |
| 2 | MTוירב העם עם משׁה ויאמרו תנו לנו מים ונשׁתה ויאמר להם משׁה מה תריבון עמדי מה תנסון את יהוה |
| SPוירב העם עם משׁה ויאמר תנה לנו מים ונשׁתה ויאמר להם משׁה מה תריבון עמדי ומה תנסו את יהוה | |
| 3 | MTויצמא שׁם העם למים וילן העם על משׁה ויאמר למה זה העליתנו ממצרים להמית אתי ואת בני ואת מקני בצמא |
| SPויצמא שׁם העם למים וילן העם על משׁה ויאמרו למה העליתנו ממצרים להמית אתי ואת בני ואת מקני בצמא | |
| 4 | MTויצעק משׁה אל יהוה לאמר מה אעשׂה לעם הזה עוד מעט וסקלני |
| SPויצעק משׁה אל יהוה לאמר מה אעשׂה לעם הזה עוד מעט וסקלוני | |
| 5 | MTויאמר יהוה אל משׁה עבר לפני העם וקח אתך מזקני ישׂראל ומטך אשׁר הכית בו את היאר קח בידך והלכת |
| SPויאמר יהוה אל משׁה עבר לפני העם וקח אתך מזקני ישׂראל ומטך אשׁר הכית בו את היאר תקח בידך והלכת | |
| 6 | MTהנני עמד לפניך שׁם על הצור בחרב והכית בצור ויצאו ממנו מים ושׁתה העם ויעשׂ כן משׁה לעיני זקני ישׂראל |
| SPהנני עמד לפניך שׁם על הצור בחורב והכית בצור ויצא ממנו מים ושׁתה העם ויעשׂ כן משׁה לעיני זקני ישׂראל | |
| 7 | MTויקרא שׁם המקום מסה ומריבה על ריב בני ישׂראל ועל נסתם את יהוה לאמר הישׁ יהוה בקרבנו אם אין |
| SPויקרא שׁם המקום מסה ומריבה על ריב בני ישׂראל ועל נסותם את יהוה לאמר הישׁ יהוה בקרבנו אם אין | |
| 8 | MTויבא עמלק וילחם עם ישׂראל ברפידם |
| SPויבא עמלק וילחם עם ישׂראל ברפידים | |
| 9 | MTויאמר משׁה אל יהושׁע בחר לנו אנשׁים וצא הלחם בעמלק מחר אנכי נצב על ראשׁ הגבעה ומטה האלהים בידי |
| SPויאמר משׁה ליהושׁע בחר לנו אנשׁים וצא הלחם בעמלק מחר אנכי נצב על ראשׁ הגבעה ומטה האלהים בידי | |
| 10 | MTויעשׂ יהושׁע כאשׁר אמר לו משׁה להלחם בעמלק ומשׁה אהרן וחור עלו ראשׁ הגבעה |
| SPויעשׂ יהושׁע כאשׁר אמר לו משׁה להלחם בעמלק ומשׁה ואהרן וחור עלו אל ראשׁ הגבעה | |
| 11 | MTוהיה כאשׁר ירים משׁה ידו וגבר ישׂראל וכאשׁר יניח ידו וגבר עמלק |
| SPוהיה כאשׁר ירים משׁה ידיו וגבר ישׂראל וכאשׁר יניח ידיו וגבר עמלק | |
| 12 | MTוידי משׁה כבדים ויקחו אבן וישׂימו תחתיו וישׁב עליה ואהרן וחור תמכו בידיו מזה אחד ומזה אחד ויהי ידיו אמונה עד בא השׁמשׁ |
| SPוידי משׁה כבדים ויקחו אבן וישׂמו תחתיו וישׁב עליה ואהרן וחור תמכו בידיו מזה אחד ומזה אחד ויהיו ידיו אמונה עד בא השׁמשׁ | |
| 13 | MTויחלשׁ יהושׁע את עמלק ואת עמו לפי חרב |
| SPויחלשׁ יהושׁע את עמלק ואת עמו ויכם לפי חרב | |
| 14 | MTויאמר יהוה אל משׁה כתב זאת זכרון בספר ושׂים באזני יהושׁע כי מחה אמחה את זכר עמלק מתחת השׁמים |
| SPויאמר יהוה אל משׁה כתב זאת זכרון בספר ושׂים באזני יהושׁע כי מחה אמחה את זכר עמלק מתחת השׁמים | |
| 15 | MTויבן משׁה מזבח ויקרא שׁמו יהוה נסי |
| SPויבן משׁה מזבח ויקרא שׁמו יהוה נסי | |
| 16 | MTויאמר כי יד על כס יה מלחמה ליהוה בעמלק מדר דר |
| SPויאמר כי יד על כסא מלחמה ליהוה בעמלק מדר ודר |