| 1 | MTוידבר יהוה אל משׁה לאמר |
| SPוידבר יהוה אל משׁה לאמר | |
| 2 | MTקדשׁ לי כל בכור פטר כל רחם בבני ישׂראל באדם ובבהמה לי הוא |
| SPקדשׁ לי כל בכור פטר כל רחם בבני ישׂראל באדם ובבהמה לי הוא | |
| 3 | MTויאמר משׁה אל העם זכור את היום הזה אשׁר יצאתם ממצרים מבית עבדים כי בחזק יד הוציא יהוה אתכם מזה ולא יאכל חמץ |
| SPויאמר משׁה אל העם זכרו את היום הזה אשׁר יצאתם בו מארץ מצרים מבית עבדים כי בחזק יד הוציא יהוה אתכם מזה ולא יאכל חמץ היום | |
| 4 | MTהיום אתם יצאים בחדשׁ האביב |
| SPואתם יוצאים בחדשׁ האביב | |
| 5 | MTוהיה כי יביאך יהוה אל ארץ הכנעני והחתי והאמרי והחוי והיבוסי אשׁר נשׁבע לאבתיך לתת לך ארץ זבת חלב ודבשׁ ועבדת את העבדה הזאת בחדשׁ הזה |
| SPוהיה כי יביאך יהוה אלהיך אל ארץ הכנעני החתי והאמרי והפרזי והגרגשׁי והחוי והיבוסי אשׁר נשׁבע לאבתיך לתת לך ארץ זבת חלב ודבשׁ ועבדת את העבדה הזאת בחדשׁ הזה | |
| 6 | MTשׁבעת ימים תאכל מצת וביום השׁביעי חג ליהוה |
| SPשׁשׁת ימים תאכל מצות וביום השׁביעי חג ליהוה | |
| 7 | MTמצות יאכל את שׁבעת הימים ולא יראה לך חמץ ולא יראה לך שׂאר בכל גבלך |
| SPמצות יאכל את שׁבעת הימים לא יראה לך חמץ ולא יראה לך שׂאר בכל גבולך | |
| 8 | MTוהגדת לבנך ביום ההוא לאמר בעבור זה עשׂה יהוה לי בצאתי ממצרים |
| SPוהגדת לבנך ביום ההוא לאמר בעבור זה עשׂה יהוה לי בצאתי ממצרים | |
| 9 | MTוהיה לך לאות על ידך ולזכרון בין עיניך למען תהיה תורת יהוה בפיך כי ביד חזקה הוצאך יהוה ממצרים |
| SPוהיו לך לאות על ידיך ולזכרון בין עיניך למען תהיה תורת יהוה בפיך כי ביד חזקה הוציאך יהוה ממצרים | |
| 10 | MTושׁמרת את החקה הזאת למועדה מימים ימימה |
| SPושׁמרת את החקה הזאת למועדה מימים ימימה | |
| 11 | MTוהיה כי יבאך יהוה אל ארץ הכנעני כאשׁר נשׁבע לך ולאבתיך ונתנה לך |
| SPוהיה כי יביאך יהוה אלהיך אל ארץ הכנעני כאשׁר נשׁבע לך ולאבתיך ונתנה לך | |
| 12 | MTוהעברת כל פטר רחם ליהוה וכל פטר שׁגר בהמה אשׁר יהיה לך הזכרים ליהוה |
| SPוהעברת כל פטר רחם ליהוה וכל פטר שׁגר בהמה אשׁר יהיו לך הזכרים ליהוה | |
| 13 | MTוכל פטר חמר תפדה בשׂה ואם לא תפדה וערפתו וכל בכור אדם בבניך תפדה |
| SPוכל פטר חמור תפדה בשׂה ואם לא תפדנו וערפתו וכל בכור אדם בבניך תפדה | |
| 14 | MTוהיה כי ישׁאלך בנך מחר לאמר מה זאת ואמרת אליו בחזק יד הוציאנו יהוה ממצרים מבית עבדים |
| SPוהיה כי ישׁאלך בנך מחר לאמר מה זאת ואמרת אליו בחזק יד הוציאנו יהוה ממצרים מבית עבדים | |
| 15 | MTויהי כי הקשׁה פרעה לשׁלחנו ויהרג יהוה כל בכור בארץ מצרים מבכר אדם ועד בכור בהמה על כן אני זבח ליהוה כל פטר רחם הזכרים וכל בכור בני אפדה |
| SPויהי כי הקשׁה פרעה לשׁלחנו ויהרג יהוה כל בכור בארץ מצרים מבכור אדם עד בכור בהמה על כן אני זבח ליהוה כל פטר רחם הזכרים וכל בכור אדם בבני אפדה | |
| 16 | MTוהיה לאות על ידכה ולטוטפת בין עיניך כי בחזק יד הוציאנו יהוה ממצרים |
| SPוהיו לך לאות על ידיך ולטטפות בין עיניך כי בחזק יד הוציאך יהוה ממצרים | |
| 17 | MTויהי בשׁלח פרעה את העם ולא נחם אלהים דרך ארץ פלשׁתים כי קרוב הוא כי אמר אלהים פן ינחם העם בראתם מלחמה ושׁבו מצרימה |
| SPויהי בשׁלח פרעה את העם ולא נחם אלהים דרך ארץ פלשׁתים כי קרוב הוא כי אמר אלהים פן ינחם העם בראותם מלחמה ושׁבו מצרימה | |
| 18 | MTויסב אלהים את העם דרך המדבר ים סוף וחמשׁים עלו בני ישׂראל מארץ מצרים |
| SPויסב אלהים את העם דרך מדבר ים סוף וחמישׁים עלו בני ישׂראל מארץ מצרים | |
| 19 | MTויקח משׁה את עצמות יוסף עמו כי השׁבע השׁביע את בני ישׂראל לאמר פקד יפקד אלהים אתכם והעליתם את עצמתי מזה אתכם |
| SPויקח משׁה את עצמות יוסף עמו כי השׁבע השׁביע יוסף את בני ישׂראל לאמר פקד יפקד אלהים אתכם והעליתם את עצמתי מזה אתכם | |
| 20 | MTויסעו מסכת ויחנו באתם בקצה המדבר |
| SPויסעו מסכות ויחנו באתם אשׁר בקצה המדבר | |
| 21 | MTויהוה הלך לפניהם יומם בעמוד ענן לנחתם הדרך ולילה בעמוד אשׁ להאיר להם ללכת יומם ולילה |
| SPויהוה הלך לפניהם יומם בעמוד ענן נחתם דרך ולילה בעמוד אשׁ להאיר להם ללכת יומם ולילה | |
| 22 | MTלא ימישׁ עמוד הענן יומם ועמוד האשׁ לילה לפני העם |
| SPלא ימושׁ עמוד הענן יומם ועמוד אשׁ לילה לפני העם |