| 1 | MTויאמר יהוה אל משׁה בא אל פרעה ודברת אליו כה אמר יהוה אלהי העברים שׁלח את עמי ויעבדני |
| SPויאמר יהוה אל משׁה בא אל פרעה ואמרת אליו כה אמר יהוה אלהי העברים שׁלח את עמי ויעבדני | |
| 2 | MTכי אם מאן אתה לשׁלח ועודך מחזיק בם |
| SPכי אם מאן אתה לשׁלח ועודך מחזק בם | |
| 3 | MTהנה יד יהוה הויה במקנך אשׁר בשׂדה בסוסים בחמרים בגמלים בבקר ובצאן דבר כבד מאד |
| SPהנה יד יהוה היה במקניך אשׁר בשׂדה בסוסים ובחמרים ובגמלים בבקר ובצאן דבר כבד מאד | |
| 4 | MTוהפלה יהוה בין מקנה ישׂראל ובין מקנה מצרים ולא ימות מכל לבני ישׂראל דבר |
| SPוהפלא יהוה בין מקנה ישׂראל ובין מקנה מצרים ולא ימות מכל לבני ישׂראל דבר | |
| 5 | MTוישׂם יהוה מועד לאמר מחר יעשׂה יהוה הדבר הזה בארץ |
| SPוישׂם יהוה מועד לאמר מחר יעשׂה יהוה את הדבר הזה בארץ ויבא משׁה ואהרן אל פרעה ויאמרו אליו כה אמר יהוה אלהי העברים שׁלח את עמי ויעבדני כי אם מאן אתה לשׁלח ועודך מחזק בם הנה יד יהוה היה במקניך אשׁר בשׂדה בסוסים ובחמרים ובגמלים בבקר ובצאן דבר כבד מאד והפלא יהוה בין מקנה ישׂראל ובין מקנה מצרים ולא ימות מכל לבני ישׂראל דבר מחר יעשׂה יהוה את הדבר הזה בארץ | |
| 6 | MTויעשׂ יהוה את הדבר הזה ממחרת וימת כל מקנה מצרים וממקנה בני ישׂראל לא מת אחד |
| SPויעשׂ יהוה את הדבר הזה ממחרת וימת כל מקנה מצרים וממקנה בני ישׂראל לא מת אחד | |
| 7 | MTוישׁלח פרעה והנה לא מת ממקנה ישׂראל עד אחד ויכבד לב פרעה ולא שׁלח את העם |
| SPוישׁלח פרעה והנה לא מת ממקנה בני ישׂראל עד אחד ויכבד לב פרעה ולא שׁלח את העם | |
| 8 | MTויאמר יהוה אל משׁה ואל אהרן קחו לכם מלא חפניכם פיח כבשׁן וזרקו משׁה השׁמימה לעיני פרעה |
| SPויאמר יהוה אל משׁה ואל אהרן קחו לכם מלוא חפניכם פיח כבשׁן וזרקו משׁה השׁמים לעיני פרעה | |
| 9 | MTוהיה לאבק על כל ארץ מצרים והיה על האדם ועל הבהמה לשׁחין פרח אבעבעת בכל ארץ מצרים |
| SPוהיה לאבק על כל ארץ מצרים והיה על האדם ועל הבהמה לשׁחין פרח אבעבעות בכל ארץ מצרים | |
| 10 | MTויקחו את פיח הכבשׁן ויעמדו לפני פרעה ויזרק אתו משׁה השׁמימה ויהי שׁחין אבעבעת פרח באדם ובבהמה |
| SPויקחו את פיח הכבשׁן ויעמדו לפני פרעה ויזרק אתו משׁה השׁמים ויהי שׁחין אבעבעות פרח באדם ובבהמה | |
| 11 | MTולא יכלו החרטמים לעמד לפני משׁה מפני השׁחין כי היה השׁחין בחרטמם ובכל מצרים |
| SPולא יכלו החרטמים לעמד לפני משׁה מפני השׁחין כי היה השׁחין בחרטמים ובכל מצרים | |
| 12 | MTויחזק יהוה את לב פרעה ולא שׁמע אלהם כאשׁר דבר יהוה אל משׁה |
| SPויחזק יהוה את לב פרעה ולא שׁמע אליהם כאשׁר דבר יהוה אל משׁה | |
| 13 | MTויאמר יהוה אל משׁה השׁכם בבקר והתיצב לפני פרעה ואמרת אליו כה אמר יהוה אלהי העברים שׁלח את עמי ויעבדני |
| SPויאמר יהוה אל משׁה השׁכם בבקר והתיצב לפני פרעה ואמרת אליו כה אמר יהוה אלהי העברים שׁלח את עמי ויעבדני | |
| 14 | MTכי בפעם הזאת אני שׁלח את כל מגפתי אל לבך ובעבדיך ובעמך בעבור תדע כי אין כמני בכל הארץ |
| SPכי בפעם הזאת אני שׁלח את כל מגפתי על לבך ובעבדיך ובעמך בעבור תדע כי אין כמוני בכל הארץ | |
| 15 | MTכי עתה שׁלחתי את ידי ואך אותך ואת עמך בדבר ותכחד מן הארץ |
| SPכי עתה שׁלחתי את ידי ואכה אתך ואת עמך בדבר ותכחד מן הארץ | |
| 16 | MTואולם בעבור זאת העמדתיך בעבור הראתך את כחי ולמען ספר שׁמי בכל הארץ |
| SPואולם בעבור זאת העמדתיך בעבור הראתיך את כחי ולמען ספר שׁמי בכל הארץ | |
| 17 | MTעודך מסתולל בעמי לבלתי שׁלחם |
| SPעודך מסתולל בעמי לבלתי שׁלחם | |
| 18 | MTהנני ממטיר כעת מחר ברד כבד מאד אשׁר לא היה כמהו במצרים למן היום הוסדה ועד עתה |
| SPהנני ממטיר כעת מחר ברד כבד מאד אשׁר לא היה כמהו במצרים למיום היסדה ועד עתה | |
| 19 | MTועתה שׁלח העז את מקנך ואת כל אשׁר לך בשׂדה כל האדם והבהמה אשׁר ימצא בשׂדה ולא יאסף הביתה וירד עלהם הברד ומתו |
| SPועתה שׁלח העז את מקניך ואת כל אשׁר לך בשׂדה כל האדם והבהמה אשׁר ימצא בשׂדה ולא יאסף הביתה וירד עליהם הברד ומתו ויבא משׁה ואהרן אל פרעה ויאמרו אליו כה אמר יהוה אלהי העברים שׁלח את עמי ויעבדני כי בפעם הזאת אני שׁלח את כל מגפתי על לבך ובעבדיך ובעמך בעבור תדע כי אין כמוני בכל הארץ כי עתה שׁלחתי את ידי ואכה אתך ואת עמך בדבר ותכחד מן הארץ ואולם בעבור זאת העמדתיך בעבור הראתיך את כחי ולמען ספר שׁמי בכל הארץ עודך מסתולל בעמי לבלתי שׁלחם הנני ממטיר כעת מחר ברד כבד מאד אשׁר לא היה כמהו במצרים למיום היסדה ועד עתה ועתה שׁלח העז את מקניך ואת כל אשׁר לך בשׂדה כל האדם והבהמה אשׁר ימצא בשׂדה ולא יאסף הביתה וירד עליהם הברד ומתו | |
| 20 | MTהירא את דבר יהוה מעבדי פרעה הניס את עבדיו ואת מקנהו אל הבתים |
| SPהירא את דבר יהוה מעבדי פרעה הניס את עבדיו ואת מקנהו אל הבתים | |
| 21 | MTואשׁר לא שׂם לבו אל דבר יהוה ויעזב את עבדיו ואת מקנהו בשׂדה |
| SPואשׁר לא שׂם לבו על דבר יהוה ויעזב את עבדיו ואת מקנהו בשׂדה | |
| 22 | MTויאמר יהוה אל משׁה נטה את ידך על השׁמים ויהי ברד בכל ארץ מצרים על האדם ועל הבהמה ועל כל עשׂב השׂדה בארץ מצרים |
| SPויאמר יהוה אל משׁה נטה את ידך על השׁמים ויהי ברד בכל ארץ מצרים על האדם ועל הבהמה ועל כל עשׂב השׂדה בארץ מצרים | |
| 23 | MTויט משׁה את מטהו על השׁמים ויהוה נתן קלת וברד ותהלך אשׁ ארצה וימטר יהוה ברד על ארץ מצרים |
| SPויט משׁה את מטהו על השׁמים ויהוה נתן קולות וברד ותהלך אשׁ ארצה וימטיר יהוה ברד על ארץ מצרים | |
| 24 | MTויהי ברד ואשׁ מתלקחת בתוך הברד כבד מאד אשׁר לא היה כמהו בכל ארץ מצרים מאז היתה לגוי |
| SPויהי הברד ואשׁ מתלקחת בתוך הברד כבד מאד אשׁר לא היה כמהו במצרים מאז היתה לגוי | |
| 25 | MTויך הברד בכל ארץ מצרים את כל אשׁר בשׂדה מאדם ועד בהמה ואת כל עשׂב השׂדה הכה הברד ואת כל עץ השׂדה שׁבר |
| SPויך הברד בארץ מצרים את כל אשׁר בשׂדה מאדם עד בהמה ואת כל עשׂב השׂדה הכה הברד ואת כל עץ השׂדה שׁבר | |
| 26 | MTרק בארץ גשׁן אשׁר שׁם בני ישׂראל לא היה ברד |
| SPרק בארץ גשׁן אשׁר שׁם בני ישׂראל לא היה ברד | |
| 27 | MTוישׁלח פרעה ויקרא למשׁה ולאהרן ויאמר אלהם חטאתי הפעם יהוה הצדיק ואני ועמי הרשׁעים |
| SPוישׁלח פרעה ויקרא למשׁה ולאהרן ויאמר אליהם חטאתי הפעם יהוה הצדיק ואני ועמי הרשׁעים | |
| 28 | MTהעתירו אל יהוה ורב מהית קלת אלהים וברד ואשׁלחה אתכם ולא תספון לעמד |
| SPהעתירו אל יהוה ורב מהיות קולות אלהים וברד ואשׁלח אתכם ולא תוסיפון לעמד | |
| 29 | MTויאמר אליו משׁה כצאתי את העיר אפרשׂ את כפי אל יהוה הקלות יחדלון והברד לא יהיה עוד למען תדע כי ליהוה הארץ |
| SPויאמר אליו משׁה כצאתי את העיר אפרשׂ כפי אל יהוה והקולות יחדלון והברד לא יהיה עוד למען תדע כי ליהוה הארץ | |
| 30 | MTואתה ועבדיך ידעתי כי טרם תיראון מפני יהוה אלהים |
| SPואתה ועבדיך ידעתי כי טרם תיראון מפני אדני יהוה | |
| 31 | MTוהפשׁתה והשׂערה נכתה כי השׂערה אביב והפשׁתה גבעל |
| SPוהפשׁתה והשׂערה נכו כי השׂערה אביב והפשׁתה גבעל | |
| 32 | MTוהחטה והכסמת לא נכו כי אפילת הנה |
| SPוהחטה והכסמת לא נכו כי אפלות הנה | |
| 33 | MTויצא משׁה מעם פרעה את העיר ויפרשׂ כפיו אל יהוה ויחדלו הקלות והברד ומטר לא נתך ארצה |
| SPויצא משׁה מעם פרעה את העיר ויפרשׂ כפיו אל יהוה ויחדלו הקולות והברד והמטר לא נתך ארצה | |
| 34 | MTוירא פרעה כי חדל המטר והברד והקלת ויסף לחטא ויכבד לבו הוא ועבדיו |
| SPוירא פרעה כי חדל הברד והמטר והקולות ויסף לחטא ויכבד לבו הוא ועבדיו | |
| 35 | MTויחזק לב פרעה ולא שׁלח את בני ישׂראל כאשׁר דבר יהוה ביד משׁה |
| SPויחזק לב פרעה ולא שׁלח את בני ישׂראל כאשׁר דבר יהוה ביד משׁה |