| 1 | MTויאמר יהוה אל משׁה אמר אל אהרן נטה את ידך במטך על הנהרת על היארים ועל האגמים והעל את הצפרדעים על ארץ מצרים |
| SPויאמר יהוה אל משׁה אמר אל אהרן נטה את ידך במטך על הנהרות ועל היארים ועל האגמים והעל את הצפרדעים על ארץ מצרים ויאמר משׁה אל אהרן נטה את ידך במטך ותעל הצפרדע על ארץ מצרים | |
| 2 | MTויט אהרן את ידו על מימי מצרים ותעל הצפרדע ותכס את ארץ מצרים |
| SPויט אהרן את ידו על מימי מצרים ותעל הצפרדע ותכס את ארץ מצרים | |
| 3 | MTויעשׂו כן החרטמים בלטיהם ויעלו את הצפרדעים על ארץ מצרים |
| SPויעשׂו כן חרטמי מצרים בלחטיהם ויעלו הצפרדעים על ארץ מצרים | |
| 4 | MTויקרא פרעה למשׁה ולאהרן ויאמר העתירו אל יהוה ויסר הצפרדעים ממני ומעמי ואשׁלחה את העם ויזבחו ליהוה |
| SPויקרא פרעה למשׁה ולאהרן ויאמר העתירו אל יהוה ויסר הצפרדעים ממני ומעמי ואשׁלח את העם ויזבחו ליהוה | |
| 5 | MTויאמר משׁה לפרעה התפאר עלי למתי אעתיר לך ולעבדיך ולעמך להכרית הצפרדעים ממך ומבתיך רק ביאר תשׁארנה |
| SPויאמר משׁה אל פרעה התפאר עלי למתי אעתיר לך ולעבדיך ולעמך להכרית הצפרדעים ממך ומבתיך ומעבדיך ומעמך רק ביאר תשׁארנה | |
| 6 | MTויאמר למחר ויאמר כדברך למען תדע כי אין כיהוה אלהינו |
| SPויאמר למחר ויאמר כדבריך למען תדע כי אין כיהוה אלהינו | |
| 7 | MTוסרו הצפרדעים ממך ומבתיך ומעבדיך ומעמך רק ביאר תשׁארנה |
| SPוסרו הצפרדעים ממך ומבתיך ומעבדיך ומעמך רק ביאר תשׁארנה | |
| 8 | MTויצא משׁה ואהרן מעם פרעה ויצעק משׁה אל יהוה על דבר הצפרדעים אשׁר שׂם לפרעה |
| SPויצא משׁה ואהרן מעם פרעה ויצעק משׁה אל יהוה על דבר הצפרדעים אשׁר שׂם לפרעה | |
| 9 | MTויעשׂ יהוה כדבר משׁה וימתו הצפרדעים מן הבתים מן החצרת ומן השׂדת |
| SPויעשׂ יהוה כדבר משׁה וימתו הצפרדעים מן הבתים ומן החצרות ומן השׂדות | |
| 10 | MTויצברו אתם חמרם חמרם ותבאשׁ הארץ |
| SPויצברו אתם חמרים חמרים ותבאשׁ הארץ | |
| 11 | MTוירא פרעה כי היתה הרוחה והכבד את לבו ולא שׁמע אלהם כאשׁר דבר יהוה |
| SPוירא פרעה כי היתה הרוחה ויכבד את לבו ולא שׁמע אליהם כאשׁר דבר יהוה | |
| 12 | MTויאמר יהוה אל משׁה אמר אל אהרן נטה את מטך והך את עפר הארץ והיה לכנם בכל ארץ מצרים |
| SPויאמר יהוה אל משׁה אמר אל אהרן נטה את ידך במטך והך את עפר הארץ ויהי לכנים בכל ארץ מצרים | |
| 13 | MTויעשׂו כן ויט אהרן את ידו במטהו ויך את עפר הארץ ותהי הכנם באדם ובבהמה כל עפר הארץ היה כנים בכל ארץ מצרים |
| SPויעשׂו כן ויט אהרן את ידו במטהו ויך את עפר הארץ ותהי הכנים באדם ובבהמה כל עפר הארץ היה כנים בכל ארץ מצרים | |
| 14 | MTויעשׂו כן החרטמים בלטיהם להוציא את הכנים ולא יכלו ותהי הכנם באדם ובבהמה |
| SPויעשׂו כן החרטמים בלחטיהם להוציא את הכנים ולא יכלו ותהי הכנים באדם ובבהמה | |
| 15 | MTויאמרו החרטמים אל פרעה אצבע אלהים הוא ויחזק לב פרעה ולא שׁמע אלהם כאשׁר דבר יהוה |
| SPויאמרו החרטמים אל פרעה אצבע אלהים היא ויחזק לב פרעה ולא שׁמע אליהם כאשׁר דבר יהוה | |
| 16 | MTויאמר יהוה אל משׁה השׁכם בבקר והתיצב לפני פרעה הנה יוצא המימה ואמרת אליו כה אמר יהוה שׁלח עמי ויעבדני |
| SPויאמר יהוה אל משׁה השׁכם בבקר והתיצב לפני פרעה הנה הוא יצא המים ואמרת אליו כה אמר יהוה שׁלח את עמי ויעבדני | |
| 17 | MTכי אם אינך משׁלח את עמי הנני משׁליח בך ובעבדיך ובעמך ובבתיך את הערב ומלאו בתי מצרים את הערב וגם האדמה אשׁר הם עליה |
| SPכי אם אינך משׁלח את עמי הנני משׁלח בך ובעבדיך ובעמך ובבתיך את הערב ומלאו בתי מצרים את הערב וגם האדמה אשׁר הם עליה | |
| 18 | MTוהפליתי ביום ההוא את ארץ גשׁן אשׁר עמי עמד עליה לבלתי היות שׁם ערב למען תדע כי אני יהוה בקרב הארץ |
| SPוהפליתי ביום ההוא את ארץ גשׁן אשׁר עמי עמד עליה לבלתי היות שׁם ערב למען תדע כי אני יהוה בקרב הארץ | |
| 19 | MTושׂמתי פדת בין עמי ובין עמך למחר יהיה האת הזה |
| SPושׂמתי פדות בין עמי ובין עמך למחר יהיה האות הזה ויבא משׁה ואהרן אל פרעה ויאמרו אליו כה אמר יהוה שׁלח את עמי ויעבדני כי אם אינך משׁלח את עמי הנני משׁלח בך ובעבדיך ובעמך ובבתיך את הערב ומלאו בתי מצרים את הערב וגם האדמה אשׁר הם עליה והפליתי ביום ההוא את ארץ גשׁן אשׁר עמי עמד עליה לבלתי היות שׁם ערב למען תדע כי אני יהוה בקרב הארץ ושׂמתי פדות בין עמי ובין עמך למחר יהיה האות הזה | |
| 20 | MTויעשׂ יהוה כן ויבא ערב כבד ביתה פרעה ובית עבדיו ובכל ארץ מצרים תשׁחת הארץ מפני הערב |
| SPויעשׂ יהוה כן ויבא ערב כבד מאד ביתה פרעה ובית עבדיו בכל ארץ מצרים ותשׁחת הארץ מפני הערב | |
| 21 | MTויקרא פרעה אל משׁה ולאהרן ויאמר לכו זבחו לאלהיכם בארץ |
| SPויקרא פרעה למשׁה ולאהרן ויאמר לכו זבחו לאלהיכם בארץ | |
| 22 | MTויאמר משׁה לא נכון לעשׂות כן כי תועבת מצרים נזבח ליהוה אלהינו הן נזבח את תועבת מצרים לעיניהם ולא יסקלנו |
| SPויאמר משׁה לא נכון לעשׂות כן כי תועבת מצרים נזבח ליהוה אלהינו הן נזבח את תועבת מצרים לעיניהם ולא יסקלנו | |
| 23 | MTדרך שׁלשׁת ימים נלך במדבר וזבחנו ליהוה אלהינו כאשׁר יאמר אלינו |
| SPדרך שׁלשׁת ימים נלכה במדבר ונזבחה ליהוה אלהינו כאשׁר יאמר אלינו | |
| 24 | MTויאמר פרעה אנכי אשׁלח אתכם וזבחתם ליהוה אלהיכם במדבר רק הרחק לא תרחיקו ללכת העתירו בעדי |
| SPויאמר פרעה אנכי אשׁלח אתכם וזבחתם ליהוה אלהיכם במדבר רק הרחיק לא תרחיקו ללכת העתירו בעדי | |
| 25 | MTויאמר משׁה הנה אנכי יוצא מעמך והעתרתי אל יהוה וסר הערב מפרעה מעבדיו ומעמו מחר רק אל יסף פרעה התל לבלתי שׁלח את העם לזבח ליהוה |
| SPויאמר משׁה הנה אנכי יצא מעמך והעתרתי אל יהוה וסר הערב מפרעה ומעבדיו ומעמו מחר רק אל יסף פרעה התל לבלתי שׁלח את העם לזבח ליהוה | |
| 26 | MTויצא משׁה מעם פרעה ויעתר אל יהוה |
| SPויצא משׁה מעם פרעה ויעתר אל יהוה | |
| 27 | MTויעשׂ יהוה כדבר משׁה ויסר הערב מפרעה מעבדיו ומעמו לא נשׁאר אחד |
| SPויעשׂ יהוה כדבר משׁה ויסר הערב מפרעה ומעבדיו ומעמו לא נשׁאר אחד | |
| 28 | MTויכבד פרעה את לבו גם בפעם הזאת ולא שׁלח את העם |
| SPויכבד פרעה את לבו גם בפעם הזאת ולא שׁלח את העם |