| 1 | MTויאמר יהוה אל משׁה ראה נתתיך אלהים לפרעה ואהרן אחיך יהיה נביאך |
| SPויאמר יהוה אל משׁה ראה נתתיך אלהים לפרעה ואהרן אחיך יהיה נביאך | |
| 2 | MTאתה תדבר את כל אשׁר אצוך ואהרן אחיך ידבר אל פרעה ושׁלח את בני ישׂראל מארצו |
| SPאתה תדבר את כל אשׁר אצוך ואהרן אחיך ידבר אל פרעה ושׁלח את בני ישׂראל מארצו | |
| 3 | MTואני אקשׁה את לב פרעה והרביתי את אתתי ואת מופתי בארץ מצרים |
| SPואני אקשׁה את לב פרעה והרביתי את אתותי ואת מופתי בארץ מצרים | |
| 4 | MTולא ישׁמע אלכם פרעה ונתתי את ידי במצרים והוצאתי את צבאתי את עמי בני ישׂראל מארץ מצרים בשׁפטים גדלים |
| SPולא ישׁמע אליכם פרעה ונתתי את ידי במצרים והוצאתי את צבאתי את עמי בני ישׂראל מארץ מצרים במשׁפטים גדלים | |
| 5 | MTוידעו מצרים כי אני יהוה בנטתי את ידי על מצרים והוצאתי את בני ישׂראל מתוכם |
| SPוידעו כל מצרים כי אני יהוה בנטתי את ידי על מצרים והוצאתי את עמי בני ישׂראל מתוכם | |
| 6 | MTויעשׂ משׁה ואהרן כאשׁר צוה יהוה אתם כן עשׂו |
| SPויעשׂ משׁה ואהרן כאשׁר צוה יהוה אתם כן עשׂו | |
| 7 | MTומשׁה בן שׁמנים שׁנה ואהרן בן שׁלשׁ ושׁמנים שׁנה בדברם אל פרעה |
| SPומשׁה בן שׁמנים שׁנה ואהרן בן שׁלשׁ ושׁמנים שׁנה בדברם אל פרעה | |
| 8 | MTויאמר יהוה אל משׁה ואל אהרן לאמר |
| SPוידבר יהוה אל משׁה ואל אהרן לאמר | |
| 9 | MTכי ידבר אלכם פרעה לאמר תנו לכם מופת ואמרת אל אהרן קח את מטך והשׁלך לפני פרעה יהי לתנין |
| SPכי ידבר אליכם פרעה לאמר תנו לכם אות או מופת ואמרת אל אהרן קח את מטך והשׁליך לפני פרעה ויהי לתנין | |
| 10 | MTויבא משׁה ואהרן אל פרעה ויעשׂו כן כאשׁר צוה יהוה וישׁלך אהרן את מטהו לפני פרעה ולפני עבדיו ויהי לתנין |
| SPויבא משׁה ואהרן לפני פרעה ויעשׂו כן כאשׁר צוה יהוה וישׁליך אהרן את מטהו לפני פרעה ולפני עבדיו ויהי לתנין | |
| 11 | MTויקרא גם פרעה לחכמים ולמכשׁפים ויעשׂו גם הם חרטמי מצרים בלהטיהם כן |
| SPויקרא גם פרעה לחכמים ולמכשׁפים ויעשׂו גם הם חרטמי מצרים בלחטיהם כן | |
| 12 | MTוישׁליכו אישׁ מטהו ויהיו לתנינם ויבלע מטה אהרן את מטתם |
| SPוישׁלכו אישׁ מטהו ויהיו לתנינים ויבלע מטה אהרן את מטותם | |
| 13 | MTויחזק לב פרעה ולא שׁמע אלהם כאשׁר דבר יהוה |
| SPויחזק לב פרעה ולא שׁמע אליהם כאשׁר דבר יהוה | |
| 14 | MTויאמר יהוה אל משׁה כבד לב פרעה מאן לשׁלח העם |
| SPוידבר יהוה אל משׁה כבד לב פרעה מאן לשׁלח את העם | |
| 15 | MTלך אל פרעה בבקר הנה יצא המימה ונצבת לקראתו על שׂפת היאר והמטה אשׁר נהפך לנחשׁ תקח בידך |
| SPלך אל פרעה בבקר הנה הוא יצא המים ונצבת לקראתו על שׂפת היאר והמטה אשׁר נהפך לנחשׁ תקח בידך | |
| 16 | MTואמרת אליו יהוה אלהי העברים שׁלחני אליך לאמר שׁלח את עמי ויעבדני במדבר והנה לא שׁמעת עד כה |
| SPואמרת אליו יהוה אלהי העברים שׁלחני אליך לאמר שׁלח את עמי ויעבדני במדבר והנה לא שׁמעת עד כה | |
| 17 | MTכה אמר יהוה בזאת תדע כי אני יהוה הנה אנכי מכה במטה אשׁר בידי על המים אשׁר ביאר ונהפכו לדם |
| SPכה אמר יהוה בזאת תדע כי אני יהוה הנה אנכי מכה במטה אשׁר בידי על המים אשׁר ביאר ונהפכו לדם | |
| 18 | MTוהדגה אשׁר ביאר תמות ובאשׁ היאר ונלאו מצרים לשׁתות מים מן היאר |
| SPוהדגה אשׁר ביאר תמות ובאשׁ היאר ונלאו מצרים לשׁתות מים מן היאר וילך משׁה ואהרן אל פרעה ויאמרו אליו יהוה אלהי העברים שׁלחנו אליך לאמר שׁלח את עמי ויעבדני במדבר והנה לא שׁמעת עד כה כה אמר יהוה בזאת תדע כי אני יהוה הנה אנכי מכה במטה אשׁר בידי על המים אשׁר ביאר ונהפכו לדם והדגה אשׁר ביאר תמות ובאשׁ היאר ונלאו מצרים לשׁתות מים מן היאר | |
| 19 | MTויאמר יהוה אל משׁה אמר אל אהרן קח מטך ונטה ידך על מימי מצרים על נהרתם על יאריהם ועל אגמיהם ועל כל מקוה מימיהם ויהיו דם והיה דם בכל ארץ מצרים ובעצים ובאבנים |
| SPויאמר יהוה אל משׁה אמר אל אהרן קח את מטך ונטה את ידך על מימי מצרים על נהרותם ועל יאריהם ועל אגמיהם ועל כל מקוה מימיהם ויהיו דם ויהי הדם בכל ארץ מצרים ובעצים ובאבנים | |
| 20 | MTויעשׂו כן משׁה ואהרן כאשׁר צוה יהוה וירם במטה ויך את המים אשׁר ביאר לעיני פרעה ולעיני עבדיו ויהפכו כל המים אשׁר ביאר לדם |
| SPויעשׂו כן משׁה ואהרן כאשׁר צוה יהוה וירם במטהו ויך את המים אשׁר ביאר לעיני פרעה ולעיני עבדיו ויהפכו כל המים אשׁר ביאר לדם | |
| 21 | MTוהדגה אשׁר ביאר מתה ויבאשׁ היאר ולא יכלו מצרים לשׁתות מים מן היאר ויהי הדם בכל ארץ מצרים |
| SPוהדגה אשׁר ביאר מתה ויבאשׁ היאר ולא יכלו מצרים לשׁתות מים מן היאר ויהי הדם בכל ארץ מצרים | |
| 22 | MTויעשׂו כן חרטמי מצרים בלטיהם ויחזק לב פרעה ולא שׁמע אלהם כאשׁר דבר יהוה |
| SPויעשׂו כן חרטמי מצרים בלחטיהם ויחזק לב פרעה ולא שׁמע אליהם כאשׁר דבר יהוה | |
| 23 | MTויפן פרעה ויבא אל ביתו ולא שׁת לבו גם לזאת |
| SPויפן פרעה ויבא אל ביתו ולא שׁת לבו גם לזאת | |
| 24 | MTויחפרו כל מצרים סביבת היאר מים לשׁתות כי לא יכלו לשׁתת ממימי היאר |
| SPויחפרו כל מצרים סביבת היאר מים לשׁתות כי לא יכלו לשׁתות ממימי היאר | |
| 25 | MTוימלא שׁבעת ימים אחרי הכות יהוה את היאר |
| SPוימלאו שׁבעת ימים אחרי הכות יהוה את היאר | |
| 26 | MTויאמר יהוה אל משׁה בא אל פרעה ואמרת אליו כה אמר יהוה שׁלח את עמי ויעבדני |
| SPויאמר יהוה אל משׁה בא אל פרעה ודברת אליו כה אמר יהוה שׁלח את עמי ויעבדני | |
| 27 | MTואם מאן אתה לשׁלח הנה אנכי נגף את כל גבולך בצפרדעים |
| SPואם מאן אתה לשׁלח הנה אנכי נגף את כל גבולך בצפרדעים | |
| 28 | MTושׁרץ היאר צפרדעים ועלו ובאו בביתך ובחדר משׁכבך ועל מטתך ובבית עבדיך ובעמך ובתנוריך ובמשׁארותיך |
| SPושׁרץ היאר צפרדעים ועלו ובאו בבתיך ובחדרי משׁכביך ועל מטתיך ובבתי עבדיך ובעמך ובתנוריך ובמשׁארתיך | |
| 29 | MTובכה ובעמך ובכל עבדיך יעלו הצפרדעים |
| SPובך ובעמך ובכל עבדיך יעלו הצפרדעים ויבא משׁה ואהרן אל פרעה וידברו אליו כה אמר יהוה שׁלח את עמי ויעבדני ואם מאן אתה לשׁלח הנה אנכי נגף את כל גבולך בצפרדעים ושׁרץ היאר צפרדעים ועלו ובאו בבתיך ובחדרי משׁכביך ועל מטתיך ובבתי עבדיך ובעמך ובתנוריך ובמשׁארתיך ובך ובעמך ובכל עבדיך יעלו הצפרדעים |