| 1 | MTואחר באו משׁה ואהרן ויאמרו אל פרעה כה אמר יהוה אלהי ישׂראל שׁלח את עמי ויחגו לי במדבר |
| SPואחר באו משׁה ואהרן ויאמרו אל פרעה כה אמר יהוה אלהי ישׂראל שׁלח את עמי ויחגו לי במדבר | |
| 2 | MTויאמר פרעה מי יהוה אשׁר אשׁמע בקלו לשׁלח את ישׂראל לא ידעתי את יהוה וגם את ישׂראל לא אשׁלח |
| SPויאמר פרעה מי יהוה אשׁר אשׁמע בקולו לשׁלח את ישׂראל לא ידעתי את יהוה וגם את ישׂראל לא אשׁלח | |
| 3 | MTויאמרו אלהי העברים נקרא עלינו נלכה נא דרך שׁלשׁת ימים במדבר ונזבחה ליהוה אלהינו פן יפגענו בדבר או בחרב |
| SPויאמרו אלהי העברים נקרא עלינו נלכה נא המדברה דרך שׁלשׁת ימים ונזבחה ליהוה אלהינו פן יפגענו בדבר או בחרב | |
| 4 | MTויאמר אלהם מלך מצרים למה משׁה ואהרן תפריעו את העם ממעשׂיו לכו לסבלתיכם |
| SPויאמר אליהם מלך מצרים למה משׁה ואהרן תפרידו את העם ממעשׂיו לכו לסבלתיכם | |
| 5 | MTויאמר פרעה הן רבים עתה עם הארץ והשׁבתם אתם מסבלתם |
| SPויאמר פרעה הן רבים עתה מעם הארץ והשׁבתם אתם מסבלותם | |
| 6 | MTויצו פרעה ביום ההוא את הנגשׂים בעם ואת שׁטריו לאמר |
| SPויצו פרעה ביום ההוא את הנגשׂים בעם ואת שׁוטריו לאמר | |
| 7 | MTלא תאספון לתת תבן לעם ללבן הלבנים כתמול שׁלשׁם הם ילכו וקשׁשׁו להם תבן |
| SPלא תוסיפון לתת תבן לעם ללבן לבנים כתמול שׁלשׁום הם ילכו יקשׁשׁו להם תבן | |
| 8 | MTואת מתכנת הלבנים אשׁר הם עשׂים תמול שׁלשׁם תשׂימו עליהם לא תגרעו ממנו כי נרפים הם על כן הם צעקים לאמר נלכה נזבחה לאלהינו |
| SPואת מתכנת הלבנים אשׁר הם עשׂים תמול שׁלשׁום תשׂימו עליהם לא תגרעו ממנו כי נרפים הם על כן הם צעקים לאמר נלכה נזבחה לאלהינו | |
| 9 | MTתכבד העבדה על האנשׁים ויעשׂו בה ואל ישׁעו בדברי שׁקר |
| SPתכבד העבדה על האנשׁים וישׁעו בה ולא ישׁעו בדברי שׁקר | |
| 10 | MTויצאו נגשׂי העם ושׁטריו ויאמרו אל העם לאמר כה אמר פרעה אינני נתן לכם תבן |
| SPויצאו נגשׂי העם ושׁוטריו וידברו אל העם לאמר כה אמר פרעה אינני נתן לכם תבן | |
| 11 | MTאתם לכו קחו לכם תבן מאשׁר תמצאו כי אין נגרע מעבדתכם דבר |
| SPאתם לכו קחו לכם תבן מאשׁר תמצאו כי אין נגרע מעבדתכם דבר | |
| 12 | MTויפץ העם בכל ארץ מצרים לקשׁשׁ קשׁ לתבן |
| SPויפץ העם בכל ארץ מצרים לקשׁשׁ קשׁ לתבן | |
| 13 | MTוהנגשׂים אצים לאמר כלו מעשׂיכם דבר יום ביומו כאשׁר בהיות התבן |
| SPוהנגשׂים אצוים בעם לאמר כלו מעשׂיכם דבר יום ביומו כאשׁר בהיות התבן נתן לכם | |
| 14 | MTויכו שׁטרי בני ישׂראל אשׁר שׂמו עלהם נגשׂי פרעה לאמר מדוע לא כליתם חקכם ללבן כתמול שׁלשׁם גם תמול גם היום |
| SPויכו שׁוטרי בני ישׂראל אשׁר שׂמו עליהם נגשׂי פרעה לאמר מדוע לא כליתם חקכם ללבן כתמול שׁלשׁום גם תמול גם היום | |
| 15 | MTויבאו שׁטרי בני ישׂראל ויצעקו אל פרעה לאמר למה תעשׂה כה לעבדיך |
| SPויבאו שׁוטרי בני ישׂראל ויצעקו אל פרעה לאמר למה תעשׂה כה לעבדיך | |
| 16 | MTתבן אין נתן לעבדיך ולבנים אמרים לנו עשׂו והנה עבדיך מכים וחטאת עמך |
| SPתבן אין נתן לעבדיך ולבנים אמרים לנו עשׂו והנה עבדיך מכים וחטאת עמך | |
| 17 | MTויאמר נרפים אתם נרפים על כן אתם אמרים נלכה נזבחה ליהוה |
| SPויאמר נרפים אתם נרפים על כן אתם אמרים נלכה נזבחה ליהוה | |
| 18 | MTועתה לכו עבדו ותבן לא ינתן לכם ותכן לבנים תתנו |
| SPועתה לכו עבדו ותבן לא ינתן לכם ותכן הלבנים תתנו | |
| 19 | MTויראו שׁטרי בני ישׂראל אתם ברע לאמר לא תגרעו מלבניכם דבר יום ביומו |
| SPויראו שׁוטרי בני ישׂראל אתם ברע לאמר לא יגרע מלבניכם דבר יום ביומו | |
| 20 | MTויפגעו את משׁה ואת אהרן נצבים לקראתם בצאתם מאת פרעה |
| SPויפגעו את משׁה ואת אהרן נצבים לקראתם בצאתם מאת פני פרעה | |
| 21 | MTויאמרו אלהם ירא יהוה עליכם וישׁפט אשׁר הבאשׁתם את ריחנו בעיני פרעה ובעיני עבדיו לתת חרב בידם להרגנו |
| SPויאמרו אליהם יראה יהוה עליכם וישׁפט אשׁר הבאשׁתם את ריחנו בעיני פרעה ובעיני עבדיו לתת חרב בידו להרגנו | |
| 22 | MTוישׁב משׁה אל יהוה ויאמר אדני למה הרעתה לעם הזה למה זה שׁלחתני |
| SPוישׁב משׁה אל יהוה ויאמר אדני למה הרעת לעם הזה ולמה זה שׁלחתני | |
| 23 | MTומאז באתי אל פרעה לדבר בשׁמך הרע לעם הזה והצל לא הצלת את עמך |
| SPומאז באתי אל פרעה לדבר בשׁמך הרע לעם הזה והצל לא הצלת את עמך |