| 1 | MTויען משׁה ויאמר והן לא יאמינו לי ולא ישׁמעו בקלי כי יאמרו לא נראה אליך יהוה |
| SPויען משׁה ויאמר והן לא יאמנו לי ולא ישׁמעו לקולי כי יאמרו לא נראה אליך יהוה | |
| 2 | MTויאמר אליו יהוה מזה בידך ויאמר מטה |
| SPויאמר אליו יהוה מה זה בידך ויאמר מטה | |
| 3 | MTויאמר השׁליכהו ארצה וישׁליכהו ארצה ויהי לנחשׁ וינס משׁה מפניו |
| SPויאמר השׁליכהו ארצה וישׁלכהו ארצה ויהי לנחשׁ וינס משׁה מפניו | |
| 4 | MTויאמר יהוה אל משׁה שׁלח ידך ואחז בזנבו וישׁלח ידו ויחזק בו ויהי למטה בכפו |
| SPויאמר יהוה אל משׁה שׁלח ידך ואחז בזנבו וישׁלח ידו ויחזק בו ויהי למטה בכפו | |
| 5 | MTלמען יאמינו כי נראה אליך יהוה אלהי אבתם אלהי אברהם אלהי יצחק ואלהי יעקב |
| SPלמען יאמנו כי נראה אליך יהוה אלהי אבותם אלהי אברהם ואלהי יצחק ואלהי יעקב | |
| 6 | MTויאמר יהוה לו עוד הבא נא ידך בחיקך ויבא ידו בחיקו ויוצאה והנה ידו מצרעת כשׁלג |
| SPויאמר יהוה לו עוד הבא נא ידך בחיקך ויבא ידו בחיקו ויוציאה מחיקו והנה ידו מצרעת כשׁלג | |
| 7 | MTויאמר השׁב ידך אל חיקך וישׁב ידו אל חיקו ויוצאה מחיקו והנה שׁבה כבשׂרו |
| SPויאמר השׁב ידך אל חיקך וישׁב ידו אל חיקו ויוציאה מחיקו והנה שׁבה כבשׂרו | |
| 8 | MTוהיה אם לא יאמינו לך ולא ישׁמעו לקל האת הראשׁון והאמינו לקל האת האחרון |
| SPוהיה אם לא יאמנו לך ולא ישׁמעו לקול האות הראישׁון והאמנו לקול האות האחרון | |
| 9 | MTוהיה אם לא יאמינו גם לשׁני האתות האלה ולא ישׁמעון לקלך ולקחת ממימי היאר ושׁפכת היבשׁה והיו המים אשׁר תקח מן היאר והיו לדם ביבשׁת |
| SPוהיה אם לא יאמנו גם לשׁני האתות האלה ולא ישׁמעו לקולך ולקחת ממימי היאר ושׁפכת היבשׁה והיו המים אשׁר תקח מן היאר יהיו לדם ביבשׁת | |
| 10 | MTויאמר משׁה אל יהוה בי אדני לא אישׁ דברים אנכי גם מתמול גם משׁלשׁם גם מאז דברך אל עבדך כי כבד פה וכבד לשׁון אנכי |
| SPויאמר משׁה אל יהוה בי אדני לא אישׁ דברים אנכי גם מתמול גם משׁלשׁום גם מאז דברך אל עבדך כי כבד פה וכבד לשׁון אנכי | |
| 11 | MTויאמר יהוה אליו מי שׂם פה לאדם או מי ישׂום אלם או חרשׁ או פקח או עור הלא אנכי יהוה |
| SPויאמר יהוה אליו מי שׂם פה לאדם או מי ישׂים אלם או חרשׁ או פקח או עור הלוא אנכי יהוה | |
| 12 | MTועתה לך ואנכי אהיה עם פיך והוריתיך אשׁר תדבר |
| SPועתה לך ואנכי אהיה עם פיך והוריתיך אשׁר תדבר | |
| 13 | MTויאמר בי אדני שׁלח נא ביד תשׁלח |
| SPויאמר בי אדני שׁלח נא ביד תשׁלח | |
| 14 | MTויחר אף יהוה במשׁה ויאמר הלא אהרן אחיך הלוי ידעתי כי דבר ידבר הוא וגם הנה הוא יצא לקראתך וראך ושׂמח בלבו |
| SPויחר אף יהוה במשׁה ויאמר הלוא אהרן אחיך הלוי ידעתי כי דבר ידבר הוא וגם הנה הוא יצא לקראתך וראך ושׂמח בלבבו | |
| 15 | MTודברת אליו ושׂמת את הדברים בפיו ואנכי אהיה עם פיך ועם פיהו והוריתי אתכם את אשׁר תעשׂון |
| SPודברת אליו ושׂמת את הדברים בפיו ואנכי אהיה עם פיך ועם פיו והוריתי אתכם את אשׁר תעשׂון | |
| 16 | MTודבר הוא לך אל העם והיה הוא יהיה לך לפה ואתה תהיה לו לאלהים |
| SPודבר הוא לך אל העם והיה הוא יהיה לך לפה ואתה תהיה לו לאלהים | |
| 17 | MTואת המטה הזה תקח בידך אשׁר תעשׂה בו את האתת |
| SPואת המטה הזה תקח בידך אשׁר תעשׂה בו את האתות | |
| 18 | MTוילך משׁה וישׁב אל יתר חתנו ויאמר לו אלכה נא ואשׁובה אל אחי אשׁר במצרים ואראה העודם חיים ויאמר יתרו למשׁה לך לשׁלום |
| SPוילך משׁה וישׁב אל יתרו חתנו ויאמר לו אלכה נא ואשׁובה אל אחי אשׁר במצרים ואראה העודם חיים ויאמר יתרו למשׁה לך לשׁלום | |
| 19 | MTויאמר יהוה אל משׁה במדין לך שׁב מצרים כי מתו כל האנשׁים המבקשׁים את נפשׁך |
| SPויאמר יהוה אל משׁה במדין לך שׁוב מצרימה כי מתו כל האנשׁים המבקשׁים את נפשׁך | |
| 20 | MTויקח משׁה את אשׁתו ואת בניו וירכבם על החמר וישׁב ארצה מצרים ויקח משׁה את מטה האלהים בידו |
| SPויקח משׁה את אשׁתו ואת בניו וירכבם על החמור וישׁב ארץ מצרים ויקח משׁה את מטה האלהים בידו | |
| 21 | MTויאמר יהוה אל משׁה בלכתך לשׁוב מצרימה ראה כל המפתים אשׁר שׂמתי בידך ועשׂיתם לפני פרעה ואני אחזק את לבו ולא ישׁלח את העם |
| SPויאמר יהוה אל משׁה בלכתך לשׁוב מצרימה ראה את כל המופתים אשׁר שׂמתי בידך ועשׂיתם לפני פרעה ואני אחזיק את לבו ולא ישׁלח את העם | |
| 22 | MTואמרת אל פרעה כה אמר יהוה בני בכרי ישׂראל |
| SPואמרת אל פרעה כה אמר יהוה בני בכורי ישׂראל | |
| 23 | MTואמר אליך שׁלח את בני ויעבדני ותמאן לשׁלחו הנה אנכי הרג את בנך בכרך |
| SPואמר אליך שׁלח את בני ויעבדני ותמאן לשׁלחו הנה אנכי הרג את בנך בכורך | |
| 24 | MTויהי בדרך במלון ויפגשׁהו יהוה ויבקשׁ המיתו |
| SPויהי בדרך במלון ויפגשׁהו יהוה ויבקשׁ המיתו | |
| 25 | MTותקח צפרה צר ותכרת את ערלת בנה ותגע לרגליו ותאמר כי חתן דמים אתה לי |
| SPותקח צפורה צר ותכרת את ערלת בנה ותגיע לרגליו ותאמר כי חתן דמים אתה לי | |
| 26 | MTוירף ממנו אז אמרה חתן דמים למולת |
| SPוירף ממנה אז אמרה חתן דמים למלות | |
| 27 | MTויאמר יהוה אל אהרן לך לקראת משׁה המדברה וילך ויפגשׁהו בהר האלהים וישׁק לו |
| SPויאמר יהוה אל אהרן לך לקראת משׁה המדברה וילך ויפגשׁהו בהר האלהים וישׁק לו | |
| 28 | MTויגד משׁה לאהרן את כל דברי יהוה אשׁר שׁלחו ואת כל האתת אשׁר צוהו |
| SPויגד משׁה לאהרן את כל דברי יהוה אשׁר שׁלחו ואת כל האתות אשׁר צוהו | |
| 29 | MTוילך משׁה ואהרן ויאספו את כל זקני בני ישׂראל |
| SPוילכו משׁה ואהרן ויאספו את כל זקני בני ישׂראל | |
| 30 | MTוידבר אהרן את כל הדברים אשׁר דבר יהוה אל משׁה ויעשׂ האתת לעיני העם |
| SPוידבר אהרן את כל הדברים אשׁר דבר יהוה אל משׁה ויעשׂ האתות לעיני העם | |
| 31 | MTויאמן העם וישׁמעו כי פקד יהוה את בני ישׂראל וכי ראה את ענים ויקדו וישׁתחוו |
| SPויאמנו העם וישׁמעו כי פקד יהוה את בני ישׂראל וכי ראה את ענים ויקדו וישׁתחוו |