| 1 | MTומשׁה היה רעה את צאן יתרו חתנו כהן מדין וינהג את הצאן אחר המדבר ויבא אל הר האלהים חרבה |
| SPומשׁה היה רעה את צאן יתרו חתנו כהן מדין וינהג את הצאן אחר המדבר ויבא אל הר האלהים חורבה | |
| 2 | MTוירא מלאך יהוה אליו בלבת אשׁ מתוך הסנה וירא והנה הסנה בער באשׁ והסנה איננו אכל |
| SPוירא אליו מלאך יהוה בלהבת אשׁ מתוך הסנה וירא והנה הסנה בער באשׁ והסנה איננו אכל | |
| 3 | MTויאמר משׁה אסרה נא ואראה את המראה הגדל הזה מדוע לא יבער הסנה |
| SPויאמר משׁה אסור נא ואראה את המראה הגדול הזה מדוע לא יבער הסנה | |
| 4 | MTוירא יהוה כי סר לראות ויקרא אליו אלהים מתוך הסנה ויאמר משׁה משׁה ויאמר הנני |
| SPוירא אלהים כי סר לראות ויקרא אליו אלהים מתוך הסנה ויאמר משׁה משׁה ויאמר הנני | |
| 5 | MTויאמר אל תקרב הלם שׁל נעליך מעל רגליך כי המקום אשׁר אתה עומד עליו אדמת קדשׁ הוא |
| SPויאמר אל תקרב הלם שׁל נעליך מעל רגליך כי המקום אשׁר אתה עמד עליו אדמת קדשׁ היא | |
| 6 | MTויאמר אנכי אלהי אביך אלהי אברהם אלהי יצחק ואלהי יעקב ויסתר משׁה פניו כי ירא מהביט אל האלהים |
| SPויאמר אנכי אלהי אבתיך אלהי אברהם ואלהי יצחק ואלהי יעקב ויסתר משׁה פניו כי ירא מהביט אל האלהים | |
| 7 | MTויאמר יהוה ראה ראיתי את עני עמי אשׁר במצרים ואת צעקתם שׁמעתי מפני נגשׂיו כי ידעתי את מכאביו |
| SPויאמר יהוה ראו ראיתי את עני עמי אשׁר במצרים ואת צעקתם שׁמעתי מפני נגשׂיו כי ידעתי את מכאבו | |
| 8 | MTוארד להצילו מיד מצרים ולהעלתו מן הארץ ההוא אל ארץ טובה ורחבה אל ארץ זבת חלב ודבשׁ אל מקום הכנעני והחתי והאמרי והפרזי והחוי והיבוסי |
| SPוארדה להצילו מיד מצרים ולהעלותו מן הארץ ההיא אל ארץ טובה ורחבה אל ארץ זבת חלב ודבשׁ אל מקום הכנעני החתי והאמרי והפרזי והגרגשׁי והחוי והיבוסי | |
| 9 | MTועתה הנה צעקת בני ישׂראל באה אלי וגם ראיתי את הלחץ אשׁר מצרים לחצים אתם |
| SPועתה הנה צעקת בני ישׂראל באה אלי וגם ראיתי את הלחץ אשׁר מצרים לחצים אתם | |
| 10 | MTועתה לכה ואשׁלחך אל פרעה והוצא את עמי בני ישׂראל ממצרים |
| SPועתה לך ואשׁלחך אל פרעה והוצאת את עמי בני ישׂראל ממצרים | |
| 11 | MTויאמר משׁה אל האלהים מי אנכי כי אלך אל פרעה וכי אוציא את בני ישׂראל ממצרים |
| SPויאמר משׁה אל האלהים מי אנכי כי אלך אל פרעה וכי אוציא את בני ישׂראל ממצרים | |
| 12 | MTויאמר כי אהיה עמך וזה לך האות כי אנכי שׁלחתיך בהוציאך את העם ממצרים תעבדון את האלהים על ההר הזה |
| SPויאמר כי אהיה עמך וזה לך האות כי אנכי שׁלחתיך בהוציאך את העם ממצרים תעבדון את האלהים על ההר הזה | |
| 13 | MTויאמר משׁה אל האלהים הנה אנכי בא אל בני ישׂראל ואמרתי להם אלהי אבותיכם שׁלחני אליכם ואמרו לי מה שׁמו מה אמר אלהם |
| SPויאמר משׁה אל האלהים הנה אנכי בא אל בני ישׂראל ואמרתי להם אלהי אבתיכם שׁלחני אליכם ואמרו לי מה שׁמו מה אמר אליהם | |
| 14 | MTויאמר אלהים אל משׁה אהיה אשׁר אהיה ויאמר כה תאמר לבני ישׂראל אהיה שׁלחני אליכם |
| SPויאמר אלהים אל משׁה אהיה אשׁר אהיה ויאמר כה תאמר אל בני ישׂראל אהיה שׁלחני אליכם | |
| 15 | MTויאמר עוד אלהים אל משׁה כה תאמר אל בני ישׂראל יהוה אלהי אבתיכם אלהי אברהם אלהי יצחק ואלהי יעקב שׁלחני אליכם זה שׁמי לעלם וזה זכרי לדר דר |
| SPויאמר עוד אלהים אל משׁה כה תאמר אל בני ישׂראל יהוה אלהי אבתיכם אלהי אברהם ואלהי יצחק ואלהי יעקב שׁלחני אליכם זה שׁמי לעולם וזה זכרי לדר ודר | |
| 16 | MTלך ואספת את זקני ישׂראל ואמרת אלהם יהוה אלהי אבתיכם נראה אלי אלהי אברהם יצחק ויעקב לאמר פקד פקדתי אתכם ואת העשׂוי לכם במצרים |
| SPלך ואספת את זקני בני ישׂראל ואמרת אליהם יהוה אלהי אבתיכם נראה אלי אלהי אברהם ויצחק ויעקב לאמר פקד פקדתי אתכם ואת העשׂוי לכם במצרים | |
| 17 | MTואמר אעלה אתכם מעני מצרים אל ארץ הכנעני והחתי והאמרי והפרזי והחוי והיבוסי אל ארץ זבת חלב ודבשׁ |
| SPואמרה אעלה אתכם מעני מצרים אל ארץ הכנעני החתי והאמרי והפרזי והגרגשׁי והחוי והיבוסי אל ארץ זבת חלב ודבשׁ | |
| 18 | MTושׁמעו לקלך ובאת אתה וזקני ישׂראל אל מלך מצרים ואמרתם אליו יהוה אלהי העבריים נקרה עלינו ועתה נלכה נא דרך שׁלשׁת ימים במדבר ונזבחה ליהוה אלהינו |
| SPושׁמעו לקולך ובאת אתה וזקני ישׂראל אל מלך מצרים ואמרתם אליו יהוה אלהי העברים נקרא עלינו נלכה נא דרך שׁלשׁת ימים במדבר ונזבחה ליהוה אלהינו | |
| 19 | MTואני ידעתי כי לא יתן אתכם מלך מצרים להלך ולא ביד חזקה |
| SPואני ידעתי כי לא יתן אתכם מלך מצרים להלך הלוא ביד חזקה | |
| 20 | MTושׁלחתי את ידי והכיתי את מצרים בכל נפלאתי אשׁר אעשׂה בקרבו ואחרי כן ישׁלח אתכם |
| SPושׁלחתי את ידי והכיתי את מצרים בכל נפלאותי אשׁר אעשׂה בקרבו ואחרי כן ישׁלח אתכם | |
| 21 | MTונתתי את חן העם הזה בעיני מצרים והיה כי תלכון לא תלכו ריקם |
| SPונתתי את חן העם הזה בעיני מצרים והיה כי תלכון לא תלכון רקים | |
| 22 | MTושׁאלה אשׁה משׁכנתה ומגרת ביתה כלי כסף וכלי זהב ושׂמלת ושׂמתם על בניכם ועל בנתיכם ונצלתם את מצרים |
| SPושׁאל אישׁ מאת רעהו ואשׁה מאת רעותה משׁכינתה ומגירת ביתה כלי כסף וכלי זהב ושׂמלות ושׂמתם על בניכם ועל בנתיכם ונצלתם את מצרים |