| 1 | MTוילך אישׁ מבית לוי ויקח את בת לוי |
| SPוילך אישׁ מבית לוי ויקח את בת לוי | |
| 2 | MTותהר האשׁה ותלד בן ותרא אתו כי טוב הוא ותצפנהו שׁלשׁה ירחים |
| SPותהר האשׁה ותלד בן ותרא אתו כי טוב הוא ותצפנהו שׁלשׁה ירחים | |
| 3 | MTולא יכלה עוד הצפינו ותקח לו תבת גמא ותחמרה בחמר ובזפת ותשׂם בה את הילד ותשׂם בסוף על שׂפת היאר |
| SPולא יכלה עוד הצפנהו ותקח לו אמו תבת גמא ותחמרה בחימר ובזפת ותשׂם בה את הילד ותשׂם בסף על שׂפת היאר | |
| 4 | MTותתצב אחתו מרחק לדעה מה יעשׂה לו |
| SPותתיצב אחותו מרחק לדעת מה יעשׂה לו | |
| 5 | MTותרד בת פרעה לרחץ על היאר ונערתיה הלכת על יד היאר ותרא את התבה בתוך הסוף ותשׁלח את אמתה ותקחה |
| SPותרד בת פרעה לרחץ על היאר ונערתיה הלכת על יד היאר ותרא את התבה בתוך הסף ותשׁלח את אמתה ותקחה | |
| 6 | MTותפתח ותראהו את הילד והנה נער בכה ותחמל עליו ותאמר מילדי העברים זה |
| SPותפתחה ותרא את הילד והנה נער בכה ותחמל עליו בת פרעה ותאמר מילדי העברים זה | |
| 7 | MTותאמר אחתו אל בת פרעה האלך וקראתי לך אשׁה מינקת מן העברית ותינק לך את הילד |
| SPותאמר אחותו אל בת פרעה האלך וקראתי ליך אשׁה מינקות מן העבריות ותינק ליך את הילד | |
| 8 | MTותאמר לה בת פרעה לכי ותלך העלמה ותקרא את אם הילד |
| SPותאמר לה בת פרעה לכי ותלך העלמה ותקרא את אם הילד | |
| 9 | MTותאמר לה בת פרעה היליכי את הילד הזה והינקהו לי ואני אתן את שׂכרך ותקח האשׁה הילד ותניקהו |
| SPותאמר לה בת פרעה הלכי את הילד הזה והנקהו לי ואני אתן את שׂכריך ותקח האשׁה את הילד ותינקהו | |
| 10 | MTויגדל הילד ותבאהו לבת פרעה ויהי לה לבן ותקרא שׁמו משׁה ותאמר כי מן המים משׁיתהו |
| SPויגדל הנער ותבאהו אל בת פרעה ויהי לה לבן ותקרא את שׁמו משׁה ותאמר כי מן המים משׁיתיו | |
| 11 | MTויהי בימים ההם ויגדל משׁה ויצא אל אחיו וירא בסבלתם וירא אישׁ מצרי מכה אישׁ עברי מאחיו |
| SPויהי בימים ההם ויגדל משׁה ויצא אל אחיו וירא בסבלותם וירא אישׁ מצרי מכה אישׁ עברי מאחיו | |
| 12 | MTויפן כה וכה וירא כי אין אישׁ ויך את המצרי ויטמנהו בחול |
| SPויפן כה וכה וירא כי אין אישׁ ויך את המצרי ויטמנהו בחול | |
| 13 | MTויצא ביום השׁני והנה שׁני אנשׁים עברים נצים ויאמר לרשׁע למה תכה רעך |
| SPויצא ביום השׁני והנה שׁני אנשׁים עברים נצים ויאמר לרשׁע למה תכה רעך | |
| 14 | MTויאמר מי שׂמך לאישׁ שׂר ושׁפט עלינו הלהרגני אתה אמר כאשׁר הרגת את המצרי ויירא משׁה ויאמר אכן נודע הדבר |
| SPויאמר מי שׂמך לאישׁ שׂר ולשׁופט עלינו הלהרגני אתה אמר כאשׁר הרגת את המצרי ויירא משׁה ויאמר אכן נודע הדבר | |
| 15 | MTוישׁמע פרעה את הדבר הזה ויבקשׁ להרג את משׁה ויברח משׁה מפני פרעה וישׁב בארץ מדין וישׁב על הבאר |
| SPוישׁמע פרעה את הדבר הזה ויבקשׁ להרג את משׁה ויברח משׁה מפני פרעה וישׁב בארץ מדין וישׁב על הבאר | |
| 16 | MTולכהן מדין שׁבע בנות ותבאנה ותדלנה ותמלאנה את הרהטים להשׁקות צאן אביהן |
| SPולכהן מדין שׁבע בנות ותבאנה ותדלאנה ותמלאנה את הרחטים להשׁקות את צאן אביהן | |
| 17 | MTויבאו הרעים ויגרשׁום ויקם משׁה ויושׁען וישׁק את צאנם |
| SPויבאו הרעים ויגרשׁום ויקם משׁה ויושׁיענה וישׁק את צאנם | |
| 18 | MTותבאנה אל רעואל אביהן ויאמר מדוע מהרתן בא היום |
| SPותבאנה אל רעואל אביהן ויאמר מדוע מהרתן בא היום | |
| 19 | MTותאמרן אישׁ מצרי הצילנו מיד הרעים וגם דלה דלה לנו וישׁק את הצאן |
| SPותאמרנה אישׁ מצרי הצילנו מיד הרעים וגם דלא דלא לנו וישׁק את הצאן | |
| 20 | MTויאמר אל בנתיו ואיו למה זה עזבתן את האישׁ קראן לו ויאכל לחם |
| SPויאמר אל בנתיו ואיה למה זה עזבתן את האישׁ קראן לו ויאכל לחם | |
| 21 | MTויואל משׁה לשׁבת את האישׁ ויתן את צפרה בתו למשׁה |
| SPויאל משׁה לשׁבת את האישׁ ויתן את צפורה בתו למשׁה לאשׁה | |
| 22 | MTותלד בן ויקרא את שׁמו גרשׁם כי אמר גר הייתי בארץ נכריה |
| SPותלד בן ויקרא את שׁמו גרשׁם כי אמר גר הייתי בארץ נכריה | |
| 23 | MTויהי בימים הרבים ההם וימת מלך מצרים ויאנחו בני ישׂראל מן העבדה ויזעקו ותעל שׁועתם אל האלהים מן העבדה |
| SPויהי בימים הרבים ההם וימת מלך מצרים וינחו בני ישׂראל מן העבדה ויצעקו ותעל שׁועתם אל האלהים מן העבדה | |
| 24 | MTוישׁמע אלהים את נאקתם ויזכר אלהים את בריתו את אברהם את יצחק ואת יעקב |
| SPוישׁמע אלהים את נקאתם ויזכר אלהים את בריתו את אברהם ואת יצחק ואת יעקב | |
| 25 | MTוירא אלהים את בני ישׂראל וידע אלהים |
| SPוירא אלהים את בני ישׂראל וידע אלהים |