| 1 | MTוזאת הברכה אשׁר ברך משׁה אישׁ האלהים את בני ישׂראל לפני מותו |
| SPוזאת הברכה אשׁר ברך משׁה אישׁ האלהים את בני ישׂראל לפני מותו | |
| 2 | MTויאמר יהוה מסיני בא וזרח משׂעיר למו הופיע מהר פארן ואתה מרבבת קדשׁ מימינו אשׁדת למו |
| SPויאמר יהוה מסיני בא וזרח משׂעיר למו הופיע מהר פראן ואתו מרבבות קדשׁ מימינו אשׁדות למו | |
| 3 | MTאף חבב עמים כל קדשׁיו בידך והם תכו לרגלך ישׂא מדברתיך |
| SPאף חובב עמים וכל קדשׁיו בידך והם תכו לרגליך ושׂאו מדברתך | |
| 4 | MTתורה צוה לנו משׁה מורשׁה קהלת יעקב |
| SPתורה צוה לנו משׁה מורשׁה קהלת יעקב | |
| 5 | MTויהי בישׁרון מלך בהתאסף ראשׁי עם יחד שׁבטי ישׂראל |
| SPויהי בישׁרון מלך בהתאספו ראשׁי העם יחדו שׁבטי ישׂראל | |
| 6 | MTיחי ראובן ואל ימת ויהי מתיו מספר |
| SPיחי ראובן ואל ימות ויהי מאתו מספר | |
| 7 | MTוזאת ליהודה ויאמר שׁמע יהוה קול יהודה ואל עמו תביאנו ידיו רב לו ועזר מצריו תהיה |
| SPוזאת ליהודה ויאמר שׁמע יהוה קול יהודה ואל עמו תביאנה ידו ריב לו ועזר מצריו תהיה | |
| 8 | MTוללוי אמר תמיך ואוריך לאישׁ חסידך אשׁר נסיתו במסה תריבהו על מי מריבה |
| SPולוי אמר תמיך ואריך לאישׁ חסידך אשׁר נסיתהו במסה ותריבהו על מי מריבה | |
| 9 | MTהאמר לאביו ולאמו לא ראיתיו ואת אחיו לא הכיר ואת בנו לא ידע כי שׁמרו אמרתך ובריתך ינצרו |
| SPהאמר לאביו ולאמו לא ראיתי ואת אחיו לא הכר ואת בנו לא ידע כי שׁמרו אמירתך ובריתך ינצרו | |
| 10 | MTיורו משׁפטיך ליעקב ותורתך לישׂראל ישׂימו קטורה באפך וכליל על מזבחך |
| SPיורו משׁפטיך ליעקב ותורתיך לישׂראל ישׂימו קטרה באפיך וכליל על מזבחך | |
| 11 | MTברך יהוה חילו ופעל ידיו תרצה מחץ מתנים קמיו ומשׂנאיו מן יקומון |
| SPברך יהוה חילו ופעל ידו תרצה מחץ מתני קמיו ומשׂנאיו מי יקימנו | |
| 12 | MTלבנימן אמר ידיד יהוה ישׁכן לבטח עליו חפף עליו כל היום ובין כתיפיו שׁכן |
| SPולבנימים אמר יד יד יהוה ישׁכן לבטח וחופף עליו כל היום ובין כתפותיו שׁכן | |
| 13 | MTוליוסף אמר מברכת יהוה ארצו ממגד שׁמים מטל ומתהום רבצת תחת |
| SPוליוסף אמר מברכת יהוה ארצו ממגד שׁמים מטל ומתהום רבצת תחת | |
| 14 | MTוממגד תבואת שׁמשׁ וממגד גרשׁ ירחים |
| SPוממגד תבואת שׁמשׁ וממגד גרושׁי ירחים | |
| 15 | MTומראשׁ הררי קדם וממגד גבעות עולם |
| SPומראשׁ הרי קדם וממגד גבעת עולם | |
| 16 | MTוממגד ארץ ומלאה ורצון שׁכני סנה תבואתה לראשׁ יוסף ולקדקד נזיר אחיו |
| SPוממגד ארץ ומלואה ורצון שׁכן סנה תבואתה לראשׁ יוסף ולקדקד נזיר אחיו | |
| 17 | MTבכור שׁורו הדר לו וקרני ראם קרניו בהם עמים ינגח יחדו אפסי ארץ והם רבבות אפרים והם אלפי מנשׁה |
| SPבכור שׁור הדר לו וקרני ראמי קרניו בהם עמים ינגח יחדו אפסי הארץ הם רבבות אפרים והם אלפי מנשׁה | |
| 18 | MTולזבולן אמר שׂמח זבולן בצאתך וישׂשׂכר באהליך |
| SPולזבולן אמר שׂמח זבולן בצאתך וישׂשׂכר באהליך | |
| 19 | MTעמים הר יקראו שׁם יזבחו זבחי צדק כי שׁפע ימים יינקו ושׂפוני טמוני חול |
| SPעמים הרי יקראו ושׁם יזבחו זבחי צדק כי שׁפע ימים יינק ושׂפוני טמוני חול | |
| 20 | MTולגד אמר ברוך מרחיב גד כלביא שׁכן וטרף זרוע אף קדקד |
| SPולגד אמר ברוך מרחיב גד כלביה שׁכן טרוף זרוע גם קדקד | |
| 21 | MTוירא ראשׁית לו כי שׁם חלקת מחקק ספון ויתא ראשׁי עם צדקת יהוה עשׂה ומשׁפטיו עם ישׂראל |
| SPוירא ראשׁית לו כי שׁם חלקת מחוקק ספון ויתא ראשׁי העם צדקת יהוה עשׂה ומשׁפטיו עם ישׂראל | |
| 22 | MTולדן אמר דן גור אריה יזנק מן הבשׁן |
| SPולדן אמר דן גור אריה ויזנק מן הבשׁן | |
| 23 | MTולנפתלי אמר נפתלי שׂבע רצון ומלא ברכת יהוה ים ודרום ירשׁה |
| SPולנפתלי אמר נפתלי שׂבע ורצון ומלא ברכת יהוה ימה ודרום יירשׁ | |
| 24 | MTולאשׁר אמר ברוך מבנים אשׁר יהי רצוי אחיו וטבל בשׁמן רגלו |
| SPולאשׁר אמר ברוך מבנים אשׁר ויהי רצוי אחיו וטבל בשׁמן רגליו | |
| 25 | MTברזל ונחשׁת מנעליך וכימיך דבאך |
| SPברזל ונחשׁת מנעליך וכימיך רביך | |
| 26 | MTאין כאל ישׁרון רכב שׁמים בעזרך ובגאותו שׁחקים |
| SPאין כאל ישׁרון רכב שׁמים בעזרך ובגאתו שׁחקים | |
| 27 | MTמענה אלהי קדם ומתחת זרעת עולם ויגרשׁ מפניך אויב ויאמר השׁמד |
| SPמעונה אלהי קדם ומתחת זרועת עולם ויגרשׁ מפניך אויב ויאמר השׁמיד | |
| 28 | MTוישׁכן ישׂראל בטח בדד עין יעקב אל ארץ דגן ותירושׁ אף שׁמיו יערפו טל |
| SPוישׁכן ישׂראל בטח בדד עין יעקב על ארץ דגן ותירשׁ ואף שׁמיך יערפו טל | |
| 29 | MTאשׁריך ישׂראל מי כמוך עם נושׁע ביהוה מגן עזרך ואשׁר חרב גאותך ויכחשׁו איביך לך ואתה על במותימו תדרך |
| SPאשׁרך ישׂראל מי כמוך העם הנושׁע ביהוה מגן עזרך ואשׁר חרב גאתך ויכחשׁו איביך לך ואתה על במתם תדרך |