| 1 | MTהאזינו השׁמים ואדברה ותשׁמע הארץ אמרי פי |
| SPהאזינו השׁמים ואדברה ותשׁמע הארץ אמרי פיי | |
| 2 | MTיערף כמטר לקחי תזל כטל אמרתי כשׂעירם עלי דשׁא וכרביבים עלי עשׂב |
| SPיערף כמטר לקחי ותאזל כטל אמירתי כשׂעירים עלי דשׁא וכרביבים עלי עשׂב | |
| 3 | MTכי שׁם יהוה אקרא הבו גדל לאלהינו |
| SPכי בשׁם יהוה אקרא והבו גדל לאלהינו | |
| 4 | MTהצור תמים פעלו כי כל דרכיו משׁפט אל אמונה ואין עול צדיק וישׁר הוא |
| SPהצור תמים פעלו כי כל דרכיו משׁפט אל אמונה ואין עול צדיק וישׁר הוא | |
| 5 | MTשׁחת לו לא בניו מומם דור עקשׁ ופתלתל |
| SPשׁחתו לא לו בני מום דור עקשׁ ופתלתל | |
| 6 | MTה ליהוה תגמלו זאת עם נבל ולא חכם הלוא הוא אביך קנך הוא עשׂך ויכננך |
| SPהליהוה תגמלו זאת עם נבל ולא חכם הלוא הוא אביך קנך הוא עשׂך ויכוננך | |
| 7 | MTזכר ימות עולם בינו שׁנות דור ודור שׁאל אביך ויגדך זקניך ויאמרו לך |
| SPזכרו יומת עולם בינו שׁנת דור ודר שׁאל אביך ויגידך זקניך ויאמרו לך | |
| 8 | MTבהנחל עליון גוים בהפרידו בני אדם יצב גבלת עמים למספר בני ישׂראל |
| SPבהנחיל עליון גוים בהפרידו בני אדם יצב גבולת עמים למספר בני ישׂראל | |
| 9 | MTכי חלק יהוה עמו יעקב חבל נחלתו |
| SPכי חלק יהוה עמו יעקב חבל נחלתו ישׂראל | |
| 10 | MTימצאהו בארץ מדבר ובתהו ילל ישׁמן יסבבנהו יבוננהו יצרנהו כאישׁון עינו |
| SPיאמצהו בארץ המדבר ובתהללות ישׁמנהו יסבבנהו ויבננהו ויצרנהו כאישׁן עינו | |
| 11 | MTכנשׁר יעיר קנו על גוזליו ירחף יפרשׂ כנפיו יקחהו ישׂאהו על אברתו |
| SPכנשׁר יער קנו ועל גוזליו ירחף יפרשׁ כנפיו ויקחהו ישׂאהו על אברתו | |
| 12 | MTיהוה בדד ינחנו ואין עמו אל נכר |
| SPיהוה בדד ינחנו ואין עמו אל נכר | |
| 13 | MTירכבהו על במותי ארץ ויאכל תנובת שׂדי וינקהו דבשׁ מסלע ושׁמן מחלמישׁ צור |
| SPירכבהו על במתי הארץ יאכלהו תנופת שׂדי יינקהו דבשׁ מסלע ושׁמן מחלמישׁ צור | |
| 14 | MTחמאת בקר וחלב צאן עם חלב כרים ואילים בני בשׁן ועתודים עם חלב כליות חטה ודם ענב תשׁתה חמר |
| SPחמת בקר וחלב צאן עם חמת כרים ואילים בני בשׁן ועתודים עם חלב כליות חטה ודם ענב תשׁתה חמר | |
| 15 | MTוישׁמן ישׁרון ויבעט שׁמנת עבית כשׂית ויטשׁ אלוה עשׂהו וינבל צור ישׁעתו |
| SPיאכל יעקב וישׂבע ישׁמן ישׁרון ויבעט שׁמנת עבית כשׂית ויטשׁ אלה עשׂהו וינבלו צור ישׁועתו | |
| 16 | MTיקנאהו בזרים בתועבת יכעיסהו |
| SPיקנאהו בזרים ובתועבות יכעיסהו | |
| 17 | MTיזבחו לשׁדים לא אלה אלהים לא ידעום חדשׁים מקרב באו לא שׂערום אבתיכם |
| SPיזבחו לשׁדים לא אלה אלהים לא ידעום חדשׁים מקרב באו ולא שׂערום אבתיכם | |
| 18 | MTצור ילדך תשׁי ותשׁכח אל מחללך |
| SPצור ילדך תשׁא ותשׁכח אל מהללך | |
| 19 | MTוירא יהוה וינאץ מכעס בניו ובנתיו |
| SPוירא יהוה וינאץ מכעס בניו ובנתיו | |
| 20 | MTויאמר אסתירה פני מהם אראה מה אחריתם כי דור תהפכת המה בנים לא אמן בם |
| SPויאמר אסתיר פני מהם ואראה מה אחריתם כי דור הפכות הם בנים לא האמן בם | |
| 21 | MTהם קנאוני בלא אל כעסוני בהבליהם ואני אקניאם בלא עם בגוי נבל אכעיסם |
| SPהם קנאוני בלא אל כעסוני באבליהם ואני אקניאם בלא עם בגוי נבל אכעיסם | |
| 22 | MTכי אשׁ קדחה באפי ותיקד עד שׁאול תחתית ותאכל ארץ ויבלה ותלהט מוסדי הרים |
| SPכי אשׁ קדחה באפי ותוקד עד שׁאל תחתית תאכל ארץ ויבולה תלחט מוסדי הרים | |
| 23 | MTאספה עלימו רעות חצי אכלה בם |
| SPאספה עליהם רעות וחצי אכלה בם | |
| 24 | MTמזי רעב ולחמי רשׁף וקטב מרירי ושׁן בהמות אשׁלח בם עם חמת זחלי עפר |
| SPמזה רעב לחמו רשׁף קטף מררים ושׁן בהמות אשׁלח בם עם חמת זחלי עפר | |
| 25 | MTמחוץ תשׁכל חרב ומחדרים אימה גם בחור גם בתולה יונק עם אישׁ שׂיבה |
| SPמחוץ תשׁכל חרב ומחדרים אימה גם בחור גם בתולה וינק עם אישׁ שׂיבה | |
| 26 | MTאמרתי אפאיהם אשׁביתה מאנושׁ זכרם |
| SPאמרתי אפי הם אשׁבית מאנושׁ זכרם | |
| 27 | MTלולי כעס אויב אגור פן ינכרו צרימו פן יאמרו ידינו רמה ולא יהוה פעל כל זאת |
| SPלו לא כעס איבי אגור פן ינכרו צרינו פן יאמרו ידינו רמה ולא יהוה פעל כל זאת | |
| 28 | MTכי גוי אבד עצות המה ואין בהם תבונה |
| SPכי גוי אבד עצות הם ואין בהם תבונה | |
| 29 | MTלו חכמו ישׂכילו זאת יבינו לאחריתם |
| SPלא חכמו וישׂכילו זאת ויבינו לאחריתם | |
| 30 | MTאיכה ירדף אחד אלף ושׁנים יניסו רבבה אם לא כי צורם מכרם ויהוה הסגירם |
| SPאיך ירדף אחד אלף ושׁנים יניסו רבבה אם לא צורם מכרם ויהוה הסגירם | |
| 31 | MTכי לא כצורנו צורם ואיבינו פלילים |
| SPכי לא כצורנו צורם ואיבינו פללים | |
| 32 | MTכי מגפן סדם גפנם ומשׁדמת עמרה ענבמו ענבי רושׁ אשׁכלת מררת למו |
| SPכי מגפן סדם גפנם ומשׁדמות עמרה ענביהם ענבי ראשׁ ואשׁכלי מררות למו | |
| 33 | MTחמת תנינם יינם וראשׁ פתנים אכזר |
| SPחמת תנינים יינם וראשׁ פתנים אך זרי | |
| 34 | MTהלא הוא כמס עמדי חתם באוצרתי |
| SPהלוא הוא כנוס עמדי חתום באוצרתי | |
| 35 | MTלי נקם ושׁלם לעת תמוט רגלם כי קרוב יום אידם וחשׁ עתדת למו |
| SPליום נקם ושׁלם לעת תמוט רגלם כי קרוב יום אידם וחשׁ עתידת למו | |
| 36 | MTכי ידין יהוה עמו ועל עבדיו יתנחם כי יראה כי אזלת יד ואפס עצור ועזוב |
| SPכי ידין יהוה עמו ועל עבדיו יתנחם כי יראה כי אזלת יד ואפס עצור ועזוב | |
| 37 | MTואמר אי אלהימו צור חסיו בו |
| SPואמרו איה אלהימו צור חסיו בו | |
| 38 | MTאשׁר חלב זבחימו יאכלו ישׁתו יין נסיכם יקומו ויעזרכם יהי עליכם סתרה |
| SPאשׁר חלב זבחיהם יאכלו וישׁתו יין נסכם יקומו ויעזרוכם יהיו עליכם סתרה | |
| 39 | MTראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל |
| SPראו עתה כי אני אני הוא ואין אלהים עמדי אני אמית ואחיה מחצתי ואנכי ארפא ואין מידי מציל | |
| 40 | MTכי אשׂא אל שׁמים ידי ואמרתי חי אנכי לעלם |
| SPכי אשׂא אל השׁמים ידי ואמרתי חי אנכי לעולם | |
| 41 | MTאם שׁנותי ברק חרבי ותאחז במשׁפט ידי אשׁיב נקם לצרי ולמשׂנאי אשׁלם |
| SPאם שׁנתי ברק חרבי ותאחז במשׁפט ידי אשׁיב נקם לצרי ולמשׂנאי אשׁלם | |
| 42 | MTאשׁכיר חצי מדם וחרבי תאכל בשׂר מדם חלל ושׁביה מראשׁ פרעות אויב |
| SPאשׁכיר חצי מדם וחרבי תאכל בשׂר מדם חלל ושׁביה מראשׁ פרעת אויב | |
| 43 | MTהרנינו גוים עמו כי דם עבדיו יקום ונקם ישׁיב לצריו וכפר אדמתו עמו |
| SPהרנינו גוים עמו כי דם עבדיו יקם ונקם ישׁיב לצריו וכפר אדמת עמו | |
| 44 | MTויבא משׁה וידבר את כל דברי השׁירה הזאת באזני העם הוא והושׁע בן נון |
| SPויבא משׁה וידבר את כל דברי השׁירה הזאת באזני העם הוא ויהושׁע בן נון | |
| 45 | MTויכל משׁה לדבר את כל הדברים האלה אל כל ישׂראל |
| SPויכל משׁה מדבר את הדברים האלה אל כל ישׂראל | |
| 46 | MTויאמר אלהם שׂימו לבבכם לכל הדברים אשׁר אנכי מעיד בכם היום אשׁר תצום את בניכם לשׁמר לעשׂות את כל דברי התורה הזאת |
| SPויאמר אליהם שׂימו לבבכם על כל הדברים אשׁר אנכי מעיד בכם היום אשׁר תצום את בניכם לשׁמר ולעשׂות את כל דברי התורה הזאת | |
| 47 | MTכי לא דבר רק הוא מכם כי הוא חייכם ובדבר הזה תאריכו ימים על האדמה אשׁר אתם עברים את הירדן שׁמה לרשׁתה |
| SPכי לא דבר רק הוא מכם כי הוא חייכם ובדבר הזה תאריכון ימים על האדמה אשׁר אתם עברים את הירדן שׁמה לרשׁתה | |
| 48 | MTוידבר יהוה אל משׁה בעצם היום הזה לאמר |
| SPוידבר יהוה אל משׁה בעצם היום הזה לאמר | |
| 49 | MTעלה אל הר העברים הזה הר נבו אשׁר בארץ מואב אשׁר על פני ירחו וראה את ארץ כנען אשׁר אני נתן לבני ישׂראל לאחזה |
| SPעלה אל הר העברים הזה הר נבא אשׁר בארץ מואב אשׁר על פני יריחו וראה את ארץ כנען אשׁר אני נתן לבני ישׂראל לאחזה | |
| 50 | MTומת בהר אשׁר אתה עלה שׁמה והאסף אל עמיך כאשׁר מת אהרן אחיך בהר ההר ויאסף אל עמיו |
| SPומות בהר אשׁר אתה עלה שׁמה והאסף אל עמך כאשׁר מת אהרן אחיך בהר ההר ויאסף אל עמו | |
| 51 | MTעל אשׁר מעלתם בי בתוך בני ישׂראל במי מריבת קדשׁ מדבר צן על אשׁר לא קדשׁתם אותי בתוך בני ישׂראל |
| SPעל אשׁר מעלתם בי בתוך בני ישׂראל במי מריבת קדשׁ מדבר צן על אשׁר לא קדשׁתם אתי בתוך בני ישׂראל | |
| 52 | MTכי מנגד תראה את הארץ ושׁמה לא תבוא אל הארץ אשׁר אני נתן לבני ישׂראל |
| SPכי מנגד תראה את הארץ ושׁמה לא תבוא אל הארץ אשׁר אני נתן לבני ישׂראל |