| 1 | MTויעל משׁה מערבת מואב אל הר נבו ראשׁ הפסגה אשׁר על פני ירחו ויראהו יהוה את כל הארץ את הגלעד עד דן |
| SPויעל משׁה מערבת מואב אל הר נבא ראשׁ הפסגה אשׁר על פני יריחו ויראהו יהוה את כל הארץ מנהר מצרים עד הנהר הגדול נהר פרת ועד הים האחרון | |
| 2 | MTואת כל נפתלי ואת ארץ אפרים ומנשׁה ואת כל ארץ יהודה עד הים האחרון |
| SP— | |
| 3 | MTואת הנגב ואת הככר בקעת ירחו עיר התמרים עד צער |
| SP— | |
| 4 | MTויאמר יהוה אליו זאת הארץ אשׁר נשׁבעתי לאברהם ליצחק וליעקב לאמר לזרעך אתננה הראיתיך בעיניך ושׁמה לא תעבר |
| SPויאמר יהוה אליו זאת הארץ אשׁר נשׁבעתי לאבתיך לאברהם ליצחק וליעקב לאמר לזרעך אתננה הראתיך בעיניך ושׁמה לא תעבר | |
| 5 | MTוימת שׁם משׁה עבד יהוה בארץ מואב על פי יהוה |
| SPוימת שׁם משׁה עבד יהוה בארץ מואב על פי יהוה | |
| 6 | MTויקבר אתו בגי בארץ מואב מול בית פעור ולא ידע אישׁ את קברתו עד היום הזה |
| SPויקבר אתו בגיא בארץ מואב מול בית פעור ולא ידע אישׁ את קברתו עד היום הזה | |
| 7 | MTומשׁה בן מאה ועשׂרים שׁנה במתו לא כהתה עינו ולא נס לחה |
| SPומשׁה בן מאה ועשׂרים שׁנה במותו לא כהתה עינו ולא נס לחה | |
| 8 | MTויבכו בני ישׂראל את משׁה בערבת מואב שׁלשׁים יום ויתמו ימי בכי אבל משׁה |
| SPויבכו בני ישׂראל את משׁה בערבת מואב שׁלשׁים יום ויתמו ימי בכי אבל משׁה | |
| 9 | MTויהושׁע בן נון מלא רוח חכמה כי סמך משׁה את ידיו עליו וישׁמעו אליו בני ישׂראל ויעשׂו כאשׁר צוה יהוה את משׁה |
| SPויהושׁע בן נון מלא רוח חכמה כי סמך משׁה את ידו עליו וישׁמעו אליו בני ישׂראל ויעשׂו כאשׁר צוה יהוה את משׁה | |
| 10 | MTולא קם נביא עוד בישׂראל כמשׁה אשׁר ידעו יהוה פנים אל פנים |
| SPולא קם עוד נביא בישׂראל כמשׁה אשׁר ידעו יהוה פנים אל פנים | |
| 11 | MTלכל האתות והמופתים אשׁר שׁלחו יהוה לעשׂות בארץ מצרים לפרעה ולכל עבדיו ולכל ארצו |
| SPלכל האתות והמופתים אשׁר שׁלחו יהוה לעשׂות בארץ מצרים לפרעה ולכל עבדיו ולכל ארצו | |
| 12 | MTולכל היד החזקה ולכל המורא הגדול אשׁר עשׂה משׁה לעיני כל ישׂראל |
| SPולכל היד החזקה ולכל המראה הגדול אשׁר עשׂה משׁה לעיני כל ישׂראל |