| 1 | MTוילך משׁה וידבר את הדברים האלה אל כל ישׂראל |
| SPוילך משׁה וידבר את הדברים האלה אל כל ישׂראל | |
| 2 | MTויאמר אלהם בן מאה ועשׂרים שׁנה אנכי היום לא אוכל עוד לצאת ולבוא ויהוה אמר אלי לא תעבר את הירדן הזה |
| SPויאמר אליהם בן מאה ועשׂרים שׁנה אנכי היום לא אוכל עוד לצאת ולאבוא ויהוה האמר אלי לא תעבר את הירדן הזה | |
| 3 | MTיהוה אלהיך הוא עבר לפניך הוא ישׁמיד את הגוים האלה מלפניך וירשׁתם יהושׁע הוא עבר לפניך כאשׁר דבר יהוה |
| SPיהוה אלהיך הוא העבר לפניך הוא ישׁמיד את הגוים האלה מלפניך וירשׁתם ויהושׁע הוא העבר לפניך כאשׁר דבר יהוה | |
| 4 | MTועשׂה יהוה להם כאשׁר עשׂה לסיחון ולעוג מלכי האמרי ולארצם אשׁר השׁמיד אתם |
| SPועשׂה יהוה להם כאשׁר עשׂה לסיחון ולעוג מלכי האמרי ולארצם אשׁר השׁמיד אתם | |
| 5 | MTונתנם יהוה לפניכם ועשׂיתם להם ככל המצוה אשׁר צויתי אתכם |
| SPונתנם יהוה לפניכם ועשׂיתם להם ככל המצוה אשׁר צויתי אתכם | |
| 6 | MTחזקו ואמצו אל תיראו ואל תערצו מפניהם כי יהוה אלהיך הוא ההלך עמך לא ירפך ולא יעזבך |
| SPחזקו ואמצו אל תיראו ואל תערצו מפניהם כי יהוה אלהיך הוא ההלך עמך לא ירפך ולא יעזבך | |
| 7 | MTויקרא משׁה ליהושׁע ויאמר אליו לעיני כל ישׂראל חזק ואמץ כי אתה תבוא את העם הזה אל הארץ אשׁר נשׁבע יהוה לאבתם לתת להם ואתה תנחילנה אותם |
| SPויקרא משׁה ליהושׁע ויאמר אליו לעיני כל ישׂראל חזק ואמץ כי אתה תביא את העם הזה אל הארץ אשׁר נשׁבע יהוה לאבתם לתת להם ואתה תנחילנה אתם | |
| 8 | MTויהוה הוא ההלך לפניך הוא יהיה עמך לא ירפך ולא יעזבך לא תירא ולא תחת |
| SPויהוה הוא ההלך לפניך הוא יהיה עמך לא ירפך ולא יעזבך לא תירא ולא תחת | |
| 9 | MTויכתב משׁה את התורה הזאת ויתנה אל הכהנים בני לוי הנשׂאים את ארון ברית יהוה ואל כל זקני ישׂראל |
| SPויכתב משׁה את התורה הזאת ויתנה אל הכהנים בני לוי הנשׂאים את ארון ברית יהוה ואל כל זקני ישׂראל | |
| 10 | MTויצו משׁה אותם לאמר מקץ שׁבע שׁנים במעד שׁנת השׁמטה בחג הסכות |
| SPויצו משׁה אתם לאמר מקץ שׁבע שׁנים במועד שׁנת השׁמטה בחג הסכות | |
| 11 | MTבבוא כל ישׂראל לראות את פני יהוה אלהיך במקום אשׁר יבחר תקרא את התורה הזאת נגד כל ישׂראל באזניהם |
| SPבבוא כל ישׂראל להראות את פני יהוה אלהיך במקום אשׁר בחר יקרא את התורה הזאת נגד כל ישׂראל באזניהם | |
| 12 | MTהקהל את העם האנשׁים והנשׁים והטף וגרך אשׁר בשׁעריך למען ישׁמעו ולמען ילמדו ויראו את יהוה אלהיכם ושׁמרו לעשׂות את כל דברי התורה הזאת |
| SPהקהל את העם האנשׁים והנשׁים והטף וגרך אשׁר בשׁעריך למען ישׁמעו ולמען ילמדו וייראו את יהוה אלהיכם ושׁמרו לעשׂות את כל דברי התורה הזאת | |
| 13 | MTובניהם אשׁר לא ידעו ישׁמעו ולמדו ליראה את יהוה אלהיכם כל הימים אשׁר אתם חיים על האדמה אשׁר אתם עברים את הירדן שׁמה לרשׁתה |
| SPובניהם אשׁר לא ידעו ישׁמעו ולמדו ליראה את יהוה אלהיהם כל הימים אשׁר הם חיים על האדמה אשׁר אתם עברים את הירדן שׁמה לרשׁתה | |
| 14 | MTויאמר יהוה אל משׁה הן קרבו ימיך למות קרא את יהושׁע והתיצבו באהל מועד ואצונו וילך משׁה ויהושׁע ויתיצבו באהל מועד |
| SPויאמר יהוה אל משׁה הן קרבו ימיך למות קרא את יהושׁע והתיצבו באהל מועד ואצונו וילך משׁה ויהושׁע ויתיצבו באהל מועד | |
| 15 | MTוירא יהוה באהל בעמוד ענן ויעמד עמוד הענן על פתח האהל |
| SPויראה יהוה באהל בעמוד ענן ויעמד עמוד הענן אל פתח האהל | |
| 16 | MTויאמר יהוה אל משׁה הנך שׁכב עם אבתיך וקם העם הזה וזנה אחרי אלהי נכר הארץ אשׁר הוא בא שׁמה בקרבו ועזבני והפר את בריתי אשׁר כרתי אתו |
| SPויאמר יהוה אל משׁה הנך שׁכב עם אבתיך וקם העם הזה וזנה אחרי אלהי נכר הארץ אשׁר הוא בא שׁמה בקרבו ועזבוני והפרו את בריתי אשׁר כרתי אתו | |
| 17 | MTוחרה אפי בו ביום ההוא ועזבתים והסתרתי פני מהם והיה לאכל ומצאהו רעות רבות וצרות ואמר ביום ההוא הלא על כי אין אלהי בקרבי מצאוני הרעות האלה |
| SPוחרה אפי בו ביום ההוא ועזבתים והסתרתי פני מהם והיו לאכלה ומצאהו רעות רבות וצרות ואמר ביום ההוא הלוא על כי אין אלהי בקרבי מצאוני הרעות האלה | |
| 18 | MTואנכי הסתר אסתיר פני ביום ההוא על כל הרעה אשׁר עשׂה כי פנה אל אלהים אחרים |
| SPואנכי הסתר אסתיר פני מהם ביום ההוא על כל הרעה אשׁר עשׂו כי פנו אל אלהים אחרים | |
| 19 | MTועתה כתבו לכם את השׁירה הזאת ולמדה את בני ישׂראל שׂימה בפיהם למען תהיה לי השׁירה הזאת לעד בבני ישׂראל |
| SPועתה כתבו לכם את השׁירה הזאת ולמדה את בני ישׂראל שׂימה בפים למען תהיה לי השׁירה הזאת לעד בבני ישׂראל | |
| 20 | MTכי אביאנו אל האדמה אשׁר נשׁבעתי לאבתיו זבת חלב ודבשׁ ואכל ושׂבע ודשׁן ופנה אל אלהים אחרים ועבדום ונאצוני והפר את בריתי |
| SPכי אביאנו אל האדמה אשׁר נשׁבעתי לאבתיו לתת להם זבת חלב ודבשׁ ואכל ושׂבע ודשׁן ופנה אל אלהים אחרים ועבדום ונאצוני והפרו את בריתי | |
| 21 | MTוהיה כי תמצאן אתו רעות רבות וצרות וענתה השׁירה הזאת לפניו לעד כי לא תשׁכח מפי זרעו כי ידעתי את יצרו אשׁר הוא עשׂה היום בטרם אביאנו אל הארץ אשׁר נשׁבעתי |
| SPוהיה כי תמצאנה אתו רעות רבות וצרות וענתה השׁירה הזאת לפניו לעד כי לא תשׁכח מפי זרעו כי ידעתי את יצרו אשׁר הוא עשׂה היום בטרם אביאנו אל האדמה אשׁר נשׁבעתי לאבתיו | |
| 22 | MTויכתב משׁה את השׁירה הזאת ביום ההוא וילמדה את בני ישׂראל |
| SPויכתב משׁה את השׁירה הזאת ביום ההוא וילמדה את בני ישׂראל | |
| 23 | MTויצו את יהושׁע בן נון ויאמר חזק ואמץ כי אתה תביא את בני ישׂראל אל הארץ אשׁר נשׁבעתי להם ואנכי אהיה עמך |
| SPויצו את יהושׁע בן נון ויאמר חזק ואמץ כי אתה תביא את בני ישׂראל אל הארץ אשׁר נשׁבעתי להם ואנכי אהיה עמך | |
| 24 | MTויהי ככלות משׁה לכתב את דברי התורה הזאת על ספר עד תמם |
| SPויהי ככלות משׁה לכתב את דברי התורה הזאת על ספר עד תמם | |
| 25 | MTויצו משׁה את הלוים נשׂאי ארון ברית יהוה לאמר |
| SPויצו משׁה את הלוים נשׂאי ארון ברית יהוה לאמר | |
| 26 | MTלקח את ספר התורה הזה ושׂמתם אתו מצד ארון ברית יהוה אלהיכם והיה שׁם בך לעד |
| SPלקחו את ספר התורה הזה ושׂמתם אתו מצד ארון ברית יהוה אלהיכם והיה שׁם בך לעד | |
| 27 | MTכי אנכי ידעתי את מריך ואת ערפך הקשׁה הן בעודני חי עמכם היום ממרים היתם עם יהוה ואף כי אחרי מותי |
| SPכי אנכי ידעתי את מריך ואת ערפך הקשׁה הן בעודני חי עמכם היום ממרים הייתם עם יהוה ואף כי אחרי מותי | |
| 28 | MTהקהילו אלי את כל זקני שׁבטיכם ושׁטריכם ואדברה באזניהם את הדברים האלה ואעידה בם את השׁמים ואת הארץ |
| SPהקהלו אלי את כל זקני שׁבטיכם ושׁטריכם ואדברה באזניהם את הדברים האלה ואעידה בם את השׁמים ואת הארץ | |
| 29 | MTכי ידעתי אחרי מותי כי השׁחת תשׁחתון וסרתם מן הדרך אשׁר צויתי אתכם וקראת אתכם הרעה באחרית הימים כי תעשׂו את הרע בעיני יהוה להכעיסו במעשׂה ידיכם |
| SPכי ידעתי אחרי מותי כי השׁחת תשׁחתון וסרתם מן הדרך אשׁר צויתי אתכם וקרתה אתכם הרעה באחרית הימים כי תעשׂו את הרע בעיני יהוה להכעיסו במעשׂה ידיכם | |
| 30 | MTוידבר משׁה באזני כל קהל ישׂראל את דברי השׁירה הזאת עד תמם |
| SPוידבר משׁה באזני כל קהל ישׂראל את דברי השׁירה הזאת עד תמם |