| 1 | MTוהיה כי יבאו עליך כל הדברים האלה הברכה והקללה אשׁר נתתי לפניך והשׁבת אל לבבך בכל הגוים אשׁר הדיחך יהוה אלהיך שׁמה |
| SPוהיה כי יבאו עליך כל הדברים האלה הברכה והקללה אשׁר נתתי לפניך והשׁבות אל לבבך בכל הגוים אשׁר ידיחך יהוה אלהיך שׁמה | |
| 2 | MTושׁבת עד יהוה אלהיך ושׁמעת בקלו ככל אשׁר אנכי מצוך היום אתה ובניך בכל לבבך ובכל נפשׁך |
| SPושׁבת עד יהוה אלהיך ושׁמעת בקולו ככל אשׁר אנכי מצוך היום אתה ובניך בכל לבבך ובכל נפשׁך | |
| 3 | MTושׁב יהוה אלהיך את שׁבותך ורחמך ושׁב וקבצך מכל העמים אשׁר הפיצך יהוה אלהיך שׁמה |
| SPושׁב יהוה אלהיך את שׁובתך ורחמך ושׁב וקבצך מכל העמים אשׁר הפיצך יהוה אלהיך שׁם | |
| 4 | MTאם יהיה נדחך בקצה השׁמים משׁם יקבצך יהוה אלהיך ומשׁם יקחך |
| SPאם יהיה נדחך בקצה השׁמים משׁם יקבצך יהוה אלהיך ומשׁם יקחך | |
| 5 | MTוהביאך יהוה אלהיך אל הארץ אשׁר ירשׁו אבתיך וירשׁתה והיטבך והרבך מאבתיך |
| SPוהביאך יהוה אלהיך אל הארץ אשׁר ירשׁו אבתיך וירשׁתה והרבך מאבתיך | |
| 6 | MTומל יהוה אלהיך את לבבך ואת לבב זרעך לאהבה את יהוה אלהיך בכל לבבך ובכל נפשׁך למען חייך |
| SPומל יהוה אלהיך את לבבך ואת לבב זרעך לאהבה את יהוה אלהיך בכל לבבך ובכל נפשׁך למען חייך | |
| 7 | MTונתן יהוה אלהיך את כל האלות האלה על איביך ועל שׂנאיך אשׁר רדפוך |
| SPונתן יהוה אלהיך את כל האלות האלה על איביך ועל שׂנאיך אשׁר רדפוך | |
| 8 | MTואתה תשׁוב ושׁמעת בקול יהוה ועשׂית את כל מצותיו אשׁר אנכי מצוך היום |
| SPואתה תשׁוב ושׁמעת בקול יהוה אלהיך ועשׂית את כל מצותיו אשׁר אנכי מצוך היום | |
| 9 | MTוהותירך יהוה אלהיך בכל מעשׂה ידך בפרי בטנך ובפרי בהמתך ובפרי אדמתך לטובה כי ישׁוב יהוה לשׂושׂ עליך לטוב כאשׁר שׂשׂ על אבתיך |
| SPוהותירך יהוה אלהיך בכל מעשׂה ידיך בפרי בטנך ובפרי אדמתך ובפרי בהמתך לטובה כי ישׁוב יהוה לשׂשׂ עליך לטוב כאשׁר שׂשׂ על אבתיך | |
| 10 | MTכי תשׁמע בקול יהוה אלהיך לשׁמר מצותיו וחקתיו הכתובה בספר התורה הזה כי תשׁוב אל יהוה אלהיך בכל לבבך ובכל נפשׁך |
| SPכי תשׁמע בקול יהוה אלהיך לשׁמר מצותיו וחקתיו הכתובה בספר התורה הזה כי תשׁוב אל יהוה אלהיך בכל לבבך ובכל נפשׁך | |
| 11 | MTכי המצוה הזאת אשׁר אנכי מצוך היום לא נפלאת הוא ממך ולא רחקה הוא |
| SPכי המצוה הזאת אשׁר אנכי מצוך היום לא נפלאת היא ממך ולא רחוקה היא | |
| 12 | MTלא בשׁמים הוא לאמר מי יעלה לנו השׁמימה ויקחה לנו וישׁמענו אתה ונעשׂנה |
| SPלא בשׁמים היא לאמר מי יעלה לנו השׁמים ויקחה לנו וישׁמענו אתה ונעשׂנה | |
| 13 | MTולא מעבר לים הוא לאמר מי יעבר לנו אל עבר הים ויקחה לנו וישׁמענו אתה ונעשׂנה |
| SPולא מעבר לים היא לאמר מי יעבר לנו אל עבר הים ויקחה לנו וישׁמענו אתה ונעשׂנה | |
| 14 | MTכי קרוב אליך הדבר מאד בפיך ובלבבך לעשׂתו |
| SPכי קרוב אליך הדבר מאד בפיך ובלבבך לעשׂותו | |
| 15 | MTראה נתתי לפניך היום את החיים ואת הטוב ואת המות ואת הרע |
| SPראה נתתי לפניך את החיים ואת הטוב ואת המות ואת הרע | |
| 16 | MTאשׁר אנכי מצוך היום לאהבה את יהוה אלהיך ללכת בדרכיו ולשׁמר מצותיו וחקתיו ומשׁפטיו וחיית ורבית וברכך יהוה אלהיך בארץ אשׁר אתה בא שׁמה לרשׁתה |
| SPאשׁר אנכי מצוך היום לאהבה את יהוה אלהיך וללכת בדרכיו ולשׁמר חקיו ומצותיו ומשׁפטיו וחיית ורבית וברכך יהוה אלהיך בארץ אשׁר אתה בא שׁמה לרשׁתה | |
| 17 | MTואם יפנה לבבך ולא תשׁמע ונדחת והשׁתחוית לאלהים אחרים ועבדתם |
| SPואם יפנה לבבך ולא תשׁמע ונדחת והשׁתחוית לאלהים אחרים ועבדתם | |
| 18 | MTהגדתי לכם היום כי אבד תאבדון לא תאריכן ימים על האדמה אשׁר אתה עבר את הירדן לבא שׁמה לרשׁתה |
| SPהגדתי לכם היום כי אבד תאבדון לא תאריכון ימים על האדמה אשׁר אתם עברים את הירדן לבוא שׁמה לרשׁתה | |
| 19 | MTהעידתי בכם היום את השׁמים ואת הארץ החיים והמות נתתי לפניך הברכה והקללה ובחרת בחיים למען תחיה אתה וזרעך |
| SPהעדתי בכם היום את השׁמים ואת הארץ החיים והמות נתתי לפניך הברכה והקללה ובחרת בחיים למען תחיה אתה וזרעך | |
| 20 | MTלאהבה את יהוה אלהיך לשׁמע בקלו ולדבקה בו כי הוא חייך וארך ימיך לשׁבת על האדמה אשׁר נשׁבע יהוה לאבתיך לאברהם ליצחק וליעקב לתת להם |
| SPלאהבה את יהוה אלהיך ולשׁמע בקולו ולהדבקה בו כי הוא חייך וארך ימיך לשׁבת על האדמה אשׁר נשׁבע יהוה לאבתיך לאברהם ליצחק וליעקב לתת לכם |