| 1 | MTויקרא משׁה אל כל ישׂראל ויאמר אלהם אתם ראיתם את כל אשׁר עשׂה יהוה לעיניכם בארץ מצרים לפרעה ולכל עבדיו ולכל ארצו |
| SPויקרא משׁה אל כל ישׂראל ויאמר אליהם אתם ראיתם את כל אשׁר עשׂה יהוה לעיניכם בארץ מצרים לפרעה ולכל עבדיו ולכל ארצו | |
| 2 | MTהמסות הגדלת אשׁר ראו עיניך האתת והמפתים הגדלים ההם |
| SPהמסות הגדלות אשׁר ראו עיניך האתות והמופתים הגדלים ההם | |
| 3 | MTולא נתן יהוה לכם לב לדעת ועינים לראות ואזנים לשׁמע עד היום הזה |
| SPולא נתן יהוה לכם לב לדעת ועינים לראות ואזנים לשׁמע עד היום הזה | |
| 4 | MTואולך אתכם ארבעים שׁנה במדבר לא בלו שׂלמתיכם מעליכם ונעלך לא בלתה מעל רגלך |
| SPואוליך אתכם ארבעים שׁנה במדבר לא בלו שׂמלתיכם מעליכם ונעליכם לא בלו מעל רגליכם | |
| 5 | MTלחם לא אכלתם ויין ושׁכר לא שׁתיתם למען תדעו כי אני יהוה אלהיכם |
| SPלחם לא אכלתם ויין ושׁכר לא שׁתיתם למען תדעו כי אני יהוה אלהיכם | |
| 6 | MTותבאו אל המקום הזה ויצא סיחן מלך חשׁבון ועוג מלך הבשׁן לקראתנו למלחמה ונכם |
| SPותבאו אל המקום הזה ויצא סיחון מלך חשׁבון ועוג מלך הבשׁן לקראתנו למלחמה ונכם | |
| 7 | MTונקח את ארצם ונתנה לנחלה לראובני ולגדי ולחצי שׁבט המנשׁי |
| SPונקח את ארצם ונתנה נחלה לראובני ולגדי ולחצי שׁבט המנשׁה | |
| 8 | MTושׁמרתם את דברי הברית הזאת ועשׂיתם אתם למען תשׂכילו את כל אשׁר תעשׂון |
| SPושׁמרתם את דברי הברית הזאת ועשׂיתם אתם למען תשׁכילו את כל אשׁר תעשׂון | |
| 9 | MTאתם נצבים היום כלכם לפני יהוה אלהיכם ראשׁיכם שׁבטיכם זקניכם ושׁטריכם כל אישׁ ישׂראל |
| SPאתם נצבים היום כלכם לפני יהוה אלהיכם ראשׁיכם שׁבטיכם זקניכם ושׁטריכם כל אישׁ ישׂראל | |
| 10 | MTטפכם נשׁיכם וגרך אשׁר בקרב מחניך מחטב עציך עד שׁאב מימיך |
| SPטפכם ונשׁיכם וגרך אשׁר בקרב מחניך מחטב עציך ועד שׁאב מימיך | |
| 11 | MTלעברך בברית יהוה אלהיך ובאלתו אשׁר יהוה אלהיך כרת עמך היום |
| SPלעברך בברית יהוה אלהיך ובאלתו אשׁר יהוה אלהיך כרת עמך היום | |
| 12 | MTלמען הקים אתך היום לו לעם והוא יהיה לך לאלהים כאשׁר דבר לך וכאשׁר נשׁבע לאבתיך לאברהם ליצחק וליעקב |
| SPולמען הקים אתך היום לו לעם והוא יהיה לך לאלהים כאשׁר דבר לך וכאשׁר נשׁבע לאבתך לאברהם ליצחק וליעקב | |
| 13 | MTולא אתכם לבדכם אנכי כרת את הברית הזאת ואת האלה הזאת |
| SPולא אתכם לבדכם אנכי כרת את הברית הזאת ואת האלה הזאת | |
| 14 | MTכי את אשׁר ישׁנו פה עמנו עמד היום לפני יהוה אלהינו ואת אשׁר איננו פה עמנו היום |
| SPכי את אשׁר ישׁנו פה עמנו עמד היום לפני יהוה אלהינו ואת אשׁר איננו פה עמנו היום | |
| 15 | MTכי אתם ידעתם את אשׁר ישׁבנו בארץ מצרים ואת אשׁר עברנו בקרב הגוים אשׁר עברתם |
| SPכי אתם ידעתם את אשׁר ישׁבנו בארץ מצרים ואת אשׁר עברנו בקרב הגוים אשׁר עברתם | |
| 16 | MTותראו את שׁקוציהם ואת גלליהם עץ ואבן כסף וזהב אשׁר עמהם |
| SPותראו את שׁקציהם ואת גלליהם עץ ואבן כסף וזהב אשׁר עמהם | |
| 17 | MTפן ישׁ בכם אישׁ או אשׁה או משׁפחה או שׁבט אשׁר לבבו פנה היום מעם יהוה אלהינו ללכת לעבד את אלהי הגוים ההם פן ישׁ בכם שׁרשׁ פרה ראשׁ ולענה |
| SPפן ישׁ בכם אישׁ או אשׁה או משׁפחה או שׁבט אשׁר לבבו פנה היום מעם יהוה אלהינו ללכת לעבד את אלהי הגוים ההם פן ישׁ בכם שׁרשׁ פרה ראשׁ ולענה | |
| 18 | MTוהיה בשׁמעו את דברי האלה הזאת והתברך בלבבו לאמר שׁלום יהיה לי כי בשׁררות לבי אלך למען ספות הרוה את הצמאה |
| SPוהיה בשׁמעו את דברי האלה הזאת והתברך בלבבו לאמר שׁלום יהיה לי כי בשׁרירת לבי אלך למען ספות הרואה את הצמאה | |
| 19 | MTלא יאבה יהוה סלח לו כי אז יעשׁן אף יהוה וקנאתו באישׁ ההוא ורבצה בו כל האלה הכתובה בספר הזה ומחה יהוה את שׁמו מתחת השׁמים |
| SPלא יאבה יהוה לסלח לו כי אז יחר אף יהוה וקנאתו באישׁ ההוא ורבצו בו כל האלה הכתובה בספר הזה ומחה יהוה את שׁמו מתחת השׁמים | |
| 20 | MTוהבדילו יהוה לרעה מכל שׁבטי ישׂראל ככל אלות הברית הכתובה בספר התורה הזה |
| SPוהבדילו יהוה לרעה מכל שׁבטי ישׂראל ככל האלות הברית הכתובה בספר התורה הזה | |
| 21 | MTואמר הדור האחרון בניכם אשׁר יקומו מאחריכם והנכרי אשׁר יבא מארץ רחוקה וראו את מכות הארץ ההוא ואת תחלאיה אשׁר חלה יהוה בה |
| SPואמר הדור האחרון בניכם אשׁר יקומו מאחריכם והנכרי אשׁר יבוא מארץ רחוקה וראה את מכות הארץ ההיא ואת תחלאיה אשׁר חלא יהוה בה | |
| 22 | MTגפרית ומלח שׂרפה כל ארצה לא תזרע ולא תצמח ולא יעלה בה כל עשׂב כמהפכת סדם ועמרה אדמה וצביים אשׁר הפך יהוה באפו ובחמתו |
| SPגפרית ומלח שׂרפה כל ארצה לא תזריע ולא תצמיח ולא יעלה בה כל עשׂב כמהפכת סדם ועמרה אדמה וצבאים אשׁר הפך יהוה באפו ובחמתו | |
| 23 | MTואמרו כל הגוים על מה עשׂה יהוה ככה לארץ הזאת מה חרי האף הגדול הזה |
| SPואמרו כל הגוים על מה עשׂה יהוה ככה לארץ הזאת ומה חרי האף הגדול הזה | |
| 24 | MTואמרו על אשׁר עזבו את ברית יהוה אלהי אבתם אשׁר כרת עמם בהוציאו אתם מארץ מצרים |
| SPואמרו על אשׁר עזבו את ברית יהוה אלהי אבותם אשׁר כרת עמהם בהוצאו אתם מארץ מצרים | |
| 25 | MTוילכו ויעבדו אלהים אחרים וישׁתחוו להם אלהים אשׁר לא ידעום ולא חלק להם |
| SPוילכו ויעבדו אלהים אחרים וישׁתחוו להם אלהים אשׁר לא ידעום ולא חלק להם | |
| 26 | MTויחר אף יהוה בארץ ההוא להביא עליה את כל הקללה הכתובה בספר הזה |
| SPויחר אף יהוה בארץ ההיא להביא עליה את כל הקללה הכתובה בספר הזה | |
| 27 | MTויתשׁם יהוה מעל אדמתם באף ובחמה ובקצף גדול וישׁלכם אל ארץ אחרת כיום הזה |
| SPויתשׁם יהוה מעל אדמתם באף ובחמה ובקצף גדול וישׁלכם אל ארץ אחרת כיום הזה | |
| 28 | MTהנסתרת ליהוה אלהינו והנגלת לנו ולבנינו עד עולם לעשׂות את כל דברי התורה הזאת |
| SPהנסתרות ליהוה אלהינו והנגלאות לנו ולבנינו עד עולם לעשׂות את כל דברי התורה הזאת |