| 1 | MTוהיה אם שׁמוע תשׁמע בקול יהוה אלהיך לשׁמר לעשׂות את כל מצותיו אשׁר אנכי מצוך היום ונתנך יהוה אלהיך עליון על כל גויי הארץ |
| SPוהיה אם שׁמע תשׁמע בקול יהוה אלהיך לשׁמר לעשׂות את כל מצותיו אשׁר אנכי מצוך היום ונתנך יהוה אלהיך עליון על כל גוי הארץ | |
| 2 | MTובאו עליך כל הברכות האלה והשׂיגך כי תשׁמע בקול יהוה אלהיך |
| SPובאו עליך כל הברכות האלה והשׂיגוך כי תשׁמע בקול יהוה אלהיך | |
| 3 | MTברוך אתה בעיר וברוך אתה בשׂדה |
| SPברוך אתה בעיר וברוך אתה בשׂדה | |
| 4 | MTברוך פרי בטנך ופרי אדמתך ופרי בהמתך שׁגר אלפיך ועשׁתרות צאנך |
| SPברוך פרי בטנך ופרי אדמתך ופרי בהמתך שׁגר אלפיך ועשׁתרות צאנך | |
| 5 | MTברוך טנאך ומשׁארתך |
| SPברוך טנאך ומשׁארתך | |
| 6 | MTברוך אתה בבאך וברוך אתה בצאתך |
| SPברוך אתה בבאך וברוך אתה בצאתך | |
| 7 | MTיתן יהוה את איביך הקמים עליך נגפים לפניך בדרך אחד יצאו אליך ובשׁבעה דרכים ינוסו לפניך |
| SPיתן יהוה את איביך הקמים עליך נגפים לפניך בדרך אחת יצאו אליך ובשׁבעה דרכים ינוסו לפניך | |
| 8 | MTיצו יהוה אתך את הברכה באסמיך ובכל משׁלח ידך וברכך בארץ אשׁר יהוה אלהיך נתן לך |
| SPיצוה יהוה אתך את הברכה באסימך ובכל משׁלח ידיך וברכך בארץ אשׁר יהוה אלהיך נתן לך | |
| 9 | MTיקימך יהוה לו לעם קדושׁ כאשׁר נשׁבע לך כי תשׁמר את מצות יהוה אלהיך והלכת בדרכיו |
| SPיקימך יהוה לו לעם קדשׁ כאשׁר נשׁבע לך כי תשׁמר את מצות יהוה אלהיך והלכת בדרכיו | |
| 10 | MTוראו כל עמי הארץ כי שׁם יהוה נקרא עליך ויראו ממך |
| SPוראו כל עמי הארץ כי שׁם יהוה נקרא עליך וייראו ממך | |
| 11 | MTוהותרך יהוה לטובה בפרי בטנך ובפרי בהמתך ובפרי אדמתך על האדמה אשׁר נשׁבע יהוה לאבתיך לתת לך |
| SPוהותירך יהוה לטוב בפרי בטנך ובפרי בהמתך ובפרי אדמתך על האדמה אשׁר נשׁבע יהוה לאבתיך לתת לך | |
| 12 | MTיפתח יהוה לך את אוצרו הטוב את השׁמים לתת מטר ארצך בעתו ולברך את כל מעשׂה ידך והלוית גוים רבים ואתה לא תלוה |
| SPיפתח יהוה לך את אוצרו הטוב את השׁמים לתת את מטר ארצך בעתו לברך את כל מעשׂה ידיך והלוית גוים רבים ואתה לא תלוה | |
| 13 | MTונתנך יהוה לראשׁ ולא לזנב והיית רק למעלה ולא תהיה למטה כי תשׁמע אל מצות יהוה אלהיך אשׁר אנכי מצוך היום לשׁמר ולעשׂות |
| SPונתנך יהוה לראשׁ ולא לזנב והיית רק למעלה ולא תהיה למטה כי תשׁמע אל מצות יהוה אלהיך אשׁר אנכי מצוך היום לשׁמר ולעשׂות | |
| 14 | MTולא תסור מכל הדברים אשׁר אנכי מצוה אתכם היום ימין ושׂמאול ללכת אחרי אלהים אחרים לעבדם |
| SPולא תסור מכל הדברים אשׁר אנכי מצוך היום ימין ושׂמאל ללכת אחרי אלהים אחרים לעבדם | |
| 15 | MTוהיה אם לא תשׁמע בקול יהוה אלהיך לשׁמר לעשׂות את כל מצותיו וחקתיו אשׁר אנכי מצוך היום ובאו עליך כל הקללות האלה והשׂיגוך |
| SPוהיה אם לא תשׁמע בקול יהוה אלהיך לשׁמר מצותיו וחקתיו אשׁר אנכי מצוך היום ובאו עליך כל הקללות האלה והשׂיגוך | |
| 16 | MTארור אתה בעיר וארור אתה בשׂדה |
| SPארור אתה בעיר וארור אתה בשׂדה | |
| 17 | MTארור טנאך ומשׁארתך |
| SPארור טנאך ומשׁארתך | |
| 18 | MTארור פרי בטנך ופרי אדמתך שׁגר אלפיך ועשׁתרות צאנך |
| SPארור פרי בטנך ופרי אדמתך ופרי בהמתך שׁגר אלפיך ועשׁתרות צאנך | |
| 19 | MTארור אתה בבאך וארור אתה בצאתך |
| SPארור אתה בבאך וארור אתה בצאתך | |
| 20 | MTישׁלח יהוה בך את המארה את המהומה ואת המגערת בכל משׁלח ידך אשׁר תעשׂה עד השׁמדך ועד אבדך מהר מפני רע מעלליך אשׁר עזבתני |
| SPישׁלח יהוה בך את המרה ואת המהמה ואת המגערת בכל משׁלח ידיך אשׁר תעשׂה עד השׁמידך ועד אבידך מהר מפני רע מעלליך אשׁר עזבתני | |
| 21 | MTידבק יהוה בך את הדבר עד כלתו אתך מעל האדמה אשׁר אתה בא שׁמה לרשׁתה |
| SPידבק יהוה בך את הדבר עד כלותו אתך מעל האדמה אשׁר אתה בא שׁמה לרשׁתה | |
| 22 | MTיככה יהוה בשׁחפת ובקדחת ובדלקת ובחרחר ובחרב ובשׁדפון ובירקון ורדפוך עד אבדך |
| SPיכך יהוה בשׁחפת ובקדחת ובדלקת ובחרחר ובחרב ובשׁדפון ובירקון ירדפוך עד אבידוך | |
| 23 | MTוהיו שׁמיך אשׁר על ראשׁך נחשׁת והארץ אשׁר תחתיך ברזל |
| SPוהיו שׁמיך אשׁר על ראשׁך נחשׁת והארץ אשׁר תחתיך ברזל | |
| 24 | MTיתן יהוה את מטר ארצך אבק ועפר מן השׁמים ירד עליך עד השׁמדך |
| SPיתן יהוה את מטר ארצך אבק ועפר מן השׁמים ירד עליך עד השׁמידך | |
| 25 | MTיתנך יהוה נגף לפני איביך בדרך אחד תצא אליו ובשׁבעה דרכים תנוס לפניו והיית לזעוה לכל ממלכות הארץ |
| SPיתנך יהוה נגף לפני איביך בדרך אחת תצא אליו ובשׁבעה דרכים תנוס לפניו והיית לזועה לכל ממלכת הארץ | |
| 26 | MTוהיתה נבלתך למאכל לכל עוף השׁמים ולבהמת הארץ ואין מחריד |
| SPוהיתה נבלתך למאכל לעוף השׁמים ולבהמת הארץ ואין מחריד | |
| 27 | MTיככה יהוה בשׁחין מצרים ובעפלים ובגרב ובחרס אשׁר לא תוכל להרפא |
| SPיכך יהוה בשׁחין מצרים ובעפלים ובגרב ובחרס אשׁר לא תוכל להרפא | |
| 28 | MTיככה יהוה בשׁגעון ובעורון ובתמהון לבב |
| SPיכך יהוה בשׁגעון ובעורון ובתמהון לבב | |
| 29 | MTוהיית ממשׁשׁ בצהרים כאשׁר ימשׁשׁ העור באפלה ולא תצליח את דרכיך והיית אך עשׁוק וגזול כל הימים ואין מושׁיע |
| SPוהיית ממשׁשׁ בצהרים כאשׁר ימשׁשׁ העור באפלה ולא תצליח דרכך והיית רק עשׁוק וגזול כל הימים ואין מושׁיע | |
| 30 | MTאשׁה תארשׂ ואישׁ אחר ישׁגלנה בית תבנה ולא תשׁב בו כרם תטע ולא תחללנו |
| SPאשׁה תארשׂ ואישׁ אחר ישׁכב עמה בית תבנה ולא תשׁב בו כרם תטע ולא תחללנו | |
| 31 | MTשׁורך טבוח לעיניך ולא תאכל ממנו חמרך גזול מלפניך ולא ישׁוב לך צאנך נתנות לאיביך ואין לך מושׁיע |
| SPשׁורך טבוח לעיניך ולא תאכל ממנו חמורך גזול מלפניך ולא ישׁוב לך צאנך נתנות לאיביך ואין לך מושׁיע | |
| 32 | MTבניך ובנתיך נתנים לעם אחר ועיניך ראות וכלות אליהם כל היום ואין לאל ידך |
| SPבניך ובנתיך נתנים לעם אחר ועיניך ראות וכלות אליהם כל היום ואין לאל ידך | |
| 33 | MTפרי אדמתך וכל יגיעך יאכל עם אשׁר לא ידעת והיית רק עשׁוק ורצוץ כל הימים |
| SPפרי אדמתך וכל יגעך יאכל עם אשׁר לא ידעת והיית רק עשׁוק ורצוץ כל הימים | |
| 34 | MTוהיית משׁגע ממראה עיניך אשׁר תראה |
| SPוהיית משׁגע ממראה עיניך אשׁר תראה | |
| 35 | MTיככה יהוה בשׁחין רע על הברכים ועל השׁקים אשׁר לא תוכל להרפא מכף רגלך ועד קדקדך |
| SPיכך יהוה בשׁחין רע על הברכים ועל השׁקים אשׁר לא תוכל להרפא מכף רגלך ועד קדקדך | |
| 36 | MTיולך יהוה אתך ואת מלכך אשׁר תקים עליך אל גוי אשׁר לא ידעת אתה ואבתיך ועבדת שׁם אלהים אחרים עץ ואבן |
| SPיוליך יהוה אתך ואת מלכך אשׁר תקים עליך אל גוי אשׁר לא ידעת אתה ואבתיך ועבדת שׁם אלהים אחרים עץ ואבן | |
| 37 | MTוהיית לשׁמה למשׁל ולשׁנינה בכל העמים אשׁר ינהגך יהוה שׁמה |
| SPוהיית לשׁם ולמשׁל ולשׁנינה בכל העמים אשׁר ינהגך יהוה שׁמה | |
| 38 | MTזרע רב תוציא השׂדה ומעט תאסף כי יחסלנו הארבה |
| SPזרע רב תוצא השׂדה ומעט תאסף כי יחסלנו הארבה | |
| 39 | MTכרמים תטע ועבדת ויין לא תשׁתה ולא תאגר כי תאכלנו התלעת |
| SPכרמים תטע ועבדת ויין לא תשׁתה ולא תאגר כי תאכלנו התולעת | |
| 40 | MTזיתים יהיו לך בכל גבולך ושׁמן לא תסוך כי ישׁל זיתך |
| SPזיתים יהיו לך בכל גבולך ושׁמן לא תסך כי ישׁעל זיתיך | |
| 41 | MTבנים ובנות תוליד ולא יהיו לך כי ילכו בשׁבי |
| SPבנים ובנות תוליד ולא יהיו לך כי ילכו בשׁבי | |
| 42 | MTכל עצך ופרי אדמתך יירשׁ הצלצל |
| SPכל עצך ופרי אדמתך יורישׁ הצלצל | |
| 43 | MTהגר אשׁר בקרבך יעלה עליך מעלה מעלה ואתה תרד מטה מטה |
| SPהגר אשׁר בקרבך יעלה עליך מעלה מעלה ואתה תרד מטה מטה | |
| 44 | MTהוא ילוך ואתה לא תלונו הוא יהיה לראשׁ ואתה תהיה לזנב |
| SPהוא ילוך ואתה לא תלונו הוא יהיה לראשׁ ואתה תהיה לזנב | |
| 45 | MTובאו עליך כל הקללות האלה ורדפוך והשׂיגוך עד השׁמדך כי לא שׁמעת בקול יהוה אלהיך לשׁמר מצותיו וחקתיו אשׁר צוך |
| SPובאו עליך כל הקללות האלה ורדפוך והשׂיגוך עד השׁמידוך כי לא שׁמעת בקול יהוה אלהיך לשׁמר מצותיו וחקתיו אשׁר צוך | |
| 46 | MTוהיו בך לאות ולמופת ובזרעך עד עולם |
| SPוהיו בך לאות ולמופת ובזרעך עד עולם | |
| 47 | MTתחת אשׁר לא עבדת את יהוה אלהיך בשׂמחה ובטוב לבב מרב כל |
| SPתחת אשׁר לא עבדת את יהוה אלהיך בשׂמחה ובטוב לבב מרב כל | |
| 48 | MTועבדת את איביך אשׁר ישׁלחנו יהוה בך ברעב ובצמא ובעירם ובחסר כל ונתן על ברזל על צוארך עד השׁמידו אתך |
| SPועבדת את איביך אשׁר ישׁלחנו יהוה בך ברעב ובצמא ובערום ובחסר כל ונתן עול ברזל על צוארך עד השׁמידו אתך | |
| 49 | MTישׂא יהוה עליך גוי מרחוק מקצה הארץ כאשׁר ידאה הנשׁר גוי אשׁר לא תשׁמע לשׁנו |
| SPישׂא יהוה עליך גוי מרחק מקצה הארץ כאשׁר יראה הנשׁר גוי אשׁר לא תשׁמע לשׁנו | |
| 50 | MTגוי עז פנים אשׁר לא ישׂא פנים לזקן ונער לא יחן |
| SPגוי עז פנים אשׁר לא ישׂא פנים לזקן ונער לא יחן | |
| 51 | MTואכל פרי בהמתך ופרי אדמתך עד השׁמדך אשׁר לא ישׁאיר לך דגן תירושׁ ויצהר שׁגר אלפיך ועשׁתרת צאנך עד האבידו אתך |
| SPואכל פרי בהמתך ופרי אדמתך עד השׁמידך אשׁר לא ישׁאיר לך דגן ותירשׁ ויצהר שׁגר אלפיך ועשׁתרות צאנך עד אבידו אתך | |
| 52 | MTוהצר לך בכל שׁעריך עד רדת חמתיך הגבהות והבצרות אשׁר אתה בטח בהן בכל ארצך והצר לך בכל שׁעריך בכל ארצך אשׁר נתן יהוה אלהיך לך |
| SPוהצר לך בכל שׁעריך עד רדת חומתך הגבחות והבצרות אשׁר אתה בטח בהן בכל ארצך והצר לך בכל שׁעריך בכל ארצך אשׁר נתן יהוה אלהיך לך | |
| 53 | MTואכלת פרי בטנך בשׂר בניך ובנתיך אשׁר נתן לך יהוה אלהיך במצור ובמצוק אשׁר יציק לך איבך |
| SPואכלת פרי בטנך בשׂר בניך ובנתיך אשׁר נתן לך במצור ובמצוק אשׁר יציק לך איביך | |
| 54 | MTהאישׁ הרך בך והענג מאד תרע עינו באחיו ובאשׁת חיקו וביתר בניו אשׁר יותיר |
| SPהאישׁ הרך בך והענג מאד תרע עינו באחיו ובאשׁת חיקו וביתר בניו אשׁר יותר | |
| 55 | MTמתת לאחד מהם מבשׂר בניו אשׁר יאכל מבלי השׁאיר לו כל במצור ובמצוק אשׁר יציק לך איבך בכל שׁעריך |
| SPמתת לאחד מהם מבשׂר בניו אשׁר יאכל מבלי השׁאיר לו כל במצור ובמצוק אשׁר יציק לך איביך בכל שׁעריך | |
| 56 | MTהרכה בך והענגה אשׁר לא נסתה כף רגלה הצג על הארץ מהתענג ומרך תרע עינה באישׁ חיקה ובבנה ובבתה |
| SPהרכה בך והענגה אשׁר לא נסתה כף רגלה הציגה על הארץ מהתענג ומרך תרע עינה באישׁ חיקה בבנה ובבתה | |
| 57 | MTובשׁליתה היוצת מבין רגליה ובבניה אשׁר תלד כי תאכלם בחסר כל בסתר במצור ובמצוק אשׁר יציק לך איבך בשׁעריך |
| SPובשׁלתה היצאת מבין רגליה ובבניה אשׁר תלד כי תאכלם בחסר כל בסתר במצור ובמצוק אשׁר יציקו לך איביך בשׁעריך | |
| 58 | MTאם לא תשׁמר לעשׂות את כל דברי התורה הזאת הכתובים בספר הזה ליראה את השׁם הנכבד והנורא הזה את יהוה אלהיך |
| SPאם לא תשׁמר לעשׂות את כל דברי התורה הזאת הכתובים בספר הזה ליראה את השׁם הנכבד והנורא הזה את יהוה אלהיך | |
| 59 | MTוהפלא יהוה את מכתך ואת מכות זרעך מכות גדלות ונאמנות וחלים רעים ונאמנים |
| SPוהפלא יהוה אלהיך את מכותך ואת מכות זרעך מכות גדלות ונאמנות וחלים רעים ונאמנים | |
| 60 | MTוהשׁיב בך את כל מדוה מצרים אשׁר יגרת מפניהם ודבקו בך |
| SPוהשׁיב בך את כל מדוי מצרים אשׁר יגרת מפניהם ודבק בך | |
| 61 | MTגם כל חלי וכל מכה אשׁר לא כתוב בספר התורה הזאת יעלם יהוה עליך עד השׁמדך |
| SPגם כל חלי וכל מכה אשׁר לא כתוב בספר התורה הזה יעלם יהוה עליך עד השׁמידך | |
| 62 | MTונשׁארתם במתי מעט תחת אשׁר הייתם ככוכבי השׁמים לרב כי לא שׁמעת בקול יהוה אלהיך |
| SPונשׁארתם במתי מעט תחת אשׁר הייתם ככוכבי השׁמים לרב כי לא שׁמעתם בקול יהוה אלהיכם | |
| 63 | MTוהיה כאשׁר שׂשׂ יהוה עליכם להיטיב אתכם ולהרבות אתכם כן ישׂישׂ יהוה עליכם להאביד אתכם ולהשׁמיד אתכם ונסחתם מעל האדמה אשׁר אתה בא שׁמה לרשׁתה |
| SPוהיה כאשׁר שׂשׂ יהוה עליכם להטיב אתכם ולהרבות אתכם כן ישׂשׂ יהוה עליכם להאביד אתכם ולהשׁמיד אתכם ונסחתם מעל האדמה אשׁר אתה בא שׁמה לרשׁתה | |
| 64 | MTוהפיצך יהוה בכל העמים מקצה הארץ ועד קצה הארץ ועבדת שׁם אלהים אחרים אשׁר לא ידעת אתה ואבתיך עץ ואבן |
| SPוהפיצך יהוה בכל העמים מקצה הארץ ועד קצה הארץ ועבדת שׁם אלהים אחרים אשׁר לא ידעת אתה ואבתיך עץ ואבן | |
| 65 | MTובגוים ההם לא תרגיע ולא יהיה מנוח לכף רגלך ונתן יהוה לך שׁם לב רגז וכליון עינים ודאבון נפשׁ |
| SPובגוים ההם לא תרגיע ולא יהיה מנוח לכף רגלך ונתן יהוה לך שׁם לב רגז כליון עינים ודיבון נפשׁ | |
| 66 | MTוהיו חייך תלאים לך מנגד ופחדת לילה ויומם ולא תאמין בחייך |
| SPוהיו חייך תלאים לך מנגד ופחדת לילה ויומם ולא תאמן בחייך | |
| 67 | MTבבקר תאמר מי יתן ערב ובערב תאמר מי יתן בקר מפחד לבבך אשׁר תפחד וממראה עיניך אשׁר תראה |
| SPבבקר תאמר מי יתן ערב ובערב תאמר מי יתן בקר מפחד לבבך אשׁר תפחד וממראה עיניך אשׁר תראה | |
| 68 | MTוהשׁיבך יהוה מצרים באניות בדרך אשׁר אמרתי לך לא תסיף עוד לראתה והתמכרתם שׁם לאיביך לעבדים ולשׁפחות ואין קנה |
| SPוהשׁיבך יהוה מצרימה באניות בדרך אשׁר אמרתי לכם לא תוסיפון עוד לראותה והתמכרתם שׁם לאיביכם לעבדים ולשׁפחות ואין קנה | |
| 69 | MTאלה דברי הברית אשׁר צוה יהוה את משׁה לכרת את בני ישׂראל בארץ מואב מלבד הברית אשׁר כרת אתם בחרב |
| SPאלה דברי הברית אשׁר צוה יהוה את משׁה לכרת את בני ישׂראל בארץ מואב מלבד הברית אשׁר כרת אתם בחורב |