| 1 | MTכי יהיה ריב בין אנשׁים ונגשׁו אל המשׁפט ושׁפטום והצדיקו את הצדיק והרשׁיעו את הרשׁע |
| SPכי יהיה ריב בין אנשׁים ונגשׁו אל המשׁפט ושׁפטום והצדיקו את הצדיק והרשׁיעו את הרשׁע | |
| 2 | MTוהיה אם בן הכות הרשׁע והפילו השׁפט והכהו לפניו כדי רשׁעתו במספר |
| SPוהיה אם בן הכות הרשׁע והפילו השׁופט והכהו לפניו כדי רשׁעתו במספר | |
| 3 | MTארבעים יכנו לא יסיף פן יסיף להכתו על אלה מכה רבה ונקלה אחיך לעיניך |
| SPארבעים יכנו לא יסף פן יסף להכותו על אלה מכה רבה ונקל אחיך לעיניך | |
| 4 | MTלא תחסם שׁור בדישׁו |
| SPלא תחסם שׁור בדישׁו | |
| 5 | MTכי ישׁבו אחים יחדו ומת אחד מהם ובן אין לו לא תהיה אשׁת המת החוצה לאישׁ זר יבמה יבא עליה ולקחה לו לאשׁה ויבמה |
| SPכי ישׁבו אחים יחדו ומת אחד מהם ובן אין לו לא תהיה אשׁת המת החוצה לאישׁ זר יבמה יבוא אליה ולקחה לו לאשׁה ויבמה | |
| 6 | MTוהיה הבכור אשׁר תלד יקום על שׁם אחיו המת ולא ימחה שׁמו מישׂראל |
| SPוהיה הבן הבכור אשׁר תלד יקום על שׁם אחיו המת ולא ימחה שׁמו מישׂראל | |
| 7 | MTואם לא יחפץ האישׁ לקחת את יבמתו ועלתה יבמתו השׁערה אל הזקנים ואמרה מאין יבמי להקים לאחיו שׁם בישׂראל לא אבה יבמי |
| SPואם לא יחפץ האישׁ לקחת את יבמתו ועלתה יבמתו השׁערה אל הזקנים ואמרה מאן יבמי להקים לאחיו שׁם בישׂראל לא אבה יבמי | |
| 8 | MTוקראו לו זקני עירו ודברו אליו ועמד ואמר לא חפצתי לקחתה |
| SPוקראו לו זקני עירו ודברו אליו ועמד ואמר לא חפצתי לקחתה | |
| 9 | MTונגשׁה יבמתו אליו לעיני הזקנים וחלצה נעלו מעל רגלו וירקה בפניו וענתה ואמרה ככה יעשׂה לאישׁ אשׁר לא יבנה את בית אחיו |
| SPונגשׁה יבמתו אליו לעיני הזקנים וחלצה נעלו מעל רגלו וירקה בפניו וענתה ואמרה ככה יעשׂה לאישׁ אשׁר לא יבנה את בית אחיו | |
| 10 | MTונקרא שׁמו בישׂראל בית חלוץ הנעל |
| SPונקרא שׁמו בישׂראל בית חלוץ הנעל | |
| 11 | MTכי ינצו אנשׁים יחדו אישׁ ואחיו וקרבה אשׁת האחד להציל את אישׁה מיד מכהו ושׁלחה ידה והחזיקה במבשׁיו |
| SPכי ינצו אנשׁים יחדו אישׁ ואחיו וקרבה אשׁת אחד להציל את אישׁה מיד מכהו ושׁלחה את ידה והחזיקה בבשׂרו | |
| 12 | MTוקצתה את כפה לא תחוס עינך |
| SPוקצת את כפה לא תחוס עינך | |
| 13 | MTלא יהיה לך בכיסך אבן ואבן גדולה וקטנה |
| SPלא יהיה לך בכיסך אבן ואבן גדלה וקטנה | |
| 14 | MTלא יהיה לך בביתך איפה ואיפה גדולה וקטנה |
| SPלא יהיה לך בביתך איפה ואיפה גדלה וקטנה | |
| 15 | MTאבן שׁלמה וצדק יהיה לך איפה שׁלמה וצדק יהיה לך למען יאריכו ימיך על האדמה אשׁר יהוה אלהיך נתן לך |
| SPאבן שׁלמה וצדק יהיה לך איפה שׁלמה וצדק יהיה לך למען יאריכון ימיך על האדמה אשׁר יהוה אלהיך נתן לך | |
| 16 | MTכי תועבת יהוה אלהיך כל עשׂה אלה כל עשׂה עול |
| SPכי תועבת יהוה אלהיך כל עשׂה אלה כל עשׂה עול | |
| 17 | MTזכור את אשׁר עשׂה לך עמלק בדרך בצאתכם ממצרים |
| SPזכור את אשׁר עשׂה לך עמלק בדרך בצאתכם ממצרים | |
| 18 | MTאשׁר קרך בדרך ויזנב בך כל הנחשׁלים אחריך ואתה עיף ויגע ולא ירא אלהים |
| SPאשׁר קרך בדרך ויזנב בך כל הנשׁלים אחריך ואתה עיף ויגע ולא ירא אלהים | |
| 19 | MTוהיה בהניח יהוה אלהיך לך מכל איביך מסביב בארץ אשׁר יהוה אלהיך נתן לך נחלה לרשׁתה תמחה את זכר עמלק מתחת השׁמים לא תשׁכח |
| SPוהיה בהניח יהוה אלהיך לך מכל איביך מסביב בארץ אשׁר יהוה אלהיך נתן לך נחלה לרשׁתה תמחה את זכר עמלק מתחת השׁמים לא תשׁכח |