| 1 | MTכי יקח אישׁ אשׁה ובעלה והיה אם לא תמצא חן בעיניו כי מצא בה ערות דבר וכתב לה ספר כריתת ונתן בידה ושׁלחה מביתו |
| SPכי יקח אישׁ אשׁה ובא אליה ובעלה והיה אם לא תמצא חן בעיניו כי מצא בה ערות דבר וכתב לה ספר כריתת ונתן בידה ושׁלחה מביתו | |
| 2 | MTויצאה מביתו והלכה והיתה לאישׁ אחר |
| SPויצאה מביתו והלכה והיתה לאישׁ אחר | |
| 3 | MTושׂנאה האישׁ האחרון וכתב לה ספר כריתת ונתן בידה ושׁלחה מביתו או כי ימות האישׁ האחרון אשׁר לקחה לו לאשׁה |
| SPושׂנאה האישׁ האחרון וכתב לה ספר כריתת ונתן בידה ושׁלחה מביתו או כי ימות בעלה האחרון אשׁר לקחה לו לאשׁה | |
| 4 | MTלא יוכל בעלה הראשׁון אשׁר שׁלחה לשׁוב לקחתה להיות לו לאשׁה אחרי אשׁר הטמאה כי תועבה הוא לפני יהוה ולא תחטיא את הארץ אשׁר יהוה אלהיך נתן לך נחלה |
| SPלא יוכל בעלה הראישׁון אשׁר שׁלחה לשׁוב לקחתה להיות לו לאשׁה אחרי אשׁר הטמאה כי תועבה היא לפני יהוה ולא תחטיאו את הארץ אשׁר יהוה אלהיך נתן לך נחלה | |
| 5 | MTכי יקח אישׁ אשׁה חדשׁה לא יצא בצבא ולא יעבר עליו לכל דבר נקי יהיה לביתו שׁנה אחת ושׂמח את אשׁתו אשׁר לקח |
| SPכי יקח אישׁ אשׁה חדשׁה לא יצא בצבא ולא יעבר עליו לכל דבר נקיא יהיה לביתו שׁנה אחת ושׂמח את אשׁתו אשׁר לקח | |
| 6 | MTלא יחבל רחים ורכב כי נפשׁ הוא חבל |
| SPלא יחבל רחים ורכב כי נפשׁ הוא חבל | |
| 7 | MTכי ימצא אישׁ גנב נפשׁ מאחיו מבני ישׂראל והתעמר בו ומכרו ומת הגנב ההוא ובערת הרע מקרבך |
| SPכי ימצא אישׁ גנב נפשׁ מאחיו מבני ישׂראל והתעמר בו ומכרו ומת הגנב ההוא ובערת הרע מקרבך | |
| 8 | MTהשׁמר בנגע הצרעת לשׁמר מאד ולעשׂות ככל אשׁר יורו אתכם הכהנים הלוים כאשׁר צויתם תשׁמרו לעשׂות |
| SPהשׁמר בנגע הצרעת לשׁמר מאד לעשׂות ככל התורה אשׁר יורו אתכם הכהנים הלוים כאשׁר צויתם תשׁמרו לעשׂות | |
| 9 | MTזכור את אשׁר עשׂה יהוה אלהיך למרים בדרך בצאתכם ממצרים |
| SPזכור את אשׁר עשׂה יהוה אלהיך למרים בדרך בצאתכם ממצרים | |
| 10 | MTכי תשׁה ברעך משׁאת מאומה לא תבא אל ביתו לעבט עבטו |
| SPכי תשׁא ברעך משׁאת מאומה לא תבוא אל ביתו לעבט עבוטו | |
| 11 | MTבחוץ תעמד והאישׁ אשׁר אתה נשׁה בו יוציא אליך את העבוט החוצה |
| SPבחוץ תעמד והאישׁ אשׁר אתה נשׁא בו הוא יוצא אליך את העבוט החוצה | |
| 12 | MTואם אישׁ עני הוא לא תשׁכב בעבטו |
| SPואם אישׁ עני הוא לא תשׁכב בעבוטו | |
| 13 | MTהשׁב תשׁיב לו את העבוט כבא השׁמשׁ ושׁכב בשׂלמתו וברכך ולך תהיה צדקה לפני יהוה אלהיך |
| SPהשׁב תשׁיב לו את העבוט כבוא השׁמשׁ ושׁכב בשׂמלתו וברכך ולך תהיה צדקה לפני יהוה אלהיך | |
| 14 | MTלא תעשׁק שׂכיר עני ואביון מאחיך או מגרך אשׁר בארצך בשׁעריך |
| SPלא תעשׁק שׂכיר עני ואביון מאחיך או מגרך אשׁר בארצך בשׁעריך | |
| 15 | MTביומו תתן שׂכרו ולא תבוא עליו השׁמשׁ כי עני הוא ואליו הוא נשׂא את נפשׁו ולא יקרא עליך אל יהוה והיה בך חטא |
| SPביומו תתן שׂכרו ולא תבוא עליו השׁמשׁ כי עני הוא ואליו הוא נשׂא את נפשׁו ולא יקרא עליך אל יהוה והיה בך חטא | |
| 16 | MTלא יומתו אבות על בנים ובנים לא יומתו על אבות אישׁ בחטאו יומתו |
| SPלא יומתו אבות על בנים ובנים לא יומתו על האבות אישׁ בחטאו יומת | |
| 17 | MTלא תטה משׁפט גר יתום ולא תחבל בגד אלמנה |
| SPלא תטה משׁפט גר יתום ולא תחבל בגד אלמנה | |
| 18 | MTוזכרת כי עבד היית במצרים ויפדך יהוה אלהיך משׁם על כן אנכי מצוך לעשׂות את הדבר הזה |
| SPוזכרת כי עבד היית במצרים ויפדך יהוה אלהיך על כן אנכי מצוך לעשׂות את הדבר הזה | |
| 19 | MTכי תקצר קצירך בשׂדך ושׁכחת עמר בשׂדה לא תשׁוב לקחתו לגר ליתום ולאלמנה יהיה למען יברכך יהוה אלהיך בכל מעשׂה ידיך |
| SPכי תקצר קצירך בשׂדך ושׁכחת עמר בשׂדה לא תשׁוב לקחתו לגר ליתום ולאלמנה יהיה למען יברכך יהוה אלהיך בכל מעשׂה ידיך | |
| 20 | MTכי תחבט זיתך לא תפאר אחריך לגר ליתום ולאלמנה יהיה |
| SPכי תחבט זיתך לא תפאר אחריך לגר ליתום ולאלמנה יהיה | |
| 21 | MTכי תבצר כרמך לא תעולל אחריך לגר ליתום ולאלמנה יהיה |
| SPכי תבצר כרמך לא תעולל אחריך לגר ליתום ולאלמנה יהיה | |
| 22 | MTוזכרת כי עבד היית בארץ מצרים על כן אנכי מצוך לעשׂות את הדבר הזה |
| SPוזכרת כי עבד היית בארץ מצרים על כן אנכי מצוך את הדבר הזה |