| 1 | MTוהיה כי תבוא אל הארץ אשׁר יהוה אלהיך נתן לך נחלה וירשׁתה וישׁבת בה |
| SPוהיה כי תבוא אל הארץ אשׁר יהוה אלהיך נתן לך נחלה וירשׁת וישׁבת בה | |
| 2 | MTולקחת מראשׁית כל פרי האדמה אשׁר תביא מארצך אשׁר יהוה אלהיך נתן לך ושׂמת בטנא והלכת אל המקום אשׁר יבחר יהוה אלהיך לשׁכן שׁמו שׁם |
| SPולקחת מראשׁית פרי האדמה אשׁר תביא מארצך אשׁר יהוה אלהיך נתן לך ושׂמת בטנא והלכת אל המקום אשׁר בחר יהוה אלהיך לשׁכן את שׁמו שׁם | |
| 3 | MTובאת אל הכהן אשׁר יהיה בימים ההם ואמרת אליו הגדתי היום ליהוה אלהיך כי באתי אל הארץ אשׁר נשׁבע יהוה לאבתינו לתת לנו |
| SPובאת אל הכהן אשׁר יהיה בימים ההם ואמרת אליו הגדתי היום ליהוה אלהיך כי באתי אל הארץ אשׁר נשׁבע יהוה לאבתינו לתת לנו | |
| 4 | MTולקח הכהן הטנא מידך והניחו לפני מזבח יהוה אלהיך |
| SPולקח הכהן הטנא מידך והניחו לפני מזבח יהוה אלהיך | |
| 5 | MTוענית ואמרת לפני יהוה אלהיך ארמי אבד אבי וירד מצרימה ויגר שׁם במתי מעט ויהי שׁם לגוי גדול עצום ורב |
| SPוענית ואמרת לפני יהוה אלהיך ארמי אבד אבי וירד מצרימה ויגר שׁם במתי מעט ויהי שׁם לגוי גדול ועצום ורב | |
| 6 | MTוירעו אתנו המצרים ויענונו ויתנו עלינו עבדה קשׁה |
| SPויריעו אתנו המצרים ויעננו ויתנו עלינו עבדה קשׁה | |
| 7 | MTונצעק אל יהוה אלהי אבתינו וישׁמע יהוה את קלנו וירא את ענינו ואת עמלנו ואת לחצנו |
| SPונצעק אל יהוה אלהי אבתינו וישׁמע יהוה את קולנו וירא את ענינו ואת עמלנו ואת לחצנו | |
| 8 | MTויוצאנו יהוה ממצרים ביד חזקה ובזרע נטויה ובמרא גדל ובאתות ובמפתים |
| SPויוציאנו יהוה ממצרים ביד חזקה ובזרוע נטויה ובמראה גדול ובאתות ובמופתים | |
| 9 | MTויבאנו אל המקום הזה ויתן לנו את הארץ הזאת ארץ זבת חלב ודבשׁ |
| SPויביאנו אל המקום הזה ויתן לנו את הארץ הזאת ארץ זבת חלב ודבשׁ | |
| 10 | MTועתה הנה הבאתי את ראשׁית פרי האדמה אשׁר נתתה לי יהוה והנחתו לפני יהוה אלהיך והשׁתחוית לפני יהוה אלהיך |
| SPועתה הנה הבאתי את ראשׁית פרי האדמה אשׁר נתתה לי יהוה והנחתו לפני יהוה אלהיך והשׁתחוית לפני יהוה אלהיך | |
| 11 | MTושׂמחת בכל הטוב אשׁר נתן לך יהוה אלהיך ולביתך אתה והלוי והגר אשׁר בקרבך |
| SPושׂמחת בכל הטוב אשׁר נתן לך יהוה אלהיך ולביתך אתה והלוי והגר אשׁר בקרבך | |
| 12 | MTכי תכלה לעשׂר את כל מעשׂר תבואתך בשׁנה השׁלישׁת שׁנת המעשׂר ונתתה ללוי לגר ליתום ולאלמנה ואכלו בשׁעריך ושׂבעו |
| SPכי תכלה לעשׂר את כל מעשׂר תבואתך בשׁנה השׁלישׁית שׁנת המעשׂר ונתתו ללוי לגר ליתום ולאלמנה ואכלו בשׁעריך ושׁבעו | |
| 13 | MTואמרת לפני יהוה אלהיך בערתי הקדשׁ מן הבית וגם נתתיו ללוי ולגר ליתום ולאלמנה ככל מצותך אשׁר צויתני לא עברתי ממצותיך ולא שׁכחתי |
| SPואמרת לפני יהוה אלהיך בערתי הקדשׁ מן הבית וגם נתתיו ללוי לגר ליתום ולאלמנה ככל מצותיך אשׁר צויתני לא עברתי ממצותיך ולא שׁכחתי | |
| 14 | MTלא אכלתי באני ממנו ולא בערתי ממנו בטמא ולא נתתי ממנו למת שׁמעתי בקול יהוה אלהי עשׂיתי ככל אשׁר צויתני |
| SPלא אכלתי באני ממנו ולא בערתי ממנו בטמא ולא נתתי ממנו למת שׁמעתי בקול יהוה אלהי עשׂיתי ככל אשׁר צויתני | |
| 15 | MTהשׁקיפה ממעון קדשׁך מן השׁמים וברך את עמך את ישׂראל ואת האדמה אשׁר נתתה לנו כאשׁר נשׁבעת לאבתינו ארץ זבת חלב ודבשׁ |
| SPהשׁקף ממעון קדשׁך מן השׁמים וברך את עמך את ישׂראל ואת האדמה אשׁר נתתה לנו כאשׁר נשׁבעת לאבתינו ארץ זבת חלב ודבשׁ | |
| 16 | MTהיום הזה יהוה אלהיך מצוך לעשׂות את החקים האלה ואת המשׁפטים ושׁמרת ועשׂית אותם בכל לבבך ובכל נפשׁך |
| SPהיום הזה יהוה אלהיך מצוך לעשׂות את החקים האלה ואת המשׁפטים ושׁמרת ועשׂית אתם בכל לבבך ובכל נפשׁך | |
| 17 | MTאת יהוה האמרת היום להיות לך לאלהים וללכת בדרכיו ולשׁמר חקיו ומצותיו ומשׁפטיו ולשׁמע בקלו |
| SPאת יהוה האמרת היום להיות לך לאלהים וללכת בדרכיו ולשׁמר חקיו ומצותיו ולשׁמע בקולו | |
| 18 | MTויהוה האמירך היום להיות לו לעם סגלה כאשׁר דבר לך ולשׁמר כל מצותיו |
| SPויהוה האמרך היום להיות לו לעם סגלה כאשׁר דבר לך ולשׁמר כל מצותיו | |
| 19 | MTולתתך עליון על כל הגוים אשׁר עשׂה לתהלה ולשׁם ולתפארת ולהיתך עם קדשׁ ליהוה אלהיך כאשׁר דבר |
| SPולתתך עליון על כל הגוים אשׁר עשׂה לתהלה לשׁם ולתפארת ולהיותך עם קדשׁ ליהוה אלהיך כאשׁר דבר |