| 1 | MTלא יקח אישׁ את אשׁת אביו ולא יגלה כנף אביו |
| SPלא יקח אישׁ את אשׁת אביו ולא יגלה כנף אביו | |
| 2 | MTלא יבא פצוע דכא וכרות שׁפכה בקהל יהוה |
| SPלא יבוא פצע דכה וכרות שׁפכת בקהל יהוה | |
| 3 | MTלא יבא ממזר בקהל יהוה גם דור עשׂירי לא יבא לו בקהל יהוה |
| SPלא יבוא ממזר בקהל יהוה גם דור עשׂירי לא יבוא לו בקהל יהוה | |
| 4 | MTלא יבא עמוני ומואבי בקהל יהוה גם דור עשׂירי לא יבא להם בקהל יהוה עד עולם |
| SPלא יבוא עמוני ומואבי בקהל יהוה גם דור עשׂירי לא יבוא להם בקהל יהוה עד עולם | |
| 5 | MTעל דבר אשׁר לא קדמו אתכם בלחם ובמים בדרך בצאתכם ממצרים ואשׁר שׂכר עליך את בלעם בן בעור מפתור ארם נהרים לקללך |
| SPעל דבר אשׁר לא קדמו אתכם בלחם ובמים בדרך בצאתכם ממצרים ואשׁר שׂכר עליך את בלעם בן בעור פתרה ארם נהרים לקללך | |
| 6 | MTולא אבה יהוה אלהיך לשׁמע אל בלעם ויהפך יהוה אלהיך לך את הקללה לברכה כי אהבך יהוה אלהיך |
| SPולא אבה יהוה אלהיך לשׁמע אל בלעם ויהפך יהוה אלהיך לך את הקללה לברכה כי אהבך יהוה אלהיך | |
| 7 | MTלא תדרשׁ שׁלמם וטבתם כל ימיך לעולם |
| SPלא תדרשׁ שׁלמם וטובתם כל ימיך לעלם | |
| 8 | MTלא תתעב אדמי כי אחיך הוא לא תתעב מצרי כי גר היית בארצו |
| SPלא תתעב אדומי כי אחיך הוא ולא תתעב מצרי כי גר היית בארצו | |
| 9 | MTבנים אשׁר יולדו להם דור שׁלישׁי יבא להם בקהל יהוה |
| SPבנים אשׁר יולדו להם דור שׁלישׁי יבוא להם בקהל יהוה | |
| 10 | MTכי תצא מחנה על איביך ונשׁמרת מכל דבר רע |
| SPכי תצא מחנה על איביך ונשׁמרת מכל דבר רע | |
| 11 | MTכי יהיה בך אישׁ אשׁר לא יהיה טהור מקרה לילה ויצא אל מחוץ למחנה לא יבא אל תוך המחנה |
| SPכי יהיה בך אישׁ אשׁר לא יהיה טהור מקרי לילה ויצא מחוץ למחנה לא יבוא אל תוך המחנה | |
| 12 | MTוהיה לפנות ערב ירחץ במים וכבא השׁמשׁ יבא אל תוך המחנה |
| SPכי אם רחץ בשׂרו במים ובא השׁמשׁ ואחרי כן יבוא אל המחנה | |
| 13 | MTויד תהיה לך מחוץ למחנה ויצאת שׁמה חוץ |
| SPויד יהיה לך מחוץ למחנה ויצאת שׁם החוצה | |
| 14 | MTויתד תהיה לך על אזנך והיה בשׁבתך חוץ וחפרתה בה ושׁבת וכסית את צאתך |
| SPויתד תהיה לך על אזנך והיה בשׁבתך החוצה וחפרת בה ושׁבת וכסית את צאתך | |
| 15 | MTכי יהוה אלהיך מתהלך בקרב מחנך להצילך ולתת איביך לפניך והיה מחניך קדושׁ ולא יראה בך ערות דבר ושׁב מאחריך |
| SPכי יהוה אלהיך מתהלך בקרב מחניך להצילך ולתת איביך לפניך והיה מחניך קדושׁ ולא יראה בך ערות דבר ושׁב מאחריך | |
| 16 | MTלא תסגיר עבד אל אדניו אשׁר ינצל אליך מעם אדניו |
| SPלא תסגיר עבד אל אדניו אשׁר ינצל אליך מעם אדניו | |
| 17 | MTעמך ישׁב בקרבך במקום אשׁר יבחר באחד שׁעריך בטוב לו לא תוננו |
| SPעמך ישׁב בקרבך במקום אשׁר יבחר באחת שׁעריך בטוב לו לא תוננו | |
| 18 | MTלא תהיה קדשׁה מבנות ישׂראל ולא יהיה קדשׁ מבני ישׂראל |
| SPלא תחיה קדשׁה מבנות ישׂראל ולא יחיה קדשׁ מבני ישׂראל | |
| 19 | MTלא תביא אתנן זונה ומחיר כלב בית יהוה אלהיך לכל נדר כי תועבת יהוה אלהיך גם שׁניהם |
| SPלא תביא אתנן זונה ומחיר כלב בית יהוה אלהיך לכל נדר כי תועבת יהוה אלהיך גם שׁניהם | |
| 20 | MTלא תשׁיך לאחיך נשׁך כסף נשׁך אכל נשׁך כל דבר אשׁר ישׁך |
| SPלא תשׁיך לאחיך נשׁך כסף נשׁך אכל נשׁך כל דבר אשׁר ישׁך | |
| 21 | MTלנכרי תשׁיך ולאחיך לא תשׁיך למען יברכך יהוה אלהיך בכל משׁלח ידך על הארץ אשׁר אתה בא שׁמה לרשׁתה |
| SPלנכרי תשׁיך ולאחיך לא תשׁיך למען יברכך יהוה אלהיך בכל משׁלח ידיך על הארץ אשׁר אתה בא שׁמה לרשׁתה | |
| 22 | MTכי תדר נדר ליהוה אלהיך לא תאחר לשׁלמו כי דרשׁ ידרשׁנו יהוה אלהיך מעמך והיה בך חטא |
| SPכי תדר נדר ליהוה אלהיך לא תאחר לשׁלמו כי דרשׁ ידרשׁנו יהוה אלהיך מעמך והיה בך חטא | |
| 23 | MTוכי תחדל לנדר לא יהיה בך חטא |
| SPוכי תחדל לנדר לא יהיה בך חטא | |
| 24 | MTמוצא שׂפתיך תשׁמר ועשׂית כאשׁר נדרת ליהוה אלהיך נדבה אשׁר דברת בפיך |
| SPמוצא שׂפתיך תשׁמר ועשׂית כאשׁר נדרת ליהוה נדבה אשׁר דברת בפיך | |
| 25 | MTכי תבא בכרם רעך ואכלת ענבים כנפשׁך שׂבעך ואל כליך לא תתן |
| SPכי תבוא בכרם רעך ואכלת ענבים כנפשׁך שׂבעך ואל כליך לא תתן | |
| 26 | MTכי תבא בקמת רעך וקטפת מלילת בידך וחרמשׁ לא תניף על קמת רעך |
| SPכי תבוא בקמת רעך וקטפת מלילת בידך וחרמשׁ לא תניף על קמת רעך |