| 1 | MTכי תצא למלחמה על איביך וראית סוס ורכב עם רב ממך לא תירא מהם כי יהוה אלהיך עמך המעלך מארץ מצרים |
| SPכי תצא למלחמה על איביך וראית סוס ורכב ועם רב ממך לא תירא מהם כי יהוה אלהיך עמך המעלך מארץ מצרים | |
| 2 | MTוהיה כקרבכם אל המלחמה ונגשׁ הכהן ודבר אל העם |
| SPוהיה כקרבכם אל המלחמה ונגשׁ הכהן ודבר אל העם | |
| 3 | MTואמר אלהם שׁמע ישׂראל אתם קרבים היום למלחמה על איביכם אל ירך לבבכם אל תיראו ואל תחפזו ואל תערצו מפניהם |
| SPואמר אליהם שׁמע ישׂראל אתם קרבים היום למלחמה על איביכם אל ירך לבבכם אל תיראו ואל תערצו ואל תחפזו מפניהם | |
| 4 | MTכי יהוה אלהיכם ההלך עמכם להלחם לכם עם איביכם להושׁיע אתכם |
| SPכי יהוה אלהיכם ההלך עמכם להלחם לכם עם איביכם ולהושׁיע אתכם | |
| 5 | MTודברו השׁטרים אל העם לאמר מי האישׁ אשׁר בנה בית חדשׁ ולא חנכו ילך וישׁב לביתו פן ימות במלחמה ואישׁ אחר יחנכנו |
| SPודברו השׁטרים אל העם לאמר מי האישׁ אשׁר בנה בית חדשׁ ולא חנכו ילך וישׁוב לביתו פן ימות במלחמה ואישׁ אחר יחנכנו | |
| 6 | MTומי האישׁ אשׁר נטע כרם ולא חללו ילך וישׁב לביתו פן ימות במלחמה ואישׁ אחר יחללנו |
| SPומי האישׁ אשׁר נטע כרם ולא חללו ילך וישׁוב לביתו פן ימות במלחמה ואישׁ אחר יחללנו | |
| 7 | MTומי האישׁ אשׁר ארשׂ אשׁה ולא לקחה ילך וישׁב לביתו פן ימות במלחמה ואישׁ אחר יקחנה |
| SPומי האישׁ אשׁר ארשׂ אשׁה ולא לקחה ילך וישׁוב לביתו פן ימות במלחמה ואישׁ אחר יקחנה | |
| 8 | MTויספו השׁטרים לדבר אל העם ואמרו מי האישׁ הירא ורך הלבב ילך וישׁב לביתו ולא ימס את לבב אחיו כלבבו |
| SPויוסיפו השׁטרים לדבר אל העם ואמרו מי האישׁ הירא ורך הלבב ילך וישׁוב לביתו ולא ימיס את לבב אחיו כלבבו | |
| 9 | MTוהיה ככלת השׁטרים לדבר אל העם ופקדו שׂרי צבאות בראשׁ העם |
| SPוהיה ככלות השׁטרים לדבר אל העם ופקדו שׂרי צבאות בראשׁ העם | |
| 10 | MTכי תקרב אל עיר להלחם עליה וקראת אליה לשׁלום |
| SPכי תקרב על עיר להלחם עליה וקראת אליה לשׁלום | |
| 11 | MTוהיה אם שׁלום תענך ופתחה לך והיה כל העם הנמצא בה יהיו לך למס ועבדוך |
| SPוהיה אם שׁלום תענך ופתחה לך והיה כל העם הנמצא בה יהיו לך למס ועבדוך | |
| 12 | MTואם לא תשׁלים עמך ועשׂתה עמך מלחמה וצרת עליה |
| SPואם לא תשׁלים עמך ועשׂתה עמך מלחמה וצרת עליה | |
| 13 | MTונתנה יהוה אלהיך בידך והכית את כל זכורה לפי חרב |
| SPונתנה יהוה אלהיך בידך והכית את כל זכורה לפי חרב | |
| 14 | MTרק הנשׁים והטף והבהמה וכל אשׁר יהיה בעיר כל שׁללה תבז לך ואכלת את שׁלל איביך אשׁר נתן יהוה אלהיך לך |
| SPרק הנשׁים והטף והבהמה וכל אשׁר יהיה בעיר כל שׁללה תבז לך ואכלת את שׁלל איביך אשׁר נתן יהוה אלהיך לך | |
| 15 | MTכן תעשׂה לכל הערים הרחקת ממך מאד אשׁר לא מערי הגוים האלה הנה |
| SPכן תעשׂה לכל הערים הרחוקות ממך מאד אשׁר לא מערי הגוים האלה הנה | |
| 16 | MTרק מערי העמים האלה אשׁר יהוה אלהיך נתן לך נחלה לא תחיה כל נשׁמה |
| SPרק מערי העמים האלה אשׁר יהוה אלהיך נתן לך נחלה לא תחיה כל נשׁמה | |
| 17 | MTכי החרם תחרימם החתי והאמרי הכנעני והפרזי החוי והיבוסי כאשׁר צוך יהוה אלהיך |
| SPכי החרים תחרימם הכנעני והאמרי והחתי והגרגשׁי והפרזי והחוי והיבוסי כאשׁר צוך יהוה אלהיך | |
| 18 | MTלמען אשׁר לא ילמדו אתכם לעשׂות ככל תועבתם אשׁר עשׂו לאלהיהם וחטאתם ליהוה אלהיכם |
| SPלמען אשׁר לא ילמדו אתכם לעשׂות ככל תועבתם אשׁר עשׂו לאלהיהם וחטאתם ליהוה אלהיכם | |
| 19 | MTכי תצור אל עיר ימים רבים להלחם עליה לתפשׂה לא תשׁחית את עצה לנדח עליו גרזן כי ממנו תאכל ואתו לא תכרת כי האדם עץ השׂדה לבא מפניך במצור |
| SPכי תצור על עיר ימים רבים להלחם עליה לתפשׂה לא תשׁחית את עצה לנדח עליו גרזן כי ממנו תאכל ואתו לא תכרית כי האדם עץ השׂדה לבוא מפניך במצור | |
| 20 | MTרק עץ אשׁר תדע כי לא עץ מאכל הוא אתו תשׁחית וכרת ובנית מצור על העיר אשׁר הוא עשׂה עמך מלחמה עד רדתה |
| SPרק עץ אשׁר תדע כי לא עץ מאכל הוא אתו תשׁחית וכרת ובנית מצור על העיר אשׁר היא עשׂתה עמך מלחמה עד רדתה |