| 1 | MTכי ימצא חלל באדמה אשׁר יהוה אלהיך נתן לך לרשׁתה נפל בשׂדה לא נודע מי הכהו |
| SPכי ימצא חלל באדמה אשׁר יהוה אלהיך נתן לך לרשׁתה נפל בשׂדה לא נודע מי הכהו | |
| 2 | MTויצאו זקניך ושׁפטיך ומדדו אל הערים אשׁר סביבת החלל |
| SPויצאו זקניך ושׁטריך ומדדו על הערים אשׁר סביבת החלל | |
| 3 | MTוהיה העיר הקרבה אל החלל ולקחו זקני העיר ההוא עגלת בקר אשׁר לא עבד בה אשׁר לא משׁכה בעל |
| SPוהיה העיר הקרובה אל החלל ולקחו זקני העיר ההיא עגלת בקר אשׁר לא עבד בה ואשׁר לא משׁכה בעל | |
| 4 | MTוהורדו זקני העיר ההוא את העגלה אל נחל איתן אשׁר לא יעבד בו ולא יזרע וערפו שׁם את העגלה בנחל |
| SPוהורידו זקני העיר ההיא את העגלה אל נחל איתן אשׁר לא יעבד בו ולא יזרע וערפו שׁם את העגלה בנחל | |
| 5 | MTונגשׁו הכהנים בני לוי כי בם בחר יהוה אלהיך לשׁרתו ולברך בשׁם יהוה ועל פיהם יהיה כל ריב וכל נגע |
| SPונגשׁו הכהנים בני לוי כי בם בחר יהוה אלהיך לשׁרת ולברך בשׁם יהוה ועל פים יהיה כל ריב וכל נגע | |
| 6 | MTוכל זקני העיר ההוא הקרבים אל החלל ירחצו את ידיהם על העגלה הערופה בנחל |
| SPוכל זקני העיר הקרובים אל החלל ירחצו את ידיהם על העגלה הערופה בנחל | |
| 7 | MTוענו ואמרו ידינו לא שׁפכה את הדם הזה ועינינו לא ראו |
| SPוענו ואמרו ידינו לא שׁפכו את הדם הזה ועינינו לא ראו | |
| 8 | MTכפר לעמך ישׂראל אשׁר פדית יהוה ואל תתן דם נקי בקרב עמך ישׂראל ונכפר להם הדם |
| SPכפר לעמך ישׂראל אשׁר פדית יהוה ואל תתן דם נקיא בקרב עמך ישׂראל ונכפר להם הדם | |
| 9 | MTואתה תבער הדם הנקי מקרבך כי תעשׂה הישׁר בעיני יהוה |
| SPואתה תבער הדם הנקיא מקרבך כי תעשׂה הישׁר בעיני יהוה | |
| 10 | MTכי תצא למלחמה על איביך ונתנו יהוה אלהיך בידך ושׁבית שׁביו |
| SPכי תצא למלחמה על איביך ונתנו יהוה אלהיך בידך ושׁבית שׁביו | |
| 11 | MTוראית בשׁביה אשׁת יפת תאר וחשׁקת בה ולקחת לך לאשׁה |
| SPוראית בשׁביו אשׁה יפת תאר וחשׁקת בה ולקחתה לך לאשׁה | |
| 12 | MTוהבאתה אל תוך ביתך וגלחה את ראשׁה ועשׂתה את צפרניה |
| SPוהבאתה אל תוך ביתך וגלחה את ראשׁה ועשׂתה את צפרניה | |
| 13 | MTוהסירה את שׂמלת שׁביה מעליה וישׁבה בביתך ובכתה את אביה ואת אמה ירח ימים ואחר כן תבוא אליה ובעלתה והיתה לך לאשׁה |
| SPוהסירה את שׂמלת שׁביה מעליה וישׁבה בביתך ובכתה את אביה ואת אמה ירח ימים ואחר כן תבוא אליה ובעלתה והיתה לך לאשׁה | |
| 14 | MTוהיה אם לא חפצת בה ושׁלחתה לנפשׁה ומכר לא תמכרנה בכסף לא תתעמר בה תחת אשׁר עניתה |
| SPוהיה אם לא חפצת בה ושׁלחתה לנפשׁה ומכר לא תמכרנה בכסף לא תתעמר בה תחת אשׁר ענתה | |
| 15 | MTכי תהיין לאישׁ שׁתי נשׁים האחת אהובה והאחת שׂנואה וילדו לו בנים האהובה והשׂנואה והיה הבן הבכור לשׂניאה |
| SPכי תהיינה לאישׁ שׁתי נשׁים אחת אהובה ואחת שׂנואה וילדו לו בנים האהובה והשׂנואה והיה הבן הבכור לשׂנואה | |
| 16 | MTוהיה ביום הנחילו את בניו את אשׁר יהיה לו לא יוכל לבכר את בן האהובה על פני בן השׂנואה הבכר |
| SPוהיה ביום הנחילו את בניו את אשׁר יהיה לו לא יוכל לבכר את בן האהובה על פני בן השׂנואה הבכור | |
| 17 | MTכי את הבכר בן השׂנואה יכיר לתת לו פי שׁנים בכל אשׁר ימצא לו כי הוא ראשׁית אנו לו משׁפט הבכרה |
| SPכי את הבכור בן השׂנואה יכיר לתת לו פי שׁנים בכל אשׁר ימצא לו כי הוא ראשׁית אונו ולו משׁפט הבכורה | |
| 18 | MTכי יהיה לאישׁ בן סורר ומורה איננו שׁמע בקול אביו ובקול אמו ויסרו אתו ולא ישׁמע אליהם |
| SPכי יהיה לאישׁ בן סורר ומורה איננו שׁמע בקול אביו ובקול אמו ויסרו אתו ולא ישׁמע אליהם | |
| 19 | MTותפשׂו בו אביו ואמו והוציאו אתו אל זקני עירו ואל שׁער מקמו |
| SPותפשׂ בו אביו ואמו והוציאו אתו אל זקני עירו אל שׁער מקומו | |
| 20 | MTואמרו אל זקני עירו בננו זה סורר ומרה איננו שׁמע בקלנו זולל וסבא |
| SPואמרו אל אנשׁי עירו בננו זה סורר ומורה איננו שׁמע בקולנו זולל וסובה | |
| 21 | MTורגמהו כל אנשׁי עירו באבנים ומת ובערת הרע מקרבך וכל ישׂראל ישׁמעו ויראו |
| SPורגמהו כל אנשׁי עירו באבנים ומת ובערת הרע מקרבך וכל ישׂראל ישׁמעו וייראו | |
| 22 | MTוכי יהיה באישׁ חטא משׁפט מות והומת ותלית אתו על עץ |
| SPכי יהיה באישׁ חטא משׁפט מות והומת ותלית אתו על העץ | |
| 23 | MTלא תלין נבלתו על העץ כי קבור תקברנו ביום ההוא כי קללת אלהים תלוי ולא תטמא את אדמתך אשׁר יהוה אלהיך נתן לך נחלה |
| SPלא תלין נבלתו על העץ כי קבר תקברנו ביום ההוא כי קללת אלהים תלאוי ולא תטמא את אדמתך אשׁר יהוה אלהיך נתן לך נחלה |