| 1 | MTכי יכרית יהוה אלהיך את הגוים אשׁר יהוה אלהיך נתן לך את ארצם וירשׁתם וישׁבת בעריהם ובבתיהם |
| SPכי יכרית יהוה אלהיך את הגוים אשׁר יהוה אלהיך נתן לך את ארצם וירשׁתם וישׁבת בעריהם ובבתיהם | |
| 2 | MTשׁלושׁ ערים תבדיל לך בתוך ארצך אשׁר יהוה אלהיך נתן לך לרשׁתה |
| SPשׁלשׁ ערים תבדיל לך בתוך ארצך אשׁר יהוה אלהיך נתן לך לרשׁתה | |
| 3 | MTתכין לך הדרך ושׁלשׁת את גבול ארצך אשׁר ינחילך יהוה אלהיך והיה לנוס שׁמה כל רצח |
| SPתכן לך הדרך ושׁלשׁת את גבול ארצך אשׁר ינחילך יהוה אלהיך והיה לנוס שׁמה כל רצח | |
| 4 | MTוזה דבר הרצח אשׁר ינוס שׁמה וחי אשׁר יכה את רעהו בבלי דעת והוא לא שׂנא לו מתמל שׁלשׁם |
| SPוזה דבר הרצח אשׁר ינוס שׁמה וחי אשׁר יכה את רעהו בבלי דעת והוא לא שׂנא לו מתמול שׁלשׁום | |
| 5 | MTואשׁר יבא את רעהו ביער לחטב עצים ונדחה ידו בגרזן לכרת העץ ונשׁל הברזל מן העץ ומצא את רעהו ומת הוא ינוס אל אחת הערים האלה וחי |
| SPואשׁר יבוא את רעהו ביער לחטב עצים ונדח ידו בגרזן לכרת העץ ונשׁל הברזל מן העץ ומצא את רעהו ומת הוא ינוס אל אחת מן הערים האלה וחי | |
| 6 | MTפן ירדף גאל הדם אחרי הרצח כי יחם לבבו והשׂיגו כי ירבה הדרך והכהו נפשׁ ולו אין משׁפט מות כי לא שׂנא הוא לו מתמול שׁלשׁום |
| SPפן ירדף גאל הדם אחרי הרצח כי יחם לבבו והשׂיגו כי ירבה הדרך והכהו נפשׁ ולו אין משׁפט מות כי לא שׂנא הוא לו מתמול שׁלשׁום | |
| 7 | MTעל כן אנכי מצוך לאמר שׁלשׁ ערים תבדיל לך |
| SPעל כן אנכי מצוך לאמר שׁלשׁ ערים תבדיל לך | |
| 8 | MTואם ירחיב יהוה אלהיך את גבלך כאשׁר נשׁבע לאבתיך ונתן לך את כל הארץ אשׁר דבר לתת לאבתיך |
| SPואם ירחיב יהוה אלהיך את גבולך כאשׁר נשׁבע לאבתיך ונתן לך את כל הארץ אשׁר דבר לתת לאבתיך | |
| 9 | MTכי תשׁמר את כל המצוה הזאת לעשׂתה אשׁר אנכי מצוך היום לאהבה את יהוה אלהיך וללכת בדרכיו כל הימים ויספת לך עוד שׁלשׁ ערים על השׁלשׁ האלה |
| SPכי תשׁמר את כל המצוה הזאת לעשׂותה אשׁר אנכי מצוך היום לאהבה את יהוה אלהיך ללכת בדרכיו כל הימים ויספת לך עוד שׁלשׁ ערים על השׁלשׁ האלה | |
| 10 | MTולא ישׁפך דם נקי בקרב ארצך אשׁר יהוה אלהיך נתן לך נחלה והיה עליך דמים |
| SPולא ישׁפך דם נקיא בקרב ארצך אשׁר יהוה אלהיך נתן לך נחלה והיה עליך דמים | |
| 11 | MTוכי יהיה אישׁ שׂנא לרעהו וארב לו וקם עליו והכהו נפשׁ ומת ונס אל אחת הערים האל |
| SPכי יהיה אישׁ שׂנא לרעהו וארב לו וקם עליו והכהו נפשׁ ומת ונס אל אחת מן הערים האלה | |
| 12 | MTושׁלחו זקני עירו ולקחו אתו משׁם ונתנו אתו ביד גאל הדם ומת |
| SPושׁלחו זקני עירו ולקחו אתו משׁם ונתנו אתו ביד גאל הדם והומת | |
| 13 | MTלא תחוס עינך עליו ובערת דם הנקי מישׂראל וטוב לך |
| SPלא תחוס עינך עליו ובערת הדם הנקיא מישׂראל וטוב לך | |
| 14 | MTלא תסיג גבול רעך אשׁר גבלו ראשׁנים בנחלתך אשׁר תנחל בארץ אשׁר יהוה אלהיך נתן לך לרשׁתה |
| SPלא תסיג גבול רעך אשׁר גבלו ראישׁונים בנחלתך אשׁר תנחל בארץ אשׁר יהוה אלהיך נתן לך לרשׁתה | |
| 15 | MTלא יקום עד אחד באישׁ לכל עון ולכל חטאת בכל חטא אשׁר יחטא על פי שׁני עדים או על פי שׁלשׁה עדים יקום דבר |
| SPלא יקום עד אחד באישׁ לכל עון ולכל חטא בכל חטא אשׁר יחטא על פי שׁני עדים או על פי שׁלשׁה עדים יקום דבר | |
| 16 | MTכי יקום עד חמס באישׁ לענות בו סרה |
| SPוכי יקום עד חמס באישׁ לענות בו סרה | |
| 17 | MTועמדו שׁני האנשׁים אשׁר להם הריב לפני יהוה לפני הכהנים והשׁפטים אשׁר יהיו בימים ההם |
| SPועמדו שׁני האנשׁים אשׁר להם הריב לפני יהוה לפני הכהנים והשׁפטים אשׁר יהיה בימים ההם | |
| 18 | MTודרשׁו השׁפטים היטב והנה עד שׁקר העד שׁקר ענה באחיו |
| SPודרשׁו השׁפטים הייטב והנה עד שׁקר העד שׁקר ענה באחיו | |
| 19 | MTועשׂיתם לו כאשׁר זמם לעשׂות לאחיו ובערת הרע מקרבך |
| SPועשׂיתם לו כאשׁר זמם לעשׂות לאחיו ובערת הרע מקרבך | |
| 20 | MTוהנשׁארים ישׁמעו ויראו ולא יספו לעשׂות עוד כדבר הרע הזה בקרבך |
| SPוהנשׁארים ישׁמעו וייראו ולא יוסיפו עוד לעשׂות כדבר הרע הזה בקרבך | |
| 21 | MTולא תחוס עינך נפשׁ בנפשׁ עין בעין שׁן בשׁן יד ביד רגל ברגל |
| SPלא תחוס עינך נפשׁ בנפשׁ עין בעין שׁן בשׁן יד ביד רגל ברגל |