| 1 | MTלא יהיה לכהנים הלוים כל שׁבט לוי חלק ונחלה עם ישׂראל אשׁי יהוה ונחלתו יאכלון |
| SPלא יהיה לכהנים הלוים כל שׁבט לוי חלק ונחלה עם ישׂראל אשׁי יהוה ונחלתו יאכלון | |
| 2 | MTונחלה לא יהיה לו בקרב אחיו יהוה הוא נחלתו כאשׁר דבר לו |
| SPונחלה לא יהיה לו בקרב אחיו יהוה הוא נחלתו כאשׁר דבר לו | |
| 3 | MTוזה יהיה משׁפט הכהנים מאת העם מאת זבחי הזבח אם שׁור אם שׂה ונתן לכהן הזרע והלחיים והקבה |
| SPוזה יהיה משׁפט הכהנים מאת העם מאת זבחי הזבח אם שׁור אם שׂה ונתן לכהן הזרוע והלחים והקבה | |
| 4 | MTראשׁית דגנך תירשׁך ויצהרך וראשׁית גז צאנך תתן לו |
| SPראשׁית דגנך תירשׁך ויצהרך וראשׁית גז צאנך תתן לו | |
| 5 | MTכי בו בחר יהוה אלהיך מכל שׁבטיך לעמד לשׁרת בשׁם יהוה הוא ובניו כל הימים |
| SPכי בו בחר יהוה אלהיך מכל שׁבטיך לעמד לפני יהוה אלהיך לשׁרתו ולברך בשׁמו הוא ובניו כל הימים | |
| 6 | MTוכי יבא הלוי מאחד שׁעריך מכל ישׂראל אשׁר הוא גר שׁם ובא בכל אות נפשׁו אל המקום אשׁר יבחר יהוה |
| SPוכי יבוא הלוי מאחת שׁעריך מכל ישׂראל אשׁר הוא גר שׁם ובא בכל אות נפשׁו אל המקום אשׁר בחר יהוה | |
| 7 | MTושׁרת בשׁם יהוה אלהיו ככל אחיו הלוים העמדים שׁם לפני יהוה |
| SPושׁרת בשׁם יהוה אלהיו ככל אחיו הלוים העמדים שׁם לפני יהוה | |
| 8 | MTחלק כחלק יאכלו לבד ממכריו על האבות |
| SPחלק כחלק יאכל לבד ממכרו על האבות | |
| 9 | MTכי אתה בא אל הארץ אשׁר יהוה אלהיך נתן לך לא תלמד לעשׂות כתועבת הגוים ההם |
| SPכי אתה בא אל הארץ אשׁר יהוה אלהיך נתן לך לא תלמד לעשׂות כתועבות הגוים ההם | |
| 10 | MTלא ימצא בך מעביר בנו ובתו באשׁ קסם קסמים מעונן ומנחשׁ ומכשׁף |
| SPלא ימצא בך מעביר בנו ובתו באשׁ קסם קסמים מענן מנחשׁ מכשׁף | |
| 11 | MTוחבר חבר ושׁאל אוב וידעני ודרשׁ אל המתים |
| SPחבר חבר שׁאל אוב או ידעוני ודרשׁ אל המתים | |
| 12 | MTכי תועבת יהוה כל עשׂה אלה ובגלל התועבת האלה יהוה אלהיך מורישׁ אותם מפניך |
| SPכי תועבת יהוה אלהיך כל עשׂה אלה ובגלל התועבות האלה יהוה אלהיך מורישׁם מפניך | |
| 13 | MTתמים תהיה עם יהוה אלהיך |
| SPתמים תהיה עם יהוה אלהיך | |
| 14 | MTכי הגוים האלה אשׁר אתה יורשׁ אותם אל מעננים ואל קסמים ישׁמעו ואתה לא כן נתן לך יהוה אלהיך |
| SPכי הגוים האלה אשׁר אתם ירשׁים אתם אל המעננים ואל הקסמים ישׁמעו ואתה לא כן נתן לך יהוה אלהיך | |
| 15 | MTנביא מקרבך מאחיך כמני יקים לך יהוה אלהיך אליו תשׁמעון |
| SPנביא מקרב אחיך כמוני יקים לך יהוה אלהיך אליו תשׁמעון | |
| 16 | MTככל אשׁר שׁאלת מעם יהוה אלהיך בחרב ביום הקהל לאמר לא אסף לשׁמע את קול יהוה אלהי ואת האשׁ הגדלה הזאת לא אראה עוד ולא אמות |
| SPככל אשׁר שׁאלת מעם יהוה אלהיך בחורב ביום הקהל לאמר לא אוסיף לשׁמע את קול יהוה אלהי ואת אשׁו הגדלה הזאת לא אראה עוד ולא אמות | |
| 17 | MTויאמר יהוה אלי היטיבו אשׁר דברו |
| SPויאמר יהוה אלי הטיבו אשׁר דברו | |
| 18 | MTנביא אקים להם מקרב אחיהם כמוך ונתתי דברי בפיו ודבר אליהם את כל אשׁר אצונו |
| SPנביא אקים להם מקרב אחיהם כמוך ונתתי דברי בפיו ודבר אליהם את כל אשׁר אצונו | |
| 19 | MTוהיה האישׁ אשׁר לא ישׁמע אל דברי אשׁר ידבר בשׁמי אנכי אדרשׁ מעמו |
| SPוהיה האישׁ אשׁר לא ישׁמע אל דבריו אשׁר ידבר בשׁמי אנכי אדרשׁ מעמו | |
| 20 | MTאך הנביא אשׁר יזיד לדבר דבר בשׁמי את אשׁר לא צויתיו לדבר ואשׁר ידבר בשׁם אלהים אחרים ומת הנביא ההוא |
| SPאך הנביא אשׁר יזיד לדבר דבר בשׁמי את אשׁר לא צויתיו לדבר ואשׁר ידבר בשׁם אלהים אחרים ומת הנביא ההוא | |
| 21 | MTוכי תאמר בלבבך איכה נדע את הדבר אשׁר לא דברו יהוה |
| SPוכי תאמר בלבבך איך נודע את הדבר אשׁר לא דברו יהוה | |
| 22 | MTאשׁר ידבר הנביא בשׁם יהוה ולא יהיה הדבר ולא יבוא הוא הדבר אשׁר לא דברו יהוה בזדון דברו הנביא לא תגור ממנו |
| SPאשׁר ידבר הנביא בשׁם יהוה לא יהיה הדבר ולא יבוא הוא הדבר אשׁר לא דברו יהוה בזדון דברו הנביא לא תגור ממנו |