| 1 | MTלא תזבח ליהוה אלהיך שׁור ושׂה אשׁר יהיה בו מום כל דבר רע כי תועבת יהוה אלהיך הוא |
| SPלא תזבח ליהוה אלהיך שׁור ושׂה אשׁר יהיה בו מום כל דבר רע כי תועבת יהוה אלהיך הוא | |
| 2 | MTכי ימצא בקרבך באחד שׁעריך אשׁר יהוה אלהיך נתן לך אישׁ או אשׁה אשׁר יעשׂה את הרע בעיני יהוה אלהיך לעבר בריתו |
| SPכי ימצא בקרבך באחת שׁעריך אשׁר יהוה אלהיך נתן לך אישׁ או אשׁה אשׁר יעשׂה את הרע בעיני יהוה אלהיך לעבר בריתו | |
| 3 | MTוילך ויעבד אלהים אחרים וישׁתחו להם ולשׁמשׁ או לירח או לכל צבא השׁמים אשׁר לא צויתי |
| SPוילך ויעבד אלהים אחרים וישׁתחוי להם ולשׁמשׁ או לירח או לכל צבא השׁמים אשׁר לא צויתיו | |
| 4 | MTוהגד לך ושׁמעת ודרשׁת היטב והנה אמת נכון הדבר נעשׂתה התועבה הזאת בישׂראל |
| SPוהגידו לך ושׁמעת ודרשׁת הייטב והנה אמת נכון הדבר נעשׂתה התועבה הזאת בישׂראל | |
| 5 | MTוהוצאת את האישׁ ההוא או את האשׁה ההוא אשׁר עשׂו את הדבר הרע הזה אל שׁעריך את האישׁ או את האשׁה וסקלתם באבנים ומתו |
| SPוהוצאת את האישׁ ההוא או את האשׁה ההיא אשׁר עשׂו את הדבר הרע הזה אל שׁעריך את האישׁ או את האשׁה וסקלתם באבנים ומתו | |
| 6 | MTעל פי שׁנים עדים או שׁלשׁה עדים יומת המת לא יומת על פי עד אחד |
| SPעל פי שׁני עדים או על פי שׁלשׁה עדים יומת המת לא יומת על פי עד אחד | |
| 7 | MTיד העדים תהיה בו בראשׁנה להמיתו ויד כל העם באחרנה ובערת הרע מקרבך |
| SPיד העדים תהיה בו בראישׁונה להמיתו ויד כל העם באחרנה ובערת הרע מקרבך | |
| 8 | MTכי יפלא ממך דבר למשׁפט בין דם לדם בין דין לדין ובין נגע לנגע דברי ריבת בשׁעריך וקמת ועלית אל המקום אשׁר יבחר יהוה אלהיך בו |
| SPכי יפלא ממך דבר למשׁפט בין דם לדם ובין דין לדין ובין נגע לנגע דברי ריבות בשׁעריך וקמת ועלית אל המקום אשׁר בחר יהוה אלהיך | |
| 9 | MTובאת אל הכהנים הלוים ואל השׁפט אשׁר יהיה בימים ההם ודרשׁת והגידו לך את דבר המשׁפט |
| SPובאת אל הכהנים הלוים ואל השׁופט אשׁר יהיה בימים ההם ודרשׁו והגידו לך את דבר המשׁפט | |
| 10 | MTועשׂית על פי הדבר אשׁר יגידו לך מן המקום ההוא אשׁר יבחר יהוה ושׁמרת לעשׂות ככל אשׁר יורוך |
| SPועשׂית על פי הדבר אשׁר יגידו לך מן המקום ההוא אשׁר בחר יהוה אלהיך ושׁמרת לעשׂות ככל אשׁר יורוך | |
| 11 | MTעל פי התורה אשׁר יורוך ועל המשׁפט אשׁר יאמרו לך תעשׂה לא תסור מן הדבר אשׁר יגידו לך ימין ושׂמאל |
| SPעל פי התורה אשׁר יורוך ועל פי המשׁפט אשׁר יאמרו לך תעשׂה ולא תסור מן הדבר אשׁר יגידו לך ימין ושׂמאל | |
| 12 | MTוהאישׁ אשׁר יעשׂה בזדון לבלתי שׁמע אל הכהן העמד לשׁרת שׁם את יהוה אלהיך או אל השׁפט ומת האישׁ ההוא ובערת הרע מישׂראל |
| SPוהאישׁ אשׁר יעשׂה בזדון לבלתי שׁמע אל הכהן העמד לשׁרת שׁם את יהוה אלהיך או אל השׁופט ומת האישׁ ההוא ובערת הרע מישׂראל | |
| 13 | MTוכל העם ישׁמעו ויראו ולא יזידון עוד |
| SPוכל העם ישׁמעו וייראו ולא יזידו עוד | |
| 14 | MTכי תבא אל הארץ אשׁר יהוה אלהיך נתן לך וירשׁתה וישׁבתה בה ואמרת אשׂימה עלי מלך ככל הגוים אשׁר סביבתי |
| SPכי תבוא אל הארץ אשׁר יהוה אלהיך נתן לך וירשׁת וישׁבת בה ואמרת אשׂימה עלי מלך ככל הגוים אשׁר סביבתי | |
| 15 | MTשׂום תשׂים עליך מלך אשׁר יבחר יהוה אלהיך בו מקרב אחיך תשׂים עליך מלך לא תוכל לתת עליך אישׁ נכרי אשׁר לא אחיך הוא |
| SPשׂים תשׂים עליך מלך אשׁר יבחר יהוה אלהיך בו מקרב אחיך תשׂים עליך מלך לא תוכל לתת עליך אישׁ נכרי אשׁר לא אחיך הוא | |
| 16 | MTרק לא ירבה לו סוסים ולא ישׁיב את העם מצרימה למען הרבות סוס ויהוה אמר לכם לא תספון לשׁוב בדרך הזה עוד |
| SPרק לא ירבה לו סוסים ולא ישׁיב את העם מצרימה למען הרבות סוס ויהוה האמר לכם לא תוסיפון לשׁוב בדרך הזה עוד | |
| 17 | MTולא ירבה לו נשׁים ולא יסור לבבו וכסף וזהב לא ירבה לו מאד |
| SPולא ירבה לו נשׁים ולא יסור לבבו וכסף וזהב לא ירבה לו מאד | |
| 18 | MTוהיה כשׁבתו על כסא ממלכתו וכתב לו את משׁנה התורה הזאת על ספר מלפני הכהנים הלוים |
| SPוהיה כשׁבתו על כסא ממלכתו וכתב לו את משׁנה התורה הזאת על ספר מלפני הכהנים הלוים | |
| 19 | MTוהיתה עמו וקרא בו כל ימי חייו למען ילמד ליראה את יהוה אלהיו לשׁמר את כל דברי התורה הזאת ואת החקים האלה לעשׂתם |
| SPוהיתה עמו וקרא בה כל ימי חייו למען ילמד ליראה את יהוה אלהיו לשׁמר את כל דברי התורה הזאת ואת החקים האלה לעשׂותם | |
| 20 | MTלבלתי רום לבבו מאחיו ולבלתי סור מן המצוה ימין ושׂמאול למען יאריך ימים על ממלכתו הוא ובניו בקרב ישׂראל |
| SPלבלתי רם לבבו מאחיו ולבלתי סר מן המצוה ימין ושׂמאל למען יאריך ימים על כסא ממלכתו הוא ובניו בקרב ישׂראל |