| 1 | MTשׁמור את חדשׁ האביב ועשׂית פסח ליהוה אלהיך כי בחדשׁ האביב הוציאך יהוה אלהיך ממצרים לילה |
| SPשׁמור את חדשׁ האביב ועשׂית פסח ליהוה אלהיך כי בחדשׁ האביב הוציאך יהוה אלהיך ממצרים לילה | |
| 2 | MTוזבחת פסח ליהוה אלהיך צאן ובקר במקום אשׁר יבחר יהוה לשׁכן שׁמו שׁם |
| SPוזבחת פסח ליהוה אלהיך צאן ובקר במקום אשׁר בחר יהוה אלהיך לשׁכן את שׁמו שׁם | |
| 3 | MTלא תאכל עליו חמץ שׁבעת ימים תאכל עליו מצות לחם עני כי בחפזון יצאת מארץ מצרים למען תזכר את יום צאתך מארץ מצרים כל ימי חייך |
| SPלא תאכלו עליו חמץ שׁבעת ימים תאכלו עליו מצות לחם עני כי בחפזון יצאת מארץ מצרים למען תזכר את יום צאתך מארץ מצרים כל ימי חייך | |
| 4 | MTולא יראה לך שׂאר בכל גבלך שׁבעת ימים ולא ילין מן הבשׂר אשׁר תזבח בערב ביום הראשׁון לבקר |
| SPולא יראה לך שׂאר בכל גבולך שׁבעת ימים ולא ילין מן הבשׂר אשׁר תזבח בין הערבים ביום הראישׁון לבקר | |
| 5 | MTלא תוכל לזבח את הפסח באחד שׁעריך אשׁר יהוה אלהיך נתן לך |
| SPולא תוכל לזבח את הפסח באחת שׁעריך אשׁר יהוה אלהיך נתן לך | |
| 6 | MTכי אם אל המקום אשׁר יבחר יהוה אלהיך לשׁכן שׁמו שׁם תזבח את הפסח בערב כבוא השׁמשׁ מועד צאתך ממצרים |
| SPכי אם במקום אשׁר בחר יהוה אלהיך לשׁכן את שׁמו שׁם שׁם תזבח את הפסח בערב כבוא השׁמשׁ מועד צאתך ממצרים | |
| 7 | MTובשׁלת ואכלת במקום אשׁר יבחר יהוה אלהיך בו ופנית בבקר והלכת לאהליך |
| SPובשׁלת ואכלת במקום אשׁר בחר יהוה אלהיך בו ופנית בבקר והלכת לאהליך | |
| 8 | MTשׁשׁת ימים תאכל מצות וביום השׁביעי עצרת ליהוה אלהיך לא תעשׂה מלאכה |
| SPשׁשׁת ימים תאכל מצות וביום השׁביעי חג ליהוה אלהיך לא תעשׂה כל מלאכת עבדה | |
| 9 | MTשׁבעה שׁבעת תספר לך מהחל חרמשׁ בקמה תחל לספר שׁבעה שׁבעות |
| SPשׁבעה שׁבעות תספר לך מהחלך חרמשׁ בקמה תחל לספר שׁבעה שׁבעות | |
| 10 | MTועשׂית חג שׁבעות ליהוה אלהיך מסת נדבת ידך אשׁר תתן כאשׁר יברכך יהוה אלהיך |
| SPועשׂית חג שׁבעות ליהוה אלהיך מסת נדבת ידיך אשׁר תתן כאשׁר ברכך יהוה אלהיך | |
| 11 | MTושׂמחת לפני יהוה אלהיך אתה ובנך ובתך ועבדך ואמתך והלוי אשׁר בשׁעריך והגר והיתום והאלמנה אשׁר בקרבך במקום אשׁר יבחר יהוה אלהיך לשׁכן שׁמו שׁם |
| SPושׂמחת לפני יהוה אלהיך אתה ובנך ובתך עבדך ואמתך והלוי אשׁר בשׁעריך והגר והיתום והאלמנה אשׁר בקרבך במקום אשׁר בחר יהוה אלהיך לשׁכן את שׁמו שׁם | |
| 12 | MTוזכרת כי עבד היית במצרים ושׁמרת ועשׂית את החקים האלה |
| SPוזכרת כי עבד היית בארץ מצרים ושׁמרת ועשׂית את החקים האלה | |
| 13 | MTחג הסכת תעשׂה לך שׁבעת ימים באספך מגרנך ומיקבך |
| SPחג הסכות תעשׂה לך שׁבעת ימים באספך מגרנך ומיקבך | |
| 14 | MTושׂמחת בחגך אתה ובנך ובתך ועבדך ואמתך והלוי והגר והיתום והאלמנה אשׁר בשׁעריך |
| SPושׂמחת בחגך אתה ובנך ובתך עבדך ואמתך והלוי והגר והיתום והאלמנה אשׁר בשׁעריך | |
| 15 | MTשׁבעת ימים תחג ליהוה אלהיך במקום אשׁר יבחר יהוה כי יברכך יהוה אלהיך בכל תבואתך ובכל מעשׂה ידיך והיית אך שׂמח |
| SPשׁבעת ימים תחג ליהוה אלהיך במקום אשׁר בחר יהוה אלהיך כי יברכך יהוה אלהיך בכל תבואתך ובכל מעשׂה ידיך והיית אך שׂמח | |
| 16 | MTשׁלושׁ פעמים בשׁנה יראה כל זכורך את פני יהוה אלהיך במקום אשׁר יבחר בחג המצות ובחג השׁבעות ובחג הסכות ולא יראה את פני יהוה ריקם |
| SPשׁלשׁ פעמים בשׁנה יראה כל זכורך את פני יהוה אלהיך במקום אשׁר בחר בו בחג המצות ובחג השׁבעות ובחג הסכות ולא יראו את פני יהוה רקים | |
| 17 | MTאישׁ כמתנת ידו כברכת יהוה אלהיך אשׁר נתן לך |
| SPאישׁ כמתנת ידו כברכת יהוה אלהיך אשׁר נתן לך | |
| 18 | MTשׁפטים ושׁטרים תתן לך בכל שׁעריך אשׁר יהוה אלהיך נתן לך לשׁבטיך ושׁפטו את העם משׁפט צדק |
| SPשׁפטים ושׁטרים תתן לך בכל שׁעריך אשׁר יהוה אלהיך נתן לך לשׁבטיך ושׁפטו את העם משׁפט צדק | |
| 19 | MTלא תטה משׁפט לא תכיר פנים ולא תקח שׁחד כי השׁחד יעור עיני חכמים ויסלף דברי צדיקם |
| SPלא תטה משׁפט ולא תכיר פנים ולא תקח שׁחד כי השׁחד יעור עיני חכמים ויסלף דברי צדקים | |
| 20 | MTצדק צדק תרדף למען תחיה וירשׁת את הארץ אשׁר יהוה אלהיך נתן לך |
| SPצדק צדק תרדף למען תחיה וירשׁת את הארץ אשׁר יהוה אלהיך נתן לך | |
| 21 | MTלא תטע לך אשׁרה כל עץ אצל מזבח יהוה אלהיך אשׁר תעשׂה לך |
| SPלא תטע לך אשׁרה כל עץ אצל מזבח יהוה אלהיך אשׁר תעשׂה לך | |
| 22 | MTולא תקים לך מצבה אשׁר שׂנא יהוה אלהיך |
| SPולא תקים לך מצבה אשׁר שׂנאה יהוה אלהיך |