| 1 | MTמקץ שׁבע שׁנים תעשׂה שׁמטה |
| SPמקץ שׁבע שׁנים תעשׂה שׁמטה | |
| 2 | MTוזה דבר השׁמטה שׁמוט כל בעל משׁה ידו אשׁר ישׁה ברעהו לא יגשׂ את רעהו ואת אחיו כי קרא שׁמטה ליהוה |
| SPוזה דבר השׁמטה שׁמט כל בעל משׁא ידו אשׁר ישׁא ברעהו לא יגשׂ את רעהו את אחיו כי קרא שׁמטה ליהוה | |
| 3 | MTאת הנכרי תגשׂ ואשׁר יהיה לך את אחיך תשׁמט ידך |
| SPאת הנכרי תגשׂ ואשׁר יהיה לך את אחיך תשׁמט ידך | |
| 4 | MTאפס כי לא יהיה בך אביון כי ברך יברכך יהוה בארץ אשׁר יהוה אלהיך נתן לך נחלה לרשׁתה |
| SPאפס כי לא יהיה בך אביון כי ברוך יברכך יהוה אלהיך בארץ אשׁר יהוה אלהיך נתן לך נחלה לרשׁתה | |
| 5 | MTרק אם שׁמוע תשׁמע בקול יהוה אלהיך לשׁמר לעשׂות את כל המצוה הזאת אשׁר אנכי מצוך היום |
| SPרק אם שׁמע תשׁמע בקול יהוה אלהיך לשׁמר לעשׂות את כל המצוה הזאת אשׁר אנכי מצוך היום | |
| 6 | MTכי יהוה אלהיך ברכך כאשׁר דבר לך והעבטת גוים רבים ואתה לא תעבט ומשׁלת בגוים רבים ובך לא ימשׁלו |
| SPכי יהוה אלהיך ברכך כאשׁר דבר לך והעבטת גוים רבים ואתה לא תעבט ומשׁלת בגוים רבים ובך לא ימשׁלו | |
| 7 | MTכי יהיה בך אביון מאחד אחיך באחד שׁעריך בארצך אשׁר יהוה אלהיך נתן לך לא תאמץ את לבבך ולא תקפץ את ידך מאחיך האביון |
| SPכי יהיה בך אביון מאחד אחיך באחת שׁעריך בארץ אשׁר יהוה אלהיך נתן לך לא תאמץ את לבבך ולא תכפץ את ידך מאחיך האביון | |
| 8 | MTכי פתח תפתח את ידך לו והעבט תעביטנו די מחסרו אשׁר יחסר לו |
| SPכי פתח תפתח ידך לו העביט תעביטנו די מחסרו אשׁר יחסר לו | |
| 9 | MTהשׁמר לך פן יהיה דבר עם לבבך בליעל לאמר קרבה שׁנת השׁבע שׁנת השׁמטה ורעה עינך באחיך האביון ולא תתן לו וקרא עליך אל יהוה והיה בך חטא |
| SPהשׁמר לך פן יהיה דבר עם לבבך בלעיל לאמר קרובה שׁנת השׁבעה שׁנת השׁמטה ורעה עינך באחיך האביון ולא תתן לו וקרא עליך אל יהוה והיה בך חטא | |
| 10 | MTנתון תתן לו ולא ירע לבבך בתתך לו כי בגלל הדבר הזה יברכך יהוה אלהיך בכל מעשׂך ובכל משׁלח ידך |
| SPנתן תתן לו ולא ירע בלבבך בתתך לו כי בגלל הדבר הזה יברכך יהוה אלהיך בכל מעשׂיך ובכל משׁלח ידיך | |
| 11 | MTכי לא יחדל אביון מקרב הארץ על כן אנכי מצוך לאמר פתח תפתח את ידך לאחיך לעניך ולאבינך בארצך |
| SPכי לא יחדל האביון מקרב הארץ על כן אנכי מצוך לאמר פתח תפתח ידך לאחיך לעניך ולאביונך בארצך | |
| 12 | MTכי ימכר לך אחיך העברי או העבריה ועבדך שׁשׁ שׁנים ובשׁנה השׁביעת תשׁלחנו חפשׁי מעמך |
| SPכי ימכר לך אחיך העברי או העבריה ועבדך שׁשׁ שׁנים ובשׁנה השׁביעית תשׁלחנו חפשׁי מעמך | |
| 13 | MTוכי תשׁלחנו חפשׁי מעמך לא תשׁלחנו ריקם |
| SPוכי תשׁלחנו חפשׁי מעמך לא תשׁלחנו ריקם | |
| 14 | MTהעניק תעניק לו מצאנך ומגרנך ומיקבך אשׁר ברכך יהוה אלהיך תתן לו |
| SPהעניק תעניק לו מצאנך ומגרנך ומיקבך כאשׁר ברכך יהוה אלהיך תתן לו | |
| 15 | MTוזכרת כי עבד היית בארץ מצרים ויפדך יהוה אלהיך על כן אנכי מצוך את הדבר הזה היום |
| SPוזכרת כי עבד היית בארץ מצרים ויפדך יהוה אלהיך על כן אנכי מצוך את הדבר הזה היום | |
| 16 | MTוהיה כי יאמר אליך לא אצא מעמך כי אהבך ואת ביתך כי טוב לו עמך |
| SPוהיה כי יאמר אליך לא אצא מעמך כי אהבך ואת ביתך כי טוב לו עמך | |
| 17 | MTולקחת את המרצע ונתתה באזנו ובדלת והיה לך עבד עולם ואף לאמתך תעשׂה כן |
| SPולקחת את המרצע ונתתה באזנו ובדלת והיה לך עבד עולם ואף לאמתך תעשׂה כן | |
| 18 | MTלא יקשׁה בעינך בשׁלחך אתו חפשׁי מעמך כי משׁנה שׂכר שׂכיר עבדך שׁשׁ שׁנים וברכך יהוה אלהיך בכל אשׁר תעשׂה |
| SPולא יקשׁה בעיניך בשׁלחך אתו חפשׁי מעמך כי משׁנה שׁכר שׂכיר עבדך שׁשׁ שׁנים וברכך יהוה אלהיך בכל אשׁר תעשׂה | |
| 19 | MTכל הבכור אשׁר יולד בבקרך ובצאנך הזכר תקדישׁ ליהוה אלהיך לא תעבד בבכר שׁורך ולא תגז בכור צאנך |
| SPכל הבכור אשׁר יולד בבקרך ובצאנך הזכר תקדישׁ ליהוה אלהיך לא תעבד בבכור שׁורך ולא תגז את בכור צאנך | |
| 20 | MTלפני יהוה אלהיך תאכלנו שׁנה בשׁנה במקום אשׁר יבחר יהוה אתה וביתך |
| SPלפני יהוה אלהיך תאכלנו שׁנה בשׁנה במקום אשׁר בחר יהוה אתה וביתך | |
| 21 | MTוכי יהיה בו מום פסח או עור כל מום רע לא תזבחנו ליהוה אלהיך |
| SPוכי יהיה בו מום פסח או עור או כל מום רע לא תזבחנו ליהוה אלהיך | |
| 22 | MTבשׁעריך תאכלנו הטמא והטהור יחדו כצבי וכאיל |
| SPבשׁעריך תאכלנו הטמא והטהור יחדו כצבי וכאיל | |
| 23 | MTרק את דמו לא תאכל על הארץ תשׁפכנו כמים |
| SPרק את דמו לא תאכל על הארץ תשׁפכנו כמים |