| 1 | MTבנים אתם ליהוה אלהיכם לא תתגדדו ולא תשׂימו קרחה בין עיניכם למת |
| SPבנים אתם ליהוה אלהיכם לא תתגדדו ולא תשׂימו קרחה בין עיניכם למת | |
| 2 | MTכי עם קדושׁ אתה ליהוה אלהיך ובך בחר יהוה להיות לו לעם סגלה מכל העמים אשׁר על פני האדמה |
| SPכי עם קדשׁ אתה ליהוה אלהיך ובך בחר יהוה אלהיך להיות לו לעם סגלה מכל העמים אשׁר על פני האדמה | |
| 3 | MTלא תאכל כל תועבה |
| SPלא תאכלו כל תועבה | |
| 4 | MTזאת הבהמה אשׁר תאכלו שׁור שׂה כשׂבים ושׂה עזים |
| SPוזאת הבהמה אשׁר תאכלו שׁור ושׂה כשׁבים ושׂה עזים | |
| 5 | MTאיל וצבי ויחמור ואקו ודישׁן ותאו וזמר |
| SPאיל וצבי ויחמור אקו ודישׁון ותאי וזמר | |
| 6 | MTוכל בהמה מפרסת פרסה ושׁסעת שׁסע שׁתי פרסות מעלת גרה בבהמה אתה תאכלו |
| SPכל בהמה מפריסת פרסה ושׁסעת שׁסע שׁתי פרסות מעלות גרה בבהמה אתה תאכלו | |
| 7 | MTאך את זה לא תאכלו ממעלי הגרה וממפריסי הפרסה השׁסועה את הגמל ואת הארנבת ואת השׁפן כי מעלה גרה המה ופרסה לא הפריסו טמאים הם לכם |
| SPאך את זה לא תאכלו ממעלי הגרה וממפרסי הפרסה את הגמל ואת הארנבת ואת השׁפן כי מעלה גרה הם ופרסה לא הפריסו טמאים הם לכם | |
| 8 | MTואת החזיר כי מפריס פרסה הוא ולא גרה טמא הוא לכם מבשׂרם לא תאכלו ובנבלתם לא תגעו |
| SPואת החזיר כי מפריס פרסה הוא ושׁסע שׁסע פרסה והוא גרה לא יגור טמא הוא לכם מבשׂרם לא תאכלו ובנבלתם לא תגעו | |
| 9 | MTאת זה תאכלו מכל אשׁר במים כל אשׁר לו סנפיר וקשׂקשׂת תאכלו |
| SPואת זה תאכלו מכל אשׁר במים כל אשׁר לו סנפיר וקשׂקשׂת תאכלו | |
| 10 | MTוכל אשׁר אין לו סנפיר וקשׂקשׂת לא תאכלו טמא הוא לכם |
| SPוכל אשׁר אין לו סנפיר וקשׂקשׂת לא תאכלו טמא הוא לכם | |
| 11 | MTכל צפור טהרה תאכלו |
| SPכל צפור טהרה תאכלו | |
| 12 | MTוזה אשׁר לא תאכלו מהם הנשׁר והפרס והעזניה |
| SPוזה אשׁר לא תאכלו מהם את הנשׁר ואת הפרס ואת העזניה | |
| 13 | MTוהראה ואת האיה והדיה למינה |
| SPואת הדאה ואת האיה למינה | |
| 14 | MTואת כל ערב למינו |
| SPואת כל ערב למינו | |
| 15 | MTואת בת היענה ואת התחמס ואת השׁחף ואת הנץ למינהו |
| SPואת בת היענה ואת התחמוס ואת השׁחף למינו ואת הנץ | |
| 16 | MTאת הכוס ואת הינשׁוף והתנשׁמת |
| SPואת הכוס ואת השׁלך ואת הינשׁוף ואת התנשׁמת | |
| 17 | MTוהקאת ואת הרחמה ואת השׁלך |
| SPואת הקאת ואת הרחמה | |
| 18 | MTוהחסידה והאנפה למינה והדוכיפת והעטלף |
| SPואת החסידה והאנפה למינה ואת הדגיפת ואת העטלף | |
| 19 | MTוכל שׁרץ העוף טמא הוא לכם לא יאכלו |
| SPכל שׁרץ העוף טמא הוא לכם לא תאכלו מהם | |
| 20 | MTכל עוף טהור תאכלו |
| SPכל עוף טהור תאכלו | |
| 21 | MTלא תאכלו כל נבלה לגר אשׁר בשׁעריך תתננה ואכלה או מכר לנכרי כי עם קדושׁ אתה ליהוה אלהיך לא תבשׁל גדי בחלב אמו |
| SPלא תאכלו כל נבלה לגר אשׁר בשׁעריך תתננה ואכלה או מכרה לנכרי כי עם קדשׁ אתה ליהוה אלהיך לא תבשׁל גדי בחלב אמו | |
| 22 | MTעשׂר תעשׂר את כל תבואת זרעך היצא השׂדה שׁנה שׁנה |
| SPעשׂר תעשׂר את כל תבואת זרעך יוצא השׂדה שׁנה בשׁנה | |
| 23 | MTואכלת לפני יהוה אלהיך במקום אשׁר יבחר לשׁכן שׁמו שׁם מעשׂר דגנך תירשׁך ויצהרך ובכרת בקרך וצאנך למען תלמד ליראה את יהוה אלהיך כל הימים |
| SPואכלתו לפני יהוה אלהיך במקום אשׁר בחר יהוה אלהיך לשׁכן את שׁמו שׁם מעשׂר דגנך תירשׁך ויצהרך ובכורת בקרך וצאנך למען תלמד ליראה את יהוה אלהיך כל הימים | |
| 24 | MTוכי ירבה ממך הדרך כי לא תוכל שׂאתו כי ירחק ממך המקום אשׁר יבחר יהוה אלהיך לשׂום שׁמו שׁם כי יברכך יהוה אלהיך |
| SPוכי ירבה ממך הדרך כי לא תוכל שׂאתו כי ירחק ממך המקום אשׁר בחר יהוה אלהיך לשׁכן את שׁמו שׁם כי יברכך יהוה אלהיך | |
| 25 | MTונתתה בכסף וצרת הכסף בידך והלכת אל המקום אשׁר יבחר יהוה אלהיך בו |
| SPונתתה בכסף וצרת הכסף בידך והלכת אל המקום אשׁר בחר יהוה אלהיך בו | |
| 26 | MTונתתה הכסף בכל אשׁר תאוה נפשׁך בבקר ובצאן וביין ובשׁכר ובכל אשׁר תשׁאלך נפשׁך ואכלת שׁם לפני יהוה אלהיך ושׂמחת אתה וביתך |
| SPונתתה הכסף בכל אשׁר תאוה נפשׁך בבקר ובצאן ביין ובשׁכר ובכל אשׁר תשׁאלך נפשׁך ואכלת שׁם לפני יהוה אלהיך ושׂמחת אתה וביתך | |
| 27 | MTוהלוי אשׁר בשׁעריך לא תעזבנו כי אין לו חלק ונחלה עמך |
| SPוהלוי אשׁר בשׁעריך לא תעזבנו כי אין לו חלק ונחלה עמך | |
| 28 | MTמקצה שׁלשׁ שׁנים תוציא את כל מעשׂר תבואתך בשׁנה ההוא והנחת בשׁעריך |
| SPמקץ שׁלשׁ שׁנים תוצא את כל מעשׂר תבואתך בשׁנה ההיא והנחתו בשׁעריך | |
| 29 | MTובא הלוי כי אין לו חלק ונחלה עמך והגר והיתום והאלמנה אשׁר בשׁעריך ואכלו ושׂבעו למען יברכך יהוה אלהיך בכל מעשׂה ידך אשׁר תעשׂה |
| SPובא הלוי כי אין לו חלק ונחלה עמך והגר והיתום והאלמנה אשׁר בשׁעריך ואכלו ושׂבעו למען יברכך יהוה אלהיך בכל מעשׂה ידיך אשׁר תעשׂה |