| 1 | MTאת כל הדבר אשׁר אנכי מצוה אתכם אתו תשׁמרו לעשׂות לא תסף עליו ולא תגרע ממנו |
| SPאת כל הדבר אשׁר אנכי מצוך היום אתו תשׁמרו לעשׂות לא תוסיפו עליו ולא תגרעו ממנו | |
| 2 | MTכי יקום בקרבך נביא או חלם חלום ונתן אליך אות או מופת |
| SPכי יקום בקרבך נביא או חלם חלום ונתן אליך אות או מופת | |
| 3 | MTובא האות והמופת אשׁר דבר אליך לאמר נלכה אחרי אלהים אחרים אשׁר לא ידעתם ונעבדם |
| SPובא האות והמופת אשׁר דבר אליך לאמר נלכה אחרי אלהים אחרים אשׁר לא ידעתם ונעבדם | |
| 4 | MTלא תשׁמע אל דברי הנביא ההוא או אל חולם החלום ההוא כי מנסה יהוה אלהיכם אתכם לדעת הישׁכם אהבים את יהוה אלהיכם בכל לבבכם ובכל נפשׁכם |
| SPלא תשׁמע אל דברי הנביא ההוא או אל החלם החלום ההוא כי מנסה יהוה אלהיכם אתכם לדעת הישׁכם אהבים את יהוה אלהיכם בכל לבבכם ובכל נפשׁכם | |
| 5 | MTאחרי יהוה אלהיכם תלכו ואתו תיראו ואת מצותיו תשׁמרו ובקלו תשׁמעו ואתו תעבדו ובו תדבקון |
| SPאחרי יהוה אלהיכם תלכון ואתו תיראון ואת מצותיו תשׁמרון ובקולו תשׁמעון ואתו תעבדו ובו תדבקו | |
| 6 | MTוהנביא ההוא או חלם החלום ההוא יומת כי דבר סרה על יהוה אלהיכם המוציא אתכם מארץ מצרים והפדך מבית עבדים להדיחך מן הדרך אשׁר צוך יהוה אלהיך ללכת בה ובערת הרע מקרבך |
| SPוהנביא ההוא או החלם החלום ההוא יומת כי דבר סרה על יהוה אלהיך המוציאך מארץ מצרים והפדך מבית עבדים להדיחך מן הדרך אשׁר צוך יהוה אלהיך ללכת בה ובערת הרע מקרבך | |
| 7 | MTכי יסיתך אחיך בן אמך או בנך או בתך או אשׁת חיקך או רעך אשׁר כנפשׁך בסתר לאמר נלכה ונעבדה אלהים אחרים אשׁר לא ידעת אתה ואבתיך |
| SPכי יסיתך אחיך בן אביך או בן אמך או בנך או בתך או אשׁת חיקך או רעך אשׁר כנפשׁך בסתר לאמר נלכה ונעבדה אלהים אחרים אשׁר לא ידעת אתה ואבתיך | |
| 8 | MTמאלהי העמים אשׁר סביבתיכם הקרבים אליך או הרחקים ממך מקצה הארץ ועד קצה הארץ |
| SPמאלהי העמים אשׁר סביבתיכם הקרובים אליך או הרחוקים ממך מקצה הארץ ועד קצה הארץ | |
| 9 | MTלא תאבה לו ולא תשׁמע אליו ולא תחוס עינך עליו ולא תחמל ולא תכסה עליו |
| SPלא תאבה אליו ולא תשׁמע אליו ולא תחוס עינך עליו ולא תחמל ולא תכסה עליו | |
| 10 | MTכי הרג תהרגנו ידך תהיה בו בראשׁונה להמיתו ויד כל העם באחרנה |
| SPכי הרג תהרגנו ידך תהיה בו בראישׁונה להמיתו ויד כל העם באחרנה | |
| 11 | MTוסקלתו באבנים ומת כי בקשׁ להדיחך מעל יהוה אלהיך המוציאך מארץ מצרים מבית עבדים |
| SPוסקלתו באבנים ומת כי בקשׁ להדיחך מעל יהוה אלהיך המוציאך מארץ מצרים מבית עבדים | |
| 12 | MTוכל ישׂראל ישׁמעו ויראון ולא יוספו לעשׂות כדבר הרע הזה בקרבך |
| SPוכל ישׂראל ישׁמעו וייראו ולא יוסיפו עוד לעשׂות כדבר הרע הזה בקרבך | |
| 13 | MTכי תשׁמע באחת עריך אשׁר יהוה אלהיך נתן לך לשׁבת שׁם לאמר |
| SPכי תשׁמע באחת עריך אשׁר יהוה אלהיך נתן לך לשׁבת שׁם לאמר | |
| 14 | MTיצאו אנשׁים בני בליעל מקרבך וידיחו את ישׁבי עירם לאמר נלכה ונעבדה אלהים אחרים אשׁר לא ידעתם |
| SPיצאו אנשׁים בני בלעיל מקרבך וידיחו את ישׁבי עירם לאמר נלכה ונעבדה אלהים אחרים אשׁר לא ידעתם | |
| 15 | MTודרשׁת וחקרת ושׁאלת היטב והנה אמת נכון הדבר נעשׂתה התועבה הזאת בקרבך |
| SPודרשׁת וחקרת ושׁאלת הייטב והנה אמת נכון הדבר נעשׂתה התועבה הזאת בקרבך | |
| 16 | MTהכה תכה את ישׁבי העיר ההוא לפי חרב החרם אתה ואת כל אשׁר בה ואת בהמתה לפי חרב |
| SPהכה תכה את ישׁבי העיר ההיא לפי חרב החרים אתה ואת כל אשׁר בה ואת בהמתה לפי חרב | |
| 17 | MTואת כל שׁללה תקבץ אל תוך רחבה ושׂרפת באשׁ את העיר ואת כל שׁללה כליל ליהוה אלהיך והיתה תל עולם לא תבנה עוד |
| SPואת כל שׁללה תקבץ אל תוך רחבה ושׂרפת באשׁ את העיר ואת כל שׁללה כליל ליהוה אלהיך והיתה תל עולם לא תבנה עוד | |
| 18 | MTולא ידבק בידך מאומה מן החרם למען ישׁוב יהוה מחרון אפו ונתן לך רחמים ורחמך והרבך כאשׁר נשׁבע לאבתיך |
| SPולא ידבק בידך מאומה מן החרם למען ישׁוב יהוה מחרון אפו ונתן לך רחמים ורחמך והרבך כאשׁר נשׁבע לאבתיך | |
| 19 | MTכי תשׁמע בקול יהוה אלהיך לשׁמר את כל מצותיו אשׁר אנכי מצוך היום לעשׂות הישׁר בעיני יהוה אלהיך |
| SPכי תשׁמע בקול יהוה אלהיך לשׁמר את כל מצותיו אשׁר אנכי מצוך היום לעשׂות הישׁר והטוב בעיני יהוה אלהיך |