| 1 | MTאלה החקים והמשׁפטים אשׁר תשׁמרון לעשׂות בארץ אשׁר נתן יהוה אלהי אבתיך לך לרשׁתה כל הימים אשׁר אתם חיים על האדמה |
| SPאלה החקים והמשׁפטים אשׁר תשׁמרו לעשׂות בארץ אשׁר נתן יהוה אלהי אבתיך לך לרשׁתה כל הימים אשׁר אתם חיים על האדמה | |
| 2 | MTאבד תאבדון את כל המקמות אשׁר עבדו שׁם הגוים אשׁר אתם ירשׁים אתם את אלהיהם על ההרים הרמים ועל הגבעות ותחת כל עץ רענן |
| SPאבד תאבדון את כל המקומות אשׁר עבדו שׁם הגוים אשׁר אתם ירשׁים אתם את אלהיהם על ההרים הרמים ועל הגבעות ותחת כל עץ רענן | |
| 3 | MTונתצתם את מזבחתם ושׁברתם את מצבתם ואשׁריהם תשׂרפון באשׁ ופסילי אלהיהם תגדעון ואבדתם את שׁמם מן המקום ההוא |
| SPונתצתם את מזבחתיהם ושׁברתם את מצבתיהם ואשׁריהם תשׂרפון באשׁ ופסילי אלהיהם תגדעון ואבדתם את שׁמם מן המקום ההוא | |
| 4 | MTלא תעשׂון כן ליהוה אלהיכם |
| SPלא תעשׂו כן ליהוה אלהיכם | |
| 5 | MTכי אם אל המקום אשׁר יבחר יהוה אלהיכם מכל שׁבטיכם לשׂום את שׁמו שׁם לשׁכנו תדרשׁו ובאת שׁמה |
| SPכי אם אל המקום אשׁר בחר יהוה אלהיכם מכל שׁבטיכם לשׂים את שׁמו שׁם לשׁכינו תדרשׁו ובאתם שׁם | |
| 6 | MTוהבאתם שׁמה עלתיכם וזבחיכם ואת מעשׂרתיכם ואת תרומת ידכם ונדריכם ונדבתיכם ובכרת בקרכם וצאנכם |
| SPוהבאתם שׁמה עלתיכם וזבחיכם ואת מעשׂרתיכם ואת תרומתיכם ונדריכם ונדבתיכם ובכורת בקרכם וצאנכם | |
| 7 | MTואכלתם שׁם לפני יהוה אלהיכם ושׂמחתם בכל משׁלח ידכם אתם ובתיכם אשׁר ברכך יהוה אלהיך |
| SPואכלתם שׁם לפני יהוה אלהיכם ושׂמחתם בכל משׁלח ידיכם אתם ובתיכם אשׁר ברכך יהוה אלהיך | |
| 8 | MTלא תעשׂון ככל אשׁר אנחנו עשׂים פה היום אישׁ כל הישׁר בעיניו |
| SPלא תעשׂו ככל אשׁר אנחנו עשׂים פה היום אישׁ כל הישׁר בעיניו | |
| 9 | MTכי לא באתם עד עתה אל המנוחה ואל הנחלה אשׁר יהוה אלהיך נתן לך |
| SPכי לא באתם עד עתה אל המנוחה ואל הנחלה אשׁר יהוה אלהיכם נתן לכם | |
| 10 | MTועברתם את הירדן וישׁבתם בארץ אשׁר יהוה אלהיכם מנחיל אתכם והניח לכם מכל איביכם מסביב וישׁבתם בטח |
| SPועברתם את הירדן וישׁבתם בארץ אשׁר יהוה אלהיכם מנחיל אתכם והניח לכם מכל איביכם מסביב וישׁבתם בטח | |
| 11 | MTוהיה המקום אשׁר יבחר יהוה אלהיכם בו לשׁכן שׁמו שׁם שׁמה תביאו את כל אשׁר אנכי מצוה אתכם עולתיכם וזבחיכם מעשׂרתיכם ותרמת ידכם וכל מבחר נדריכם אשׁר תדרו ליהוה |
| SPוהיה המקום אשׁר בחר יהוה אלהיכם בו לשׁכן את שׁמו שׁם שׁמה תביאו את כל אשׁר אנכי מצוה אתכם עלתיכם וזבחיכם ומעשׂרתיכם ותרומתיכם ונדבתיכם וכל מבחר נדריכם אשׁר תדרו ליהוה | |
| 12 | MTושׂמחתם לפני יהוה אלהיכם אתם ובניכם ובנתיכם ועבדיכם ואמהתיכם והלוי אשׁר בשׁעריכם כי אין לו חלק ונחלה אתכם |
| SPושׂמחתם לפני יהוה אלהיכם אתם ובניכם ובנתיכם עבדיכם ואמתיכם והלוי אשׁר בשׁעריכם כי אין לו חלק ונחלה אתכם | |
| 13 | MTהשׁמר לך פן תעלה עלתיך בכל מקום אשׁר תראה |
| SPהשׁמר לך פן תעלה עלתיך בכל המקום אשׁר תראה | |
| 14 | MTכי אם במקום אשׁר יבחר יהוה באחד שׁבטיך שׁם תעלה עלתיך ושׁם תעשׂה כל אשׁר אנכי מצוך |
| SPכי אם במקום אשׁר בחר יהוה באחד שׁבטיך שׁם תעלה עלתיך ושׁם תעשׂה את כל אשׁר אנכי מצוך | |
| 15 | MTרק בכל אות נפשׁך תזבח ואכלת בשׂר כברכת יהוה אלהיך אשׁר נתן לך בכל שׁעריך הטמא והטהור יאכלנו כצבי וכאיל |
| SPרק בכל אות נפשׁך תזבח ואכלת בשׂר כברכת יהוה אלהיך אשׁר נתן לך בכל שׁעריך הטמא והטהור יאכלנו כצבי וכאיל | |
| 16 | MTרק הדם לא תאכלו על הארץ תשׁפכנו כמים |
| SPרק הדם לא תאכל על הארץ תשׁפכנו כמים | |
| 17 | MTלא תוכל לאכל בשׁעריך מעשׂר דגנך ותירשׁך ויצהרך ובכרת בקרך וצאנך וכל נדריך אשׁר תדר ונדבתיך ותרומת ידך |
| SPלא תוכל לאכל בשׁעריך מעשׂר דגנך תירשׁך ויצהרך ובכורת בקרך וצאנך וכל נדריך אשׁר תדר ונדבתיך ותרומות ידיך | |
| 18 | MTכי אם לפני יהוה אלהיך תאכלנו במקום אשׁר יבחר יהוה אלהיך בו אתה ובנך ובתך ועבדך ואמתך והלוי אשׁר בשׁעריך ושׂמחת לפני יהוה אלהיך בכל משׁלח ידך |
| SPכי אם לפני יהוה אלהיך תאכלנו במקום אשׁר בחר יהוה אלהיך בו אתה ובנך ובתך עבדך ואמתך והלוי אשׁר בשׁעריך ושׂמחת לפני יהוה אלהיך בכל משׁלח ידיך | |
| 19 | MTהשׁמר לך פן תעזב את הלוי כל ימיך על אדמתך |
| SPהשׁמר לך פן תעזב את הלוי כל ימיך על אדמתך | |
| 20 | MTכי ירחיב יהוה אלהיך את גבולך כאשׁר דבר לך ואמרת אכלה בשׂר כי תאוה נפשׁך לאכל בשׂר בכל אות נפשׁך תאכל בשׂר |
| SPכי ירחיב יהוה אלהיך את גבולך כאשׁר דבר לך ואמרת אכלה בשׂר כי תאוה נפשׁך לאכל בשׂר בכל אות נפשׁך תאכל בשׂר | |
| 21 | MTכי ירחק ממך המקום אשׁר יבחר יהוה אלהיך לשׂום שׁמו שׁם וזבחת מבקרך ומצאנך אשׁר נתן יהוה לך כאשׁר צויתך ואכלת בשׁעריך בכל אות נפשׁך |
| SPכי ירחק ממך המקום אשׁר בחר יהוה אלהיך לשׁכן את שׁמו שׁם וזבחת מבקרך ומצאנך אשׁר נתן יהוה לך כאשׁר צויתיך ואכלת בשׁעריך בכל אות נפשׁך | |
| 22 | MTאך כאשׁר יאכל את הצבי ואת האיל כן תאכלנו הטמא והטהור יחדו יאכלנו |
| SPאך כאשׁר יאכל את הצבי ואת האיל כן תאכלנו הטמא בך והטהור יאכלנו יחדו | |
| 23 | MTרק חזק לבלתי אכל הדם כי הדם הוא הנפשׁ ולא תאכל הנפשׁ עם הבשׂר |
| SPרק חזק לבלתי אכל הדם כי הדם הוא הנפשׁ ולא תאכל הנפשׁ עם הבשׂר | |
| 24 | MTלא תאכלנו על הארץ תשׁפכנו כמים |
| SPלא תאכלנו על הארץ תשׁפכנו כמים | |
| 25 | MTלא תאכלנו למען ייטב לך ולבניך אחריך כי תעשׂה הישׁר בעיני יהוה |
| SPלא תאכלנו למען ייטב לך ולבניך אחריך כי תעשׂה הישׁר בעיני יהוה | |
| 26 | MTרק קדשׁיך אשׁר יהיו לך ונדריך תשׂא ובאת אל המקום אשׁר יבחר יהוה |
| SPרק קדשׁיך אשׁר יהיו לך ונדריך תשׂא ובאת אל המקום אשׁר בחר יהוה | |
| 27 | MTועשׂית עלתיך הבשׂר והדם על מזבח יהוה אלהיך ודם זבחיך ישׁפך על מזבח יהוה אלהיך והבשׂר תאכל |
| SPועשׂית עלתיך הבשׂר והדם על מזבח יהוה אלהיך ודם זבחיך ישׁפך על מזבח יהוה אלהיך והבשׂר תאכל | |
| 28 | MTשׁמר ושׁמעת את כל הדברים האלה אשׁר אנכי מצוך למען ייטב לך ולבניך אחריך עד עולם כי תעשׂה הטוב והישׁר בעיני יהוה אלהיך |
| SPשׁמור ושׁמעת ועשׂית את כל הדברים האלה אשׁר אנכי מצוך היום למען ייטב לך ולבניך אחריך עד עולם כי תעשׂה הישׁר והטוב בעיני יהוה אלהיך | |
| 29 | MTכי יכרית יהוה אלהיך את הגוים אשׁר אתה בא שׁמה לרשׁת אותם מפניך וירשׁת אתם וישׁבת בארצם |
| SPכי יכרית יהוה אלהיך את הגוים אשׁר אתה בא שׁם לרשׁת אתם מפניך וירשׁת אתם וישׁבת בארצם | |
| 30 | MTהשׁמר לך פן תנקשׁ אחריהם אחרי השׁמדם מפניך ופן תדרשׁ לאלהיהם לאמר איכה יעבדו הגוים האלה את אלהיהם ואעשׂה כן גם אני |
| SPהשׁמר לך פן תנקשׁ אחריהם אחרי השׁמידם מפניך ופן תדרשׁ לאלהיהם לאמר איך יעבדו הגוים האלה את אלהיהם ואעשׂה כן גם אני | |
| 31 | MTלא תעשׂה כן ליהוה אלהיך כי כל תועבת יהוה אשׁר שׂנא עשׂו לאלהיהם כי גם את בניהם ואת בנתיהם ישׂרפו באשׁ לאלהיהם |
| SPלא תעשׂה כן ליהוה אלהיך כי את כל תועבת יהוה אשׁר שׂנא עשׂו לאלהיהם כי גם את בניהם ואת בנתיהם ישׂרפו באשׁ לאלהיהם |