| 1 | MTואהבת את יהוה אלהיך ושׁמרת משׁמרתו וחקתיו ומשׁפטיו ומצותיו כל הימים |
| SPואהבת את יהוה אלהיך ושׁמרת משׁמרתו חקתיו ומצותיו ומשׁפטיו כל הימים | |
| 2 | MTוידעתם היום כי לא את בניכם אשׁר לא ידעו ואשׁר לא ראו את מוסר יהוה אלהיכם את גדלו את ידו החזקה וזרעו הנטויה |
| SPוידעתם היום כי לא את בניכם אשׁר לא ידעו ואשׁר לא ראו את מוסר יהוה אלהיכם את גדלו ואת ידו החזקה ואת זרועו הנטויה | |
| 3 | MTואת אתתיו ואת מעשׂיו אשׁר עשׂה בתוך מצרים לפרעה מלך מצרים ולכל ארצו |
| SPאת אתותיו ואת מעשׂיו אשׁר עשׂה בתוך מצרים לפרעה ולכל ארצו | |
| 4 | MTואשׁר עשׂה לחיל מצרים לסוסיו ולרכבו אשׁר הציף את מי ים סוף על פניהם ברדפם אחריכם ויאבדם יהוה עד היום הזה |
| SPואשׁר עשׂה לחיל מצרים לסוסיו ולרכבו אשׁר הציף את מי ים סוף על פניהם ברדפם אחריכם ויאבדם יהוה עד היום הזה | |
| 5 | MTואשׁר עשׂה לכם במדבר עד באכם עד המקום הזה |
| SPואשׁר עשׂה לכם במדבר עד באכם עד המקום הזה | |
| 6 | MTואשׁר עשׂה לדתן ולאבירם בני אליאב בן ראובן אשׁר פצתה הארץ את פיה ותבלעם ואת בתיהם ואת אהליהם ואת כל היקום אשׁר ברגליהם בקרב כל ישׂראל |
| SPואשׁר עשׂה לדתן ולאבירם בני אליאב בן ראובן אשׁר פצתה הארץ את פיה ותבלעם ואת כל האדם אשׁר לקרח ואת בתיהם ואת אהליהם ואת כל היקום אשׁר ברגליהם בקרב כל ישׂראל | |
| 7 | MTכי עיניכם הראת את כל מעשׂה יהוה הגדל אשׁר עשׂה |
| SPכי עיניכם הראות את כל מעשׂה יהוה הגדול אשׁר עשׂה | |
| 8 | MTושׁמרתם את כל המצוה אשׁר אנכי מצוך היום למען תחזקו ובאתם וירשׁתם את הארץ אשׁר אתם עברים שׁמה לרשׁתה |
| SPושׁמרתם את כל המצוה אשׁר אנכי מצוה אתכם היום למען תחזקו ובאתם וירשׁתם את הארץ אשׁר אתם באים שׁמה לרשׁתה | |
| 9 | MTולמען תאריכו ימים על האדמה אשׁר נשׁבע יהוה לאבתיכם לתת להם ולזרעם ארץ זבת חלב ודבשׁ |
| SPולמען תאריכון ימים על האדמה אשׁר נשׁבע יהוה לאבתיכם לתת לזרעם ארץ זבת חלב ודבשׁ | |
| 10 | MTכי הארץ אשׁר אתה בא שׁמה לרשׁתה לא כארץ מצרים הוא אשׁר יצאתם משׁם אשׁר תזרע את זרעך והשׁקית ברגלך כגן הירק |
| SPכי הארץ אשׁר אתם באים שׁמה לרשׁתה לא כארץ מצרים היא אשׁר יצאתם משׁם אשׁר תזרע את זרעך והשׁקית ברגליך כגן הירק | |
| 11 | MTוהארץ אשׁר אתם עברים שׁמה לרשׁתה ארץ הרים ובקעת למטר השׁמים תשׁתה מים |
| SPוהארץ אשׁר אתם עברים שׁמה לרשׁתה ארץ הרים ובקעות למטר השׁמים תשׁתה מים | |
| 12 | MTארץ אשׁר יהוה אלהיך דרשׁ אתה תמיד עיני יהוה אלהיך בה מרשׁית השׁנה ועד אחרית שׁנה |
| SPארץ אשׁר יהוה אלהיך דרשׁ אתה תמיד עיני יהוה אלהיך בה מראשׁית השׁנה ועד אחרית השׁנה | |
| 13 | MTוהיה אם שׁמע תשׁמעו אל מצותי אשׁר אנכי מצוה אתכם היום לאהבה את יהוה אלהיכם ולעבדו בכל לבבכם ובכל נפשׁכם |
| SPוהיה אם שׁמע תשׁמעו אל מצותי אשׁר אנכי מצוה אתכם היום לאהבה את יהוה אלהיכם לעבדו בכל לבבכם ובכל נפשׁכם | |
| 14 | MTונתתי מטר ארצכם בעתו יורה ומלקושׁ ואספת דגנך ותירשׁך ויצהרך |
| SPונתן מטר ארצך בעתו יורא ומלקושׁ ואספת דגנך תירשׁך ויצהרך | |
| 15 | MTונתתי עשׂב בשׂדך לבהמתך ואכלת ושׂבעת |
| SPונתן עשׂב בשׂדך לבהמתך ואכלת ושׂבעת | |
| 16 | MTהשׁמרו לכם פן יפתה לבבכם וסרתם ועבדתם אלהים אחרים והשׁתחויתם להם |
| SPהשׁמרו לכם פן יפתה לבבכם וסרתם ועבדתם אלהים אחרים והשׁתחויתם להם | |
| 17 | MTוחרה אף יהוה בכם ועצר את השׁמים ולא יהיה מטר והאדמה לא תתן את יבולה ואבדתם מהרה מעל הארץ הטבה אשׁר יהוה נתן לכם |
| SPוחרה אף יהוה בכם ועצר את השׁמים ולא יהיה מטר והאדמה לא תתן את יבולה ואבדתם מהר מעל הארץ הטובה אשׁר יהוה נתן לכם | |
| 18 | MTושׂמתם את דברי אלה על לבבכם ועל נפשׁכם וקשׁרתם אתם לאות על ידכם והיו לטוטפת בין עיניכם |
| SPושׂמתם את דברי אלה על לבבכם ועל נפשׁכם וקשׁרתם אתם לאות על ידיכם והיו לטטפות בין עיניכם | |
| 19 | MTולמדתם אתם את בניכם לדבר בם בשׁבתך בביתך ובלכתך בדרך ובשׁכבך ובקומך |
| SPולמדתם אתם את בניכם לדבר בם בשׁבתך בבית בלכתך בדרך בשׁכבך ובקומך | |
| 20 | MTוכתבתם על מזוזות ביתך ובשׁעריך |
| SPוכתבתם על מזזות בתיך ובשׁעריך | |
| 21 | MTלמען ירבו ימיכם וימי בניכם על האדמה אשׁר נשׁבע יהוה לאבתיכם לתת להם כימי השׁמים על הארץ |
| SPלמען ירבון ימיכם וימי בניכם על האדמה אשׁר נשׁבע יהוה לאבתיכם לתת להם כימי השׁמים על הארץ | |
| 22 | MTכי אם שׁמר תשׁמרון את כל המצוה הזאת אשׁר אנכי מצוה אתכם לעשׂתה לאהבה את יהוה אלהיכם ללכת בכל דרכיו ולדבקה בו |
| SPכי אם שׁמר תשׁמרון את כל המצוה הזאת אשׁר אנכי מצוה אתכם היום לעשׂותה לאהבה את יהוה אלהיכם ללכת בכל דרכיו ולהדבקה בו | |
| 23 | MTוהורישׁ יהוה את כל הגוים האלה מלפניכם וירשׁתם גוים גדלים ועצמים מכם |
| SPוהורישׁ יהוה את כל הגוים האלה מלפניך וירשׁתם גוים גדלים ועצמים ממך | |
| 24 | MTכל המקום אשׁר תדרך כף רגלכם בו לכם יהיה מן המדבר והלבנון מן הנהר נהר פרת ועד הים האחרון יהיה גבלכם |
| SPכל המקום אשׁר תדרך כף רגלכם בו לכם יהיה מן המדבר והלבנון ומן הנהר נהר פרת ועד הים האחרון יהיה גבולכם | |
| 25 | MTלא יתיצב אישׁ בפניכם פחדכם ומוראכם יתן יהוה אלהיכם על פני כל הארץ אשׁר תדרכו בה כאשׁר דבר לכם |
| SPלא יתיצב אישׁ לפניכם פחדכם ומראכם יתן יהוה אלהיכם על פני כל הארץ אשׁר תדרכו בה כאשׁר דבר לכם | |
| 26 | MTראה אנכי נתן לפניכם היום ברכה וקללה |
| SPראה אנכי נתן לפניכם היום ברכה וקללה | |
| 27 | MTאת הברכה אשׁר תשׁמעו אל מצות יהוה אלהיכם אשׁר אנכי מצוה אתכם היום |
| SPאת הברכה אשׁר תשׁמעון אל מצות יהוה אלהיכם אשׁר אנכי מצוה אתכם היום | |
| 28 | MTוהקללה אם לא תשׁמעו אל מצות יהוה אלהיכם וסרתם מן הדרך אשׁר אנכי מצוה אתכם היום ללכת אחרי אלהים אחרים אשׁר לא ידעתם |
| SPוהקללה אם לא תשׁמעון אל מצות יהוה אלהיכם וסרתם מן הדרך אשׁר אנכי מצוה אתכם היום ללכת אחרי אלהים אחרים אשׁר לא ידעתם | |
| 29 | MTוהיה כי יביאך יהוה אלהיך אל הארץ אשׁר אתה בא שׁמה לרשׁתה ונתתה את הברכה על הר גרזים ואת הקללה על הר עיבל |
| SPוהיה כי יביאך יהוה אלהיך אל הארץ אשׁר אתה בא שׁמה לרשׁתה ונתתה את הברכה על הרגריזים ואת הקללה על הר עיבל | |
| 30 | MTהלא המה בעבר הירדן אחרי דרך מבוא השׁמשׁ בארץ הכנעני הישׁב בערבה מול הגלגל אצל אלוני מרה |
| SPהלוא הם בעבר הירדן אחרי דרך מבוא השׁמשׁ בארץ הכנעני הישׁב בערבה מול הגלגל אצל אלון מורא מול שׁכם | |
| 31 | MTכי אתם עברים את הירדן לבא לרשׁת את הארץ אשׁר יהוה אלהיכם נתן לכם וירשׁתם אתה וישׁבתם בה |
| SPכי אתם עברים את הירדן לבוא לרשׁת את הארץ אשׁר יהוה אלהיכם נתן לכם וירשׁתם אתה וישׁבתם בה | |
| 32 | MTושׁמרתם לעשׂות את כל החקים ואת המשׁפטים אשׁר אנכי נתן לפניכם היום |
| SPושׁמרתם לעשׂות את כל החקים ואת כל המשׁפטים אשׁר אנכי נתן לפניכם היום |